يالله العالم وين وانتي وين
بالله اذا هذا مو دلع وش تسمينه؟؟
يابنت الحلال انتي من اول ايامك معه اعطيتيه الزبدة عن شخصيتك
مو لهالدرجة عاد اقعلي
لو اقولك ع زواجي تبكين تقولي احد مات
احمدي ربك دخلتي كوشه غيرك مادخل
في احد رومنسي هالحزه؟
علموني وشهي الرومنسيه بالله
لا تشدي اعصابك من اولها عشان لايشدها عليك طول عمرك وراح فعلا تعرفين معنى الندم
الله يصلحك شفت اكتئاب دخلت وانتي مافيك الا العافيه

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

شوفو انا يمكن صغيرة ومدلعة وجاهلة قولو كل شي عني
بس ما دخلت هنا الا عشان اتعلم والحمدلله ماني عبيطة واستمر على الغلط بالعكس زي مشكلتي الاولى لمن شفت تعليقاتكم وعرفت اني غلطانة طبقت بنصائحكم واستمرت حياتي
مكتئبة وتعبانة لان هذي حياة ابدا ما تعودتها ولا شفتها من حولي دايما اسمع البنات وقصصهم عن بداية الزواج وعن الفترات الحلوة وانقهر لمن ما تصير عندي بس ما اقعد طول عمري منكدة على نفسي احاول اعديها ولو كدا ما دخلت عندكم انا اشوف تعليقاتكم ونصحايحكم واطبق في حياتي اتعلم منكم ويمكن عشاني صغيرة واقعد اتخيل كيف راح تكون حياتي مع شريكي ورمنسية وهدايا وكلنا نعرف انه كلام فاضي ماله اي واقع ومستحيل تصير الا في الافلام عشان كدا جاية اتعلم هنا واستفيد
بس اذا شفتو اني ضيفة ثقيلة ما عندي مانع قفلو الموضوع
احسن من انكم تجرحو بالكلام ولا وصلو لي خبر ووعد معد ادخل مرة ثانية وازعجكم والي ساعدتني منكم الله يجزاها خير

الي اعرفه بالمدينة الكوشة والمصورة واحيانا الدقاقه والحلويات على العروس
ا

حبيبتي ريمو..

رغم إنّي معاك انه الوحدة فينا تتمنى تكون ليلة العمر عندها أحلا ليلة لأننا عايشين بمجتمع يحب المظاهر ما نقدر نفصل نفسنا عنه لكن كلام الناس ما يخلص هذا اولا .. وثانيا والاهم علمتنا الحياة انه مو هنا السعادة
والله السعادة انك تلقي شخص بالحياة يخاف ربي فيك ويؤدي حقوقه..

يا بنتي انا من ملكه لملكه ومن خطوبة لخطوبة ومن زواج لزواج أدور رومنسيه وإحتواء..
كنت أفكر الزواج دلع .. احضان .. رفاهية .. تغيير جو ...

لكن كلام المسلسلات شي والواقع شيء مختلف تماماً ..
الزواج تنااااازل ... مسؤولية .. رضا بالقضاء والقدر ..
دلع بيت الماما انسيه تماماً زي ما انا بدأت أنساه ..
الزواج انا اعتبره جهاد للنفس .. تلف للأعصاب بالذات للحساسيين واللي ما ينقال لهم كلمة لا ببيت أهلهم ...

شوفيني خير مثال ..
الأربعة الشهور الاولى كلها نكد .. بس ابكي واندب حظي ..
كل مشكلة أقول طلقني ..
كل مشكله الم شنطتي ..
بس انا إنسانه ابغى أعيش وشايفه انه في خلل بالعلاقه وانه مو هذا الزواج وانه لازم اتغير انا للأفضل علشان أغير من طباع زوجي اللي ما كانت تعجبني ..

وهذي انا جالسه أسعى للتغيير وضغطت ع نفسي وتغيرت نسبيا وهو لاحظ هذا الشي ..
تغيرت علشانه ع حساب نفسي .. ليش ! علشان ابغى زواجي يستمر وعلشان خلاص لمتى والواحد يفشل بحياته ..


ريمو ..
ان استمريتي ع دلعك مع الأيام راح ينفر منك .. وان صار وتركك حتى لو مازلتِ بنت وقتها الناس راح تتكلم فمافي شي يسوى تجيبي لنفسك عليه الكلام ...
من اليوم تبحثي عن ايجابياتك وارفعي مستواها اكثر .. وابحثي عن الخلل والسلبيات بشخصيتك وقوّمي المعوّج منها ..

بالنسبة لليلة الدخلة .. صح هو خوف وان قلتِ غير كذا ما صدقناك ...
لكن خلاص مافيها .. ليه اتزوجتي يختي ما تدري انه فيه كذا <<< هههه امزح
اليوم تسوي له جو بسيط .. إضآءة خافته .. او شموع .. لبس حلو .. عطر مدري ايش
وتقولي له بواجه خوفي بس ساعدني .. قولي له انت احترمت خوفي وانا احترمت صبرك عليا وهذا انا اقدمني لك بس أبغاك تطمني وتبعد الخوف عن قلبي قبل اي شي وابغاك تصبر عليا ان فشلت وتتأكد اني من داخلي ابغى هذا الشي بس من كل قلبي أتمنى تتغلب ع خوفي .. بكذا راح يعرف انك مقدّره صبره وتحننيه عليك علشان ما يعصب ان ما صار ..
وانتِ تحملي ترى والله الألم نفسي ولا ترى مافي شي .. استرخي وكل الأمور تكون بخير

يا رب تكوني استفدتي من كلامي لو بحرف .. واسأل الله انه يصلحك ويسسر أمورك ويوفقك بحياتك يا أحلا عروس ..

خذي بكلام الاخت منفردة ما شاء الله مقنع وواقعي

__________________
· خير ما أتمنى في الوجود دعائك لي عند السجود ومرافقتك في جنةالخلود

متابعة موضوعك من بدايته وماحبيت أعلق ، بس لما قلتي اللي جرب هو الوحيد اللي بيحس فيني قلت أكيد تقصديني ..
أنا جربت مثلك .. لا مهر عدل ولا عرس عدل ولا شهر عسل عدل، بس أنا ماحسيت بالضيم إلا بعد فترة كنت غرقانة في حبه وبعدين حسيت انه ظلمني وما عطاني حقي مثل باقي البنات .. وأنا ظلمت نفسي وماتكلمت .. وأبوي ظلمني وامي ظلمتني شافوني طلعت من عندهم برخيص ولا تكلموا ..
بعدين ياما بكيت على فراشي بدون صوت لما أتذكر عرسي اللي كان يفشل واقول ياليتني ماسويت عرس أساسا كان أبرك.. وياما بكيت وأنا تذكر ال5 ليالي اللي قضيتها مريضة بشهر العسل ب(دبي) وأنا كان حلمي أوروبا أو ماليزيا اسبوعين .. وياما بكيت بعد رجوعي من حفلات الزواج .. وياما وياما ..
بصراحة شي يزعل .. لكن مايوصل لدرجة أنك تتركينه وتزعلين وتفكرين بالطلاق ..
بعد سنين زوجي عوضني .. ومازال يحاول تعويضي بالسفر وغيره يمكن لأنه الآن شعر بتقصيره بأول زواجنا على الرغم من مقدرته.. الحمدلله ..

هلا بعروستنا نور المنتدى والله
يابنت لا تزعلي ولا تأخذي على خاطرك
ونصيحة لك
المنتدى جداً رائع يفيدك في حياتك الزوجيه
ولو احد قسي عليك بالكلام فالمصلحتك يا ريمو
والله يوفقك في حياتك ويسعدك
ولازم تتقبلي النقد وتسمعي جميع الآراء وخذي منها الي يناسبك

__________________
ريم نواف سابقا

عزيزتي ريمو ..

اعلم ما تشعرين به ومن حقك كاي عروس ان تشعري بجمال ايام زواجك
وما يليها لكنك قد حرمت هذا الشعور بسبب عدم فهم زوجك لاهميته لك ، وما اكثر
الرجال الذي يجهلون اهمية هذه الفترة في حياة الفتاة وكيفية التعامل معها ..

فاتك الحصول على زواج جميل ، وشهر عسل اجمل ، لكن لم يفتك كل شيء عزيزتي ..
لا زلت عروسا لم تكملي الشهر ، وامامك فرصة تبدئين فيها بوضع اهم اسس التعامل المستقبلي
بينك وبين زوجك واهمها : المصارحة ..

تقدمت خطوة الى الامام حين عدت الى منزلك ، الخطوة التالية هي المصارحة
ان توضحي له باسلوب عفوي وصادق انك قد تضايقت من حفل زواجك وعدم سفرك
وانك تقولين له هذا الكلام لانك تثقين في حسن تقديره وتفهمه لك وتتمنين ان يختار هو وقتا قريبا
تسافران فيه سويا لدولة تتفقان عليها وتعدينه انك لن تثقلي عليه كثيرا وستراعين ظروفه خصوصا
مع علمك ان هذا حق له ، اوضحي ايضا انه من الافضل ان تتم ترتيبات السفر خلال الشهور
القادمة قبل ان تحملي وتصعب حركتك ولكي تهنئان سويا بايام لا تنسونها سويا ..

هل راقت لك الفكرة عزيزتي ؟

__________________



احيانا يجب ان نفقد ذواتنا كاملة لكي نستعيدها كاملة ...

ابتكار للنكد كل موضوعك
اصلح الله شأنك

مبروك ياعروسه وليش النكذ على نفسك
يمكن اختصار الفرح خيره لك من اعين الحاسدين
وزوجك كريم ويحبك
وعليك بالاستعجال بالدخله وبعدها سوف تشعرين انكما اوزاج حقيقين سعداء
حفظم الله ورزقكم الذرية الصالحة

__________________
يارب ابدل حزني فرحا وسرورا وابدل مرضي صحة وعافيه ياكريم