السلام عليكم ورحمة الله وبركاته

هذي الايام بس اكتب مواضيع عندكم
يله تتسلون في الحجر😂

المهم يا اخوني واخواتي
الان عندي عرضين في موقع مودة
ومحتاره بينهم
وكلهم حلوين الى الان

الى الان مجرد تعارف
(واحد منهم بغى يسأل اسئله خاصه
فقلت له بتشوفني في الشوفه الشرعيه)
ومدري اذا زعل او لا)
انا اخذت بنصيحتكم اني ما افتح مجال
للأسئله الخاصه

والاخر ما سألني اي سؤال خاص او محرج
وكلهم اغنياء


المهم نجي للأول
متزوج وله ابناء في الجامعه
عمره 48
ساكن في الرياض
مرح في كلامه (مزوحي)
محاضر في جامعه في الرياض
ومستشار مالي
قال بستخير وارد عليك

واليوم رد عليه
انه مستعد يستأجرلي بيت
في مدينتي (الطائف)
ويجيني كل اسبوع وفي الاجازات الطويله ورمضان
زواج معلن ومن حقي اجيب عيال

كاتب في بياناته انه يريد وحده مرحه محبه للسفر
داخليا وخارجيا
يقولي ابغى كل ما جيتك القاك متزينه
كأنك رايحه مناسبه
يحب السفر والطلعات
(كوفيهات ومطاعم )مع الزوجه
كاتب الافضل تكون موظفه حتى تشغل نفسها
قلتله بترك الوظيفه قال عادي وابشري بالعوض
رديت عليه ما تقدر اعيش معك في الرياض؟
وباقي ما رد عليه.



( الثاني )
مطلق
عنده بنت
عمره 45
وكيل مدرسه
وله اعمال اخرى خاصه بالعقار
لهم اعمال في مصر خاصه بابوه
ساكن في نفس مدينتي
وعنده بيت ملك في الطايف
وبيت في الشرقيه وبيت في مصر

بيته فله وقريب من بيت اهلي
يروح كل سنه مصر شهرين
يقول اعمال الوالد هناك
متفتح يحب ان الزوجه تحضر معه مباريات
وحفلات غنائيه ومطاعم وكفيها
(تقريبا نفس الاشياء بينهم مشتركه)

سبب الطلاق
تدخلات امها بينهم وافشائها لاسرارهم
وفشلها في العلاقه العاطفيه بينهم
ما فصل قال كذا بس
قلت هل بترجعها ؟؟ قال مستحيل

قلتله ليش ما تخلي اخواتك يدورولك
قال مستحيل اكرر الغلطه انا دور بنفسي


رأيكم ومشورتكم؟؟
واذا عندكم اي اسئله ممكن اسئلها لهم؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

بصراحة أشوف الثاني مناسب أكثر شيء لأنه غير مرتبط الآن وبنفس مدينتك بعد مايحتاج تتركين وظيفتك عشان تنتقلين معه لمكانه.
ولا تستعجلين بهالأمور المصيرية، حتى لو يجي يشوفك شوفة شرعية اسألوا عنهم كويس بعد .

هذا هو اللي كان بيسألني عن اشياء خاصه
ومن يوم رفضت والرجال ملتزم الصمت😂
مدري يبغون الوحده تقل حياها عشان تعجيهم ولا ايش!!
الاول ما سئلني اي سؤال خاص ابدا


ايضا قلتله احلف انك مطلق
(لان بعضهم يقول مطلق وهو متزوج عشان ما يرفضونه)
ما حلف قال ما يحتاج احلف ثقي اني قلت الصدق
طيب اش بتخسر تحلف دامك صادق!!!!

ايضا اثناء حديثنا
قالي انتي باين عليك طيبه وصادقه
انتبهي من اي احد كذاب لابد من التريث انا او غيري
يا ترى ليش قال هالكلام؟؟!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

برأيي الاول اكثر جدية

الثاني تصرفاته واسئلته مريبة شوي ولو انه في النهاية صعبتي عليه ونصحك نصيحة صادقة ؟!

وعليكم السلام ورحمة الله وبركلته
ااااه من الحجر الصحي الممل
الله يرفع عنا البلاء عاجلا


اما بالنسبة للسؤال الاول مستقر في حياته يريد التجديد والسؤال بعد مدة هل يبقى على وعده ويبقى يجي عندك

في رايي استخيري في الثاني وشوفي
لانه ناوي يستقر

والله يجيب الي فيه الخير

وعليكم السلام ورحمة الله وبركلته
ااااه من الحجر الصحي الممل
الله يرفع عنا البلاء عاجلا


اما بالنسبة للسؤال الاول مستقر في حياته يريد التجديد والسؤال بعد مدة هل يبقى على وعده ويبقى يجي عندك


في رايي استخيري في الثاني وشوفي
لانه ناوي يستقر

والله يجيب الي فيه الخير

الخياراات إلى الآن مش مشجعة لا الأول ولا الثاني والأفضل تركهم كلهم إلا في حالات بذكرها لك .. لكن مادام طلبت الاختيار بينهم فاقول
كنت بكون مع الثاني بلا نقاش بس لما قلت متفتح و و هنا أتوقف . ترى ماهي ميزة إن الرجل ياخذ زوجته لحفلات ومباريات إلا هذي سقطة شنيعة شنيعة في الرجولة كيف يرضى زوجته معه وفوق منها رجال وبجنبها رجال ونظرات رجال و و وقرف ما تدري أيهم يغثك أول . ولو سلم منها أو أنت ترفضي ما تروحي لحفلات مختلطة ومباريات فتوكلي على الله وعلى الثاني ، بعد ما تتأكدي من شغلة وهي كيف محافظته على صلاته ودينه وأفكاره حطي في بالك من أشباه الرجال اللي يريد متفتحة وهو يقصد متحررة . وإن كان في الظاهر إن تدينه ورجولته ما تجي 30 % والأول مبدئيا ممتاز بشرط إن كان ما يمانع بوجودك في الرياض فاختاريه فهو على الأقل دينيا أفضل منه ( حسب الظاهر ) وفي كل الأحوال لا تتركي وظيفتك حتى لو ضحيتي فيهم .. فممكن يطلقك أو يموت وش بيكون موقفك وقتها .

ملاحظة : لا تصدقي الوعود كثير

__________________

الثاني راح خلاص
يقول ابوه رفض يوم قلتله تشتغل في مستشفى!!
وين المنفتح واللي يبغى منفتحه واهلها منفتحين😂

شر البلية ما يضحك!
قلتله خلاص وطاعة ابوك واجبه
رح خله يزوجك وحده من الديره🙂

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

والله مليييييت من الحجر
لدرجة احيانا ابكي
كنت افرفر بسيارتي واروح عن نفسي
الحين صكه😢

خلاص راح الثاني مع اني كنت اميل له
والحمد لله على كل حال

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

خلاص راح الخيار الثاني
حتى انا كنت مستغربه الحاحه على موضوع الانفتاح
حتى سأل عن اهلي منفتحين ولا لا!!
شي مريب صراحه!!

بقي الاول
اليوم رد على سؤالي اذا يقدر يسكني عنده في الرياض؟
قال:
" ابغى اكون اسره في الطائف
ويكون لاسرتنا مكان فيها "
ودي اصدق🤷‍♀

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )