السلام والرحمه
الله يسلمج ويسلم غاليج غناتي ..
عسى عينج مااذوق الحزن فديتج انا بالف خير ووضعي حلو الحمدلله
الوظيفه حاليا ماباها لين مايتخرج خليفه فديته من الثانويه واما الزواج حطيت اكس احمر عليه لااباه ولاأبا طاريه حلوة الحياه بدون قيود
مااحب اكون تحت حكم حد او أحد يقولي سوي جي ولاتسوين جي وضعي مقتنعه منه ..


بالنسبه لخليفه ياعمري السبب اللي جبرني مااسافر مع ذياب وخليفه وأختيه لأني متاكده اني مستحيل ارجع من غيره قلبي ماراح يطاوعني انا حتى المطار ماوصلتهم وادعتهم من البيت
طيارتهم كانت على الساعه وحده من مطار دبي سافروا بحفظ الله.. خليفه فديته كان قاعد عندي الظهر جان يقولي شو تبيني اشتريلج من لندن .. جان اقوله حبيبي كل اللي اباه تتصل فيني اول ماتوصل ومابا عليك شي .. تخيلي قبل لايطلع ماسكه عمري من الصياح شوي وابا انفجر من الصياح واخوي ذياب واختيه يضحكون ويطنزون عليا احر ماعندي أبرد ماعندهم طبعن يتغشمرون .. ((بس عشان مصلحه خليفه بدوس على قلبي ))
فديته وفديت ريحته يوم ركب سياره معاهم وانا موب في لساني غير ( صبروا خلني اتاكد يمكن نسينا شي ) وواختيه احتشرت عليا تقول اسبوعين والله اسبوعين موب ثلاث شهور بيسير عنج ) وذياب يقولي يا (روضه والله اول مانوصل بنفتحله حساب وأنتي ما خليتي بنطلون من بنطالين خليفه الا وحطيتي فلوس في جييهم توكلي على الله واخوج بحفظ الرحمن )) جان يقول خليفه (( روضه والله مانسينا شي ))

عاد الله لا يراويج حالتي يوم خلى البيت من خليفه وطيفه بس والله أي شي فيه مصلحه خليفه راح اسويه .. .
حتى اسبوع عيد الاتحاد يوم لزم يسافر بروحه مع اني كنت رافضه بس انجبرت اوافق لاني مابا أقوله (لا) أباه يتخذ قرارته بنفسه عن قناعه ماباه يسمع مني كلمه( لا) وبعدين كان متواصل مع عمران ربيعه ولد العايله في الماسن و على (ديف/ ديفيد) بريطاني الاصل هالولد ولد جيرانهم أكبر عن خليفه بسنه خليفه كان يسولف عنهم دايمن ..


ودعواتج الغاليه عسى ربي يحفظلج غاليج واشكركج من كل قلبي على سؤالج عني
صدق اللي قال رب أخ لم تلده أمك .. والسموحه