أختي أنا لما أنخطبت نصحتني خالتي نصيحة ما أنساها ..
قالت لي ..
زوجك لا تخلينه ينام وهو زعلان ..
إذا إنتي غلطتي عليه أو زعلتيه أعتذري له قبل النوم ..
وإذا هو غلط عليك أو زعلك أعتذري له قبل النوم ..


مش أعتذار بمعنى اعتذار أنا آسفة وحقك علي وسامحني ..
لا ..
لكن تروحين عنده وتكلمينه بلطف وبحب ..
تجيبين له كاس عصير مع ابتسامة ..
تعملين له مساج في ظهره ..
حتى لو كنتي زعلانة ..
أنسي زعلك وعدي الموضوع وتخيلي إنه اعتذر وإنك سامحتيه ..

ترى اعتذار الرجل واعترافه بالخطأ صعب جدا عليه ..
مو مثل المراة ..
فلا تنتظرين يجيك يعتذر بعد كل مرة يغلط فيها ..

الله يهداك ..
شفنا اللي أكبر .. ونسينا .. أو تناسينا ..
والحمد لله حياتنا ماشية والدنيا مستمرة ..

اسمحيلي اختي بس تصرفك كان خاطىء...

المفروض لما اتكلمينه .. اتكلمينه عادي.. واذا فتح الموضوع تتدلعين واتحسسينه بالذنب .. مو اتهدين عليه بهالطريقه .. اكيد بيعصب وبيطلعك مريضة ..

بقولك موقف مرة حصللي مع زوجي.. وان شاء الله ابدا مايتكرر..
كنت امر بفترة مشاكل.. وزوجي غلط معاي كثير بهالفترة .. وانا سكت سكت .. وجت لحظة الانفجار.. وانفجرت عليه بطريقة غلط .. مع انه هو الغلطان .. بس انا اسلوبي كان ناشف وقاسي .. وغلط علي.. وقال لي شوفيك انتي مجنونه؟ خلاني اعصب اكثر.. ومادري شو قلت وبعدين سكرت الخط ..

كلمته بعدين .. عادي ... وطبعا هو فتح الموضوع ..تدلعت عليه .. خليته يحس بالذنب وبعدين انا اتاسفت له ..

واصلا انا مو بطبعي .. الجفاف بالكلام .. دايما اتدلع عليه .. ووالله ماتصدقين اشكثر... لمحته يطالع البنات .. لكن اطوفها مو لانه هالشي عادي.. بس يالغالية لانك ماتدرين شو يدور براسه ..

الحين يالغالية .. اذا ماتقدرين تتصلين فيه عشان كرامتك .. ارسلي له مسج .. اعادة ارسال .. فيه كم كلمة عتاب.. اكيد بيرد عليك ...واذا مارد .. ارسلي مسج انتي كاتبته فيه كم كلمة عتاب.. مثلا قولي انا اتصلت عشان ننسى الي صار.. بس انت فتحت الموضوع .. وبيرد عليك .. شوي شوي لحد ماتهدى النفوس..

هذا زوجك ... والطلاق مو سهل..

انا مشاكلي على قد شعر راسي.. واغلاطي واغلاطه لا تعد ولا تحصى ... لكن قررنا نفتح صفحة جديدة .. انا بصوب وهو بصوب صارلنا سنة .. الا كم يوم ...

اتعلمت كثير.. باني لازم اضحي.. ومادقق على كل صغيرة ..

عشان بيجي يوم وبيلاحظ عليك كم شي.. وبيطوف لك اياهم .. لا تصيرين كذا...

نصيحة من اخت مرت بظروف ومشاكل كثيرة وتتمنى اليوم قبل بكره ترجع لزوجها..

صدقيني يالغلا هالزعل هذا بيصير ذكرى يمكن حلوة اذا عالجتي المشكله صح ...

وياحلاة العلاقة الزوجيه .. بعد الصلح من اروع مايكون ..

وبعدين يالغلا مو كل زوج بعد النفاس يقترح اتسافرون برا اتغيرون جو ... ترا هالاقتراح هذا بس نعمة ..

طوفي حبيبتي طوفي.. عشان تستمرون مع بعض... انتي وزوجك وعيالك ..

وبشرينا حبيبتي..

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

ليه ذا كله علشان ناظر فيها وكان بحاله صعبه ومحتاج طيب كيف لو خانك اعوذبالله

لو تحبينه تنسين كل شي واذا ماتحبينه ولاتعزينه لاتعذبينه معاك

اما بخصوص الرساله انا كنت افضل انك تنتظرين كم يوم لين يهدا الوضع وتقابلينه احسن مع اني قلتلك لو ارسلتي له الحين مراح يرد عليك انسي يرد عليك الحين بيثقل عليك طبعا خليه يمون يثقل مثل مايبي المهم انك يرجع كل شي طبيعي بدون تمثيل منك وانها فتره مابعد النفاس وكذا تكون الحاله النفسيه عطي نفسك وقت
اهم شي يرجع الحب مثل قبل وتتركين نضراتك ولومك له وتحبينه من كل قلبك وارمي كل شي وراك ولا لاتعذبينه معاك

والله انتي مرررررررررررررررررررررررررره مكبره الموضوع حبيبتي اللي يحب لازم يضحي ويســــــــــــــــــــــــــــــــــــــــــــامح
لايكون قلبك اسود وبعدين من خلال كلامك فهمت انه اول مره يسوي كدا وهي غلطه سبحان الله ربك غفور رحيم
وانتي ماتبغي تسامحي!!!!!!!!!!
مافي كرامه بين الزوجين كلميه وتدلعي عليه وقوليله كل هذا الكلام البايخ عشان انا احبك واغير عليك وهو اكيد حيلين لانه اصلا بيحبك ومشتاقلك
بس لاتنسينا ساعه الصلح تراها احلى ساعة

ماراح تنحل المشكلة وإنتِ معصبــة !

قومي توضي وهدّي أعصابك وصلي ركعتين وأذكري الله

بعدها راح تعرفين كيف تتصرفين بطريقة تريحك وتريح زوجك

الله يسخركم لبعض .

يا اختي والله قلبي مو اسود بس احس شي فيني كا انثى انخدش واكيد قريتي لما كلمته وش صار ورجعت بعدها ارسلت كني مو صاحيه

اختي ما بيرد الحين صدقيني ولا بكره
بس اتمنى لعد تسوين الخطوه الأهم تدعين الله بركعتين
انتي توددي له
وصدقيني يبحك ما في زوج يكافا زوجته بسفره
شوفي الأياء الحلوه وانسي الكريهه

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

معليش خليكي وراه هو اصلا مستني منك الصلح اناححكيلك موقف حصلي مع زوجي لقيت مره وحده من زميلاته القدامى في الجامعه
تدق على جواله وانا معاه رحت انا كنسلتها ثاني يوم وانا ماسكه جواله لقيت انه اتصل عليها رحت كلمته وصرخت فيه ووايد كبرت الموضوع وهو يقولي انا ما احب غيرك انتي مانتي فاهمه المهم قفلت معاه وهو قاعد يطرشلي مسجات اعتذار
وانا مطنشه صرت مطنشاه يومين وطلعت في الاخر انا النكديه اللي دايما ببحث عن الزعل وانا اللي صالحته واتأسفت له
ووالله قهرك هذا من حبك فيه كيف تبغيه يطلقك؟؟؟؟؟؟؟؟؟؟مالك حبيبتي الا زوجك اتصلي عليه وابدأي المكالمه بانك تقولي تصدق اني مره مشتقالك...........وكملي و انتي وشطارتك

الرجال يوم يشوف المرأة تلين وتركض وراه يقوم يكبر راسه ويقول خلني اربيها .....

بس يوم يشوف المرأة تسوي نفسها مو هامنها يقوم هو ينسي كرامته ورجولته وكل شيء ويجري وراها .....

أختي قهههر ....والله أنقهرت من قصتك ...وتابعت كل الردود ..بس عندي سؤال ليش رجعتي بيت اهلك بعد السفر ....يوم الوحده تتزوج ...خلاص بيتها هو بيت زوجها ....أزعلي مثل ماتحبي بس في بيتك ....بيت زوجك ...

صارت موضه عند البنات كل كلمة والثانية ودني بيت هلي ....

زوجك مستحيل يعترف ويقول اي طالعت وحده ...

يوم انك سمعتي كلام الاخوات واتصلتي عليه ليش جبتي سيرة الموضوع من جديد ....مو انتي زعلتي وخلاص وعاقبتيه في قعدتك بيت هلك ...

الحين مانصحك تتصلي فيه ابد ...ولامسجات ..خليه ....لين يجيك او يتصل ولافي داعي تفتحي الموضوع

الله يهديه ويسعدكم

__________________