السلام عليكم

ابي حل ياجماعه و شوركم و من تجاربكم يمكن مرت عليكم هالشي .. والنصايح ....


انا تملكت ( عقد قرآن ) وصار لنا شهرين وكم يوم ..

انا اتصل فيها كل يوم وارسل مسجات كل يوم واهي ماتتصل فيني ولا تعطيني رسايل ..

وكل ماقول لها ليش ماتتصلين وترسلين تقول ماعندي رصيد .!؟

ياجماعه اهي السالفه مب سالفة فلوس بس اهي عيزانه تقول لبوها واحد من اهلها انها تبي رصيد ..

بس تقول ماقلت لهم يعبون لي ..

كل مارجع بهالسالفه تقول ماقلت لهم وماعندي رصيد كالعاده ؟!!

وانا اطرش لها نادر تسويلي رساله بس او اتصال مايكمل 5 دقايق .. والباقي حق ربعها بس..

وترجع نفس الموال ماعندي رصيد ..

المهم احنا لما نقعد ويا بعض حلوين عادي نسولف قصدي اترد ع اسئلتي وسالفتي الي افتحها شوي بس اهي ماتكلمني عن نفسها اكثر ولا تقول الي ف قلبها او الي يصير معاها

يعني قليل تتكلم .. لاتقولين مستحيه وتوها البدايه لان اهي من الاهل ومرات نتكلم عادي ..

ماتسئل عني او تقولي كلام غزل مثل ما انا اقولها ..

احبها بس مالقى حل مب فاهمها .. ياناس قولو لي شسوي مليت ابي احد يحس فيني يحطني بعيونه

تثرثر وياي تتكلم عن نفسها انا اقولها تكلمي واسئلها عن نفسها وتسولف شوي شوي وتسكر عادي يعني ..

شلحل شلحل شلحل .............!

ومع كل هاي مازعل منها اصبر اصبر اقول يمكن ماتعودت علي .. وماسك هالكلمه للحين انها ماتعودت علي .. بس لين متى .!!

عليكم السلام ورحمة الله وبركاته

ندخل عالم المتزوجين نقرأ مشاكل عكس قسم المقبلين

قبل الزواج الرجل يشكو من زوجته

وبعد الزواج المرأه يأتي دور المرأه تشكي من زوجها

الحل يافارس أن تعاملها كما تعاملك فترة بسيطة وراح ترجع لك كما تحب

المرأه لا تخاف وتتغير إلا إذا أحست بأنها ستفقد النعيم الذي تعيشه

وفقكم الله ..

يمدحون الركادة للرجال , ولا بد أن تعلم أن الرجل متى منهوما خلف زوجته زادت عليه وتثاقلت عليه

لأنه ضامنته وأنت يخوك منت مقصر , فأكيد ما تحتاج هي لأن تراسلك لأنك متوفر وسهل , لكن لو انك

ركدت ورزنت وعطيتها طنااااااااااااااش معتبر بتعرف قيمتك , وقيمة الرجل تتركب عند المراة في اول تعامل

فارس قطر ..

كأنك طرحت هذا الموضوع قبل كذا وكأنك ناسخه نسخ

واعتقد الاعضاء قالوا رايهم

__________________

السلام عليكم

شحالكم اخواني الاعضاء عساكم بخير ؟؟

والله مالقيت غيركم انتوا الي تحلون ازمتي بكلامكم ونصايحكم والخ .

وبكون شاكر لكم من اعماق قلبي وربي انكم غاليين ..

نبدء ف المطلوب :

انا خاطب وصار لي اكثر من شهرين .ّ!

المهم

احنا كل مانتكلم ف التلفون عادي واعيد لها الكلام واحاول اسحب منها الكلام بس.

بس ماعندي كلام اقوله .؟ كل مره اعيده .. شسويتي اليوم .. وين رحتي .. رحتي المدرسه .. شسويتي ..

بس .!

ياليت تقولون لي شلون اكثر بالكلام و اخليها تثرثر معاي واسحب الكلام منها ..

وشنو اقول يوميا كل مره شي جديد مب كله نفس الروتين

ابي اقول لها

اسئله

سوالف

احساسي

الي ف قلبي

كلام ضحك ووناسه اني اشوفها تضحك بس شلون .. والخخ


اكيد فهمتوني .!؟؟

علموني شلوووووووووووون .! ابيها تتعلق فيني مثل مانا اتعلق فيها شلون .؟

ابيها تحن تشتاق .. تتصل ترسل مسجات ..

شلون اعودها ع نفسي .!؟

اكيد بعضكم مر بهالتجارب ياليت تعلموني وادري ماراح تقصرون يااخواني ..!

انا بس ابي اعرف

أنت كم عمرك ؟؟

خطيبتك كم عمرها ؟؟

__________________

ماشاءالله ههه شكلج معصبه .!

كل مره تطلعين لي وتحرجيني ههه شسوي عاد لازم القى حل ومب لاقي ابد الحل المناسب ,,

المهم البنت عمرها 18 وانا 19

أعتذر أخوي فارس قطر اذا أحرجتك من قبل

بس تأكد انه من غير قصد

لكن انا استغربت شلون مو عارفين تسولفون وتوقعت انكم صغار

وفعلاً انتوا صغار ... ماشاء الله أهلكم شلون مزوجينكم

عموماً انتوا في مرحلة المراهقة وغالباً في هذي المرحلة خبراتكم في الحياة تنحصر في المدرسة

وشنو كلتوا وين رحتوا .. شنو سويتوا

و البنات في هالمرحلة يستحون بالإضافة إذا طلعت خطيبتك من النوع الكتوم

الي ما تعرف تسولف .. بس تعرف تجاوب على الاسئلة بكلمة او كلمتين

مع أن البنات مع بعضهم سوالفهم ما تخلص .. اتذكر لما كنت في الثانوية يوووه تونا راجعين من المدرسة نكلم بعض

وبعد ما نخلص مذاكرة نكلم بعض .. ومن صباح الله خير سوالف ما تخلص من الطابور إلى نهاية الدوام ..

تدري ليش لأن في مواضيع مشتركة بيننا .. بينا دروس .. بينا مدرسات نحبهم ومدرسات ثقال دم

بينا امتحانات .. يعني اهتمامات مشتركة

و يمكن لأنك شاب مش عارفه شلون تسولف معاك

انا من رايي لا تتكلف السوالف خلك على طبيعتك .. سولف .. نكت .. عادي راح تضحك

لا تحط ببالك انك تبي تسحب منها الكلام .. هي راح تسولف بس تتعود عليك

ويمكن حتى هي مسكينه تشتكي من نفس مشكلتك وتقول ودي اسولف واثرثر معاه

بس ما عندي مواضيع ...

انت بس اتصل عليها .. الو .. شخبارك .. اشتقت لك .. و انتي ولهتي علي ؟؟ والا مو على البال ؟؟

على فكرة انتي بخيلة مسجاتك ما تجي إلا بالطرارة ... حتى اتصالاتك مواعيد كن احنا في وزارة


اقصد من هذا كله خلك طبيعي قل الي تبيه واذا شافتك على طبيعتك حتى هي بتظهر على طبيعتها

لكن لو شافتك تتصنع بتخاف تظهر أمامك بمظهر مش حلو أو كأنها وحدة ما تفهم شي

فتفضل الاستماع على الكلام

__________________

أنا أقترح عليك .. أعمل حاجة مشتركة بينك وبينها

إذا أنت شاطر واذا هي تحتاج مساعدة في دروسها

ذاكر لها أو فهمها الاشياء الي ما تفهما


أسألها عن امتحناتها .. عن مذاكرتها .. عن درجاتها

اي حاجة تجمعكم وتطلع سوالف بينكم



ما أدري يمكن الاعضاء عندهم اشياء ثانية

__________________

سولف معها كنك تسولف مع خويك هههههههههه

يعني انت تحب التفحيط مثلا سولف معها عن التفحيط قلها سوالف وقصص وخل نفسك بطل العالم للمصارعة

خلك اقوى رجل فالعالم اضحك نكت اكرشها شوي غازلها شوي خلك بطل ياخي ههههههههه

مدري وشلون اوصفلك بس اهم شي العفوية

وصدقني بعدين بتمل من كثر ماتتصل عليك ياخي البنت اذا عشقت تعشق بقووووة اسالني انا