السلام عليكم ورحمته الله وبركاته
انا ابغى مساعدتكم اهل الخبره يعلموني شنو المفروض اسوي
بكتب لكم شنو موضوعي الان
موضوعي انا شخص حالتي الماديه جداً عاديه لا انا غني ولا فقير ولكن جاتلي
فرصة اني اكمل دراستي خارج المملكة على حسابي الخاص و كل اللي كنت مدخره
ضاع وانا خارج المملكة وتسلفت مبالغ لكي اتحول على حساب الحكومه المهم
انا الان في حاله سيئه مادياً جدا لدرجة انه نسيبي يدفع عني قرض الزواج حقي
واحاول اشيل كل شهر مبلغ صغير جدا لا يتجاوز 1000 ريال مع العلم انه الناس لها
مبالغ كبيره وقبل فتره بسيطه اختربت سيارتي واضطريت اتسلف من جديد عشان اشتري
سياره غير الحمد لله رب العالمين
زوجتي كل مره ننزل فيها السعوديه تطلب مني مبالغ كبيره لها وللعيال مع العلم العيال
وهي عندهم ملابس خير من الله والله العظيم قبل شهر يمكن او اقل عطتني كيستين زباله
تكرمون كلها ملابس تقول ما يصلحون شنو اسوي معها والله تعبت وانا افهم فيها
اني مديون والناس تبي فلوسها الله يعلم اني احاول ما اقصر في شي بس شنو اسوي
اذا الحياه صعبه كذا يعني احاول اشتري لها كل شي جديد مثلا جوال او اشياء ثانيه
بس انا مستغرب يعني تخيلوا قبل بس اسبوع طلبت مني 500 دولار عشان ملابس لها وللعيال
واتفاجى انها شاريه لها وللعيال وحق امها وابوها هدايا وجاتني وقالت ما كفتني الفلوس
وما بعد اخلص تشري واليوم اعطيها 150 دولار عشان تشتري للعيال وتتصل عليه وقت الحساب
وادخل والحساب يطلع 165 دولار ولمن كلمتها قالت لي شاريه هدايا لعيال اخوها وخواتها واخوها وارجع اكلمها وتزعل وتقول ما اعطيها انا
قلت لها انا عليه ديون وعليه وعليه ابيك بس تعرفين بس وزعلت وقالت ربعي والناس فيهم
وفيهم بالله شنو اسوي معاها وعطيتها 300 دولار اول ما وصلنا البيت بس عشان تسكت وتقول
اعطيها وتشري حق روحها وعيالها
والله العظيم حاس اني بختنق من هذا المره هي طيبه ولكن 😭 ما تقدر ظروفي زين
يعني والله من تزوجنا وانا ملابسي ما زالوا هم يمكن هي شرت لي كم بدله وصروال والا الباقي والله هم نفسهم ما تغيرون
علموني شنو اسوي يعني في بالي احياناً انتحر واحيانا اقول اطلق واحيانا ودي اطير
والله تعبت صرت ما احب اسافر لبلدي السعودية من الناس اللي مدين منها
ولا عارف ارجع لهم فلوسهم