(انفجرت على زوجي بعد طول هدوء)
السلام عليكم ..
جيتكم بعد فترة انقطاع واتمنى اخذ بمشورتكم الحكيمه..
انا كل اسبوعين تقريبا اسافر لآهل زوجي واجلس عندهم من 3 ايام الا 4 ايام
المهم زوجي ادا سافرت عند اهله يجلس عند اصحابه في شقه عندهم طول اليوم
انا قلت خليه ينبسط دامه في بيتنا يكون جالس معايه ومايطلع بحكم ماعندنا احد في مدينتنا لا اهلي ولا اهله بس زوجي ينام عند اصحابه حتى وانا طول ما انا جالسه هناك وهو مع اصحابه لو جلست شهر يمكن يرجع البيت 4 مرات ينام ويروح مع اصحابه
انا كلمته بكل هدوء وحب كم مره ع الاقل وقت النوم الصباح تعال نام عندنا بحكم ان اهله دائما يرمو كلام انه لو اهمه ماجلس عند اصحابه وانا وهما بيننا مشاكل يعني ماارتاح عندهم بس اسافر عشان خاطره لايزعل المهم سافرنا دا الاسبوع وجلس عند اصحابه تقريبا يومين ووقت اتصل عليه يقول مشغول مااقدر اجي واسكت لين امس اخر الليل اتصلت وكنت معصبه قفل الجوال بوجهي رسلت حسبي الله ونعم الوكيل بعدها ماشفته غير اليوم الثاني المغرب جا وانا معصبه مره وانفجرت عليه ورفعت صوتي واول مره انفجر كدا تراكم 3 سنوات ونص واتلفظت بالفاظ قويه قال اسكتي انا معصبه مااشوف شي قام ضربني دعيت عليه بالشلل وان يده تنكسر رجع ضربني وجلست اخاصم واتحسب عليه انفجرت ولاول مره بحياتي ماعمري صار ليه كداٌ وشال الجًوال من يدي ورماه كان بيكسر يدي وقال دي مو تربيتك قلت من اليوم ورايح بربي نفسي ع كدا انت ماتهمني وطلعت ودخلت دورة المياة وقفلت الباب لين خرج وطلعت المهم ورجعنا بيتنا وطول طريق السفر ولا احد كلم الثاني ووقت وصلنا البيت دخلت غرفة المعيشه جا قال انقلعي برا قلت دقيقه بس واخذ جوالي من يدي ورماه وصارت مشاده ورماني برا الغرفه وغلطت عليه وقفل الباب ودخلت غرفتي وقفلت الباب بالمفتاح وهو في غرفة المعيشه نايم
وانا لين دحين جالسه بغرفتي ومقفله الباب وهًو خرج دحين من البيت
اش الحل الصحيح برأيكم ؟؟ زوجي عمره ماجا راضاني حتى لو غلط اراضيه يشوفني ضعيفه جدا وهذا سبب رئيسي من الانفجار اللي صار مني والكلام ولاول مره بحياتي يطلع مني كدا حتى زوجي مصدوم

(تم التعديل ليتناسب مع المضمون)

__________________

الله المستعان و اسال الله ان يصلح حالكما
ربما صمتك من الاول هو سبب تماديه
لو كنت تعطيه ملاحظة من الاول ان المبيت خارج البيت لا يصح الا للضرورة ربما توقف عن ذلك

صحيح اختي كان المفروض من الاول ان تتفقوا ان يذهب الى اصحابه بما انه يمضي وقته معك في بيتكن ولكن من دون النوم خارج المنزل
لان اي شخص سيتكلم ان نومه هو هروبه من زوجته او عدم راحته معها فما بالك باهله وانت وهم بينكم مشاكل فليست جميلة بحقك امامهم نومه عند اصحابه
فاتفقي معه عندما تذهبين الى اهلك عندها ينام عندهم
وبالنسبة للكلام فيا ليتكي واجهتيه في بيتكم وليس في بيت اهله وانتي ادرى بزوجك ان كان التفاهم والحوار لا يااتي بنتيجة معه فما عليكي الا الحزم وان لا تكسري كلامك وان يلتزم بكلمته
اسال الله ان يسخركم لبعض ويصلح حالكم ويبدلها الى احسن حال
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

اهلين اختي , حصل خير ,
على فكره الانفجار ننبه منه الجميع حتى انا اخاف ان اكتم شيء في قلبي ومن ثم النتيجه انفجار
لان ساعتها بيكون غضب شديد والانسان مايفكر ايش ممكن يصير وبناء على كلامه ايش ممكن تكون النتيجه
والانفجار يكسر امور في النفسيه وفي قلب الطرف الاخر , ولكن كل شيء يتصلح

عليك اذا جلستي معاه للتفاهم تسألي اسئله بسيطه , وتكوني واضحه
- انا حابه افهم ليش تجلس عند اصحابك كل هذا الوقت انت انسان متزوج وعندك اهل مايصير كل هذا الوقت ,
انا ما امنعك ولا ازعل وتغاضيت كثير لكن انت ماقدرت تسامحي وزودتها شوي ,

- ليش قفلت بوجهي حتى لو انا معصبه اخرج وكلمني , اعتقد اني اهم من اصحابك , انا لو كنت بين صاحباتي واهلي وانت اتصلت اكيد ما راح اقفل بوجهك وانسى الموضوع واكمل جلسه , عاملني مثل ماتحب اني اعاملك ,

- ماتوقعت انك بتمد يدك عليا حتى لو انا عصبت واتكلمت مدات اليد ابعد شيء ممكن نوصل له ,

حاولي تتكلمي بنقاط واهم شيء بهدوووء , وحاولي تكسبي هذا الموقف جميعه لصالحك يعني يكون بناء وليس كسر وهدم لجزء من حبكم او حياتكم مع بعض او احترامكم لبعض , حولي هذا الموضوع لصالحكم ,
انتي غلطتي في الانفجار وطريقة ردة الفعل وبالغتي فيها كثيرا هذا رأيي ,
وهو اخطأ عندما صعد الامور وضرب وغيرها

لكن الان المهم تتداركي وتحاولي تجعلي هذا الموضوع من صالحكم ,
والحياه دروس ,

وانتي غلطانه ليش تزوري اهله بالاسابيع

ياقلبي زوري اهلك اولي ،زعل ولا رضي اهلك اولي منهم

كيف تتحملي اسابيع عندهم ، وهو مش فاضي لك

...................................

نوم زوجش خارج البيت فقط عشان يتجنب مشاكل وتحريض اهله ويبين لهم انش مش مهمه حتى يرضون ويبعدون شرهم

اما رميه للموبايل خوف منه انش تدخلين اهلش وتبعدين عنه مثل قبل

هالمره انتي تحرشتي فيه وتسرعتي

__________________
وهل من مصير اخر ؟

جزاكم الله خير
هل حاليا اطنشه ولا اتكلم معاه عشان لايتمادى ؟؟
وهل التطنيش بيجيب نتيجه ولا بندم؟؟

__________________

-




لاتروحين لاهله الا مره في الشهر
دام مصدر الخلاف اذا رحتو بيت اهله
صارحيه قولي ليه تجيبني معك لاهلك دامك ماراح تنام الا عند اصحابك
خلني في بيت اهلي اذا بغيت تروح

__________________
استغفر الله وأتوب إليه

اختي لاراH

شنو محاسن زوجك ...؟ ليش تحبيه ؟ خلي اهله علي صوب وانتو في مدينتكم شنو الي تحبيه فيه ؟ احنا في المنتدي ما نعرف غير سلبياته .... في صفات في هذا الرجل مخليك متمسكة فيه ؟ وكيف هو كأب؟

السلام عليكم ..
اسفه طولت بالرد بسبب ظروف
الفلوجه
زوجي الحمدلله له محاسنه طيب كريم اتغير كثير عن اول
يحب بنته مره ومتعلق فيها ..
بس اللي اتراكم وخلاني انفجر يغصبني اسافر معاه لآهله ولا يسوي مشكله
وادا رحنا يحطني ويروح لاصحابه ينام عندهم حتى وانا جالسه مع اهله بيننا مشاكل
اخواته مابيننا حتى سلام امه تجلس ترمي بالكلام عشان تغيضني
مايخلوني اجلس معاهم بالدقيقه يقولو ادخلي غرفتك فلان جاي فلان رايح يعتذرو بآولادهم انا نفسيا تعبت وماجبت سيرة اهله عشان لايقول شي وقلت اجلس معايه شويه او ع الاقل وقت النوم تعال نجلس مع بعض وكلمته بكل ادب قبلها بس هو ابدا مايسمع يقول مو حرمه اللي تمشي كلامها عليا مكان ماابغى انام انام
دا الشي اللي فجرني كفاية اني مااشوف اهلي إلا مره في السنه

__________________