آخر أخباري ..خيرني بين الرضا بواقعه وبين الطلاق ..إنا لله وإنا إليه راجعون
السلام عليكم ورحمة الله وبركاته
اكيييييييييد بعضهم يقول..
اوووووووووف ...ما تفكنا ونرتاح من وجع الراس
اسفة على الازعاج
من خاف على رأسه فلا يكمل القراءة
لكن اجزم ان هناك أناس يهمهم اخباري مع زوجي بل ويدعون لي فجزاهم الله كل خير وتقبل اعمالهم
ثم اني إلى من اتكلم بعد الله إلا إليكم ..
أخواني اليوم هو اليوم السابع أو الثامن من قطيعة زوجي لي ( اقصد في الكلام - والسلام - وحتى النظرة )
وانا في بداية هذه الايام سويت نفسي عاااااادية وعلى قولتهم (يا جبل ما يهزك ريح )
إلا ان خانني صبري قبل يومين
فلم اعد ابتسم ... أو أتكلم ..بل استبدلتها بالهدوء والصمت والبكااااااء الشديد (علما بأني ابكي تقريبا كل يوم لكن اليومين الاخيرة ..ابكي اغلب وقتي )
اليوم الظهر ..صلى زوجي ثم دخل الغرفة لآن كمبوتره فيها
وقال بعد سكوووت..بيننا
احصي الفلوس اللي لك عشان بأسددك وافتك منك
قلت له اي فلوس..انا ما ابي فلوس..
قال إلا فلوس اللي تقولين اني اخذتها.
قلت له انا ما بديت بالسالفة وانا ما ابي منك شيء
ولما اصر..قلت له انت تعرف المهر كم ما يحتاج (لانه باقي ما سدد مهري المؤجل ومكتوب في الورقة ..يسدد حين طلبها وأنا لم اطلبه )
المهم قلت له انا ما بي امنك إلا انك تعاملني بانسانية
تعاملني معاملة بشر لبشر
وليس بشر لصنم
ابغى منك سلام و كلام وشوفة ما تكلفك ولا دقيقة
قال ..بكيفي اسلم ولا ما اسلم
والكلام وش اقول لك ..انتي ثرثارة وتحبي الكلام ..ووجهك وش ابي فيه (انا اعرفك ما يحتاج اطالع فيك)
قلت له ..الحين تسميني ثرثارة وانت اصلا ما تسمح لي بالكلام معك ولا حتى المناقشة
بل وكثييييييرا اسولف..وانت في وادي ثاني او انك تقوم وانا باقي اسولف..ثم اني ما طالبتك بالرد
انا ابغاااااااك تسمعني بس.. وتحسسني اني معك بالبيت ..تحسسني ان في فرق بيني وبين الجدار
وبعد طال النقاش قليلا (وطول الفترة ما كان اصلا يطالع في وجهي كان يغطي على وجهه وعيونه )
قال لي انتي ..طلباااااااااتك كثيرة
صعقققققققققققققققت..قلت له حراااااااام عليك ,,,انا ...أنا ..غلا ..طلباتي كثيرة
طيب قول لي..وش هالطلبات..
انا لي ثلاث اعياد ما شريت ملابس عيد ولما شريت المرة هذه سويت لي سالفة ..
واقسمت بالله له اني لا اطلبه سوى مقاضي البيت ومقاضي البيت قليلة جدا جدا وانا اصلا مقتصدة
قلت له قل لي وش هي الطلبات اللي ازعجتك
قال ما ادري.. بس اني كل شوي تغثيني بسالفة العلاج
قلت له حرام عليك ..لي ثلاث سنوات اتعالج في المستشفى الحكومي اللي يومهم بسنة
لو انت صادق كان قلت لك نتعالج في خاص ونسرع بالمواعيد
قال وش اسوي لك..يعني غصب تبغين نجيب عيال
قلت له انا ما قلت غصب ...احنا نسعى لهم ونتعالج
قال الله اللي يجيبهم مو العلاج..قلت عارفة ولكن نسعى سعي والله لن يضيعنا
(وهو عموما حتى الدعاااااااء لا يدعي ان الله يرزقنا الذرية )
المهم قلت له انا ما ابي طلعاااااااااات خلاص ولا ابي شي كبير
ما طلبتك ذهب زي حريم الدنيا ..ما طلبت نغير اثاثنا هذا اللي له ثلاث عشرة سنة ما غيرناه ومستعمل كمان..ما طلبتك شيء صعب
انا بغيت منك حاجة..انك تحسن معاملتي وتعاملني معاملة بشرية
معاملة المسلم لآخيييييييييييييييه المسلم
وقلت له ..انا كل يوووووووووم ابكي ..انت ما فكرت فيني ولا في اللي جواتي
قال ..الله اكبر..وش فيك..قلت له انا احس اني مكبووووتة احس بالقهر اريد ان احس ان معي انسان في ابيت
قااااااااااااااااااااال ..منتي ملزمة تعيشي معي
نفتررررررررررررررررررق و خلي يجي وااااااااااحد يعطيك حقوقك:29:
قلت له حراااااااااام عليك ..هانت عليك ال 13 سنة
قال اي وش يها 13 سنة بالطقاااااق
محنا اول اثنين يتزوجون ويطلقون
انا ما اقدر اجيب عيال ولا اعطيك حقوقك على قولتك
وش تبي فيني
خلاص كل منا يروح لحال سبيله
قلت له حراااام عليك
العيال بيجيبهم الله ..بس عاشرني بالمعروف (وعاشروهن بالمعروف ) ذكرته بهذه الاية
انا ابغى اعيش معك بقية حياتي ..
انا مو متصورة نفسي اعيش مع واحد غيرك
قال لا ..بتصورين وبتقدرين..انتي منتي تبغي حقوقك وتبغي عيال خلاص ..
قلت له..تدري لو طلقتني ظلممممممم وانا في هذا السن وليس عندي عيال
يعني صفر اليدين..فصعب اني اسامحك
قال اي ظلم..وذكرته بالحديث بما معناه (اتقو الله في الضعيفين المرأة واليتيم )
قلت له..المرأة مهما بلغ جبروتها فهي ضعيفة امام الرجل
لآن الله كرم الرجل بالقوامة (طبعا هي تكليفية وليست تفضيلية )
وقلت له ..انا يتيمة واخواني ما رح يقصروا معاي بس انا ابي اعيش حياة كريمة فيها زوج يحسسني اني بشر واني ادمية
المهم طال النقااش لكنه في كل مررة يكرر ..بعطيك فلوسك ومهرك
ونا في كل مرة اقول له..انا مابي فلوس انا ابيك انت..تتحسن معي
اخر شيء
خيرني بي الرضا بوضعه وبين الطلاق
طبعا وضعه يعني اقصد انه لا يتكلم معي
لا نطل سوى (على فكرة لما قلت له ..احنا من حقنا نطفش ونمل ما نطلع ..الدنيا عيد وما تحركنا من البيت )
قال انا ما عندي اعياااااااااااد
قال اذا تبغين بوديك هنا عند زميلاتك تروحي تثرثري معهم
قلت لا ..في قلبي مكااااان ما يملاه إلا انت
وطاال النقاش العقيم
اللي اخرته خيرني بين الرضا بواقعه المر وبين الطلاق
ووالله لا يجيب الطلاق
حسبي الله لا إله إلا هو عليه توكلت وهو رب العرش العظيم
ساااااااااااااامحوني و لا تنسوووووووووونا من دعواتكم
__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب