إلى زين ابيها - منتدى عالم الأسرة والمجتمع
logo

الملاحظات

ساعدني لطلب مساعدة أحد الأعضاء في حل المشاكل الزوجية والاجتماعية

إضافة رد
قديم 10-07-2017, 08:26 PM
  #1
إبتسامة ورد
عضو مثالي
تاريخ التسجيل: Dec 2013
المشاركات: 1,953
إبتسامة ورد غير متصل  
إلى زين ابيها

السلام عليكم ورحمة الله وبركاته
إلى زين ابيها
كل عام وانتي بخير ..
حبيت ابشرك اني نقلت لمنطقة زوجي
وصار يعدل
ولكن فيه سؤال محيرني
عدله مو مضبوط
ملتزم فقط بالمبيت ليله هنا وليله هناك
ولكن وسط اليوم اغلب وقته برا
او في بيتهم
والاكل والشرب هناك عندي ماياكل ابد
لاغدا ولا عشاء
مستاءه من هالنقطه
صحيح ارتحت ولاعاد شلت هم الطبيخ
اطبخ على كيفي ومزاجي والوقت اللي ابيه
لكن بالشعور الطبيعي حاسه بالنقص
واتساءل ليش كذا مدري
يقول خليني على راحتي
؟؟
وش رايك زين ابيها من هالناحيه
هل يعتبر غير عادل عشان هالشي
رد مع اقتباس
قديم 10-07-2017, 08:29 PM
  #2
إبتسامة ورد
عضو مثالي
تاريخ التسجيل: Dec 2013
المشاركات: 1,953
إبتسامة ورد غير متصل  
رد: إلى زين ابيها

وصار يرفض اطلع اتمشى لأي مكان لحالي مثل اول
وان طلعت يجي بنته معاه او زوجته وبناته
مالي طلعات لحالي انا وهو وعيالي
مضايفطقني كثير بالموضوع
صار يكرر علي مافي طلعه اجلسي في بيتك
رد مع اقتباس
قديم 11-07-2017, 05:43 AM
  #3
زين ابيها
مراقب عام
تاريخ التسجيل: Jul 2014
المشاركات: 5,689
زين ابيها غير متصل  
رد: إلى زين ابيها

وعليكم السلام والرحمة 💕

وانتي بخير وصحة وسلامة
وعساها تنعاد عليج وعلى حبايبج بالخير والصحة والعافية و بحال أفضل وحوائج مقضية ان شاء الله ...

الحمدلله رب العالمين ، ما بشرتي إلا حبيب
شفتي .. ( ولعل الذي ابطأ عني هو خير لي لعلمه بعاقبة الأمور ) ...

بس بغيت اعرف .. انتقلتوا منطقته بـ رضاه ولا بضغط منج ؟

- طالبتيه إن يقسم الأيام بـ العدل تماماً ؟ يعني لما ينام عندج ياكل عندج ويقضي اليوم معاج انتي و العيال ؟ وشنو كان جوابه ؟
__________________
حاجة الناس إليكم من نعم الله عليكم ، فـ لا تملوا النِعم ☁✨
رد مع اقتباس
قديم 11-07-2017, 05:21 PM
  #4
إبتسامة ورد
عضو مثالي
تاريخ التسجيل: Dec 2013
المشاركات: 1,953
إبتسامة ورد غير متصل  
رد: إلى زين ابيها

اقتباس:
المشاركة الأصلية كتبت بواسطة زين ابيها مشاهدة المشاركة
وعليكم السلام والرحمة 💕

وانتي بخير وصحة وسلامة
وعساها تنعاد عليج وعلى حبايبج بالخير والصحة والعافية و بحال أفضل وحوائج مقضية ان شاء الله ...

الحمدلله رب العالمين ، ما بشرتي إلا حبيب
شفتي .. ( ولعل الذي ابطأ عني هو خير لي لعلمه بعاقبة الأمور ) ...

بس بغيت اعرف .. انتقلتوا منطقته بـ رضاه ولا بضغط منج ؟

- طالبتيه إن يقسم الأيام بـ العدل تماماً ؟ يعني لما ينام عندج ياكل عندج ويقضي اليوم معاج انتي و العيال ؟ وشنو كان جوابه ؟
نقلني برضاه
انا ماطلبت منه
بس شاف تغييري عليه ولما زادت مشاكلنا خيرته بالانفصال
رفض الانفصال لانه اغلب وقته بعيد وقال راح انقلكم عندي
ولما قرر اتتقالنا قلتله شرطي العدل يوم كامل لي ويوم كامل لهم
حلف ووعدني ووعد اهلي كلهم أنه راح يعدل
لما جيت ألتزم فتره بسيطه والحين صار يومه وأكله وشربه هناك عندي يجي فقط وقت المبيت
ويقول العدل ماله دخل بأي شي ثاني
العدل فقط بالمبيت
والاكل والجلسه مالي دخل فيها ولا لها حساب عند ربي بالعدل!!!!
تركته صرت ماعاد اناقشه لاني تعبت منه والله
ولو استمر هالحال راح اطلب الانفصال وارجع لاهلي
انتي شوري علي يازين ابيها
كلامه غلط أنا متأكدة غلللط
رد مع اقتباس
قديم 13-07-2017, 08:52 AM
  #5
زين ابيها
مراقب عام
تاريخ التسجيل: Jul 2014
المشاركات: 5,689
زين ابيها غير متصل  
رد: إلى زين ابيها

اعذريني على تأخيري في الرد 🌹

.

ما راح اتكلم عن الأمر من ناحية شرعية ..
ولكن ما جرى عليه العرف بإن واجبه يوم كامل هني ويوم كامل هناك
الأمر مو ترف أبداً ولكن العمل بخلاف ذلك قد يوغر صدر وحدة من الزوجات ويخلق مشاكل وحساسية

من الواضح يا صديقتي إن زوجج يبيج لولا ذلك ما كان عمل بـ خلاف قراره الأول
لما شافج جادة على موقفج ...
ولكن كثرة طلب الطلاق بيفقد التهديد قوته مع الوقت ..
لذلك لا تستخدمين هالسلاح .. قد ما يرتب الأثر اللي تحتاجينه


برأيي اصبري مثلاً حول الشهر ..
بعدها ارجعي افتحي معاه الموضوع بطريقة عادية بعيدة عن التكلف في التلطف
وبعيداً عن الشد والجذب..

( حبيبي ، ياريت تنفذ وعدك وانت رجال و قد وعودك ان شاء الله
ما احب تنبني بيني و بينك حواجز بسبب أمر مقدور عليه ... )

واتركي له التصرف ... نفذ وعده كان بها
ما نفذه .. ارجعي افتحي الموضوع معاه بشيء من التلطف المعتاد
والحزم بعيداً عن التحدي واعطيه فرصة للتنفيذ


نفذ كان بها ما نفذ .. اتخذي خطوة عملية
اعطيه حقوقه ، ولكن دون تلطف ..
إذا عايش في بيت خمس نجوم ، خليها نجمة وحدة بدون الاخلال بالواجبات..
واعطيه فرصة اطول للتنفيذ ...



اقدر اللي تمرين به يا صديقتي ولكن الاستعجال قد ما يجيب النتيجة المرجوة
❤ الله يحنن قلبه عليج يا رب
__________________
حاجة الناس إليكم من نعم الله عليكم ، فـ لا تملوا النِعم ☁✨
رد مع اقتباس
قديم 13-07-2017, 01:20 PM
  #6
إبتسامة ورد
عضو مثالي
تاريخ التسجيل: Dec 2013
المشاركات: 1,953
إبتسامة ورد غير متصل  
رد: إلى زين ابيها

اليوم سألته ليش تتركني لحالي وقت طويل
وتتعذر بالتعب تروح هناك لما تكون تعبان
هذا مو عذر تقدر في يومي حتى لو كنت تعبان تجي عندي البيت وتنام زي ماتبي
قال ماتتحكمين فيني وين اروح وين اجي
وانا اروح مكان راحتي
قلتله لو راحتك هناك ماكان جبتني هنا
وليش جايبني طيب
قال اسألي نفسك ليش جيتي هنا
وسواها زعل
زين بغض النظر عن اللي يصير
لكن اللي اشوفه أنه مثل الطفل اللي ماعنده عقل
يتصرف تصرفات مستفزه وواضح الغباء فيها
مثلا لما يقول راحتي هناك
مااصدق لاني اعرف نفسي مو مقصره بشيء ولا منكده عليه في يومي
وبااالعكس اللي مو مرتاح في الحقيقه انا
والله انا
من يوم تزوجته وانا تعبانه معاه
ربي يشهد يدخل علي ابتسم ولاكلمه تزعله
إلا أن كنت مقهوره اتكلم باللي بنفسي
وحتى روحاته من عندي فجأه كلها من مزاجه هو
بدون سبب مني

تعبانه نفسيتي يازين
انسان جبار متسلط حقودي
ولغته الصمت دائما ولايحل اي مشكله
بالعكس يزيدها نار
بسوء تصرفاته ومع هذا يشوف أنه على حق في كل شي

اولا العدل ماله دخل في تعبه لو كان تعبان أو لو فيه الموت
ثانيا
لو حضرته حدد الايام ومشي صح
ماراح تصير مشاكل بيننا
صرت احقد على زوجته وعياله
مع ان علاقتنا ززززينه جدا ببعض
كرهتهم بسبب تعظيمه لهم وزيادة الوقت هناك لهم وحتى مقاضي البيت لهم الاكثر
بحكم أنه ياكل هناك
رد مع اقتباس
قديم 13-07-2017, 01:24 PM
  #7
إبتسامة ورد
عضو مثالي
تاريخ التسجيل: Dec 2013
المشاركات: 1,953
إبتسامة ورد غير متصل  
رد: إلى زين ابيها

للأسف كذبه كثيررر جدا
لدرجة قلتله لاتكذب علي وكفايه
مسكها ضدي وصار يكرر يعني انا كذاب
قلت انت السبب خليتني ماعاد اثق في كلامك
من تصرفاتك
وصار زعلان وقال ماني جاي
يعني يازين اي شي اصارحه فيه
يسويه زعل ويعاقبني بعدم جيته عندي
يختار اللي يقهرني ويسويه كعقاب
مو رجوله منه ابدا
رد مع اقتباس
قديم 13-07-2017, 05:18 PM
  #8
زين ابيها
مراقب عام
تاريخ التسجيل: Jul 2014
المشاركات: 5,689
زين ابيها غير متصل  
رد: إلى زين ابيها

شرايج باللي كتبته لج في ردي الأخير ؟
ما تعتقدين إنه قد يكون مُجدي ؟ ...


يا صديقتي ، ألحين انتي سنين معاه
تذكرين لما ظليتي تطالبين بالنقل لمنطقته
وكان رافض رفض شديد ! وكان يقلب الموضوع عليج
ويزعل و يغيب
في النهاية شصار ؟ اهوه نقلج ..

آنه معاج الشيء يقهر و ينرفز
ويخلي أي زوجة منا تتضايق
بس أحياناً تكون الأدوات شحيحة و قليلة ...
فيلزمنا شوية صبر ..
قلتيها بنفسج بو عيالج مثل الطفل فـ صدقيني العناد والشد والجذب ما ينفع وياه
ما نفع وياه إلا الخطوات الجادة اللي نفذتيها..
يا صديقتي فيه جملة دايماً الوالد يكررها علي
( كل عاصي من الزمان يلين )
مرده راح يلين .. مو اليوم باچر
وتذكري
( لعل الذي ابطأ عني هو خير لي لعلمه بـ عاقبة الأمور )

انتظر رأيج في كلامي في ردي السابق
__________________
حاجة الناس إليكم من نعم الله عليكم ، فـ لا تملوا النِعم ☁✨
رد مع اقتباس
قديم 13-07-2017, 06:25 PM
  #9
إبتسامة ورد
عضو مثالي
تاريخ التسجيل: Dec 2013
المشاركات: 1,953
إبتسامة ورد غير متصل  
رد: إلى زين ابيها

اقتباس:
المشاركة الأصلية كتبت بواسطة زين ابيها مشاهدة المشاركة
شرايج باللي كتبته لج في ردي الأخير ؟
ما تعتقدين إنه قد يكون مُجدي ؟ ...


يا صديقتي ، ألحين انتي سنين معاه
تذكرين لما ظليتي تطالبين بالنقل لمنطقته
وكان رافض رفض شديد ! وكان يقلب الموضوع عليج
ويزعل و يغيب
في النهاية شصار ؟ اهوه نقلج ..

آنه معاج الشيء يقهر و ينرفز
ويخلي أي زوجة منا تتضايق
بس أحياناً تكون الأدوات شحيحة و قليلة ...
فيلزمنا شوية صبر ..
قلتيها بنفسج بو عيالج مثل الطفل فـ صدقيني العناد والشد والجذب ما ينفع وياه
ما نفع وياه إلا الخطوات الجادة اللي نفذتيها..
يا صديقتي فيه جملة دايماً الوالد يكررها علي
( كل عاصي من الزمان يلين )
مرده راح يلين .. مو اليوم باچر
وتذكري
( لعل الذي ابطأ عني هو خير لي لعلمه بـ عاقبة الأمور )

انتظر رأيج في كلامي في ردي السابق
قصدك الصبر؟؟
رد مع اقتباس
قديم 13-07-2017, 06:35 PM
  #10
إبتسامة ورد
عضو مثالي
تاريخ التسجيل: Dec 2013
المشاركات: 1,953
إبتسامة ورد غير متصل  
رد: إلى زين ابيها

استمر شهر كامل من اليوم اصبر
ان جا البيت حياه الله
ماجا براحته
ولااتصل الا للضروره ،،
بعد الشهر افتح الموضوع معاه
بما أنه وعدني بالعدل
واشوف وش يصير ؟؟
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:05 AM.


images