لا افهم
الرجال برون زوجها غير غلطان وانها يجب ان تراعيه
والنساء يرون انها مخطئه بصمتها ومراعاتها له

بإذن الله
ودي أجهز رد قبل ما أطلب لأن يمكن يقولي لساتي قايلك إني مزنوق حاليا

شكرا جزيلا ياكريمة

يا أخي ..مو قضيتي العزيمة والله ..سردتها بس لأجل زيادة في التوضيح
العزيمة موقف ضمن مجموعة من المواقف ..ماأدري ليه ركزت عليها
وجوابا على سؤالك ..لعلمك ..انا كل الأشياء اللي تكلمت عنها وقلت أني أبيه يسويها مو مني أصلا ..هي (اقتراحاته) حتى المكان أصلا المكان اللي اخترته أرخص من المكان اللي اختاره ومع ذلك كان مصر على مكانه .. النقطة اللي يمكن مافهمتها إن العزيمة من بعيد كأن أهله مشاركين في الموضوع وأصلا كانوا يبغون يعزمونهم في بيتهم .. أهله ممتنين لأهلي ومشكورين على تقدريهم لهم طبعا (هل جزاء الإحسان إلا الإحسان )
كمان هو يبغى في العزيمة ينادي أقاربه ..يعني بالعقل هل من المروءة إن أخلي الموضوع (قطة) عن كل نفر ..وكل واحد يدفع عن النفر اللي يقرب له ؟ بالله كيف الزوجة رح تحترم زوجها بعد هالشيء ..

البعض يتكلم عن النظام الغربي في التقسيم المادي ..لكن ليه ماتطبقون هالنظام في كل شيء ؟ إذا والله رح يخليني أسافر وأطلع على كيفي ..إذا رح يخليني أتعامل مع الرجال على كيفي ..لا حسيب ولا رقيب ؟! من باب إن الحياة مشاركة وتساوي ؟!

وافر الشكر لك أخي الكريم

أخي الكريم شكرا لك على سرد الحديث إن كنت تقصد أن المال كان أحد أسباب المحبة لكن ما أفهمه بهالشكل ..

أولا : الرسول صلى الله عليه وسلم مختلف عن الرجال ولا أقدر أقيسه عليهم إطلاقا

ثانيا : الحديثين كانوا في فترات وحالات مختلفة ..

ثالثا: الحديث كان ردا على السيدة عائشة رضي الله عنها . لما قالت (قد أبدلك الله خيرا منها ) فالرسول عليه الصلاه والسلام غضب لأجل السيدة خديجة وسرد أفضالها التي لم ينسها ..

رابعا : الرسول عليه الصلاه والسلام كان يحب عائشة وصرح بذلك ..رغم أنها لم تشاركه بالمال

خامسا: قد يكون المقصود بـ (رزقت حبها) أن السيدة خديجه هي من تحبه ..وحبها له يعتبره الرسول عليه الصلاه والسلام رزقا ..

مع الشكر والتقدير

اختي اكبر خطأ تسويه الزوجه او الزوج ان يدخلون الماده بينهم
المفروض تمسكي فلوسك والواجب اللي عليك تقومين فيه وهو الواجب اللي عليه يقوم فيه
الضيوف مثلاً هم ضيوف صاحب البيت وهو اللي يقوم فيهم على حسب مقدرته
اذا يبي استراحات وخرابيط الله يقويه انتي مالك علاقه بالموضوع
انتي حاولي تنسحبين من اللتزامات اللي يحملك بدون وجه حق باعذار مثلا انك دخلتي جمعيه ومامعك او مزنوقه هالشهر ومن هالكلام
خليه يعتمد على نفسه ويمد رجليه على قد لحافه
لكن بصراحه اتكاله عليك شي غريب
وانتي شيلي شوي من اللي عليه يعني مثلا مصاريفك ملابسك ... الخ

أخي الكريم أعرف والله إن المادة مشكلة عويصة من لما تدخل بين الزوجين وهذا اللي مخوفني ..ماودي تخرب علاقتنا بسبب هالموضوع ..وبعض المواقف اللي يسويها لي زوجي غير مفهومة ..أحيانا أشوف إنه يحاول يدخلني في هالموضوع وأحيانا أخاف إني أظلمه وأكون مو فاهمه قصده ..
أحيانا أفكر وأقول هل أصارحه بمخاوفي ؟ بس أخاف ينقلب الموضوع علي ويقول أنتي تتوهمين ويزعل وأصير فتحت على نفسي باب ..

مافي شيء خاص بي يدفعه زوجي إطلاقا ... لا فواتير ولا ملابس ولا غيره ..وهنا المزعج المواقف اللي يحاول يدخلني فيها ..أنا ودي أشوفه الزوج المسؤول والقادر ..مو حابه أشوفه بغير هالنظره

وافر الشكر والتقدير

اختي عشان ماتفتحين باب صعب تسكرينه
انتي لازم تتخلصين من اعتماده عليك بشكل ذكي
لكن اذا انك استمريتي على مانتي عليه راح يجي يوم وتنفجرين لانه راح يصير الموضوع واجب عليك
الامور اختي تجي بالتدريج يعني اول شي حاولي تتعذرين انك مزنوقه ومن هالكلام حتى خلاص يبطل يطلب منك وبعدين يجي دور انك تطلبين منه

الله يعين ويسهل يا رب
هالخطوات أحتاجها فعلا ..أحتاج ذكاء في التعامل معه

الله يجزاك خير يارب

جميل إنك وصلتِ لنمطك تعرفي على هالنمط .. ودرسي ايجابياته واشغليها بالمفيد وسلبياته حاولي تتفاديها ..
شخصيتك بشكل عام جميلة جداً جداً .. وذكية وفوق مازوجك ضاغطك ماتنازلتي عن خصوصياتك ..

اقتباس:

زوجي ما أشوفه سلبي ..أشوفه لاهي + غير مسؤول أحيانا + غير مبادر + يستمع لنصائح الآخرين ويطبقها علي رغم إنها ماتناسب شخصيتي ولا أستحقها

فعلاً أفعال بغيضة .. حاولي تدخلينه بمستلزمات ومهمات .. عرفي أسباب تقاعسه .. والأهم عرفي عدم مسؤوليته ليست شرط سببك قد يكون هو لم يعتاد على المسؤولية في حياته، وتغير الروتين يحتاج صبر وطولة بال منك ومنه وهو يجب أن يعي بأنه الآن مسؤول ولديه أسرة وإلتزامات.
(كثر الدق يفك اللحام) .. ذكريه بالأمور التي تريدينها، ولا تتنازلي عنها أبداً مرة على مرة لين مايتعود في البداية سيتساهل ومرة يتنرفز لكن في النهاية هو لمصلحته شدي وليني على حسب الحالة والمصلحة.

اقتباس:

أشياء كثيييرة حلوة مايسويها لي بسبب عقد معينة عنده وسبق وتكلمت معاه عن الأسباب وكانت واهية بنظري مثلا يخاف إني أضحك عليه ؟ يخاف إني أشوفه ممل ؟ يخاف إنه مو وقته الخ من الأسباب ..مع إني دائما أفرح لو أبهجني بشيء وأكرر ع مسمعه الأشياء اللي فرحتني لكن ما أدري هو ثقيييييييل مرة

ممكن لما لا، زي ما تقولي يسمع من الغير، يمكن يرى عدم التقرب هو الذي يجعل المرأة تبتهج به، هو فعلاً غلط لابد أن يشعر بالثقة بنفسه ويطرد هالأفكار، حسسيه أنه حسه معك هو يقربك منه وابتعاده يعرقل العلاقة.

اسأل الله أن يسخر لك زوجك ويألف بينكما

__________________

اختي ابيك تعملين اختبار بسيط وسريع
انتبهي: سريع!
يعني لا تفكري كثير



هاتي ورقة وقلم



اكتبي اهم مميزاتك او ايجابياتك
الصفات الحلوه اللي فيك
مثلا: نظيفه انيقة جميله الخ
خلال دقيقه وحده بس



بعدين اكتبي صفاتك السلبيه
او عيوبك مثلا: حساسه قلقه فوضويه الخ
برضو خلال دقيقه وحده




اذا خلصتي
عدي الايجابيات وعدي السلبيات
اذا شفتي سلبياتك اكثر (وهذا اللي اتوقعه)
معناته: درجة استحقاقك لنفسك ضيعفه
ام لو ميزاتك اعلى بكثير فانتي بالسليم



طيب ايش علاقه هذا بموضوعنا؟
درجة الاستحقاق الذاتي
يعني نظرتك لنفسك.. تستحقي او لا
بناء عليها يتطلب الانسان او لا
انا عندي اعتقاد ان المشكله بنظرتك لنفسك
انتي بداخلك مو حاسه انك تستاهلي ونص
هذا الارتباك يلمسه زوجك بدون ماتحسي



هذا رأيي
موفقه حبيبتي