انا اشوف ان الموضوع ما يستاهل الانفصال ..
يعني ماعتقد حياتكم كلها في كل يوم عندكم قضيه تناقشونها ..
اذا حد طلب رايك في موضوع في عدم وجود زوجك اطلقي العنان واسترسلي ..
اما اذا طلب منك في حضوره حولي الموضوع عليه قولي زوجي ادرى في ها المواضيع .. وريحي نفسك من وجع الراس .. كثير من الرجال ما يحب زوجته تكون افضل منه خصوصا عند اهله بالتحديد ..

أما موضوع الغيره هي حالتين واعتقد ان لا ثالث لهما ..
يا انه زوجك يحبك حب بجنون لهذا السبب يغار عليك من نسمة الهوا ..
يا انه زوجك كانت عليه سوابق وخايف عليك من ها الناحيه ..
في كلتا الحالتين حاولي تغيريين هذه النظره لانكم اثنينكم بتتعبون ..
بس كيف الحل او الدبره ماعندي علم والله .. بما انك تحبين القراءه اكيد في كتب عن الغيره وطرق علاجها .. بس زوجك لا يدري عنها ويسوي لك مشكله .. يعني حمليها من النت ...
والله يصلح حالكم يارب ..

زوجك شخصيته نفس شخصية واحد من محارمي يحب يكون هو الفارس المغوار

لاز تصيرين ماتعرفين شي وغبيه ولازم تعتمدين عليه بكل شي عشان يحس برجولته وقوامته عليك

بأختصار تبين ترتاحين سوي نفسك غبيه واذا حدث وصار سفره خليه هو يرتب كل شي ولا تفزعين لاحد سوي نفسك لا ارى لا اسمع لا اتكلم وبكل شي شاوريه وحسسيه انه هو اللي يفهم وكل شي

راح يتغير معك

__________________
يَقيْني برَبّيْ يمْنحُني أمَلٌ بأنّ كلّ شيْء أتَمنّاه سأحْصُلْ عليْه .. ولوْ بعْد حيْن

اولا عيدكم مبارك و كل عام و انتم بخير
سبحان الله يا اختي انا عكسك تمام أحب انه الرجل يمارس دوره و المرأة ليها دورها كمان و هذا لا يعني انه هي ما تفهم و غبية و هو أذكى منها لا أبدا
بس هذي سنة الحياة و هذي هي الفطرة اللي خلقنا بها الله عز و جل
انصحك اختي انه تقعدي مع زوجك جلسة مصارحة و تقوليله كل اللي بقلبك من ناحيته و ايه هي الأشياء اللي تزعجك لانه بصراحة مشكلتك ان شاء الله لها حل و لا تستأهل الطلاق
لانه الطلاق مش بالبساطة دي
اما بالنسبة للغيرة اعتقد معظم الرجال يغارون على زوجاتهم بدافع الحب
أسأل الله ان يصلح حالكما و يسخر لكي زوجك و يبعد عنك فكرة الطلاق

__________________
لأنك الله .. أحلامِي مبللةٌ
ببهجةِ الصُبحِ ، يسقيها فتنبثقُ

السلام عليكم
عيدكم مبارك وكل عام والجميع بخير
بدخل بالموضوع مباشرة .. اطلعت على الردود الجديدة وانا عارفه انه مافي شي او مشكلة يستحق الطلاق فعلا فعلا ولكن ي جماعة الخير طفح الكيل !! انا اقف عاجزة تماما !! عقلي ارهقته من كثر التفكير !! وصرت حذرة تماما في التعامل مع الاشخاص امامه !!

اذكر لكم هالمواقف اللي تصير بشكل يومي
اولهم اللي دووم تكرر .. كنت في جمعة او عزيمة او غبقه مادري اللي تسموها مع صديقاتي .. مارضالي الا بعد ماطلعت روحي مو هذا موضوعنا
لما رديت بيتي هجم علي هجوم مو طبيعي .. كرهت عمري !!
صرت ماطلع وماروح وهو عادي يروح ويجي عند اهله او اصحابه !!!!

ثانيا انه يحب يوجهني سوي كذا وسوي كذا !!! لاتسوي كذا ولا تسوي كذا والمشكلة انه شغل حريم ! طيب انا ادرى فيه ! ي جماعه يتهاوش معي على الاصناف اللي اسويها حتى لو نفسي فيه يقولي لا سوي كذا وكذا !! والله انا اقول في نفسي ذا يستهبل ولا ايش الحكاية ؟؟

ثالثا الاستهزاء فيني ! لبسي ! شعري ! جسمي ! طريقة كلامي ! ضحكتي ! كله بس يستهزء ويحقر فيني !! مادري ليه ؟ هالشي موجود من زمان بس الحين زاااااااد الوضع كنه تحدي !!

رابعا علاقتنا الحميمية ! قليلة بل نادرة ! ولو بادرت وعذرا يقولي لا تقلدي اللي تشوفينهم !!! انا انصدمت ؟ انربط لساني ماعرفت ارد !!

خامسا ماعمري سمعت منه كلام حلو !! دوووووووووووم مشاااااااااااااكل وكلها على شي تافه جدا

تخيلوا ي جماعة اول يوم بالعيد نروح نزاور اهله واهلي يقولي ليش تلبسين هالفستان !! انت على شنو شايفه نفسك !!! يعني والله مادري شقول !!
حتى لما اهله يمدحوني !! يغاااار ينقهررر !!

ادري والله اشياء سخيفه جدا ومن كثر التفاهه ماني عارفه شرد عليه !!!

ومرات كثير تناقشت معاه وكان رد فعله كالعاده لا جديد !! مايتناقش ! يتجادل !
واخر نقاش بصراحه فاتحته بموضوع الانفصال واني انا موافقه على الطلاق واستغربت من ردة فعله كان ساكت ! كان راضي ! كنه هذا اللي يبي يوصل له

يضغط يضغط يضغط يضغط علي لما اطلع من بيتي !!

مادري شقول بس تعبت من كثر المشاكل والمجادل اروح يمين يقولي يسار واذا رحت يسار قالي ارجعي يمين !!
طفشت وبصراحه جاني الحاح قوي اني افاتح امه بالموضوع !! بما انها طيبه وتحبني مثل بناتها ؟

رايكم ي جماعة !!

علما ان اهلي مايدروا عن شي ابدا بس عندهم شك كبير

ي جماعه انا مو شايفه حل غير الطلاااق

راحه له ولي ... انا عندي احساس كبير انه في حياته غيري !!! او انه مجبور علي !!
مادري واحد من الاثنين

ياأختي دخلي احد من اهلك او احد من اهله يكون حكيم ويكلمه ان الي يسويه غلط الغيره الزايده مرض واذا زادت تسوء العشره ممكن يسمع منهم حاولي تسمعيه بعض المحاضرات عن الغيره الغير منضبطه بين الازواج مما يترتب عليها مشاكل زوجيه حاولي بقدر ماتقدرين الطلاق ليس حل ابداً واصبري وادعي ربك يصلح احوالكم ماعلى الله شي صعب ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

جزاك الله خير ... وراح اجرب حلك ان شاء الله

اريد اسئلك سوْال هل شافك نظره شرعيه قبل الزواج او كان مغصوب عليك لنه الواضح ينتقدك في شكلك ولبسكك اتوقع غير متقبلك شكليا هذا والله اعلم

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

__________________

رَّبِّ اغْفِرْ لِي خَطِيئَتِي يَوْمَ الدِّينِ