ياحياتي يانوني ليه نلومك يكفي انك تصرحين له ومازال ،، فعلاً أحسك تعاني ،، مالك إلا الدعاء ربي يسخره لك

تتوقعي ليه كيذا معاكم؟ لا بالزوجة ولا بالبنات!
يعرف أهله؟

__________________

مادري اسميه ضعف او انشغال
بس انه مو مهتم للموضوع بدون اثاره لو مالبست او اغريته انا لا يمكن يبادر ،
دايم مخه مشغول بدوامه وبخرابيط اخوياه اللي بالاستراحه ،
يعني مايبحث عن هالموضوع الا نادرا وان حدث فهي الغالب لاشباعه هو بغض النظر عني

__________________
أستغفر الله العظيم واتوب اليه

اطلبي منه ساعه يوميا
زي ماتطلبي منه غرض والا سفر
قولي له يجلس مع بناته
يلعب معهم، ياخذهم معه الحديقه الخ
وانتي دخلي نفسك شوي شوي
حضري عصير حلا العاب واجلسوا سوا

مشكلتك انك اوجدتي لنفسك بدائل
واتوقع اذا تكلمتي معه صار نكد وعتاب
خلاص تصرفي عملي
قولي نبغى منك ساعه يوميا
قوليها بابتسامه وثقه
وممكن بناتك معك يشجعون كلامك


واذا بتروحي سوق اطلبي منه ياخذك
هذا دوره.. قوليها بشكل تلقائي
واذا رحتوا السوق شاوريه باغراضك
ايش رايك بهذا؟ وهذا؟
قولي محتاره بلبس العيد او اي عذر


واذا جلس معكم ساعه
اشكريه انتي والا بناتك بامتنان

بالعربي دخليه معكم
ادمجيه بحياتكم

اي وربي يعلم بمعاناتي لكن الله كريم ،

علاقته ب اهله سطحيه مايحب اخوانه واضح بتصرفاته بينهم بعد وشقاق بس امه بار فيها وهي حرمه كبيره ومريضه وضعيفه جدا فماقدر ادخلها الله يشفيها ويعافيها فيها اللي يكفيها ، زوجي مايحب الا اخوياه الاغبياء اللي مامنهم فايده واستراحته السخيفه
مباريات وشيشه وبلوت هنا يحس انه بنعيم الجنه ! اوك ماقلت شيء بس وين وقت بيتك

يحب بناته لكن مايهتم فيهم ولا يبي اعطيه مسؤليتهم ولا يساعدني فيهم بس تلبية طلبات الكبيره حتى لوو طلبت شيء غبي واذا جا ينام جابهم عنده عالسرير قالك الاب الحنون اظطر اخلي السرير لهم وانام بالصاله💔 بس دلال فارغ مايربي او يوجه وان غلطو حطها فيني كعادته اي غلط براسي ، احكي عن غلط الكبيره ولا الصغيره توها عمرها سنه ،

كنافه /
مدخلته معانا بس مايجلس ابد عالباب احسه مسحور طاير حتى ازراره يسكرها بر الله يرحم حاله بس واذا طلعنا اخلي بنتي تشكره وهي لطيفه وحبيبه يعني تنحب ماشالله ولسانها عسل مو مصبرني الا هي وكلامها 💔 ونطلع و يوديها ملاهي مره بالشهر بنفسيه سيئه ومعصب ياكل فرحتها اكل اما بالطلبات والالعاب مايقصر اي شيء تطلبه يجيبه بس مايطلعها الا بالشهر مرا حرام والله والحديقه قدام بيتي يرفض ولا خمس دقايق ترجع لي تصيح وطبعا ممنوع انا اطلع حديقه معاهم بس تسكيته لها لان لها سبعه شهور تطلبه ، وتخيلي عقب مارجعنا من السفر اذا طلبت شيء يقول خلاص تونا راجعين مايفهم انها طفله واصلا ماستمتعت السفر للكبار مره وحده نزلنا ملاهي بالسفر ذلها فيها للان بس قلت لك الطلعه معاه مر زيه ، وبنتي ابوي واخواني مكفينها عنه عمرهم ماكسرو لها خاطر او خلوها تبكي اما هو يسكر الباب وهي خلفه غرقانه بدموعها لانها تقوله بطلع ملل واذا رجع جاب لها بسكن روبينر قالك يراضيها الان ، فرق السما عن الارض بين طفولتي وطفولتها انا اسعد مليون مرا ماتذكر ان ابوي جعله الجنه قد كسر لي خاطر

__________________
أستغفر الله العظيم واتوب اليه

اللي يطلبون مني اتخذ موقف حازم كيف فهموني ،
اغصبه واجيب اهلي عشان يقولون له ي فلان اجلس عند مرتك وعيالك بيجلس كاره ومغصوب هذا ان طاعهم وجلس وش راح يطلع من واحد مغصوب غير الهم والغم ،
اكرام النفس هواها 💔 اذا هو ماله رغبه بهالموضوع كيف اجبره انا او اهلي او مين من كان!

يقول تبين اجلس بحط الشيشه بالمجلس واجيب رسيفر مباريات ، قلت مباريات ماقلنا شيء بس هالشيشه المقرفه ماتدخل بيتي تخيل شكلك عند بناتك لا يمكن اسمح بها الا اذا كان لنا بيت كبير ولك ملحق سو اللي تبي بس بشقه لا ! فهذا عذره انتي اللي ماسمحتي ادخل الشيشه ولو جبت الشيشه بيجون لمة البلوت بيتي كمان ! هو يتعذر حتى الشيشه غشني فيها وغش اهلي محد يدري عنه الا لماتزوجت كشفته وقال ايش انتي السبب شلون انا السبب واول ماتزوجته ماكنت احكي من كثر خوفي منه وتوني صغيره كان عمري 20 وهو 31 وعصبي وشرس من اول يوم بالله كيف انا السبب كل اخطائه ملصقها فيني
جلست معاه بهدوء وقلت له لازم تجلس مرات يحايلني ويعدد وش جاب لي ووش حط لي ووش سوا لي واسكت مو راضيه بس مابي اخرب الجو ومرات يجرحني ويقول اجلس اقابلك ليش !!! ومن ناحية العاطفه يتعذر انه مو متعود على هالموضوع على اساس كل المتزوجين لهم سوابق بالزواج الان ! عنده عذر جاهز وغير مقنع بكل شيء مع انو ماقصر ارسله بوستات زوجيه مواقع بس هو متكبر اخذ الدكتوراه بعلم طبي وظن انه ملك العالم في العلم 💔

__________________
أستغفر الله العظيم واتوب اليه

أمر بما تمرين به بالضبط وقد قررت الطلاق
داءما الاولاد هم من يكسرون الظهر لكن محد مات بدون اب

والله يا أختي أني ما ألومك ابدا انا رجل و أحس نفسي أبغى أطق و انفجر من الحرمان العاطفي و الجسدي كيف انتي الله يعينك

لكن يا أختي انتبهي على نفسك لانه وضعك النفسي و العاطفي مزري و بصراحة و بدون زعل أحذري شياطين الإنس و الجنة

ونصيحتي لك لازم يكون لك وقفة جادة مع زوجك استغلي نقطة ضعفه أبشع استغلال وخلة صريحة جداً معه مثل صراحتك معنا

والله يوفقك و يسعدك و يسخر لك زوجك و يغنيك بحلاله عن حرامه انتي و جميع الزوجات

بسم الله الرحمن الرحيم
اختي بارك الله فيك اذا ماخاب ظني فانت طرحت نفس المشكلة قبل فترة واتذكر اني رديت عليك برد معين وقتها او ممكن عضوة اخرى

المهم اختي مشكلتك مرت فيها زوجتي تماما ووضع زوجك كان يشبهني لحد كبير ولو ترجعي لأول موضوع لي في المنتدى قبل يمكن 8 شهور بتعرفي قصتي وسبب تعرفي على المنتدى وتسجيلي

اختي باختصار وعشان اعطيك حلول عملية

المحبة والاهتمام لا تستجدى ولا تطلب اذا ماجات من الشخص بطريقة تلقائية مايكون لها طعم لانها باختصار مصطنعة وليست حقيقية

يا أختي صدقيني كنت زي زوجك بشكل كبير جدا جدا وزوجتي حفيت وشقيت عشان تسمع مني كلمة احبك او اي كلمة حلوة وانا كنت متبلد بشكل لا يطاق
استمريت على هذا الوضع تقريبا ست سنوات من بداية زواجي
مهما سوت زوجتي ومهما فعلت انا زي ما انا برود عجيب قاتل لا كلام حلو ولا احظان ولا سواليف واحاول اختصر الهرجة اذا فتحت اي موضوع باختصار كنت ابغاها تعطيني جوي وتريحني من القروشة وتتركني لحالي


المهم زوجتي اقتنعت بالوضع والتفتت لنفسها وتوظفت وكملت دراستها وانشغلت عني بشكل كبير وسار عندها طموح وركزي على كلمة طموح ومن هنا لاحظت اني انجذب لها بشكل كبير عكس اول كنت ما اصدق متى تروح بيت اهلها

نصيحتي لك التفتي لنفسك اما بعمل او دراسة وخلي طموحك كبير وحاولي تطوري نفسك من خلال القراءة والكتب وادعي لزوجك في كل صلاة وبأمر الله يا اختي انك ستجنين ثمرة تبقى معك طول العمر

حاولي تبعدي عن زوجك وتعطيه مساحة يفتقدك فيها وهو تلقائيا بيملى هذي المساحة وان كان بعد وقت من الزمن


اخيرا أسأل الله تبارك وتعالى أن يحنن قلب زوجك عليك ويجمعكم على الخير والحب والتفاهم ويرزقكم حياة زوجية سعيدة طيبة انت وكل زوجة تعاني من زوجها يارب العالمين

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

تقهرني كلمة عيشي لنفسج .. و ليش تعلقين سعادتج بزوجج
الانسان ليش يتزوج ؟!! عشان يعيش لنفسه ؟
اللي يبي يعيش لنفسه لا يتزوج..
الزواج شركة بين اثنين
اثنينهم لازم يعطون و يبذلون جهد و يسعوون
" اثنينهم " ولا الشركة تهتز...

حبيبتي نوني .. حطيه امام مفترق طرق
" اما تتغير او بتصرف "
لا تجيبين طاري الطلاق
و بعد الجملة اللي بين الشرطتين .. خليه يحس بالجفاء و يفقدج انتي والبنات حتى لو كنتو معاه بالبيت

__________________

حاجة الناس إليكم من نعم الله عليكم ، فـ لا تملوا النِعم ☁✨

دمعة عيني لما قريت كلامك كانك تتكلمين عني...

انا صار لي 3 سنوات عايشين في بيت وما بينا اي علاقه

انا مكمله حياتي معاه عشان العيال وواجهه اجتماعيه ماعندي خيار بديل


الله المستعان اشغلي نفسك ولا تدققين مو كل شي بالدنيا يجي علي كيفك اعتبريه انه قضاء وقدر حاولي تنظرين للجوانب الإيجابية في حياتك اكيد بتلقين شي انتي مو حاسه بنعمته اكيد فيه شي حاولي تدورينه وأحمدي الله عليه


وقدر الله وماشاء فعل