28-06-2016, 02:11 AM
|
المشاركة الأصلية كتبت بواسطة مجروحة**
السلام عليكم ورحمة الله وبركاته. .
انا سبق وطرحت مشاكلي مع زوجي وسوء معاملته لي وسوء معاملة اهلة لي .. وكم مره يطردني من البيت ويوديني بيت اهلي ... وحتى الضرب ضربني ... طبعاً انا لازلت في بيت اهلي وصار لي 6 شهور .. وطبعا رفضت الرجوع والتفاهم في الموضوع الى ان اولد واقوم بالسلامة انشاالله. . ولاكن ....!!! أمي تبحث عن الزلة لتغضبني ... لتحدث مشكلة معي .. فهي من من زوجتني رغم اني لم ارغب بالزواج لدراستي و بالاخص زوجي لانه اشعر انه لم يناسبني ... وفارق العمر بيننا كبير .. فهو بالثلاثين وانا عمري 22 وكنت ادرس في الجامعه ومتفوقه بدراستي واحلم بالشهاده والوظيفة فصرخت بوجهي ودعت علي و هددتني ان لا اقول شي ل ابوي .. وانه انا وحده ما استحي والمفروض انه اجعل الامر لها فهي تعرف مصلحتي ... وعندما كلمت صديقتي المقربه لي .. نصحتني وقالت مايستاهلون ياخذونك امه معروفه شديده واخواته نفسهم شينه و طبعهم غريب جدا ... علما ان اخته الكبيره تصير زوجة خالها... وقالت انه خطبها ولاكن اهلها بسرعه رفضوه .. و انه منذ 5 سنوات وامه تخطب له ولاكن لا احد يوافق عليه .. وعندما تأكدت من كلامها ذهبت لامي وقلت لها ... وعصبت علي وصارخت في وجهي وامرتني بقطع العلاقه مع صديقتي وانها كاذبه و اجبرتني بقطع علاقتي بها .. وفعلت كل ماتريده امي .. تزوجت زوجي ومن البداية ااساؤ معاملتهم لي و عندما اشكي لامي تضع اللوم علي وتقول انتي قليلة ادب وتبين تفضحيننا قدام الناس .. وتذهب لتحرض والدي علي ويأتي غضبان علي ويهددني ويقول انتي ماتستحين. . فكل همها ان ام زوجي لا تزعل .. وتطورت المشاكل حتى صار يطردني من البيت و يتصل بأمي ليشكي لها مني وكانت تقف معه وتلومني وتحرض ابي علي .. لم تسمع مني كلمه ولا تجعل لي فرصه ادافع عن نفسي .. وتدعي علي وبدون سبب تبدا تفتح موضوع اهل زوجي وتضع اللوم علي ... وتدعي علي .. ولا انسى قولها لي اتمنى لو منتي بنتي !!!!!!! تحرض خواتي واخواني علي ... فهي تفرق بيننا كثيرأ ... خمس سنوات وانا على هذا الحال... الى ان ذهبت الي الي وشكيت عليه كل شي واسلوب امي معي فهو الوحيد الذي يقف بصفي وينتصر ... امي دائما تدافع عن ام زوجي ... وام زوجي تسب امي امامي وامام الناس ولما اقول لأمي هالشي تكذبني ... الى ان سمعت كلامها بإذنها ومن الناس .. عرفت اني صادقه .. ولا كنها تكرهني ... لا اعرف ليش .. تكره بناتي تضربهن مع انهن مو شقيات و بنات اخوي شقيات ويضربن بناتي و امي تضرب بناتي عشانهن وتدعي عليهن وتقول. .. انشاالله يديكن تنكسر والشلل الي يشلكن . تخيلو .... انا قلبي ينقطع وياقف قهر .. ليه .. تغار لما تشوف على بناتي لبس .. وانا الله اعلم بحالي اوفر الريال على الريال عشان بناتي لا يحتاجون شي والبي لهم طلاباتهم .. اشتريت جلابيات لبناتي للعيد وشافتني اقوس بناتي وعصبت وبدات تقول كلام مثل السم. وتقول انتي تكرهين بناتك اخوك ليش ما اشتريتي لهن يالغيوره يالحقوده يالنجسة ...!!! وتتحسب علي و تقول انا اشتري لهم بلا منتك.. انتي ماتحبين احد انتي تكرهين خواتك واخوانك.. مع اني دايم اشتري لهم ولاكن هالمره ما اقدر مامعي .. مارديت عليها بكلمه ... المشكلة انها كرهت خواتي فيني .. صار يتجنبون الحديث معي و لما يسمعون امي تدعي علي يدعون علي ويتهموني بأني ما احترم امي وبلاخص اختي من بعدي .. للاسف مع انها كبيره وبالجامعه و تدرس طب الا نها تفكيرها صغير وتكرهني عشان امي حطت براسها اني اغار منها لانها متفوقه و رفضت امي تزوجها حتى تنتهي من دراستها .. مع اني تخرجت الحمدللة واخذت الشهادة ولاكن تقديري لم يكن إمتياز وهذا الشي مضايقني وكل بسبب الزواج .. امي تحب اختي الي بعدي كثيييير لدرجه والله العظيم المطبخ ماتعرفه الشاهي ماتعرف تسويه وتقول بكيفها خلوها ترتاح يكفي عليها تعب الدراسه .. وانا حامل .. تدعي علي بالجلطه و تقول قومي اشتغلي تحركي ولا بزعمك حامل خلاص .. واختي معها تقول ايوالله كن مافي احد حمل غيرها .. !!!! اذا شافتني منسدحه على الكنبه جن جنونها .. بس متسدحه و تبدأ مداعي علي .. كرهت حياتي .. هذا غي كلامها لي قدام الناس .. تسبني امام خالاتي وتقول انشاالله مايطلع الوغد منه خليها الي ماتتحرك ولا تسوي شي وانا اصلا معي نزول ولازمني راحه.. هذا غير اني اخدم نفسي وبناتي بكل شي غسيل ملابس انا اغسل ملابسي وملابس بناتي واكزيها واصفطها وارتب فرشنا وانظف الغرفه اسوي اكل لبناتي لانها ماتحسب حسابنا بالاكل .. وفوق هذا تقول هالكلام عني قدام الناس .. والله العظيم ان بنات خالاتي وخالاتي جلسو 5 دقايق ساكتين من الصدمه .. بعدين شفت خالتي الكبيره تقول لبنتها .. الحمدلله على العافية. . شفتو طبع خالتكم هذا وبنتها معها نزول بعد .. طبعاً الغصه صارت بحلقي ماتكلمت انا ابد ابد .. رجعت لغرفتي بيت اهلي وبكيت طول الليل ... صرت اكره اطلع واروح .. صرت طول الوقت بالغرفه وابكي ... انطويت على نفسي .. كرهت العالم كله وطبعاً انا ارفض ان بناتي يروحون وقت الفطور لبيت اخوي لانه وقت الإفطار يفضل الواحد الهدوء وانا ماابي بناتي يزعجونهم .. طبعاً اختي الصغيره قايلة لزوجة اخوي ان بنتي قايله لي انك انت تطردينا من البيت وماتبينا عشان كذا ماتخلي بناتها يجون .. واتصلت على امي تقول انا ماقلت لهم شي .. وقالت امي ايه بناتها كذوبين مثلها كذابه .. ولما سكرت التلفون وقلت لها ليش تقولين انا وبناتي كذوبين قالت كذوبه ونص وتتفل بوجهي .. وقالت تري خاطرها اعز من خاطرك هي الي تبي تنفعني مو انتي .. انتي مامن وراك منفعه وبناتك كلاب وحمير وفجأه بدو خواتي يصارخن علي معه لدرجة وحده من خواتي ضربتني مع يدي .. لفيت على اختي وصرخت عليه وقلت تمدين يدك اكسرها لك وبدت امي وخواتي يدافعون عنها ويقولون انقعلي يله وش تبين .. وكل هذا وانا ماسكه اعصابي. . واخذت بناتي ورحت غرفتي وسكرت الباب علي .. وارسلت رسالة واتس اب لأمي .. قلت لعلها تندم على عملها فيني ..و قلت لها انها ضالمتني و كتبت كل مابخاطري وتحسبت الله في اخر الرسالة .. تدرون وش ردت ردت علي .. تريك ماهميتيني وحاطه فيسات معصبه .. وكاتبه انتي الكذوب وانتي السبب ومالوم زوجك واهله فيك تستاهلين الي يصير فيك .. ... ادعو الله بصلاح حالي .. من قبل زواجي وامي تعاملني هالمعامله وتكرهني .. والله ماقصرت فيها .. مادري وش الي هي تبي .. عشاني ساكته ومتحملتها تسوي فيني كذا .. والله 6 الاف ريال كلها هدايا لها ولخواتي و بنات اخوي .. غير اني اساعدها وانا حامل ومع هذا الله عامي بصيرتها وتقول ماتسوي شي .. واختي ترحمها و تدلعها حتى الاكل على السفره تشيله من عندي وتحطه عند اختي .. وكأنها ولد. تاكل تشرب تنام تسهر وتتامر حتى كوب المويا الشغاله تجيبه لها .. انا مشكلتي امي وليست اختي ولم تهمني ولاكن لماذا كل هالكرهه لي .. اسفه جدآ على الاطالة... اشكو على ربي حالي .. كتبت موضوعي لعلي اكسب دعوه نصيحه حل طريقه اي شي |
28-06-2016, 02:14 AM
|
المشاركة الأصلية كتبت بواسطة شاطى الراحة
مافية احن من قلب الام على عيالها وبناتها
وكلام ما يختلف علية ثنين ابدا ولكن ليش اقرب الناس لك امك تعاملك بهذي الطريقة؟ الشي الثاني ياليت تبتعدين عن صديقتك المقربة وكلامها وتتعمقين بكفي تحلين مشكلتك بنفسك بعيدا عن الشحن النفسي من صديقة وغيرها |
28-06-2016, 02:26 AM
|
المشاركة الأصلية كتبت بواسطة بقايا انتظار
لم استطع اكمال قصتج اسمحي لي
هل امج صج امج او لا ؟ هل امج تعاني من حاله نفسيه مثلاً وهل ام زوجج ماسكه شيء على امج لهيج امج تخاف منها وليش امج اصلاً غصبتج على الزواج من هذا الشخص بالذات وليش انتي ماخبرتي ابوج وقتها تخافين من مشاجرت امج انتي كذا او كذا ماراح تسلمين منها فيه الغاز تحتاج الى حل حتى تتضح الرأيا لنا فرج الله همج وهمنا وهم كل مسلم |
28-06-2016, 02:50 AM
|
المشاركة الأصلية كتبت بواسطة مجروحة**
ابي حبيب قلبي .. ماحد حاس فيني غيره .. لما شافني منعزله ولا اتكلم .. دخل علي الغرفه وهو يمسح دموعه ويقول انتي مضيقه خلقي يابنتي وش فيك انتي مو مثل قبل ابد لا تجلسين معنا ولا تسولفين وش فيك .. ارمي كل شي ورا ضهرك واضحكي واستانسي ...
يسألني فيه احد مضايقك. . احد قايل لك شي .. جاوبته لا ما فيه شي .. ويكرر السؤال علي اكثر من مره وقلت له مافيني شي .. ماحبيت اسوي مشكله بالبيت ولجه وخنقه بين امي وابوي .. و بعدين اختي وضحي ليش ايش يعني انا صغيره .. من اي ناحيه . |
28-06-2016, 03:24 AM
|
المشاركة الأصلية كتبت بواسطة wa1121
الله يحفظ ابوك ويحنن امك عليك
سنك صغير مقارنة بعدد اولادك الله يخليهم اولا لصحتك ثانيا لا قدر الله مطلقة بولد غير بثلاثة واربع |
28-06-2016, 03:29 AM
28-06-2016, 03:35 AM
|
المشاركة الأصلية كتبت بواسطة مجروحة**
امي اجبرتني لانه كانت مرأه قريبه لامي تممدح اهل زوجي حتى انها جعلت زوجي واهلة الناس الي مافيه زيهم .. لدرجة انها انكرت ان أمه مطلقة وقالت انها معلقه .. و كلام كثير وعدتني بالسكن المستقل عن اهلة و لاكن بعد الزواج اسكني مع امه وشفت بأوراق زوجي ورقة طلاق بنأعلى طلب امه للطلاق .. و ايضا ورقة تنازل اخواته عن والدهم كونه مسؤل عنهم فتنازل الأب لزوجي واصبح هو المسؤل عن خواته ..
كانت تثق بالبعيد اكثر مني ومن القريب .. ام زوجي تحاول ان تجعل امي الذليلة حتى اصبح مثلها وانذل لها ولرغباتها .. وامي لاتريد ان اقول شي لانه اختيارها .. حتى والدي منذ زواجي كان غير مرتاح ومتردد ولاكن اصرار امي عليه .. لدرجه اني صرت ابكي ولما صارحتها وقلت كل هذا تبين الفكه مني قالت ايه ابيك تنقلعين عن وجهي خلاص الى مته وانتي قاعدة على تسبدي .. ذاك اليوم بكيت بكاء لايعلمه الا الله .. |
28-06-2016, 04:12 AM
|
المشاركة الأصلية كتبت بواسطة بقايا انتظار
طيب ياختي مااخبرتينا
هل امج تعاني من حاله نفسيه او هي لاقدرالله مسحوره مثلاً ليش كل هالذل لام زوجج فيه شيء خصوصاً انج تقولين من الاقارب البعيدين حادث شيء بين امج وبين ام زوجج من زمان اعتقد بس شنو الله اعلم كيف حالة امج مع الصلاة على تحافظ عليها وكيف حالها مع ابوج على تعامل ابوج معامله طيبه اذا بدج الطلاق مثلاً هل تعتقدين ابوج يقدر على تعاون معاج او لا يستطيع وهل زوجج تعتقدين انه يحبج او لا |
28-06-2016, 04:15 AM
28-06-2016, 04:25 AM
|
المشاركة الأصلية كتبت بواسطة مجروحة**
اختي مافي شي بين امي وام زوجي نهائي وامي ماتعرفها قبل الزواج ..ولا بينهم اي اتصال
ولاكن لان ساكن معانا بالبيت جدي وجدتي ... و هم محترمين امي جدا ومافيه مشاكل الحمدلله ولاكن ام زوجي تعايرني وتقول شوفي امك الي صابره على الظلم والضيم من اهلك .. وكلامها غير صحيح. . وامي ماتبي الناس يصدقون كلامها .. وتقول نبيك تصبرين مثلها .. !! تبيني ارضى بالذل والاهانه لنفسي وتحط في اهلي شي مو فيهم .. مافي احد من اهلي ماسلم من اسانها تكلمت عن عماتي وعن ابوي وعن جدي وجدتي وخالاتي . .. امي تعامل ابوي معامله انا لاتعجبني فكم من مره كنا جالسين وهو يتكلم و تقوم بتسكيته وتقول ايه ايه اسكت بس كل وانت ساكت .. نظرات الغضب من والدي لها وكم مره تسويها معاه ابي ليس ضعيف شخصية. . ولاكنه اعتاد عليها وعلا كلامها .. احيانا يعصب عليها ويقلب البيت صراخ عليها .. لما تكون لها حاجة من فلوس و غيره فهي تحسن معاملته .. واي شي تبيه لازم يصير ... والدي يثق برأيها احيانا .. يرى انها لها نظره صحيحه احيانا واحيانا لا يوافقها الرأي .. ابوي يقولي اليوم انا عندك بكرى يمكن ماكون عندك .. قرري ايش تبين وهاذي حياتك ولما يشوفني مصره على الطلاق واني اكرهه زوجي ومابيه يبدا يذكرني بناتك وبناتك و ارجعي وارجعي الى ان يجبروني ارجع له وكل مره عل هالحال. .. اما عن زوجي فلا تسأليني عنه .. الحب بالنسبه لي مات انا كرهه اكرهه ماطيق اشوف وجهه او اسمع صوته لدرجه اغراض لي وللبنات ماني قادره اروح للشقه اجيبها .. اخاف اشوفه واتهور واتكلم عليه. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
