بانتظار نتائج التغيير الجديد
أسال الله أن يصلح أمركما .

متابعه موضوعك من البدايه

انا مثل شخصية زوجك تقريبا وتغيرت للافضل ولله الحمد
سبب تغيري صرت اختلط بالناس لما رحت الجامعه
وبالذات المتزوجات لما اسمع سوالفهم مع ازواجهم تجيني الضيقه ودي اعيش نفس اجواءهم
ومن يومها غييرت في نفسي وشخصيتي والحمدالله حياتي الحين ماششيه للافضل

فـ انا انصحك تحاول تخلي زوجتك تدرس او تخليها تزور حريم اصحابك
بترفض هي بس حاول الين ما تزهق من الحنه وتوافق

الله يصلحك و يصلحها

__________________

السلام عليكم
اولا بالنسبة لآخر الحلول التي طرحت في مشكلتي طبقتها انا وهي لم تطبقها ورفضت تماما
المهم اني اجيبها يمين تروحلي شمال والعكس صحيح وماني داري متى راح تجي نقطة التلاقي مع ذي الانسانة
المهم تركتها وخرجت من البيت لآني لو جلست معاها احس اني بنسجن بسبتها
رحت لاصحابي في استراحتهم وصرت اطول عندهم واتركها لحالها بالبيت
واحيانا اقولها تبي تروحي عند اهلك تقولي لا كالعادة واحيانا اوديها غصبا عنها
واحيانا اوديها عند اهلي واقعد بالبيت ارتاح لحالي
لحد يلومني ويجي يقولي انت وانت انت جربت كل شي وماطلع معي نتيجة هي خربانة خربانة

وفيه شي ثاني دايم تلح علي تقولي تزوج وحده ثانية وقول اني انا مااجيب عيال عقيم وعيش حياتك مع ذيك وانا خليني في ذا البيت طبعا انا وقتها كنت ضايق مسكتها ودفيتها قلت انتي غبية ولا مجنونة وتبين تجننيني معك
انا اذا بتزوج غيرك انتي بترجعي بيت اهلك
اذكر انها تآثرت لآنها ماتبي ترجع بيت اهلها بس خلاص مو مشكلتي

طبعا احب اقول هي حضرتها اقترحت ذا الاقتراح عشان ابوي لانه كلمني الف مره عن موضوع الاطفال
وابوي مو عاجبه وضعي وامي حاسه انه فيه شي
وكل شي حوليني متوتر وموترني واحس اني بنفجر يوم لانه خلاص وصلت معي
ولو سمحتوا مابي احد يتفلسف على راسي انت ماسويت انت غلطان انت انت انت ويستمر شريط اللوم علي

خلاص الى متى ذا الحالة ؟ والله انا اشوف افتك منها وترجع لاهلها يبتلشون فيها احسن
واحب اقول على طاري اهلها امها قبل فترة دقت علي وبس سالتني كيف الوضع بينكم ؟ قلت لها بدون نفس مافي شي خذي بنتك ورميت الجوال لها

وهذا كل شي

شاكر كل اللي تعاوني معي وانا اسف اذا تنرفزت او عصبت

وانا مابي حلول او شي خلاص مشكورين بس حبيت اقولكم بالنتيجة عشان بعض الاعضاء يبون مني ذا الشي

لا تلام ، أنت الآن بحاجة لنفسك قبل كل شيء ، من الصعب الإجتهاد في معالجة الآخرين بينما ذاتك متعبة ومرهقة ، افعل ما بوسعك لتسترد طاقتك وقواك ..

أعانك الله .

فيه ناس يشوفون الموضوع بسييط والحل سهل .. طبعا لو كانوا مكانك كان يمكن ماصبروا سنة او اشهر .. بس الكلام سهل ..
انت بيض الله وجهك صبرت وايد وحاولت معاها كثير .. وانت اصلا مش مطالب تكون لها معالج نفسي.. انت تزوجت تبي السكن والاحتواء مثلك مثل اي زوج ..
اعتقد يا اخي الكريم لو تطلب اغلاق الموضوع.. لان بعض الردود تزيد من عصبيتك ..

الله لايلوم الي يلومك
بصراحه اتحدئ شخص من الي يقولك اصبر
يقدر يصبر ع حياه مثل هالحياه
بعدين الي تحب انسان تعطيه اهتمام تعطيه حب ومشاعر
الله يعوضك عوض خير يارب

اخوي

انت عملت الي عليك و كويس مافي اطفال بينكم
تزوج و شوف حياتك