السلام عليكم اجمعين وكل عام وانتم بخير
ولدي الله يحفظه عمره سنه و9 اشهر له اربع ايام تقريبا عنده اسهال (الله يكرمكم ) ونفسيته سيئه وبس يبكي (يطلع له اسنان )والادهى والامر مايرضى يأكل اي شي حتى الموز او التفاح وعجزت معاه مررره ما اعرف ايش اعطيه

ياليت تعطوني ارائكم ووصفات ممكن يأكلها لانه يمر يوم كامل بس يشرب مويه وانا قلبي يتقطع

جزاكم الله كل خير وبانتظاركم

__________________

اللهم لك الحمد حتى ترضى ولك الحمد اذا رضيت ولك الحمد بعد الرضا

حمداًكثيراً طيباً مباركاً فيه كما ينبغي لجلال وجهك وعظيم سلطانك

اللهم بارك لي فيما رزقتني واجعله من عبادك الصالحين واحفظ ولدي من كل سوء ومكروه واجعله قرة عين لي ولوالده

اعطيه سفن آب في الرضاعة بس شيلي الستيم عنه...... وعطيه روب بعد........وحاولي تعطينه هريس الحين بأيام رمضان ...... وانشالله يزول هالشي.....

جزاك الله خير ذكرتيني سمعت عن السفن من قبل بس نسيته لكن المشكله انه مايحب الغازات تحرقه ممكن ارجها عادي والا لا ؟

وش قصدك بالستيم ؟؟

وهل طبيعي يمر اليوم كامل وهو رافض الاكل عادي اتركه اعطيه حليب وقت النوم وخلاص !!!

والروب يزيد الاسهال انا لاحظته والدكتوره قالت لي كمان

وللاسف الهريس ماعرفه هل قصدك الجريش والا يختلف عنه ؟؟

الف شكر لك على الرد وجزاك الله كل خير

__________________

اللهم لك الحمد حتى ترضى ولك الحمد اذا رضيت ولك الحمد بعد الرضا

حمداًكثيراً طيباً مباركاً فيه كما ينبغي لجلال وجهك وعظيم سلطانك

اللهم بارك لي فيما رزقتني واجعله من عبادك الصالحين واحفظ ولدي من كل سوء ومكروه واجعله قرة عين لي ولوالده

الله يحفظه لك يارب ...

حاولي تاكليه موز و اذا ما رضى اعصريه مع الحليب و اعطيه ياه لانه يقوي البطن و يخفف الاسهال

ابتعدي عن العنب ...

سووي له شوربة خضار مع دجاج خفيفة يمكن تعجبه .. .

بشكل عام غاليتي هكذا هم الاطفال و الله ساعات ولدي مايرضى ياكل اي شي الا الحليب .. و ايام ثانية ماشاء الله عليهم
ياكلوا كويس ..

لا تخافي .. اعطيه الحليب اذا يحب يشربه و خليه براحته فترة و تروح
الله يبارك فيه و يخليه لك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

جزاك الله كل خير على الرد

يعني ما اخاف انه كم يوم ما اكل شي
حتى الحليب مايطلبه انا اعطيه وقت النوم

__________________

اللهم لك الحمد حتى ترضى ولك الحمد اذا رضيت ولك الحمد بعد الرضا

حمداًكثيراً طيباً مباركاً فيه كما ينبغي لجلال وجهك وعظيم سلطانك

اللهم بارك لي فيما رزقتني واجعله من عبادك الصالحين واحفظ ولدي من كل سوء ومكروه واجعله قرة عين لي ولوالده

الستيم يعنى تفتحى السفن آب وتخلينه مفتوح نص ساعة الى ان يروح الستيم منه وعقب صبيه بالرضاعة وعطيه ( اقصد الهريس هذا اللي يسوونه مع الللحم والعيش وحب الهريس ) وتقدرين تحطين له فارليز بكل رضعه او رضعة الليل حاولي تخلينه بحضنج وانتى تجودين المرضعة وتعطينه بس على الاقل تحطين له فارليز بالحليب يشبعه ......... داومى على السفن آب معاه .... وربي يعافيه ويسلمه.......

الله يشافيه و يعافيه اللهم رب الناس أبعد الباس يااارب
شافي أنت الشافي
في البداية لازم تعطي لابنك ميه كثييييير لأنه الاسهال يجفف الدات هده أول نصيحة و كل الأطبة يأكدوا عليها
تاني شيء ابتعدي عن الفواكه فهي في بعض الأحيان تكون سببا في الاسهال
ثالث شيء اعطيه المواد التي تحارب الاسهال و أشهر و أسهل الشيء الروز ---اسلقي الروز في الماء و أضيفي له حليب يمكن تئكليه بالملعقة أو تطحنيه و ياخده في الرضاعة--- الروز فعال جدا
أنا كنت سمعت مرة عن مشروب الكوكا كولا و جربت لابنة أختي عمرها سنتين و الحمد لله أعطى نتيجة جيدة

لله يشافيه ولا تنسي تبشرينا بشفاءه

الله يشفي ابنك يارب

الاسهال يتعب الطفل كثير

انا سبق وجاء طفلي اسهال والدكتوره نصحتني بالسفن بس لما تروح الغازات

واعطيه جرعات كل شوي لان محلول الجفاف ما كان يتقبل ولازم تدخل سؤال في الجسم

والاكل ما كان ياكل ابدا احاول ما في فايده ممكن خبز او تفاح

وكان يبكي في الليل عشان الحليب والدكتوره منعت الحليب نهائيا لانه سبب الاسهال


بس قالت ما في مشكله لو سويتي له مهليبه لان النشا يمسك البطن او اضيفيها مع الحليب شوي وعل النار

وفعلا خفف الاسهال والحمد لله

بس ابعدي عن الجريش انا احس انه يساعد على الاسهال

لان ولدي دايم عنده امساك ولما دخل رمضان ومع شوربه الجريش الحمد لله بطنه صارت احسن

__________________

الف شكر لكم جميعا وجزاكم الله كل خير

حاولت اعطيه السفن اب ومارضي ولا تقبله بس اعطته الدكتوره محلول الجفاف والحمدلله شربه مع عصير تفاح
وغيرت له نوع الحليب اعطته حليب خالي من الللاكتوز ودواء للاسهال وعملت له تحليل اليوم تطلع نتيجته ان شالله يارب خير

وفرحتوني بردوكم

الله لايوريكم مكروه بمن تحبون

__________________

اللهم لك الحمد حتى ترضى ولك الحمد اذا رضيت ولك الحمد بعد الرضا

حمداًكثيراً طيباً مباركاً فيه كما ينبغي لجلال وجهك وعظيم سلطانك

اللهم بارك لي فيما رزقتني واجعله من عبادك الصالحين واحفظ ولدي من كل سوء ومكروه واجعله قرة عين لي ولوالده