السلام عليكم ورحمة الله وبركاته


مدري اللي سويته صح والا غلط .. بس اليوم تهاوشت مع خطيبي .. ليس بالمعنى المفهم .. اي ارتفع صوتي في الرد عليه بسبب افعاله .. يعني من ناحية الثقافة والتعامل .. يعني انا عشت في بيت مثقف الكلام المبذول وكلام الشوارع ما اعرررفه .. مطلعه وقارئه وواعيه للكثير من الامور .. افكر بعقلي اكثر من عواطفي ..

بس خطيبي مشكلته انه امام الغير يتكلم عادي بس لما يكون معي يقول لي مصطلحات جنسية او بعض من كلام الشوارع وانا اتغاظيت عنه كم مرة بس اليوم طفح الكيل قلت له خلك راقي في تعاملك مع الاخرين قال لي الواحد مع خطيبته يحق له يقول اي شي بس انا ارفض هالشي من باب العادات والاخلاقيات اللي تعودت عليها .. ومن ناحية الثقافة احس انه تفكيره ضيق ومحدود ما عنده شي اسمه نقاش وانا متعوده على النقاش في البيت مع اخواني .. بس خطيبي متعود في بيت انه يأمر وهم ينفذون او بالاحرى ابوه معودهم على هذا النمط .. بالاضافة الى ان حياتي فيها حرية اكثر من الحياة اللي هو عاشها يعني كانت حياتهم مضغوطة ممنوع البنت تطلع تروح السوق وومنوع تلبس بنطلون ( وانا للحين مستغربة من هالشي في زمنا هذا للحين ناس عايشه على هالتفكير ) .. وطلب مني اني اعود نفسي على هالنمط من حياتهم وبالتاكيد رفضت هالشي رفض قاطع وصل الى ان ارتفع صوتي .. وقلت له انت تفكيرك منغلق ومحدود ..

وكل مرة اقوله يغير من تعامله معي ويغير كلامه بس بدون فايدة يقول هذا شي طبيعي وان كل واحد يقول هالكلام لخطيبته ..


انصحوني وش اسوي حتى اغيره .. حتى لاحظت عليه ان فيه بخل طفيف !!

__________________

	ادعوا لي ان الله يرزقني بالذرية الصالحة

هذي مشكلة الوحده تدخل على عائلة ماتعرف عنها شي وتشوف التغيرات والفروقات بين اهله واهلها
هو صحيح إن الشخص يتبع الجملة ( من حرك قطعة الجبن الخاصة بي؟! )
بس أني أشوف مو في كل شي .. يعني بعض الأمور هي اساساً صح بس في نظر الثاني لإنه متعود على عكس هالشيء بشوفه خطأ ...

مثلي أنا اليوم كنت طالعة مع أختي وأمي وخطيبها وكنت لحد الساعة 11ونصف لسه مارجعت
اتصل لي إلا هو يقول مارجعتي ؟!! الساعة 11 ونصف وكذا وحسيته إنه زعل ..
أنا أشوف إن هذا الشي عادي وش فيها أنا مو طالعة لوحدي أنا مع أمي وأختي ..



أنا إذا كنا نتناقش مع بعض وقال شي أنا مو راضية عنه هو عادته يقول بعد مايخلص
الموضوع ((( لي صح أو لا ؟!! ))
فمستحيل إني أقول له صح وأنا مو مقتنعه .. ومستحيل برضو أقول له لا
فأقول له وجهة نظر كل شخص له وجهة نظره خاصة فيه ...


الله المعين .. والله يصبرنا ..

كيف اوصل لطريقة او محاولة اقناع اغيره فيها ؟

__________________

	ادعوا لي ان الله يرزقني بالذرية الصالحة

كلميه بالطيب والهداوه وحاولي تقنعينه لما يحس انه شي عادي ويوم ورا يوم يتعلم
ويرضى بالواقع

اختى البنطلون حرااااااااااااااااااااااااااااااااام ونعم الناس فيها خير لحد الان ماتبى تعصى الله ليش يأختى المثقفه ؟؟!!ولا الدين مو ثقافه وجهل ورجعيه ؟؟

لاقول الا الله يرحم حالنا يالمسلمين شئ يقهر لما تجى تدعى الثقافه ..اقسم بالله اى شئ فيه بعد عن الدين اسمه جاهليه وتخلف ..

__________________

تزود من التقوى فإنك لا تدري إذا جن ليل هل تعيش إلى الفجـر

فكـم من فتى أمسى وأصبح ضاحكا وقد نسجت أكفانه وهو لا يـدري

وكم من صغار يرتجى طول عمرهم وقد أدخلت أجسادهم ظلمة القبـر

وكـم من عروس زينوها لعرسـها وقد قبضت أرواحهم ليلـة القـدر

وكـم من صحيح مات من غير علة وكم من سقيم عاش حينا من الدهر

فمــن عـاش ألفـا وألفيـن إنـه لابـد من يـوم يسـير إلى القبر

الله ارزقنى الذريه الصالحه وكل محروم ولجميع المحرومين يارب .
اللهم يامقلب القلوب ثبت قلبى على دينك

اختي ناتيتك هلا .....من طريقة كلامك ليش اتشوفين تربيتك هي اللي صح وتربيه زوجك غلط....(الصراحة من استوينا نحن نعرف الرجل هو القوام وهو الآمر والناهي)..... اذا كانت هاي نظرتك له فأكيد ماراح يعجبك شي منه..... على أي أساس وافقتي عليه من البداية اذا كان بيتهم مش عاجبك....لوسمحتي اختي انتي لازم تكونين واضحة معاه من البدايه مع خطيبك واتقوليله انه هالشي مش عاجبك طبعا باسلوب مش تسكتين وتتغاضين وبعدها تنفجرين في وجهه كمان هذا مش اسلوب وش فادتك الثقافه في حل مشكلتك.....الاطلاع والقراءة تفيدك ثقافيا لكن الشاطرة محتاجه اتشغل مخها عدل عشان تكسب زوجها.....

__________________

ليش حرام ؟ بتقولين التشبه بالرجال ؟؟ اولا انا ما اتشبه بالرجال وبعدين انا ساتره نفسي زين ولاني من النوع اللي يطلع من غير ستر .. يعني لو يبان مني شي بقول لك حرام .. بس دامني ساتره نفسي ما يعتبر حرام ..

__________________

	ادعوا لي ان الله يرزقني بالذرية الصالحة

حبيبتي بقترة الخطوبه راح تكتشفي غيض من فيض ..

والله كثير من الشباب هذي الايام كذا ..

المصطلحات السوقيه صارت عندهم كلام عادي ..

بس قولي له على الاقل احترمني ولاتقول هذي الكلمات معاي ..

اما على النقاش ..

حبيتي خلي عندك صبر اذا هو اتربى على شيء مو سهل تغيره بشهر ولا شهرين ..

وطالما على قولك ايام يتصلح وبعدين يرجع ..

يعني بيحاول عوديه على النقاش ..

ولدك على ماتربيه وزوجك على ماتعوديه ..

الله يتمم لك بخير وتتزوجي باقرب وقت ..

واسال الله يسعدك ويوفقك دنيا وآخره ..

انا نبهته على تصرفاته وقلت له بس كان يردد بان هذا الشي طبيعي وكل ما اقول له ما الاحظ تغيير ..

وبالنسبة لاهله انا قلت لك اني استغربت يعني ما كنت اعرف هالشي عنهم ( عاداتهم ) لان كل واحد فينا من منطقه غير عن الثانيه ..

__________________

	ادعوا لي ان الله يرزقني بالذرية الصالحة

تسلمي اختي روود على مشاركتك والله بردتي قلبي

__________________

	ادعوا لي ان الله يرزقني بالذرية الصالحة