26-07-2012, 06:56 AM
|
المشاركة الأصلية كتبت بواسطة بنت الحكمي
غاليتي الفردوس كلامك عن اولادك احزنني وحز في خاطري كثير وتأكدي يافردوس إن تعبك عند الله ماراح يضيع ابد وبيجي يوم يجونك فيه اولادك وتشبعين بشوفتهم والحمدالله وانا اختك مادام إنك انتي بخير وهما بخير وصحة وعافية وانتي تشوفينهم ويزورونك فهذا الحمدالله نعمة من الله تذكري غيرك يافردوس فيه امهات انحرموا من اولادهم مدى الحياة وبعضهم مايعرفونهم ولا يدرون عن اراضيهم وين ولا تفقدي الأمل بالله وانا اختك ولا يحبطك الشيطان هاؤلاء اطفالك ومايقدر احد يفرقك منهم ابد وتأكدي يافردوس ان لو الله كتب لك نصيب ورزقك زوج صالح وطيب ماراح يمنعك عن زيارة اطفالك وكمان راح تنجبي اطفال غيرهم يملؤن عليك الفراغ اللي انتي الحين حاسة فيه يافردوس لو تقدم لك شخص طيبىوابن حلال وافقي وانا اختك وتزوجي وعيشي حياتك الحين شوفي نفسك يافردوس بكل الأحوال طليقك حارمك حارمك من اولادك وهو تقولين انه متزوج وعنده عيال ومرتاح وماخذ اولادك عنده ولا اعطاك اياهم تربينهم ويعيشون معاك يعني جلوسك كذا بدون اولادك وبدون زواج راح يتعبك نفسيا يافردوس والله إني ناصحة لك وإنك مثل اختي واحب الخير لك مثل ما احبه لنفسي يافردوس لو جاك الرجل الكفؤ اللي تتأكدين انه راح يسعدك ومايوقف في طريقك ولا يحول بينك وبين اطفالك ليش ماتوافقين وتتوكلين على الله وتتزوجين وزيارة اطفالك خليها تكون من ضمن شروط العقد إذا كنتي متخوفة من هالموضوع اشرطي عليه واكتبي شروطك بعقد الزواج وان كان إنه رجل وابن حلال وطيب والله يافردوس ماراح يحرمك من اطفالك بالعكس يمكن يكون لك سند وعون ويوقف معاك في وجه كل من يحاول حرمانك من اطفالك يافردوس مو كل الأزواج سيئين وانا اختك ولا تقيسين كل الرجال بمقياس طليقك يافردوس فيهم الرجال الطيبين الحنونين واللي يحط الحرمة في عيونه ويسعى لراحتها ولسعادتها يا اختي قدمي امر الله على هالأفكار اللي براسك مسيطرة على تفكيرك واولادك لو كبروا ماراح يلومونك راح يلومون ابوهم لأنه هو اللي تركك وشالهم منك وحرمهم من حنانك وراح تزوج وجاب اولاد غيرهم اولادك راح يشوفون انه من حقك الزواج ومن حقك العيش في سعادة وراحة مثلك مثل ابوهم صدقيني ماراح ياخذون عنك اي فكرة بالذات إنك لو اقتربتي منهم وحسوا بالتغير انك بعد زواجك صرتي تشوفينهم اكثر ويزورونك وياخذون راحتهم عندك في بيتك انتي راح يحسون بالفرق صدقيني يافردوس لما يجلسون عندك في بيتك ومافيه احد يزاحمهم او يصرخ عليهم او يخانقهم راح ينبسطون اكثر بالنسبة لزوجك اذا الله وفقك برجل طيب وابن حلال ماراح يكون حجر عثرة في طريقك انتي واطفالك بالعكس راح يتفهم الوضع ولما يشوف انه انتي سعيده ومبسوطه بوجود اطفالك ماراح يعترض عليك لأن هاذا الشئ بينعكس عليه هو في حياته وراح يلمس اثر سعادتك ووناستك معاه وبصير هو مبسوط منك اكثر اهم شئ إنك تقدرين توزنين الأمور وتفكرين بعقلك يافردوس لو تزوجتي وجاك اطفال بكرة عيالك يجون يلعبون مع اخوانهم وراح ينبسطون ولما يكبرون راح يفهمون وبتكون علاقتهم وطيدة بإخوانهم اللي جبتيهم وماراح يحسون بأن فيه هناك شئ متغير عليهم وبيعيشون حياتهم بشكل عادي
انا انصحك يا ام خالد انك تفكرين بعقلك واتركي عنك العاطفة يا الغالية التفكير بالعواطف هو اللي دمرنا ودمر حياة الكثيرين من الناس لو تقدم لك شخص ابن حلال وطيب استخيري واستخيري وفوضي امرك لرب العالمين وان احسستي انك ارتحتي توكلي على الله وتزوجي ولا تضيعين عمرك وانتي تحلمين وتفكرين عيشي حياتك وتزوجي وانجبي لك اطفال يكونون لك مع اطفالك اللي معاك الحين عاقبة ويكونون لك سند وعون العمر يجري والحياة تسير لا تضيعين عمرك في الإنتظار يالغالية انتي ماتركتي عيالك ولا رفضتيهم طليقك هو اللي منعك عنهم انتي مافيه احد بيلومك ابد وليش تقهرين نفسك وتعذبينها يافردوس وتحرمين نفسك وانتي في ريعان شبابك عيشي حياتك يافردوس ولا تضيعين عمرك وانا اختك لا يجي لك يوم تندمين فيه على كل لحظة قضيتها وضيعتيها من عمرك وتقولين آه على كثر ماقلتي بحياتك آآآه يمكن ان الخير والعوض ربنا كاتبه لك في المستقبل وبيرزقك اللي ماخطر على بالك ولا عمرك حلمتي فيه انتي ماتعلمين وش الله يريد بك يافردوس يمكن إن الله بيوفقك ويسعدك ويعوضك في حياتك الجاية فلا تقنطي ولا تيأسي ولا تجعلين الشيطان يحبطك ويضيع عليك احلى واجمل اوقات عمرك ويسلبك راحتك وسعادتك وش يدريك يمكن إن الخير والرزق والسعادة ربنا بيكتبه لك بعد ماتتزوجين وتعيشين حياتك ويمكن ان الله يسهل لك رجعة اطفالك لك يعقوب عليه السلام فقد يوسف واتهم اخو يوسف بالسرقة وابيضت عيناه من الحزن فأتاه الله بهم إجمعين ليش اليأس والإحباط هذا يافردوس ماعند الله خير وابقى واللي كاتبه الله بيصير وانا اختك وربنا يسهل لك امورك ويكتب لك الخير فيها يارب . |
26-07-2012, 07:13 AM
|
المشاركة الأصلية كتبت بواسطة أوراق ملونة
 فردووس صارت مشرفـــــــــــةة وأنا ما عندي خبـــر ..!! :14: كم تشدني موضوعاتك .. كم تُفرح قلبي كلماتك .. أحب عفويتك بالكتابة تحررتِ من قيود السجع وقواعد البلاغة .. فعادت لتمطر كلامكِ بعفوية .. أتعلم منكِ معنـى الألم بصبغة الأمــل .. كم أنتِ رائعة عزيزتــي .. ولامست كلماتك شغاف قلبي .. وكم أدعو ربي أن يفرج همكِ .. ويعود بأطفالك لحضنك .. الأطفال همٌّ كل يعايشه ممن أنجبت وممن لم تنجب .. وأنا من الصنف الثاني .. حبيبتي كما قالت أم سلطان .. حمدا لله وشكرا هم بخير وعافية .. فهذه نعمةة وبإذن الله سيعودون لكِ .. فقط التمسي الدعاء لهم بالهداية والعافية .. وعظم الله أجركِ بابنة عمتك .. فهي من السابقين ونحن اللاحقون .. وفعلا كما ذكرتِ عن غصة .. وقد قرأت كلماتها البارحة .. وقد جفاني النوم وأفكر بحالها وربي شهيد .. دعوت لها بقلب راج أن يفرج الله عنهاا .. تلك الابتسامة التي عاشت بها معنا غصة خلفت خلفها آلاما مدفونة مكبوتة فيا رب فرج عنها .. وارزقها سعادة تعوضها عن كل ألم عاشته .. حبيبتي فردوس لا تتوقفي .. تابعي موضوعك .. فأنا من أشد المتابعين له .. وفقكم الله لطاعة الله بهذا الشهر الكريم .. |
27-07-2012, 02:46 PM
27-07-2012, 05:40 PM
|
المشاركة الأصلية كتبت بواسطة الفردوس غايتي
وانا كمان أحبك .. و أنتي تدرين
تصدقين , فرحت مرة لما شفت دعواتك .. نورا أحب فيك حنانك احسك مرة حنونه ماشالله الله > يا ليتك اختي و عايشة معي في بيتنا تدرين وش أكثر شي يخليني أبكي كل يوم .. اتخيلهم عند النوم , مين ينومهم و يهتم لهم و يقرى عليهم أدري والله أدري انو حيرجعو لي اذا كبرو إن شالله بس كيف ..؟ و بأي نفسية حيكبرو ..!! هذا اللي قاهرني عمري ما تخيلت ان أطفالي يربوهم شغالات .. و صار > عشان مرة ثانية ما انقد على الخلق تصدقين .. لما كنت ادرّس اطفال تمهيدي .. الطفل اللي تجيبه الشغالة للمدرسة أحن عليه و أرحمه .. أحس ان وراه أم جبّارة أم ضايعة مو مهتمة لبزورتها , كان عقلي صغير وكنت نقادة ماكان عندي أي عذر لهاذي الأم المضيعة و دارت الدنيا .. و صارت الشغالة هي اللي تدخل بنتي للمدرسة > الحمد لله على كل حال عمتّي زوجها ظابط / تحكيني عن قصة مرت عليه في القسم لما قالتها لي جلست ابكي .. طفل عمره 7 سنوات أمه و أبوه منفصلين , في الشهر مرة يجيبه الأب للقسم عشان يجلس مع أمه اربع ساعات وياخذه ... تخيلي الحكم الظالم والولد لما يجي يشوف أمه ينبسط و يستانس ولما يخلص وقت الزيارة يجرونه من أمه غصب .. ماعاد فيه رحمة الولد قال لأمه لاعاد تجين ما ابى اشوفك طفل عمره 7 سنين .. تجرع الحرمان والألم .. ومن مين من أمه و أبوه الله لا يسامح من إغتال براءته و طفولته عورت قلبِك صح ..! انا كل يوم اسمع قصص تحزن .. و أبكي على مخدتي ادعي الله ..يرحمني ويرحمهم لأني بدونهم بلا هوية اصحى ثاني يوم .. احاول أتناسى و أكون طبيعية و الحياة ماشية نورا ... سعيده لوجودِك و دعواتِك .. واعذريني اذا وجعّت راسك ..انا مزاجي له فترة مو أوكي بس الحمدلله |
.. فاضية و الاذان باقي عليه خمس سااااااااعات ) و امه انجليزية
27-07-2012, 09:04 PM
01-08-2012, 05:44 AM
02-08-2012, 03:53 AM
03-08-2012, 11:58 AM
03-08-2012, 02:18 PM
06-08-2012, 04:33 PM
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
