السلام عليكم ورحمة الله حبت افضفض لاغيرر وانا الحمدلله اقدر اسيطرعلى غيرتي عندي بنت عمرها تسع سنوات ويسكنون بجانبنا الجيران وعندهم بنت في سن ابنتي هي وابنتي مره صديقات يذهبواللمدرسه كل صباح مع نفس الباص المهم أخذت بنت الجيران تزورنافي البيت في كل وقت لدرجة انها من المدرسه على بيتي تجلس عندي لو اليوم كله أمها ما تسال عنها أنا هذا الوضع ضايقني البنت كنها وحده منا صرت مااستقبلها الا فترة العصر وكنت اتحجج لها بمذكرة بنتي لكن لاحظت عليها ايش انها أتسأل عن زوجي مره سمعتها تسال ابنتي وين أبويكي بنتي ردت نائم ومره زوجي قال لي وأشي رأيك في هذي البنت وش تقولي وهو راجع من دوامه تقوله نورالبيت ومرها أنا سمعتها بأذني وزوجي داخل البيت وتقوله نورالبيت عاد أنا مره آنقهرت طفله صغيره تقول كذا وعاد قلت لزوجي شكلها تفتقد حنان والديها المهم أنا تغيرت معاملتي معها صرت مااستقبلها ببيتي اخلي بنتي تلعب معها بالحوش وقت العصر كل وحده تروح بيتها المغرب لكن مازالت المشكلة قائمه البنت كل عصر تكون بره تستغبل زوجي وتحب تحظنه وتتكلم معاه وتستغبله باغنيه منجد انااغار من طفله لكن الحمدلله زوجي يعاملها على انها طفله بريئة ماريكم هل مشاعر التي اشعر بها صح أوانهامجرد طفله بريئة تتصرف بعفويه أحب أوضح نقطه ان زوجي يحب الأطفال ويجمعهم حولينه ويلعب وينشد معاهم سواء هي او مع باقي أطفال الجيران وجميع أطفال الجيران يحبونه بس هذي البنت حسيتها غير كأنها بنت كبيره أكبر من سنها

صحيح يمكن فاقدة عاطفة الأب ..
ليه ماتنبهين والدتها لهذا الأمر ..
لو تقبلته قد تسعى لتغييره مع زوجها ..
ولو ماتقبلته ممكن تمنع بنتها من زيارتكم ..
وفي الحالتين إن شاء الله يرتاح قلبك ..

كيف أقلها إخاف تزعل مني وتفهم غلط وانا فعلا أغار منها البنت بزيادة مهتمه بزوجي

ماشالله عليها
طفله حبوبه وبفطرتها
وانتي زوجه محبه لزوجها الله لايفرقكم
لو انا مكانك مااخلي احد يستقبل زوجي غيري خصوصا لو كان زوج صالح
واطرب مسامعه باحلى الكلمات
واحرص انا تكون بغرفه مع بنتي لوحدهم بدون ماتختلط باولادي وزوجي
او بالحوش
احتياطً

ولاحظتي زوجك لفتته الكلمات والاستقبال
فاحرصي عليها

إحتوي الطفلة وعامليها وكأنها بنتك وحاوريها وافهميها وتفهميها ولا تحاكمينها وخليها تفتح لك قلبها
وأبدا لاتكلمين أمها كوني أنت أمها وصديقتها وعرابتها

أنا استقبل زوجي بإحلى طله وانا مبتسمه ولكن هي تكون بره في الخارج تستقبله باغنيه لدرجه انها تعطيه قبلات من بعيد حلو نبهتني ان داخلهم بالداخل قبل حظورزوجي لكن لمتى

انا أغلظت أني أسأت معاملتها ولااستقبلها من اليوم سالعب معاها واحتويها وانزل لسنها يمكن تفتح قلبهالي

مع الأسف لا تستحق جارتكم لقب أم ولا يستحق جاركم لقب أب
طفلة صغيرة يتركونها بهذا الشكل ... وتغني وتدندن!!! ما هذه الثقافة !!!

ضمها لطفلتك طوال اليوم حل مؤقت وليس دائم فغداً ستكبرالفتاة وتصبح
صبية يافعة ... أرى أن تتحدث مع والدتها إحدى الجارات الكبيرات والعاقلات
وكذلك زوجك عليه أن يتعهد والد الفتاة وينصحه...

أما غيرتك فيبدو أن الطفلة وجدت في زوجك الأب وفي ابنتك الأخت
وإذا تقربتي منها تصبحين أنت الأم.. وأما طريقة تعبيرها لزوجك
فهذه التربية السيئة ... الفتاة "فالتينها " أهلها طوال اليوم
ومن حسن حظها أنكم جيارانهم وإلا ماذا قد يحدث.. اختطاف .. تحرش ..
اعتداء ... !!!! إنها لقمة سائغة في عيني كل منحرف
أسأل الله أن يحفظ جميع أبناء المسلمين

حاولت أنبه والدتها بالرسالي لها مقاطع عن التحرش وتربية الأطفال لأكن لاجدوى البنت طوال اليوم بالشارع وفعلا الله سترعليها ان نحن جيرانها ولكن بجانبناجيران كلهم شباب ويتجمعون الشباب امام منزلهم المفروض انها تنتبه لابنتها على الأقل لتواجد الشباب في نفس حينا وتخاف على ابنتها منهم على الأقل

أحب انوه أن أنا عندي ولد مراهق أخاف عليه وآلام الله يهديها مي داريه عن بنتها