السلام عليكم ورحمةالله و بركاته

ترددت كثيرا بالكتابة لاني مب عارفة شو اقول وكيف اشرح
لكن استخرت و بكتب بتلقائية

عمري 26 .. متزوجة وعندي بنت


مشكلتي الاساسية .. الفراغ و قلة اختلاطي بالناس
هالشيء خلاني مب متفيجة لشيء ومالي نفس
و احيانا اقول او اكتب انب بسوي هالشي وهالشي لكن قليل ما انفذ .

اقضي يومي .. بشغل البيت و بنتي و الباقي تلفون يالمنتدى يالاستغرام
شغل البيت مب وايد .. ولما اكون مشغولة نفسيتي تكون افضل

يتبع >>>>>

قبل لاتزوج الله اكرمني و حفظت القرآن .. و طبعاالامر محتاج مراجعه مستمرة
كنت دايما اروح للتحفيظ .. لكن من تزوجت زوجي منعني

وحاليا سمح لي اروح حلقة لمسجد ..

خلال 5 سنوات ما ثبت غير 13 جزء
ومب راضية أبدا عن أدائي .
مع اني كنت اقدر اثبت واخذ السند و ابدا قراءات ثانية بعد
اشوف حواليا .. في بنات بدوا بعدي و الحين ماشاء الله بدو بالسند .
قراءتي قبل كان الجميع ينبهر بها .. وأذكر لما كان عمري تقريبا 15 .. وحده من المعلمات سمعتني و قالت لي اتوقع لج مستقبل باهر .
لكني اليوم و بعد سنواااات ما ازال بنفس المستوى .

تخصصت بالتفسير .. لانه ظروفي ما سمحت لي ادخل تخصص علمي
رغم اني من المتفوقات بالقسم العلمي . و كانت ميولي علمية بالاضافة للشريعه

تخصص التفسير دخلته عن قناعه بعد سنتين قضيتها بعد التخرج بدون دراسة
وكانت دراستي عن بعد عن طريق النت .
والحمدلله تخرجت من سنتين بتقدير مرتفع
أريد أراجع اللي درسته او اقرا بهالمجال . خصوصاانه لم ندرس سوا تفسير بعض السور الباقي في الاصول و القواعد.
بدأت قراءة كتاب في التفسير و ان شاء الله أستمر .

اشتغلت قبل لاتزوج محفظة للاطفال بعمر 3 سنوات و حبيت المجال جدا .
لكن بعد زواجي بشهور طلعت باصرار من زوجي.

حاليا .. تقبل فكرة الشغل لكن مب اي شغله بيناسبني وقتها او ظروفها . لانه بنتي معاي
لكني ابحث
و ما يريد اوقع عقد .. واعرف انه لو ما وقعت عقد بيطلعني من الدوام ان حملت
و بعدها ارد بنفس ابدوامة

ابحث عن وظيفة محفظة للاطفال >>> اشوف نفسي بمجال الاطفال اكثر . لكن احيانا تراودني فكرة الفشل وتنه حماسي الزايد وثقتي بنفسي و بأدائي لما تنحط بالواقع ممكن تتلاشى.
رغم اني قبل حملي سمح لي زوجي بالعمل لشهور و اعجبهم أدائي لكن ما زلت احمل هاجس الفشل . ربما لاني احب التجديد والابتكار لااحب الشي التفليدي .

من سنتين تعلمت الخياطة .. و اقضي وقت فيها و الحمدلله اللي اسويه يعجب الجميع .
و خططت لمشروع تجاري .. و بدات التدرب عليه عشان اضبطه
لكن خطواتي جدا بطئية ..
كل شي مخطط له ..و ارى انه باذن الله بيكون شي ناجح و جمييل . لكن انتظر حد يدفعني
او يمسك ايدي و يسوي معاي .

اشوف اني امتلك اشباء كثيرة لكن مااستغليتها
الوقت . الطاقة . الفكر .
لكن بدون فايدة .
هاللي خطر فبالي الحين واي استفسار بجاوب علبه

وعليكم السلام ورحمة الله وبركاته

ماشاء الله اخت حافظة للقرآن

شيئ جميل بارك الله فيكي

اشكرك على اختياري وان شاء الله افيدك انا واخي امير البيان

خليني ابدأ من هنا

نجح مشروعك وماذا بعد؟

إلى الآن لم ير النور

قبل رمضان بدات التدرب علبه كي اتقنه و برمضان اوقفت كل شي
و للان لم اكمل
بقى لي شي بسيط و اكمل اول حبة بشكلها المطلوب و المتقن ةالى حد ما
لعلي اكمله اليوم .

كما اخبرتك .. خطواتي بطيئة لاادري لماذا

لم تجيبي على سؤالي : فلنفترض ان مشروعك نجح، ماذا بعد ذلك؟

اكملي معي اجابة الاسئلة عشان نوصل للي نبغاه

اسفة ما فهمت السؤال بالاول

امممممم بعد نجاح المشروع
شعور بالانحاز / تفريغ طاقة الابداع و التصميم / شغل الوقت
المردود المادي بساعد فيه اهلي و افكر اني بعد ما يكون عندي مبلغ محترم ادخل شريكة بعقار لكن هذا بعد سنوات ولين تهدأ الاوضاع ببلدي الام

ساعدتي اهلك وبعدين؟

والمسار الاخر

اصبحتي شريكة في عقار ما وبعدين؟

استقلالية فقط