السلام عليكم ورحمة الله وبركاته..
أجلس معها صارحها ما ينفع كل اشوي تطلب الطلاق مو لعبة هذه الكلمة، وكما تفضلوا منا سبقني بالفعل الإنجاب شماعة فقط
ولو استجابت لك في هذه الساعة ابحث عن العلاج وبإذن الله سترزقا..
ضع عاطفتك وحنانك في الوضع المناسب فقط أما تتمرد بهذا الأسلوب كن حازم وإذا لم يعجبها هي حرة فلتختار الحياة التي تريدها.

بعد ان كتبت لكم موضوعي بعنوان " مشاكلي مع زوجتي وطلبها الانفصال لاجل الانجاب "

بعد هذه الايام المره السووداء التي عشتها مع زوجتي بعد حب من اعماق قلبي كنت اشعر ان زوجتي بدأت تكرهني وباتت لا تريدني بعد 9 اشهر من الزواج اصرت زوجتي على عمل فحوصات لي بعد تكرار طلبها مرارا وكنت اتوقع انه لا توجد عندي مشكله وبعد عمل الفحص لي اكتشفت اني انا عندي الخلل وهو قلة في عدد الحيوانات المنوية ووجود تشوهات والحيوانات المنويه كلها ساكنة ولا تتحرك .. بعد هذا الفحص واكتشاف زوجتي لهذا الامر عشت ليالي مره تعيسه وكل ما اتي من عملي مجهد متعب لا اجد منها سوى وجه عابس وكلام كالحجارة تقذف من اعلى جبل ولا تريد التكلم معي ولا التحدث ولا تريد مني اي شئ سوى انها عابسه الوجه .. وبعدها بيوم او يومين بعدما تكلمت قالت لي : " نعم لقد خدعت فيك ظروفك المادية صعبة وكل شئ كان عند اهلي مو عندك وحتى مواعيد دواماتك مو نفس مواعيد دواماتي وافعد بروحي من ال 3 العصر ل 12 بالليل وكمان عندك مشكله بالانجاب والله انا حاسه اني اخذت صفعه على وجهي من زواجي منك انتو بخلاء وما تحبون تدفعون فلوس وابوك بخيل ما يحب يصرف فلوس وبيتكم مو حلو وكل شي فيه قديم ومتهالك جدا حتى الفروق بينا اجتماعيه وماديه كل شي فيك غلط وعلى شنو اتحملك !! والله انا سمعت هذا الكلام جنه سكبت علي دلو من الثلج وصعقت وبعدها لم اتفوه بكلمه لدقائق معدوده احاول ان استوعب ما تقوله زوجتي لي .. وبعدها تكلمت بكل هدوء وصبر وقلت لها انتي تعلمين ظروفي المادية انها على قدي من قبل الزواج وما خدعتك وتعلمين ان مواعيد دوامي عكس مواعيد دوامك ( هي دوام من 7 ل 1 الظهر وانا من 3.30 ل 11.30 ) وطبعا انا لما ارد البيت انتي بتكوني نايمه بسابع نومه هي تنام من ال 10 ، وموضوع الانجاب هذا جديد علي وانا ما كنت اعلم فيه شي ردت وقالت لي بصوت حاد ونبرة مرتفعه انا من اولللل ادريييي ان اعندك المشكللللله مو معقوله 9 شهور زواج وما في حمل !! قتلها خلاص اصبرين علي وان شاء الله بروح للدكتور بتابع المشكله قالتلي متى راح تروح ؟؟ وعند منو ؟؟ قلتلها خلن اشوف وخير ان شاء الله .. ومشيت وانا تعبان ومتضايق جدا كم الكلاام كنت متوقع مواساة لكن كان العكس المهم بعد كم يوم وخلاص الامور مشت وهدينا شوي حسيت نفس الشي ارد من دوامي الاقي وجه عابس واجي اكلمها ما ترد واحط ايدي عليها ترفس ايدي اقولها اشفيج تقولي بصوت مرتفع انت ليش بارد انت اشلون عندك هذي المشكله وبالهدوء هذا انا حاسه انك كنت تدري ان عندك هذي المشكله من قبل الزواج وقصيت علي !! وهذا دلو من الثلج اخر قتلها اشلون اقص عليك وخلتني اقسم بالله اني اول مره اعرف اني عندي مشكله واخدعك انا اول مره اعرف ان عندي مشكله وراح اعالجها قالتلي يعني لحد الان ما سويت اي شي وناطر امك تجيبلك دكتور مجاني انت بخيل ما تبي تدفع فلوس ( لان امي يا خوان تشتغل بوزارة الصحة ) وراح تجيبلي كشف مجاني ، وانا والله العظيم ما عندي فلوس ولا حتى ثمن الكشف وما ابي اخذ من اهلي وابي اشيل مسؤولية نفسي وهي تدري ان ما عندي فلوس وكل راتبي رايح على ايجار واقساط لدرجه اني ادوام دوامين عشان احسن من دخلي واحاول ما اخذ من اهلي مساعدات وصرت اشتغل من 7 صباحا ل 1 ظهرا وبعدين من 3.30 ل 11.30 بالليل يعني طوووول اليوم بره وكله دوام بدوام والله اني ما انام الا 5 ساعات باليوم عشان بس احاول اغطي مصاريف بيتي واحاول ما اتداين من احد وبعدين تقولي انت بخيل مثل ابوك واهلك ما تحبون تدفعون فلوس حتى بيتكم سكراب ومو مظبطينه وكل شي عندكم قديم ومتهالك وما تبون تبدلون وتدفعون فلوس ، المهم بعد كل هذا تقولي عموما انا ليش اتحملك انا مالي شغل وانا شكو اتحمل واصبر انا عمري 29 سنه وللحين ما عندي عيال شوف (امامك 3 اشهر لو ما عالجت نفسك بتطلقني ) وانا سمعت الكلام ضربت كف بكف ومن كثر الكلام الصعب والله صار عندي تبلد صرت اسمع الاهانه منها وسباب وصرت عادي اسكت .. المهم بالفعل امي خلتني اروح لدكتور يدرس بكلية الطب بالجامعه عندها بالمستشفى وحطلي موعد على يوم 27/4 عشان اسوي بعد الفحوصات عنده بالمختبر وقالي بعدها بيوم راح تجيب الفحوصات وتجي وان شاء بنشوف وبعد ما طلعنا من عند الدكتور والله انه كان يوم اسود اسوددد اسودد كلام جارح وترفسني وما تبي تكلمني والله حسيت اني جاني وسويت جريمه وان هذا كله مو من عند رب العالمين، وتقولي لا انا مالي شغل راح تصبر ل يووووم 27 توي النااااس منو يتحمل كل هالايام روح ادفع فلوس وخلص كل شي بيوم لان العلاج راح ياخذ وقت وانا بي اطفال بسرعه وانا شكو انتظر ومن يومها وانا عايش بمعاناه اروح البيت وجه عابس مع ان اوقات كثير تقولي كلام حلو واحبك واموت فيك وما اقدر اعيش بدونك لكن ممكن الصبح تقولي هعالكلام المعسول واجي بالليل وانا بدوامي اكلمها الاقيها تحولت عن الصبح وما ترد علي وما تبي تتكلم وكل الكلام الحلو اختفى والكلام الجاف بدا يطلع منها وانا بره البيت اكافح طوال اليوم من اجل بيتي بدون شكوى..والحين كل ما اكلمها بشي تقولي كلام وايد ما افهم تفاصيله واحيانا احاول لا ابدي اهتمام لكي لا اصاب بجلطه دماغيه او سكته قلبيه يعني ممكن الاقيها بوسط الكلام وحنا بنتكلم بموضوع معين تقولي يلا كلها شهر وراح اصدمك تقولها كلها شهر وكل واحد يكون بروحه وانا اسمع هالكلام واتجاهله وما ابي اركز فيه واعاملها كطفله وما ارد عليها وتركها تتكلم .. اليوم اقولها ولد عمي عازمنا عالغدا تقولي لا انا تعبانه روح انت بروحك وتعال اقولها بس الدعوه لي ولك مو انا بروحي وكلنا رايحين انت مو زوجتي لازم تجي معاي تقولي لا مو زوجتك كلها شهر وبتشوف شنو راح يصير راح اعطيك احلى مفاجأة . المره هذي رديت عليها اقولها شنو براسك اكثر من مره تقولي هالكلام تقولي اي عادي ابي اتكلم شنو ممنوع اتكلم قتلها لا مو ممنوع بس شنو تفسير كلامك يعني انتي عندك تخطيط فبالك وانا ما اعرفه تقولي اي اكيد كل شي ببالي انا وحده منظمه واحب اخطط لكل شي .. وبعدين سكت وسريت.. وانا من ها الوقت اولله امشي بالشارع اتكلم ويا نفسي وببالي الفين موضوع وموضوع اشلون هذي زوجتي اشلون تسوي فيني جذي اشلون هذا نصيبي اشلون بيوم تقولي احلى كلام وبعدها بيوم تقلب تماما بروحها وحجتها تقول اي انا قلبت عشان اشوف الاطفال بالشارع واتندم واتحسف على حالي .. قلت اشلون يعني انا عيبي شنو ولا شنو ولا شنو يعني انا سويت كل شي عشانها ورحت وكشفت عند الدكتور حددلي موعد بس ما تبي تصبر وكل يوم كلام جارح وتكلم عن اهلي بأقذر الكلام وتقولي شنو بيتكلم هذا انتو ما تهتمون مثلنا انتو بيتكم خايس ومو مرتب وريحته خايسه وكل شي فيه خايس انا اللي نقلتك من عيشه لعيشه افضل انا اللي نقلتك من بيتكك الخايس المكان النظيف وخلتك تشوف النظام والرتابه ذيك المره بقولها لا تعبين نفسك بنظافه البيت خليها اخر الاسبوع بساعدك فيه تقولي لا انا ما اقدر اقعد بهالوصخ قتلها بس مو وصخ وصخ يعني ريحي نفسك شويه ردت تقول اي هذا بالنسبه لك انت نظيف بالنسبه للمكان اللي انت كنت فيه هذا بريق البريق وانا اسمع مها هالكلام وقلبي ينحرق وتكلم وعن ابوي وامي والله العظيم ان كل مره اروح عند اهلي زيارة انا وزوجتي يكون يوم اسود لازم ينتهي بهوشه بيني وبينها ولازم تحلل وتدقق على كل حرف طلع من امي وطلع من ابوي وتسألني 5 الالف سؤال ابوك شنو يقصد لمن قالي جذي وجذي وامك شنو تبي لمن قالتي جذي وجذي وبنهاية اليوم لازم هوشه كبيره وانام وانا قلبي يشتعل نار .. والله ما ادري شنو اخرتها الصراحه انا ما انكر ان هي سوتلي اضافات بحياتي كنظافه ورتابه ما شفتها بيت اهلي لكن هذا له مقابل مرير يعني انا كلش ما اشيل فلوس وما يتبقى من راتبي اي شي ومقابل ايضا الاقي منها اسوء الكلام عن اهلي وعن ظروفي مع العلم انها شافت كل شي بفتره الخطوبة وكل شي كانت على علم به وما قصيت عليها بأي شي الحين مو عاجبها شي والي زاد وغطى مشكله فحوصاتي والله انا بحيره وما ادري شنو اسوى وماني قادر اسولف مع احد ولا حتى اهلي عشان محد يتضايق منها ومن افعالها على الرغم انها تحكي لأهلها كل شي عنا وانا ما اقول لأهلي عشان لحد يقسيني عليها وابي اتصرف بعواطفي انا احبها لكن ليش ما ادري هي وايد يتكون حنونه ويطلع منها مواقف حلوه ومفاجأت لكن اكثر الايام عايش بنفسيه مو حلوه بسبب افعالها والعجيب انها تجيب اللوم علي وتقولي انت اللي واللي واللي واخر يومين طلعتلي بموضوع انك مو مهتم فيني واهتمامك قل لازم تتصرف عشان ما انقلب عليك قتلها شتنتطرين من واحد يداوم من 7 الصصبح ل 12 بالليل انا ابي اللي يهتم فيني تقولي لا تعلق حجتك على دوامك انا مالي شغل اترك الدوام .. ساعدوني الله يجزاكم خير واغيثوني وانصحوني..الله يسامحها

اطلب العون من الله

كم عمرك؟

من طريقة كلامها احس مضغوووطه من الظروف ،،مشكلتك بالانجاب+دوامك (مو سهل على الوحده تتحمل دوام زي كذا وتجلس لحالها طول اليوم )+احساسها بالفروقات الاجتماعيه بينكم...طبعاً كل هذا ضاغطها بس مو مبرر ابداً تقل ادبها بهالطريقه معاك هي غلطانه 100٪ ..في طرق لبقه تقدر توصل لك فيها اللي براسها بدون تلفظ وتجريح..لو تبي رايي انت شكلك طيب ومارديت عليها رد يقصفها،،قول لها اذا انا ماعجبتك مع السلامه مافي شي غصب والله يرزقك ويرزقني بعد ،،

عمري 28 وهي 29

انا كنت صريح من البدايه وما خبيت شي وانا لو قلت لها اذا انا ماعجبتك مع السلامه مافي شي غصب الرد الفوري لها مع السلامتين وانا اصلا ابي ارد بيت اهلي حيث الدلع وكل شي احصله واكون بحريتي التامه واي شي براسي اقدر اسويه انا اعرفها عدل هذا ردها وماكو غيره

عمرك صغير والعمر قدامك ان شا الله

زوجتك يبدو ان مشكلتها ليست في الانجاب فقط حاول تصلح علاقتك معها وتتفاهم معها لحل كل المشاكل


اشتغل على نفسك .. ضع خطط لكل مشكلة

ابحث عن وظيفة اكثر استقرار .. خذ دورات وتدريب عشان تزيد فرصك

ابدا وفرو ولو مبلغ بسيط 200 ريال كل شهر

وابحث عن علاج لمشكلتك في الانجاب ولو طال الامر ..

واجعل زوجتك على علم بكل شيء لكي ترى انك تسعى وتبحث عن اصلاح حياتكم

اعتقد انك لو قمت بما ذكرته ستتحسن حياتكم وعلاقتكم باذن الله

ملاحظة اخيرة .. لاتسمح لزوجتك ان تشتمك او تقلل من شان اهلك فالعلاقة الزوجية بدون احترام متبادل لا قيمة لها
وانصحك ان تطلب مساعدة احد المستشارين المتميزين في المنتدى لتتعلم فرض احترامك ووضع الحدود في هذه المسألة

إذا استمريت بهالتفكير بتعيش بلاكرامة ولا حقوق.

حسبنا الله و نعم الوكيل
اخي الفاضل انت صبرت و تصبر على ما فيك
المرأة اذا شافت جوزها ما عندو شخصية بتستهتر انا ضد انك تضرب زوجتك بس لو مرحلتي بتوصل مرحلتك
بكل شفافية و صدق بلحسها بلاط دار ذهاب و اياب بعد هيك بفكر اطلقها او خليها معلقة لوجه الله وقف و بتعالج وبتزوج
و رزق على الله

اخي الكريم ..موضوع الانجاب لاتيأس وخذ بالاسباب مو عشان زوجتك لا عشان نفسك اكثر من الاستغفار وكثرة الصدقة ولو بريال لو حالتك ماتسمح .. مره قرأت عن وحده زوجها ماكان عنده حيوانات اصلا عددها صفر واستعملوا خلطة كان من فيها عسل اظن وحملت الزوجة بعد فترة ابحث في النت اكيد في ناس مروا بنفس المشكلة ..


بخصوص زوجتك : زوجتك من حقها بالخلفه ماختلفنا ماتبغى تكمل معاك وتشوف لها نصيب تاني برضو من حقها ماقلنا شي ولكن اخي الفاضل زوجتك انسانه مزاجية وقاسية لاتعرف احترام الزوج واحترام اهله لاتراعي مشاعر الغير ولا تعبك عشانها غير قنوعه بس هذا استنتجته انا من خلال حديثك ..

اسمح لي اخي انت انسان شخصيتك ضعيفه قدام زوجتك حبك لها وخوفك من فقدانها خلتك تنسى كرامتك وتسمح لها تهينك وتهين الشخصين الي تعبوا وكبروك ووصلوك للي انت فيه بيتك هذا الي هيا تنتقص فيه ع الوحه والجايه كبرت فيه انت .. زوجتك تتهمك بالكذب والخداعونت ساكت مني عارفه كيف تقول عنها حنونه فوق كل هذا ..

اخوي نصيحه وقف زوجتك عند حدها وخليها تعرف وتلزم حدودها احترامها لك شي الزامي عليها مشكلتكم راح تستمر حتى لو زوجتك انجبت وراح تجي تشتكي من مشاكل تانية لو ماغيرت طريقة تعاملك مها اعرف متى ترخي وتشد وماتعدي لها كل زله هيا عارفه وحاسه بخوفك انها تسيبك وريها انه ولا همك لو قالت لك الشهر الجاي نشوف عادي قلها ماتفرق معاي راح الاقي وحده تقبل فيني بوضعي الحالي عالج مشكلتك من الجذور عشان ترتاح مستقبلا .. لاتحسبني احرضك عليها لا والله اتمنى لها الخير بس المشكلة في تعاملك فعدل من نفسك .. والله يسهل امورك