كيف اكسب زوجي؟ - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

 
قديم 13-07-2010, 02:05 AM
  #1
"دلع "
عضو جديد
تاريخ التسجيل: Jun 2010
المشاركات: 27
"دلع " غير متصل  
كيف اكسب زوجي؟

بسم الله الرحمن الرحيم
راح اقولكم قصتي من البدايه انا بنت من عائله محافظه جدا ولله الحمد كان عندي بنات خالات ثنتين وعلاقتي معهم مره قويه وكلهم يكبروني بسنتين .

وحده من بنات خالاتي (منى)الله يهديها تعرفت على شاب مصري متزوج وعمره بالاربعين وتكلمه جننت فيه وفي زوجته كنت انصحها كثير وبنت خالتي الثانيه(رنا) برضو كانت تنصحها بس هي جريئه وماتخاف كان عمري بتلك الوقت 15 سنه

بنت خالتي(منى ) كانت تكلم شباب كثير وحده لاعابه وكانت تجبرني وتجبر بنت خالتي(رنا) نكلم مثلها طبعا رفضنا بشدة لاكن للاسف استطاعت تخلي رنا تكلم مثلها لاكن انا ماقدرت علي

لين صارت تعطي الشباب رقم جوالي وازعاجات ... طبعا انا عصبت وزعلت وكان فيه شاب مقلق فيني وكان يقول(والله مابي منك شي والله ابي سالك وتجاوبين ؟) فقلت (اسال بسرعه) قال (لبنت الي اعطتني رقمك تعرفينها) قلت (ليش...؟ وهدي وحده ندله اعطتك رقمي انا ماني راعيه هالسوالف) فقال (طيب .. طيب.. انتي تعرفيني؟؟ ) فقلت له( ليش من انت؟؟) فقال (انا فلان بن فلان والبنت الي اعطتني رقمك تعرفني زين زين وتعرف اهلي كلهم وعدتهم واحد واحد... انا ابغى اعرف من هي؟) ....
انا انصدمت وصدمه قويه الشاب هدا له قرابه في خوالي من بعيد.. واهله وعمامه اصدقاء الابوي واخواني.

المهم صار يتصل فيني باستمرار يبغى يعرف مين احنا .....مرت ايام وايام ولاحظت اني صرت اكلم هالشاب حسيت اتجاهه شعور غريب حسيت اني احبه موووت وهو قالي انه يحبني مووت طبعا انا اعترفت له بكل شي مين انا ومين اهلي ومين البنت الي تعرفه ......الخ


حبيته بجنون وهو حبني بجنون وكان صادق في حبه بعد مرور سنتين حب وسعاده وكان عمري 17 سنه سمعتني امي اكلمه ودخلت علي بالغرفه وهزئتني وسالتني منهو طبعا انا قلت لها هدا واحد لاعب وجلست اتفاهم معاه ومن هالكلام لين امي اسكتت رغم انها مو مقتنعه..

وبعدها بفتره سمعتن امي مره ثانيه اكلمه وهنا عرفت اني اكدب عليها واخدت مني الجوال .......
طبعا ماكنت متحمله فراقه دقيقه لي صرت اسرق جوال امي باليل واكلمه ...
واستمريت على هدا الحال لين امي اكتشفت اني اكلمه من جوالها وهالمره كانت غير وحاولت تضربني
واخدت مني كل شي.. طبعا انا ماتحمل فراقه صرت اكلمه من تليفون البيت وهنا المشكله الكبيره الي صارت جلست تقريبا شهر اكلمه من تليفون البيت لين وصلت مرحله انه واحد من عمامي الي ساكن معنا في البيت سمع مكالمتي بالكامل كان عندنا 3 من عمامي ساكنين معنا في البيت مع جدتي وجدي


بالرغم ان حبيبي كان يقولي لاتكلميني باستمرار انا خايف عليك يكفي ...الخ
لانه يعرف اهلي ناس محافظين ....المهم جاء عمي ومسكني وقالي كل شي كان يعرفه لدرجه انه عرف القصه بالكامل والى الان لااعلم كيف عرف طبعا هددني وضربني وسالني ادا انا اعطيه صور او لا وكلم حبيبي وهدده انه مايكلمني وراح لمه للبيت يبغى يتفاهم معاه بس حبيبي رفض مقابلته..


هنا افترقنا فتره طويله انا شفت الموت وهو انمرض وصار مثل المجنون هو كان وحيد امه وابوه متوفي وله 3 خوات.... لين تفجات من والدي قدم لي هديه جوال ورقم .... وقبل لايعطيني الهديه قالي كلام عمري مراح انساه قالي انتبهي ادا دق رقم غريب هدا زمان يخوف يابنتي...الخ
طبعا امي رفضت الهديه وقالت مافيه جوال وابوي اصر وقال بنتي ماتنقص عن باقي البنات ..
وانا رحت غرفتي وصرت ابكي بقوة بقوة لين حسيت اني انهرت خلاص ... وماقدرت اتحمل ودقيت على حبيبي وكان طاير من الفرحه لما سمع صوتي وقلت له على كل شي رفض نستمر لانه خايف علي بس بسرعه وتراجع....من هنا صار لنا 3 سنوات حب اكلمه باليوم 3 مرات ....الخ

لين اصر يشوفني يبغاني ارسل صوري له على جواله وبعد رفضي الشديد ارسلتله.. انا ولله الحمد جميله وبعد ماشافني اتجنن وصار يطلب مني يوميا 5 صور وانا لابسه مريول المدرسه ونا نايمه وانا صاحيه من النوم وبكل حال شافني وانا طلبت اشوفه على الطبيعه ودخلته بيتنا وشافني وشفته وضمني على صدره وقالي احبك احبك احبك. وانا اموت فيه.

شافني على الطبيعه 4 مرات من دون مايسوي شي بس بوسه ضمه بس.
بعدها صارو الخطاب يتقدمون لي كثير وهو كان موظف. وامي مستعجله على زوجي رغم اني صغيره
اعطيته خبر وقال (انتي لي انتي لي فاهمه وياويلك تروحين لغيري) كملنا اربع سنوات حب

بعدها اهلي صارو يسالون عن الخطاب الي يتقدمون لي وبديت اخاف وامي كانت تقول (البنت الي تكثر خطاطيبها تعنس)
طبعا كنت اقوله دايم ويقولي لاتوافقين ابد انتي لي انا.
بعدها بفتره صار يقولي الله يوفقك الي يبونه اهلك سويه.. سالته ليش تقول كدا ؟
رفض يقولي وبعد اصراري قال (انا فاتحت امي بالموضوع اتقدم لك افرحت كثير لاكن لم عرفت انه انتي ارفضت وصارت مشكله) قلت(طيب ليش ارفضت ؟؟؟؟؟) قال(امي تقول الي كلمتك تكلم غيرك وانا تعبت وانا اقنعها وقلت لها تراني ماراح اتزوج غيرها قالت بكيفك)انا انصدمت ماتوقعت هالشي المهم كملنا 5 سنوات وانا ارفض الخطاب عشانه انتظره..وهو يقولي انتظري شوي اقنع امي فقلت له تعبت انتظرك بسرعه امي تبي تزوجني. اخر شي امه قالت له منت ولدي ادا تزوجتها..........................

تخيلو تخيلو حب سنين يروح كدا!! تضحيه وغامرت بكل شي عشانه..؟؟؟!!!!!
كملنا 6 سنوات وبعدها تقدم لي شاب اعجب ابوي كثير وسالوني وقلت الي تشوفونه واعطيت حبيبي خبر وبدا بالبكاء وقطع قلبي وهو يبكي وانا ابكي معه كان يقول(انا ماشفت سعاده بهالدنيا الايوم شفتك انا يتيم وتحملت المسوليه صغير حتى طفولتي ماعشتها... وحبيبتي حرموني منها اه اه اه) وكلام كثير قطع قلبي


مرت الايام وبدات اجهز لزواجي وحاولت التخفيف من المكالمات وانا دموعي لاتفارقني ابد وهو دهب يشرب الخمر والحشيش كي ينسى حبه لي.......الخ
اقترب موعد زفافي كلمته اخر مكالمه لن استطيع وصفها لكم البكاء كالاطفال والقبلات وووووووو.....الخ


جاء زفافي كنت جميله تلك اليله وكل من شافني قال انت تجنني بس الدموع هدي خلاص وقفيها..
ودخل زوجي علي وكان فرحان تلك اليله بعكسي انا .
انا الان متزوجه لي سنه واحب زوجي وزوجي يحبني ولاكن حبيبي لايفارقني ابد فهو دائما على بالي
زوجي طيب وحنون بس مايحبني مثل حبيبي طول الوقت عند النت وبرا مع اصحابه مع العلم اني ساكنه مع امه وخواته بنفس البيت وقبل وطرحت مشكلتي معهم يضايقوني وماني مرتاحه ابد ابد معهم وزوجي لاهي عني دايم

تعبت مايكلمني ولايسالني شفيني ونفسيت زفت منه ابغى يحظني يلمني بحنانه ابي يراعي حقوقي في الفراش تخيلو له شهر وزياده ماقرب مني وانا ابيه ابيه ..
احيانا افكر ادق على حبيبي.. بس اقولا خلاص يكفي احس اني عايشه وحيده احس زوجي مايحبني انا احبه بس هو مادري ليش لاهي عني قولو لي ايش الحل المشاكل كل يوم تزيد بيني وبينه كل يوم يعاتبن على اشياء سخيفه زوجي تغير مو مثل بدايه زواجنا تخيلو يعاتبني يقول(ليش ماتسولفين)؟!
انا اتكلم بس مادري شيبي!! وضعي عند اهله موعاجبني ابد نفسي اطلع بيت لحالي ورافض.
على طول يعاتبني (ليش ماتنزلين تحطين لي القهوه) رغم اني دايم انزل لاكن تصدف اكون تعبانه وعلى طول يعاتبني رغم اني حامل واتعب كثير واحيانا معاي نزيف بس خلاص بديت اكره حياتي واكره امه وخواته


ارجوكم قولولي ايش الحل؟؟؟ اسفه جدا على الاطاله بس ابغى اطلع الي بداخلي..
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:12 AM.


images