يعطيك العافية اخوي وان شالله راح احاول من ناحيتي مع اني كنت اتمنى انه هالمرة يحاول هو من عنده ,, وانا ما الومه لانه مو بايده تفكيره مختلف عني وعن اهلي بشكل كبييير جدا ومو قادر يفهمنا ولا قادرين نفهمه ولا اقدر الوم اهلي لانه غلط عليهم كثير وما اقول غير الخيرة فيما اختاره الله ..

اختي لو قدرة وحصل طلاق اهلك وزوجك لان تكون لهم
خسارة بقدر خسارتك والسبب مشاحنات بين زوجك واهلك
ولكن امسكي زمام الامور وسعي بصلح لاجل بيتك
وحياتك الزوجية وعسي الله يوفقك ويسخر لك زوجك
وانتي ماشاء الله عليك من خلال ردودك امراة واعية

__________________
سبحان الله وبحمده سبحان الله العظيم

اصبري بس مثل ماقلت لك لحين تهدء النفوس وصدقيني ان كل طرف بالموضوع عارف في داخل نفسه انه مكابر بس شوي وتتغير افكارهم وخصوصا الزوج واسئلينا احنا معشر الرجال نعاد ونكابر شوي ونراجع نفوسنا ونتراجع وزوجك راح يرجع لك انشاء الله اصلا مشكلتك ماهي كبيره لها الدرجه حتى لوغلطتي و زوجك حاليا في ناس كثير قاعدين يلوموه ليش سايبك ببيت اهلك عشان موضوع بسيط وبعدين حتى لوكان موضوعك معلق بيد اخوك مافي مشكله اخوك يعتبر من دمك ولحمك وشقيق ضهرك والكلمه الطيبه تكسر العود اليابس واتمنى من الله ان يهدي نفوسهم ويسخر لك زوجك ويجمعكم على خير

__________________
تمنيت حبـاً يدوم طويـلاً .. فـدام الحب وَ رحل الحبيب.

هذا ليس برجل !!
أي دخلنا بمعروف ونخرج بمعروف ..
وهو يشتم أبوج ويقول أنه فاسد ..
وين المعروف !!
أشباه الرجال ..!!

__________________
"إنه ليقف خاطري في المسألة والشئ أو الحاجة التي تشكل علي فأستغفرالله تعالى ألف مرة أو أكثر أو أقل حتى ينشرح الصدر وينحل إشكال ما أشكل"-ابن تيمية.

الي حصل يعطي زوجك درس ...
من رأي تسألين زوجك اذا له رغبه فيك بجد والا لا ؟
اذا كان نعم..
فقولي له الي صار شي موسهل لكرامة اهلك ...
ولازم تصبر فتره لين تهدأ النفوس ويهدون اهلك . .
وبعدين هو يجي وانتي اقنعي امك تقنعهم ترجعين له...

الله يصلح حالك وحالي و احوال المسلمين يارب

يعطيك العافية اخوي وانا فعلا ناوية اني ما اكلمه عن هالموضوع الين ارجع ان شالله عشان ما تكبر المواضيع بزيادة والله يكتب اللي فيه الخير والله يسعدك ويفرج همك وهموم جميع المسلمين يارب

مشكور اخوي وما قصرت ومعاك حق البنت اكبر خاسرة بالطلاق غالبا لانه مافي انسان كامل ومافي بيوت بدون مشاكل وفعلا دخلنا ولد خالتي بالموضوع بما انه عارف الموضوع من الاول وصديق للطرفين ونشوف الرد ان شالله الله يسهل .. والله يسعدك ويرزقك يارب

ان شالله راح استنى فترة واشوف الرد من ولد خالتي وان شالله خير واليوم الحمدلله طمنتني امي انه حتى لو اخوي اصر اني اتطلق وزوجي لسة حاب يرجعني ( هذا كلام ولد خالتي وان شالله انه صادق ) فامي راح تحاول تخليني ارجع وراح تكلم اخوي ان شالله .. ومشكور اخوي والله يسعدك ويهنيك وين ما كنت واشكر حرصك عالموضوع واسفة على اي ازعاج ادري مشكلتي بسيطة بس سبحان الله الواحد دايم يكبر اي مشكله تصيرله والله يبعد عنك المشاكل والاحزان يارب
ما الومك لاني حكيت عن العيوب بس بحكم اني قاعدة احكيلكم عن مشكلة فطبيعي الظاهر راح يكون السيء فقط مع انه فيه من الحسنات كثير ان شالله بس ماحد كامل وانا عارفة انه هو عارف انه غلط بس يمكن الزعل مو مخليه يعتذر عالعموم مشكور عالمرور
اميين يارب .. وان شالله انه يكون درس له ولي وزوجي الصراحة مقدر اتواصل معاه عالاقل حاليا حاسة اني لسة شايله عليه كثير بس اللي وصلني من ولد خالتي انه لسة يبيني و الله اعلم وبالنسبة للكلام اللي قاله عن اهلي اللي هي اخر رسالة ارسلها ما قلتها غير لامي لانه لو اهلي عرفو مستحيييييييل ارجع وان شالله خير الله يسهل يارب وارجعلكم باخبار تفرح .. والله يسعدكم يارب ويبعد عنكم كل هم وضيق يااارب ..

احرصي على امك بكتمان موضوع الرسالة وانها لو تسرب الخبر الى اهلك خلاص انتهى الموضوع الطلاق واقع واقع علشان تنتبه ولا تزل بالكلام بدون قصد وتضيع كل تخطيطك

مادام عرفتي انه باقي شاريك اصبري شوي اهدي وهدي النفوس بهالعشر الاواخر وبما انه وصلك انه شاريك كلميه رسائل او مكالمه واشرحي له خيبة الامل اقل الإيمان تحمل ابوي علشان ترجعني وبعد ماترجعني لو فتح موضوع مره ثانيه قله مابي اتكلم بهالموضوع انا خلصت السالفة مع زوجتي وتفاهمنا وانتهى

وادعي ربك ان الامور تتيسر وان شاء الله خير

لاتنسينا من المستجدات

__________________
تمنيت حبـاً يدوم طويـلاً .. فـدام الحب وَ رحل الحبيب.

اختي تحملت كفاية
لا من ناحية امي ان شالله ما راح تتكلم عن هالموضوع وللاحتياط راح انبهها زيادة واشكرك عالمرور
واشكرك اخوي bulldozer على اهتمامك بالموضوع والله يجعله بميزان حسناتكم جميعا يارب..

و سالفة اني انا ابادر بالتواصل معاه مستصعبتها شوي مو عشان شي بس لانه غلط غلطة كبيرة بحقي وحق اهلي ولا كلف نفسه حتى يسلم ما اقول يعتذر بس رسالة او حتى حرف واحد راضية .. يمكن اكون مزودتها حبتين بس اظن الاخوات راح يفهموني بهالنقطة اكثر لاني بصراحة اخاف انه بايعني وخايفة يكون كلام ولد خالتي لمجرد الصلح لانه بصراحة بعد ما سب اهلي برسالة طويييلة عريضة عالواتس انا تحسبت عليه وسويتله بلوك رجع ارسلي رسالة نصية يتحسب هو فيها ويقول اننا غشيناه (مع اني ما ادري مين اللي غش الثاني ) وما رديت عليه وصارلنا 28 يوم بالضبط من تاريخ المحادثة وبعدها جا مرة مع عمه زي ما ذكرت بالموضوع بس ابدا ما حاول يتواصل معاي واتمنى من الاخوان اذا احد عنده فكرة عن تفسير موقفه( لاني جد ما افهمه كل ما احسب اني فهمت شي يطلع قصده شي ثاااني فعليا)ولاني جد خلاص كنت ناوية اليوم ارسله واتاكد منه اذا لسة يبيني او لا عشان اروح اكلم اخوي لاني جد تعبت بس ما ادري ترددت خايفة اني اكون شايفة الموضوع كله غلط ( وانه يبي الفكة مني ومن اهلي او انه ما يبي يطلق للمرة الثانية بس مو عشانه متمسك فيني ).. وادري ازعجتكم وجد اعتذر بس مالي غير الله ثم انتم وخواتي كل لاهي بنفسه وما الومهم جد حاولو يساعدوني بس من جد محد فاهم زوجي واسفة مرة ثانية

الله يصلح ما بينك وبين زوجك ان شاءالله
لفت نظري انك لك فقط 5 اشهر متزوجه وايضا مطلقة من قبل والحين لو يطلقك تصبح الثانية
نصيحة لا ترسلين علية اي رساله ولا تتواصلين معه نهائي لانه اهانك انتظري حتى اخر رمضان والعيد وشوفي وش يصير
ادعي كثير ان ربي يصلح شانك كله ويصلح مابينكم
مثل ما قلت لك لا تتواصلين معه لانه راح يذلك مع اول نقاش بعد الرجعه له وانك ميته عليه حاولي تخلي امك تكلم ولد خالك يذكره بالله ويصلح بينكم وكمان يقرب وجهات النظر بين اخوك وزوجك وابوك يعني يجي الصلح من غيرك والاتصال افضل اهم شئ تسوي نفسك زعلانه حتى يعرف غلطة وينتبه ثاني مره يهينك او يطلعك من بيتك
يارب ما يكون كلامي تخبيب لك بس والله الرجل اللي يقول كذا ويهين زوجته ما يستحقها
ان شاء الله انك ما تشوفي الطلاق نهائي في حياتك والله يسهل لكم ويصلحكم لبعض

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »