اشكر كل شخص رد عليه

ولاكن لفتني رد الاخ بلدوزر

طبعا ياخوي انت رجال ماتحس بتعب الطبخ وغسيل الصحون الي توصل للسقف
وغسيل الملابس الي كل لون على حدا
وعلى الكوي الي ينكوي وانت واقف
وعلى طفل يبكي بكل وقت وخصوصا اذا كان عنده اسهال
مابين طبخ وغسيل وتغيير حفاظات وتاكيله وتنويمه
وتنظيف ثلاث حمامات
وتنظيف سته غرف
وتبخير ويجي على طول بعده وقت السحور ونفس الكرف ماتغير

الله قال شهر الرحمه والغفران

انا هنا لا قراة قران ولاتعبدت ربي ولا اعتمرت وكنت بعيده عن الله

كل هذا بسبب طبخ بشكل يومي

اقسم بالله العلي العظيم من كثر ما انا مقابله عالزيت جاتني كتمه بصدري لان خلاص قبي سمبوسه وقلي لقيمات وقلي سلطة فتوش وهكذا مسنتره عند الزيت و ولدي يلعب وابعده عن الزيت واظطر اقفل الباب واسمع صياحه برا الباب
وانا من الظهر من الساعه وحده وانا بالمطبخ اعجن واقلي واصلح الحلى ونسيت نفسي ونسيت طفلي والاهم نسيت حتى ربي لاعباده زي الناس ولا قراة قران


اخ بلدوزر اش رايك اجيبهم عندك بشكل يومي وتكسب اجر؟ انتظر ردك


مسز داني
اطبخ كل يوم وبالنهايه افطر لحالي ولا ماعمره شكرني كان يطلبها مني بصيغة الامر

وللمعلوميه

حتى لصمت يوم عرفه جابهم وش الحل تعبت والله
ابغى افطر زي العالم احس اني صايمه مو اني شغاله

خلاص اجر نعرف انه اجر بس الله قال لايكلف الله نفسا الى وسعها


طبعا اي رجل يرد هو مايحس بتعب المراه

فافضل الي يرد يرد وهو حاط نفسه مكاني

وللمعلوميه

رمضان قبل الي فات نفس الشي اكرف وانا حامل وكان عندي نزيف اقسم بالي رفع السماء بلا عمد ان زوجي بلسانه قلي شكلك حزننني لانه شافني تعبانه مرررره حسيت بالموت التهابات ونزيف وحمل في الشهر الرابع وطبخ وغسيل وعزومه بشكل يومي

اي دين هذا ؟

طبعا رمضان الي فات كنت نفاس و توفي ابوي الله يرحمه فيه

عشاني احب زوجي رجعت عنده اكمل نفاسي ورجعت على اؤاخر رمضان بعد ماخلص عزا ابوي الله يرحمه

وفوق هذا قلي بعزمهم قلت له انا نفاس تعبانه رجعت عشانك وتقلي بتعزم؟

الله واكبر
لولا حرمة ذا الشهر كان عرفت كيف ارد عليك ...
رجال اخر زمن وناكرين المعروف ..اكيد ماتحس بتعبها لانك متبطح للمغرب على السرير وفي الليل في الاستراحة ..

بعض الرجال ما عليهم الا كلمة بوزهم
طفل و شوية نظافة
انا سألت لتفصلي للبعض. لاني عارفة شغل البيت مع طفل رضيع
متعب و العام الماضي كانت بنتي بسن الرضاعة و رمضان متعب
وهالسنة اسهل بكثير. فسبحان الله
فكيف بك أنت

برأيي لا تتصلي
الى ان يأتي العيد
وبعدين احد من أهلك يتصل على (والده) و يعيد عليه و يسأله عن زوجك
و يخبره بفعلته البايخة

__________________

اولا انتي حطيتي موضعك بنفسك فلازم تتحملي اي رد وكل واحد عنده وجهة نضر انتي لوركزتي على ردي السابق زين كنتي لاحضتي ان ردي على موضوعك انحصر على الخمسة السطور الاولى والباقي تخمين مني لمابيدور براس زوجك وبالفعل راح تلقي كلامي لو اجتمعتي بزوجك
ثانيا لوجينا ندرس المشكله ونحللها راح نلاحض بالفعل انك اخطئتي بالتوقيت فقط
يعني طلبك الذهاب لبيت اهلك بعدما قلتي لزوجك خل نشوف من يطبخ لك بكره
وكان المفروض تتصرفين تصرف غير والمره العاقله ماتوصل لها الحد ابدا
ثالثا ذكرتي في موضوعك انه قبل اسبوع ابدتت المشاكل بينك وبين زوجك ولاخضتي انه كل يوم عزومه يعني الكرف والطبيخ عندك بدء قبل ايام قليله طيب خل نقول من بداية رمضان وهذا شي طبيعي بيحصل عند اغلب البيوت وفي الاخير لوكبرتي راسك هو شهر بالسنه وكمان لك اجر
يالنسبه لي اعتقد والله اعلم لوكلمتي زوجك خصوصا وهو (رايق ) وقلتيله انك يتتعبي في البيت لانك وحيده وعندك طفل وكمان بتتعبك العزايم كثير وشرحتي له الوضع بحنيه وباسلوب طيب ماراح يقلك شي ابدا وراح يحس بمعاناتك و يتفهم الوضع ومش بعيد يجيب لك خدامه او يعتذر من عزايمه
وبالنسبه لك انا عارف ان زوجك غلطان وخصوصا انه رماك ولاجاب صرفتك بس اسمحيلي اقلك للمره الثانيه ان غلطتك اكبر
ونصيحه لوجه الله خذيها مني بلاش
لاتزيدين الطين بله وتدخلين اهلك بالموضوع ابدا لانك مقصره وزوجك عنده حجه قويه عليك والى ماكان سوى فيك كذا وانتي عارفه بخطئك لوراجعتي نفسك
ولاتفكري ان موضوع الصرفه حجه على زوجك انتي الي طلبتي تروحين بيت اهلك وجرجرتي المشكله معك وكانت سهله وحلها بينكم داخل بيتكم

__________________
تمنيت حبـاً يدوم طويـلاً .. فـدام الحب وَ رحل الحبيب.

^^^^^
مقصرة كيف
اش المفروض تسوي اكثر

لا تدخلين اهلك ،،
...
خلي التواصل بينك وبينه ..
مرده بيرد عليك ...
الله يعين اكثر المشاكل بـ رمضان

__________________

اخ بلدوزر

نسيت اقلك ان قبل المشكله انا طلبت منه ازور اهلي

ولعلمك متفقين اول يوم بالزواج اي مشكله تكون بيني وبينه

ماتوصل انه يرميني لاهلي او حتى يخلي اهلي يعرفو ان فيه مشكله من الاساس يعني مشاكلنا بيننا تنحل

وهذولاء اهلي واجب علي ازورهم احيان نكون متهاوشين واقوم بواجبي حتى يقلي نروح لاهله اقله ابشر ماعمري حطيت براسي اني اذا كنت زعلانه خلاص اي طلب يطلبه مني راح يتم الرفض عليه؟؟؟

واخويه الكبير لمن حكيته عالمشكله قالي هو الغلطان لان اي مشكله تكون بيني وبينه مو معناها يرمينا بدون ملابس غيارات ولا حليب لولدي ولا مصروف

طيب لو فرضنا الحق معاك لو انت مكانه اللحين مر اسبوع كامل عالمشكله مايطري على بالك تقول كيف طفلي يا ترى هو حي ميت ياكل يشرب ؟؟؟

خذها مني قسم بالله لو الرجال هو الي يتعب تسعه شهور
ويتوحم ويجرب الم الولاده كان سال عن ولده

لاكن الرجل يلفضه شهوة منه ولاراح يهتم ابداااا

انا عن نفسي ماقدر احط راسي عالمخده بدون ماعرف طفلي وينه وكيفه وكيف عايش

وانا قلت قبل اسبوع لان لي اسبوع عند اهلي والعزيمه بدات من اول يوم رمضان لين يوم 13 رمضان بشكل يومي
كل يوم يوم ينطح يوم

وهذا مو يعني ان خطائي اكبر يعني انا صار خطائي اكبر
والي يرمي طفله ولايدري وينه
وكل يوم عزايم وهو مقصر باشياء بالبيت وفلوسه كلها تروح لعماله واصحابه واحنا لنا الفتات وصبري و تعبي بالاخير انا صاحبة الخطاء الاكبر


لعلمك زوجي له اخت وهالاخت زوجها كل يوم يطلعها لامه تفطر معها و زوجي راح عنده وقله خلي اختي تفطر ببيته ماتجلس تسحبها كل يوم لامك؟

هذا وش بنظرك؟

انا من الشارع او وش؟؟


انا قررت اذا مارد للعيد بدخل اخوي والحمدلله متيقنه اني ماغلط حتى غلطتي الي ذكرتها اخ بلدوزر لعلمك اعتذرت له فيها

بس ووواااااااسفااااااااه

عظم الله اجرك حبيبتي الله يرحمه ويغفر ويسكنه فسيح جناته. الله يفرج همك ويصلح الحال.

خذيها نصحية مني لا تضحي ولاتتنازلي في حياتك الزوجيه عن أشياء من حقك لانه في النهاية انت المقصرة وانت الغلطانة وانت كل عيوب الدنيا فيك في نظر زوجك وردود الاخ هنا تثبت لك ....
انت مو ملزومة تطبخي عزايم لزوجك كل يوم انت مو ملزومة تطبخي لغير زوجك وانت حامل ومعاك نزيف انت مو ملزومة تطبخي خمس اصناف كل يوم صنفين ثلاثه كفاية عليك ورمضان شهر عبادة مو اكل كأنه الدنيا مجاعة اذا ماقدرتي نفسك وعزيتها زوجك ماراح يقدرك وشوفيه كيف جحدك ووالله لو كنت مكانك ورماني اسبوع عشان سبب زي كذا اني ماارجع الا بعد العيد عشان يتشحطط هو وعمالة على الفطور وماارجع الا وادخل اخوي يأدبه زي ماهو راح عند زوج اخته عشان شئ تافه.. بعض الرجال كائنات عديمة الاحساس نايم للعصر ويجي وقت الفطور يتشرط وفي الليل في الاستراحة ولا درى عنك ... انا الحمدلله بكامل صحتي وبنتي كبيره ماعندي رضيع وزوجي يساعدني السحور عليه ما احط يدي فيه ويغسل معي المواعين وعزيمة مايعزم احد الا اهله عزمناهم كلهم مره وحده فقط ودائما مايتشرط للفطور صنفين ثلاثه فقط لأنه يدخل معي وعارف تعب الطبخ والمواعين الا بعدها وتنظيف البيت وهو من نفسه صار يدخل ويساعد ... زوجك لا تعوديه على شئ فوق طاقتك بكره تمرضي وما يرحمك والدليل يوم كنت حامل .....
واذا على إفطار الصايم الا يتغنون فيه مولازم اني اطبخ لأمة محمد عشان اثبت اني افطر صايم ممكن افطر صايم من غير ما اجهد نفسي وهو اني كل يوم اطلع من الاكل الا طبخته لي ولزوجي وارسله للمسجد او اعطي عامل فقير كل يوم كذا واكون افطرت صايم طوال الشهر ....

زمن استعباد النساء ولى وراح على أي أساس حطيت كامل الحق عليها .. يوم قريت قصتها لقيت إن زوجها هو الغلطان 100٪ من زود طغيانه وشبعه ودلعه طلع مشكلة من لا شيء !

بعدين أم خمسة عيال هاذي وش دراك عنها إنها تطبخ كل يوم بنفس طيبة و راضية مو يمكن هي بعد وراها زوج غاصبها وتتشكى عند أهلها وفي المنتديات !! تتكلم وكأنك قاعد معها في المطبخ وداري عنها وعن نفسيتها !!

وطالعين لي هالفترة بسالفة إفطار صائم الصدقة اللي تدفع ميتة السوء وتطفئ غضب الرب وتفتح أبواب السماء وتشفي المريض هي اللي ع الفقراء والمساكين ( اللي في أهلها ) ماهو الأصدقاء اللي جيوبهم مليانة وثلاجتهم ماتنقفل من النعمة ووراهم حريم أو أهل قادرين يضفونهم ! وليش تتسلقون على كتوف زوجاتكم عشان الأجر، تبي الأجر في طريقة أحسن أنفض محفظتك و اشتري كل يوم وجبات إفطار صائم ووزعها ع مسجد معين يحطون فيه فطور بالعكس هالطريقة حلوة محد يشاركك في الأجر أبد 😃

أنا مو ضد إن الإنسان يعمل فطور ويفطر صايمين بس إذا أصدقاء تكفيهم عزيمة وحدة في الشهر نكرمهم ونعملهم فطور يتكلمون فيه سنة قدام غير كذا لا والله كل واحد ( أمه ولا زوجته ولا أخواته أولى بأجر تفطيره مني أنا يا زوجة صديقه)

لو بعطي حد كل يوم من طبخي ف إما المسجد أو حارس العمارة أو السواق أو أي عامل موجود في الحي نكلمه من أول الشهر كل يوم يجي ياخذ فطوره اللي نجهزه له غير كذا لا وألف لا .

ومصروف الولد من حقه سواء كان الأب راضي ع أمه ولا زعلان 😊

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔