اخ بلدوزر
نسيت اقلك ان قبل المشكله انا طلبت منه ازور اهلي ولعلمك متفقين اول يوم بالزواج اي مشكله تكون بيني وبينه ماتوصل انه يرميني لاهلي او حتى يخلي اهلي يعرفو ان فيه مشكله من الاساس يعني مشاكلنا بيننا تنحل وهذولاء اهلي واجب علي ازورهم احيان نكون متهاوشين واقوم بواجبي حتى يقلي نروح لاهله اقله ابشر ماعمري حطيت براسي اني اذا كنت زعلانه خلاص اي طلب يطلبه مني راح يتم الرفض عليه؟؟؟ واخويه الكبير لمن حكيته عالمشكله قالي هو الغلطان لان اي مشكله تكون بيني وبينه مو معناها يرمينا بدون ملابس غيارات ولا حليب لولدي ولا مصروف طيب لو فرضنا الحق معاك لو انت مكانه اللحين مر اسبوع كامل عالمشكله مايطري على بالك تقول كيف طفلي يا ترى هو حي ميت ياكل يشرب ؟؟؟ خذها مني قسم بالله لو الرجال هو الي يتعب تسعه شهور ويتوحم ويجرب الم الولاده كان سال عن ولده لاكن الرجل يلفضه شهوة منه ولاراح يهتم ابداااا انا عن نفسي ماقدر احط راسي عالمخده بدون ماعرف طفلي وينه وكيفه وكيف عايش وانا قلت قبل اسبوع لان لي اسبوع عند اهلي والعزيمه بدات من اول يوم رمضان لين يوم 13 رمضان بشكل يومي كل يوم يوم ينطح يوم وهذا مو يعني ان خطائي اكبر يعني انا صار خطائي اكبر والي يرمي طفله ولايدري وينه وكل يوم عزايم وهو مقصر باشياء بالبيت وفلوسه كلها تروح لعماله واصحابه واحنا لنا الفتات وصبري و تعبي بالاخير انا صاحبة الخطاء الاكبر لعلمك زوجي له اخت وهالاخت زوجها كل يوم يطلعها لامه تفطر معها و زوجي راح عنده وقله خلي اختي تفطر ببيته ماتجلس تسحبها كل يوم لامك؟ هذا وش بنظرك؟ انا من الشارع او وش؟؟ انا قررت اذا مارد للعيد بدخل اخوي والحمدلله متيقنه اني ماغلط حتى غلطتي الي ذكرتها اخ بلدوزر لعلمك اعتذرت له فيها بس ووواااااااسفااااااااه |
انتي شكلك ماسكة خط طويل ماودك توقفين حتى عند مطب ليه انتي كذا ماودك تلومين نفسك حتى شوي اعترفي لنا حتى بغلطه حرام في حق زوجك النار ماتشب الى من شراره وبعدين احنا بشر نخطي ونصيب قاعده تنفخين في نفسك وكانك ملاك نزل من السماء بالطريقه ذي زوجك الله يعينه يمكن انه بيعاني من هالشي فيك ماعندك اخذ وعطى ابدا ياااااااساتر على قسوة قلبك وشدته وبعدين كلامك ذا كله ماراح يفيدك لان وقت الجد راح يكون خذ حق واعطني حق
ماتعرفين تحاسبين نفسك قبل لايحاسبوك الناس لازم الشخص يلين شوي ويحمل نفسه حتى لوماله ذنب افتحي لحل المشكله مجال حتى ولوعلى حساب نفسك والحق بيضهر بعدها مشكلتك حاليا ماهي محتاجه اجاملك وتجامليني لاني ملاحض بعض الردود تودي في ستين داهيه ماعليناااااااااا وخذيها مني انا رجل وعارف تفكيرنا في هالشي لازم تقابلي زوجك حتى لو رحتي بنفسك لعنده اتعذري باي عذر(اطمن على زوجي او اخذ اغراضي او معي حاجه مهمه ببيت زوجي ولازم اخذها المهم انك تواجهينه لاواجهتيه ذكريه بوعدكم يوم تواعدتو ان اي مشكله ماتطلع برات البيت وتحلونها بينكم وياليت يكون كلامك طيب ورطب بعدها قوليله ضيوفك على عيني وراسي بس انت حملتني فوق طاقتي طبيخ نضافه غسيل تربيه طفل وانا بشر مثلك لي طاقه محدوده ومعى ذالك ياليت وانت شجعتني حتى بكلمه يعطيك العافيه وفوق هذا كله اقلقتني عليك وقاعده اتواصل معاك وانت ماترد اهلي ماهم عارفين ايش ااي بيني وبينك بس كل شوي وهم يسئلوني منك وانا اكذب عليهم باعذار ودك ندخل بيتنا ونفتح صفحه جديده انا مستعده ماودك هذا ولدك وانا بيت ابوي يعزني وامشي ولاعاد تلتفتي له ابدا وقتها لكل حادثه حديث وبالاخير لاتنسي انه زوجك ومازلتي بعصمته من حقك ترجعين بيته باي وقت والى اقعدي لبعد العيد وكبريها وعرضيها ودخلي الحقد والحساسيات بين اهلك وزوجك واشتري لك كرتون مناديل ورحبي بالحريم والي مش عاجبه كلامي لايقراه |
الله يعينك ياصاحبة الموضوع لا من زوجك ولا من بعض الردود..
مدري الاخ محسسني إن هو زوجها بهالردود .. ياأخي بعض الرجال تأخذهم العزة في الاثم لاتكون منهم بارك الله فيك.. وبعدين على فرض إن الزوجة مخطئة ترى الرجل المفروض يكون هو العاقل في الموضوع ولا يعمي العين بدل مايكحلها ولا المفروض الزوجة هي اللي تتحمل وهي اللي تصبر وهي اللي تداوي الموضوع والرجل حتى ماحاول يكبر عقله شوي أقلها مسؤول عن ولده .. ترى هذا ولده هو المسؤول عنه.. |
الله المستعان اي اثم ياااختي
على العموم كل الردود متمسكين بحجه الصرفه والولد ونسيتو السبب الي وداها هي وابنها بيت اهلها الصرفة هذي الي قاعدين تنفخو راس صاحبة الموضوع بها امرها بسيط لو لزم الامر زوجها قادر يقول ماكان عندي فلوس والحين احسبوها وماطلع على احاسبكم عليه ماحد راح يقطع رقبته حتى لوراحو المحكمه |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|