عقلية زوجك تحتاج اصلاح , فإن كان يرى اطعام هؤلاء اجر فإن الرسول صلى الله عليه وسلم قال خيركم خيركم لأهله , وقال رفقا بالقوارير , وقال استوصوا بالنساء خيرا وقال إني احرج عليكم حق اليتيم والمرأة
وبعد كل هذا يأتي ليعاملها كما يعامل جارية بل اشد !! أتؤمنون ببعض الكتاب وتكفرون ببعض ؟؟

اعرف رجالا لا يجعل زوجته تطبخ ولو كان عنده رجلين اثنين فقط وفي غير رمضان فكيف برمضان وكل يوم
لم تقصري ولم تخطئي ورميته لك بهذا الشكل دليل واضح بعدم احترامه لا لك ولا لأهلك , لكنه يحتاج تنوير وافهام ومداراة , وليفهم بأن المراة لا يكرمها الا كريم ولا يهينها الا لئيم ليعرف معنى الرجولة الحقيقية .
انصحك بتدخل اخوك حتى لا يتكرر ماسبق وليتوقف عن عزم الناس كل يوم , فإن كان ولابد , فليحضر من المطعم مالذ وطاب لهم وبالعافية .
اعانك الله وسخر لك زوجك واصلح شأنك
مشكلتك مزعجة لكنها بسيطة بإذن الله وقابله للحل

الله يرحم ابوك ويسكنه فسيح جناته

يا اختي وانا اقرا والله رحمتك مشكلتك حلها بسيط ان شاء الله
يا يجيب لك شغاله او يبطل عزايم
لا تكبرونها بينكم ورمضان شهر الرحمة والمغفرة
وانتبهي تقولين لزوجك انت غلطان بعض الرجال حتى لو غلطان
ما يبي احد يقوله جيبيها بطريقة ثانية وانك تتعبين
و مصروف ولدك ارسلي رساله قولي له

الله يصلح بينكم

شكرا اخواني و اخواتي واسال الله ان يفرج كربكم وان يعفو عنا وان يغفر لنا في هاذي العشر الاؤاخر

اخويه جاء وتكلم معاي قالي اعطيه فرصه مابغى اذا جاء الم عليه رجال و احرجه واتفاهم معاه واسمعه كلام يمكن لسمعه يبطل منك

قالي ماوصلت للضرب ولا وصلت انه طردك من البيت

فانتظري الى ان يرسلك او يتصل و تفاهمي معاه على اننا ماندري وحلوها سواء

واذا تبغيني ادخل عادي بس تدخلي يمكن ينهي حياتك الزوجيه
لانها فيها احراج لزوجك اني اتفاهم معاه واحاسبه
فالافضل تتفاهمي معاه والحمدلله ماوصلت لمرحلة بخل او ضرب او طرد لتن لوصلت لذي تحرمين عليه ليوم الدين

هذا كلام اخوي

وانا قررت اطنشه واذا ارسل او اتصل حتفاهم معاه
لاني مابغى مشكلتي تكبر بكذا راح تكبر اكثر و اكثر

فافضل شي اطنشه لين يرجع لي واتفاهم معاه

وانا والله على كثر مايسوي فيني الى اني احبه ولا اقدر اعيش بدونه وبصبر عليه لين الله يفرجها مابعد الفرج الى جنه عرضها السموات و الارض

واذا كرر حركته هاذي وقتها بيكون له حساب

اتمنى يكون الموضوع مفتوح لين ارجع واكتب لكم اخر التطورات باذن الله

دعواتكم لي فالملائكه تقول ولكم بالمثل

الله يفرح همك وترجعون أحسن من اول وياجعلها اكبر المشاكل وﻻ تشوفين غيرها وﻻ اكبر منها يارب

وليه اخوك ماعنده التفاهم

ماعنده حل وسط

اذا ارسل يجي يتفاهم مع اخوك باسلوب راقي وجدي
كما يحدث في مجالس الرجال
من رجل لرجل
وشو يجمع عليه الناس هذي عمايل بلطجيه

والله يااختي انتي اخترتي اقصر طريق واضعف حل

موفقه
بس تاكدي راح ترجع لك نفس معاناتك

انا بوادي اخر مافي مشكله خلاص انا غلطان ورح انضر للموضع بنضرتك يااخت خواطر مكسوره انتي ومن رد على الموضوع من الاناث
ياصاحبت الموضوع انتي مسكينه وتعبانه ومكروفه وليش اصلا تطبخين للضيوف زوجك ضالم وماعنده رحمه اصلا انتي اطبخين لزوجك ويحمدالله ويبوس يده على هالنعمه
وبصراحه انا احسدك على صبرك وكيف قدرتي تطبخين 13يوم يوم ينطح يوم انتى لاتسكتين هذا حقك الرجال مايعرفون تعب الحريم لازم تركدين وتقعدي في بيت ابوك وتدخلي اخوك بالموضوع عشان يكسر شوكته ويوريه ان بنات الناس مش لعبه
اقول زوجك لازم يجيب خدامه والى يودي ضيوفه المطعم الله لايهينه ........
خلاص يااخت خواطر مكسوره ارتحتي انتي وبقيت الاناث طيب هل كلامي هذا فيه فايده هل جبت جديد هل كلامي هذا راح يفيد صاحبت الموضوع ويحل مشكلتها الله المستعان
كلامي الي ذكرته فوق كله من عمل ابليس مجرد اوهام وكلام على الفاضي وتحريض وتخبيب وابغى اسئل صاحبة الموضوع هل استفادت من ردي هذا شي هل ساعدتك في حل مشكلتك بهذا الرد
هل ردود الاخوات المشابهه لهذا الرد فادتك بشي ؟؟؟؟؟؟انتي حره الموضوع يخصك احنا في الاول والاخير مجرد كلمات وضهرك الي راح يشيل المشكله واحنا بعيد
وبالنسبه لردودي الي زعلتكم ونرفزتكم حتى اني حسيت ان احد الاخوات كانت تبغى تشتمنى لولا انه رمضان ادري انها قاسيه بس يعلم الله اني ذكرت فيها اشياء راح توصلها صاحبت الموضوع والايام قادمه ومن عاش فينا ذكر

__________________
تمنيت حبـاً يدوم طويـلاً .. فـدام الحب وَ رحل الحبيب.

لا طبعا يا اخ بلودزر
المفروض كلنا نحملها الغلط و نشكمها
ونطلعها غلطانة مية بالمية
انها ما اتوسلت له اكثر و اكثر
البنت تقولك رسلت له رسائل استعطاف
وذي مو أول يتركها بحماقة
تركها لما سقطت جنينها الأخ زعلان و رجعها من نفسه
والموضوع مو اننا نوقف بصفها و بس
الحل تطنشه حتى يتأدب
نعم للاسف فيه رجال يحتاجوا تأديب
اما انها تروح وكما قلت. فسوف يتركها ببيت اَهلها مرة اخرى و بموقف اخر
وهكذا تظل حياتها
ملاحظة
اربعيني. عضو قديم. تحملتك كفاية. رجال مو حريم

__________________

انت معلق على كلمة ردود الاخوات .... روح شوف ردود الأخوان هنا مثل العضو متفائل يا زمن وتحملتك كفايه وغيرهم هي نفس كلامنا مافيه الا انت شاذ وهذا دليل على انك فاهم غلط ...هذا اولا ..

طيب تعال هذي مو اول مره يرميها عنداهلها سبق رماها قبل فترة عشانها سقطت الجنين واتهمها انها هي قتلت الولد وهي بنفسها قالت انها كانت حااااااامل ومعاها نزيف وكرفها الشهر كامل وهو يدري انه عندها نزيف ومهدده بالاسقاط ومع ذلك ماسوت له شئ جلست في بيت اهلها الين طاح الا برأسه ورجعها بمزاجة من غير تدخل احد وشوفه ياهذا عادها مره ثانية ...

رجاء خلك منطقي ...وخل استهتارك بالطبخ لعدد كبير من الأشخاص وتنظيف بيت وغسل ملابس ورعاية طفل رضيع روح جرب كل هذا اسبوع واحد وتعال اعطنا رأيك <<< قمة الأنانية ...

انا بدات اقتنع بعد ردودك المندفعه هذي انك واحد من اثنين يا انك كل يوم مطيح عند اخوياك تفطر عندهم من بداية الشهر والموضوع اصابك في مقتل او انك مثل زوج صاحبة الموضوع كل يوم عازم اخوياك وزوجتك تكرف .... اولى الناس بالمعروف اهل بيتك مو الناس

شوف يابلودرز... هذي الناس الحكميه مو الا تنتصر لنفسها وتتكبر وماتشوف أخطائها ... وكأن الناس خلقوا لإرضائه وهم للجحيم

شفتي ياااخت (انتي اجمل) انك وصلتي كلامي
اولا احب اشكر اخوك واقله انت رجل عاقل وشهم وابن ناس وتعرف الحق عليك وعلى نفسك وماشاء الله عليه والله يحميه ويخليه لك سند والحين راح احللك كلام اخوك
1-اخوك لوشاف ان زوجك غلطان كان قالك اتركيه لين يجي وحسابه عندي بس شاف ان مافي غلط من زوجك فقام باسلوب ذكي ولانه مايبغى يزعلك قال اعطيه فرصه ماودي اجمع عليه الرجال وذكر بعدها انها مشكلتكم وحلوها بينكم (يعني هنا وصلتي كلامي يوم قلتلك ونصحتك لاتدخلين اهلك بالموضوع لان المشكله راح تكبر )
2-لاحضي انه حذرك تحذير صريح وواضح يوم قالك اذا تبغي ادخل عادي بس تدخلي راح ينهي حياتك الزوجيه (افضل ردللأناث الي نفخو راسك بالردود )
3-لاحضي انه ذكر ان زوجك ماتعدى الحدود ولاضربك ولاشتمك ووصلك بيت ابوك معززه مكرمه وكأنه يبي يقلك باي حق اعاتب زوجك باي حجه واي ذنب (واعتقد اني ذكرت لك نفس هالكلام في اول رد لي )
4-لاحضي انه قال( اتفاهمي معى زوجك اتصلي به اوراسليه وكأن احنا ماندري ) شوفي يااختي روعة هذا الكلام اخوك يبغى لك الصلح يبي تنحل المشكله بس على يدك انتي ورخص لك واعطاك الضوء الاخضر بحل مشكلتك بنفسك فهل انتي قد المسؤليه هل راح ترفعين راس اخوك وتثبتي له انك اخت وزوجه صالحه تبغى الستر والصلاح او راح تكسرين ضهره مثل ماكسرتي ضهر زوجك وخذلتيه (وسبحان الله راجعي ردودي وراح تلاحضين اني كنت لك من المصلحين وتكلمت نفس كلام اخوك يوم قلتلك خلي اهلك على جنب وروحي بيت زوجك وقابليه وتفاهمي معاه )
انا انتهيت من التحليل وعندي تعقيب على كلامك
بعد كل مادار بينك وبين اخوك من كلام وتحذير واعطائك المجال مازلتي مستهتره وردود فعلك غريبه وماعندك اي احساس بالمسؤليه ابدا ولاحتى عملتي لاخوك اي اعتبار
كيف طاوعتك نفسك بعد هالكلام تذكري انك راح تطنشي زوجك انتى متأكده انك مؤهله لبيت ومسؤليه او عندك لف ودوران لاني مافهمت ايش المقصود بالتطنيش والمشكله انك ذكرتي انك راح تطنشيه واذا راسلك وقتها راح تردين عليه لانك ماتبغين المشكله تكبر اصلا تطنيشك حاليا راح يكبر المشكله ممكن اي وقت يجي زوجك يقابل اخوك ولعلمك وراجعي كلام اخوك الي ذكرتيه لنا بنفسك ماعنده حجه مقنعه على زوجك وانتي كمان وقتها راح يتشقلب الوضع وراح يتم احراجك انتي واخوك وخصوصا لوقام زوجك وشكى انك هددتيه بالطبيخ ومنيتي عليه وعلى ضيوفه وتركتيه وتركتي بيته ورمضان وخواتم وعيد وكمان لاتنسي ان اخوك حاليا انسحب من المشكله عشان ماتكبر وتوصل لها الحد وابشرك لوطنشتي مثل ماتقولين راح توصلين كلامي

__________________
تمنيت حبـاً يدوم طويـلاً .. فـدام الحب وَ رحل الحبيب.