بقولكم على اخر التطورات


كلمني الفجر قلت له ليه ما رديت على لما رجعت انا واتصلت عليك قال لاني كنت متنرفز وان رديت عليك في ذيك اللحظه بيصير مالا يحمد عقباه مع الكلام قال انا بقوول شي انا مستغرب كيف بعد ها السنين الي لنا مع بعنض اتفكرين فيني ها التفكير كنك ما تعرفيني وبعدين انا والله لحد ها الحظه مدري وش الي مزعلك ==== يستعبط كنه ما سوا شي

قلت لا والله قال وربي لما ارسلتي المسج عن غض البصر قلت وش انا امسوي علميني وش شفتي مني === وانا ودي اطحنه
قال انا تراني ما فتحت ها الموضوع علشان ابرر لك او خايف منك لا والله بس انا ما اسمح لنفسي بشي هذا قمت انا وقطعت الموضوع لاني بغيت اجيب العيد مره ثانيه قلت طيب صدقتك قااااااااال لا لا تقولين صدقتك ويبقى الوهم الي تخيلتيه ابقلبك وتقولين صدقتك علشان تقفلين الموضوع الحين واذا صار بيننا شي رجعتي وفتحتي الموضوع من جديد انا ما ابي كذا قلت له انت شرحت لي وانا صدقتك وما تعودت منك انك تكذب علي====== بس والله يا اني كان بودي امسكه وانفضه نفض واقوله بلا نصب اعيوني ماتكذب

المهم تم الموضوع على خير بس ان شاء الله لا افتح عيوني واخليهم 8 بصير له زي الرادار وسلامتكم



الاشراف /عفوا : ان شاء الله تكتب على هذا النحو

يا اختي الله يسعدك مع زوجك


بس بودي انصحك لوجه الله لا تخربي حياتك وانتي فاتحة عيونك على زوجك 8 على قولك

بعدين بينقلب 180 درجة عليكِ والله والله بيكره الجلسة وقتها معاكِ وعناداً لكِ بيسوي اشياء مو شيء

فقط عشان يغيضك ووقتها راح تقولي ليت اللي جرى ما كان

اختي الزوج ما يحب الزوجة تراقب كل تصرفاته


والله انا ما الوم زوجي


يا اختي لو رحنا مجمعات الحريم اشكال الوان يلتفت يمين قدامه حريم يسار حريم خلفه والخ ..

يعني لو على كذا خلاص يا اما نروح بروحنا بدون ازواجنا او احنا نعصب على عيونهم عشان ما تزوغ عيونهم كذا ولا كذا


هذي نصيحة لك من اخت تحب لك الخير

ههههههههههههههههههههه ضحكتيني على كلمه اطحنه

المهم الف الف الف مبروك انه تم الموضوع وانتهى كل شي وهذا دليل على حبه
تنزل وكلمك شفتي كيف مع انه توقعاتنا انه مايتصل عليك الى بعد فتره
شفتى يوم تنازلتي شوي وش صار مع انك كان كلامك قوي معه مساجاتك ترفع الضغط اجل كيف لو رحتي وهبلتي فيه بالبيت وكشختى وبديتها بمسجات حلوة كان جا وباس على رجولك بس الى صار صار المهم احسن شي انه انكر وهذا دليل انه شاري العشره واتحدى الحين لو طلعتي معاه يفكر مجرد تفكير يناظر وحده ثانيه
هههههههههههههه
الله يوفقكم يارب
يلة سلاااااااااااااااااااااااااااااااااااااااااااااااا اااااااام ولف مبروك مره ثانيه:]

يختي ما تحسين كبرتي السالفه
وسعي صدرك واضحكي وانبسطي ولا تنكدين على نفسك

اللي صار ما يستاهل كل هذا بس احنا يالحريم الله يهدينا نحب نكبر الموضوع على غير سنع
خليك واثقه من نفسك
واذا عالنظر ما فيه رجال مااااا يناااااظر صدقييييينننيي

يمكن لو انتي في اول زواجك والله ما الومك لان بقول عظمك طري بس الحين لاااا الومك ونص
مفروض كنتي اقوى من كذا واخذتيها مزح وضحك عشان ما تكبر في راسه هو بعد

اللي صار صار واهم شي تحاولي تكسبي زوجك مره ثانيه وترجع حياتكم مثل اول واحسن
ارجعي بيتك وتعوي من ابليس
قعدتك عند اهلك راح تقسي القلوب اكثر واكثر
ارجعي انتي من نفسك ولا كأن شي صار واذا جا استقبليه عااادي بدون زل ولا نكد ولا تفتحي الموضوع وانبسطو مع البيبي الجديد

الله يهدي سركم

__________________

اللهم احفظ لي والداي واسكنهما فسيح جناتك

ماكتب ربي رجعة , السالفة إن كل شي تم بسرعة , طلق بعد ثلاث أيام , ملك على وحدة وأنا بالعدة , دخل وأنا لي ستة أشهر مطلقة , وسالفة تراكمات هو كان فيه مشاكل , بس ماهي كبيرة مرة وتمر بكثير من البيوت تقريبا ,لكن المشكلة الكبرى عدم الصبر والتريث لامني ولامنه , قدر الله وماشاء فعل , وفي الأخير المكتوب لازم يصير ..
والحمد لله فرحت لك كثييير , الله يوفقكم ويسخركم لبعض (آمين)

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

مبروووك اختي

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

وانت مبسوط من نفسك اقول انتبه من سهام الليل لاتصيبك الله المستعان.

__________________
[/SIZE]

الف مبرووووووووووووك والله فرحت لك من قلبي الله يصلح مابينكم ويوفقكم ويخلي لكم عيالكم يارب.

__________________
[/SIZE]

الله يهديج .. ويبعد عنكم المشاكل..

__________________

..اللهمــ ارزقني زوجـاً صالحـاً يحبني وأحبــه ويعينني على طاعتـك,, اللهـم آآمين..

الله يعطيكم العافيه اصلا انا بس لما فضفضت عندكم ارتحت والله انكم ما قصرتو

وبا النسبه للاخ خبير اعشاب انا من امس وانا كل اشوي اقول بفتح الجهاز واروح ارد عليه رد سنع بس يوم فتحت ها الصفحه لقيت الاخت فراوله كفت ووفت