السلام عليكم...
أغلب الردود معقوله ولكن.. بعطيك بعض النصائح اتمنى انها تفديك..
1- اثقلي عليه بس مو طول الوقت .. وقت دخوله وخروجه...
2- لا تتزينين له في الاسبوع الا مرتين او ثلاث فقط
3- اذا شفتيه عصب عليك ورفع صوته قولي له ...( بعد اذنك يا زوجي الحبيب .. مع ابتسامه خفيفه وروحي غرفتك ونشغلي بأي شي )
4- حاولي انك تعطينه بعض سوالف اصدقاء السوء الي يضيعون الشخص ويخربون بيته ويستحسن تدورين قصص واقعيه وتطبعينها وتحطينها في مكان بحيث انه يقدر يشوفها ويقراها
5- حاولي اذا شفتيه معصب انك تبادلينه البرود..حتى لا تزيد المشاكل ..(( الشديد الذي يملك نفسه عند الغضب ))
6- اذا جا ويبي ينام معاك لا تخلينه يجامعك على طول... عذبيه وقطعيه لين ما تحسين انه يبيك ويحاول يرضيك بأي شي... وابدأي معاه...بس لا تنسين مع البدايه تقولين له كلام قلبك .. يعني تقولين بعض رؤوس الاقلام للأشياء الي ما تحبينها فيه... ( حاولي انك تستخدمين عقلك بقد ما تقدرين )
7- حاولي اذا طبختي انك تزينين طاوله الطعام بأكل يفتح النفس وبالذات وقت رجوعه من الدوام وتعطرين المكان وتلبسين لبس جميل جدا... وتخلين الاكل على الطاوله وانتي تنشغلين بأي شي... واذا جلس وبدأ بالاكل روحي جنبه واجلسي ملاصقه له ودلعيه شوي ..يمكن يحن (( يا جعله يحن ))
8- حاولي قدر المستطاع تفهمينه معنى كلمه زواج...زوجه..حياه زوجيه....حاولي انك من جديد تقنعينه بانه شخص مسؤول 100%100 عنك !!
9- لا تغلطين عليه بكلمه جارحه او كلمه مو زينه لان الرجل ما يحب الزوجه الي تقذف عليه بكلام غير لائق حتى لو كنتي معصبه مره
10- لا تمشين على روتين معين..كل يوم نفس الشي لا ... حاولي تغيرين.... غيري اي شي في حياتكم... وحاولي انك تعزمينه في مطعم حلو... وتغيرون جو فيه ...
واتمنى من ربي انه يقدرني على توصيل لك بعض الافكار الي ممكن انها تفيدك....
وأنا بالخدمه أي وقت ..
تحياتي
__________________
الــــتـــــوقــــيــــع تــــحــــت الإنـــشــــاء