السلام عليكم ورحمة الله وبركاته..

الأمومة لذيذةٌ .. وممتعةٌ .. وكذلك الأبوة فيها حلاوةٌ .. ونشوةٌ .. وفي نفس الوقت كلاهما متعِبٌ .. ومجهِدٌ .. ولكن في كل الأحوال نحن نحقق من خلالهما الكثير دون شك.


كيف ترين نفسكِ كأم؟ .. ما هي أهم إنجازاتكِ كأم؟

كيف ترى نفسكَ كأب؟ .. ما هي أهم إنجازاتكَ كأب؟

__________________


اللهم طِيبَ الأثر .. وحُسْنَ الرحيل.

الله يسعدك ويحلي ايامك اخت مهرة على الموضوع الحلو متلك
بالنسبة الي كوني اصبحت ام هيي نعمة من رب العالمين خلاني شوف ماما فيني من خلال تجربتي وخلاني حس بطعمة حنانها و وعظمة تضحياتها وحمل المسؤولية كرمال اطفالها
خلاني استشعر شو يعني ام اللي مجلدات ما بيوفي وصف هالكلمة ولا الاحساس اللي بنحسو وقت نصير امهات


انجازاتي والحمدلله حاولت وعم حاول ورح ضل حاول انو كون قد هالمسؤولية واستاهل كلمة ام

الله يخلي اطفال الامهات وامهات الجميع بحس اني بشوف حالي بكل انجاز بيبدع فيه احد اطفالي
بحاول انو اتعلم وتطور من نفسي كرمالهن
من اولوياتي اني كون الام بمطارح والصديقة بمطارح اخرى
اوقات بنجح او بحس بالتقصير ومريت بظروف قصرت بحق اولادي بس الحمدلله على نعم الله انو مرحلة ومرت وعم حاول عوضهن عن التقصير اللي صار
والحمدلله قايمة باغلب مهماتي مع اطفالي من مشاركتهن هواياتهن وزرع المبادئ والقيم والانسانية بداخلهن وتقوية الوازع الديني بطريقة مباشرة وغير مباشرة ليوصل الطفل لمرحلة عنده علاقة ورابط قوي بينه وبين ربه مش لانو اهلو بدن ياه يكون متدين
الحمدلله نجحت انو خلي كل طفل يعتمد على نفسه وما يكون اتكالي وانو الحياة مشاركة مش اتكالية وانو ابني يساعدني باعمال المنزل متل ما اختو بتساعد والكل يشارك بكل روح رياضية ومحبة للعمل اللي عم يقوم فيه

ونجحت انو اطفالي يحترموا شي اسمو خصوصية ومداراة ظروف الاشخاص اللي عايشين معهن او خارج المنزل على سبيل المثال انو يكون الي وقت راحة من دون ازعاج وانو لازم دلع نفسي لاقدر دلعهن وحب نفسي لاعطين حب مضاعب
زرعت فيهن انو دايما يشكروا ربهن عالنعمة اللي عندهن وينظروا الى الاقل منهن ليزيد شكرهن لربهن عالاشياء اللي بيملكوها او المتوفرة لديهم
بنتي بعمر الاربع سنوات ونصف بتردد على كل وجبة طعام انها بتشكر ربها عالنعمة وبتطلب انو ما يخلي اي انسان جوعان او عطشان
عم ارزع بداخلهن القناعة من الصغيرة للكبيرة
واهم نقطة عندي الانسانية ما يفرقوا بين الناس ان كان لدينها او لمذهبها او للون بشرتها او لمركزهن الاجتماعي المفروض يتعاملوا بانسانية مع كل شخص بيحترمهن مع كل شخص ما بيلغي افكارهن مع كل شخص بيحترم معتقداتهن
عم حاول على قدر استطاعتي اني اعطتي اولادي حقهن واعطي نفسي حقها
واللي بساعدني على بعض الامور المدرسة اللي عم يدرسوا فيهن صحيح ما في وازع ديني وهالشي من مسؤوليتي ومسؤولية زوجي بس بالمدرسة بيتعلموا الصدق واحترام الصغير والكبير وانو الناس سواسية وحس المسؤولية لانه من ضمن التعليم الولد بيتعلم الطبخ والخياطة وتنظيف الاعمال المنزلية وما في تفرقة بين البنت والولد الكل بيقوم بنفس المهام وبيخدم نفسه ومسألة العقاب والمكافأة هالشي المدرسة بتعلب دور كبير فيه وانا دوري كمل هالشي بالبيت
وبيقى دور الام باعطاء الحنان وعلاقة الام بطفلها علاقة لا تشبه اي علاقة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ما شاء الله تبارك الله.

غظيتِ تفاصيل مهمة جداً في التربية يا ميموميا .. قد لا تنتبه لها بعض الأمهات.

ربي يحفظ لج صغاركِ ويسعدهم ويسعدكِ بهم.

__________________


اللهم طِيبَ الأثر .. وحُسْنَ الرحيل.

تسلمين عزيزتي مهرة كلامك شهادة بعتز فيها ونحنا تلاميذك ومنك نستفيد
ومتل ما سبق وقالت الاخت سابين انو الموضوع ظاهره بسيط ولكن يحتاج لمجلدات
بالنسبة الي بحاول اتعلم من غيري وشوف وين عم اغلط لانو خاصة نحنا النساء وقت هرموناتنا تتلخبط شوي بنصير ما نشوف قدامنا فلازم نكون اصحاب مع اولادنا ليتفهموا ظروفنا
حتى لابنائي شرحتلهن نفسية المرأة وقت الدورة
وفي نقطة بهني اهلي عليها الله يخليهن ويخليلكن اهاليكن ويرحم امواتكن ما كان في تفرقة بين الولد والبنت وكان في خط احمر انو الاخ يتحكم باخته او يلغي رأيها بس لانو بمجتمع ذكوري وكنت شوف بعض المحيطين بنا كيف يتحكم الاخ باخته ولو كانت اكبر منه هالشي خلاني اتمسك اني اتبع اسلوب اهلي بهالنقطة
والان اختي اصغر مني ب13سنة بتخبرني وقت اخي بيشوف شي غلط او صحبات ما كتير جيدين بيقعد معها وبيفتح حوار وبوصلها نظرتو بطريقة هيي تقتنع وتشوف الصح من الغلط ما بيفرض عليها انو تقطع او تخفف من بعض الصحبة بوصلها رسالة بطريقة حلوة كتير بتفرح اختي من اسلوبه بتخبرني انها بتوثق فيه عطول بيتركلها الخيار انها تقرر وبتشوف انو الحق معو وبدو مصلحتها
هالشي خلاها تكسب ثقة اخي فيها وصارت تستشيرو وينصحها اذا كان العكس رح تعمل اشيا من وراه ويمكن تغلط من دون ما تشعر
حلو الاخ يكون حارس الشخصي لاخته ومصدر الامان والثقة من بعيد لبعيد مع عدم الغاء رايها ولو كان غلط يبقى بالقرب منها
وجهة نظري بما انو الام اكبر وقتها مع الاطفال ودورها بتربية ابنائها من اكبر مسؤولياتها لازم تزرع الحب والصداقة بين الاخوة ذكور واناث كرمال ما تتحول صورة الاخ الى الرجل المسيطر ولا يترك الا الخوف في قلب اخته
الله يحفظلك اولادك واولاد جميع الامهات ويقر اعينكم برؤيتهم من خيرة الناس
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

موضوع اكثر من راااااااااائع الف شكر ام سلطان دائماً مميزه🌹
استفدت منه وبستفيد اكثر ان شاءالله
مااعرف ايش قدمت لاولادي🙈
اهتم فيهم واحاول اقوي الوازع الديني عندهم واعلمهم الاداب
واكون قدوه صالحه لهم لكن العصبيه عليهم متعبتني😔
لكن فكرة اشاركههم هواياتهم مااعرف كيف ممكن تفصلون بهالشي

اهلين اختي بالنسبة للهوايات مثلا اعملي فترة ساعة او اقل حوار مع اطفالك شوفي شو بحبو مثلا ان كان الرسم خصصي نصف ساعة للرسم مع طفلك واعملوا تحدي ومكافأة من بعد التصويت وحاولي انو طفلك اول مرة يفوز بيشعر بالفخر انو انجز شي بيصير عندو ثقة بالنفس وبنفس الوقت بتتقاربو لبعض اكتر بصير يحس انك صديقتو
مثلا طفلي الاول بحب الطبخ خصصتلو يوم بالجمعة بيدخل معي المطبخ وما تتخيلي الشعور اللي بتحسيه وقت تشوفي الفرحة بعيونو وئديش هالشي بيخليه مطيع
موكمان بحب الفوتبول بيلعب هوي واصحابه بروح بشجعه وبصوره باخده عالنادي بحضرلو الماتش وبمدح فيه كتير وانا بنفس الوقت بعيش معه الجو وبنسى اني كبيرة بحس اني من عمره وعمر اصدقاؤه
ابني الثاني بحب الخيل بروح انا وياه بنطعمي الخيل بصير يحدثني عن الخيل وبيفتحلي قلبو وبصير صفحة بيضا من خلال تشجيعه وهالشي بخليكي تفهمي الطفل اكثر وبالتالي بيخفف عنك معاناة في التربية وبتخف العصبية بشكل كبير
اما طفلتي بتحب الرسم والركض بروح انا وياها على ملعب حدنا بنصير نتسابق ونطير بالهوا وبنعمل جو بيعطيكي طاقة ايجابية وبنفس الوقت بيصير عندك هوايات ونشاطات تمارسيها من خلال اطفالك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

سؤال مهم بالفعل!

وشخصياً أتوهق مع بنتي .. لأنها تحب الرسم والتلوين .. وتأتيني أحياناً تطالبني بأن أشاركها .. طبعاً التلوين لا مشكلة عندي فيه .. ولكن المشكلة عندما تطلب مني أن أرسم لها شيئاً ما .. وأنا لا أحسن الرسم.

هي لا تقتنع عندما أخبرها بأنني لا أجيده!! .. وأنا لا أحب أن أرسم لها أي شخبطة!!

__________________


اللهم طِيبَ الأثر .. وحُسْنَ الرحيل.

جميل يا ميموميا .. جميل بالفعل.

بارك الله فيكِ يا عزيزتي.

ا

__________________


اللهم طِيبَ الأثر .. وحُسْنَ الرحيل.

تسلمين عزيزتي ام ملك الله لا يحرمنا منك سبق وكنت متابعة لمواضيعك ماشاءالله تبارك الله امرأة ناجحة بتنظيم الوقت ومعطيي كل ذي حق حقه من نفسك الى زوجك وبيتك وبناتك لله يحميكي
ولاحظت اكثر الاطفال بحبو الرسم جيبيلهن قماش وقصيه بشكل مستطيل كرمال بس تطويه يصير بشكل مربع وخلي بناتك يرسمو الاشيا اللي بيختاروها ويلونوها بالريشة وخليها تجف بعض الوقت وخيطيها واحشيها بتصير وسادة لاوقات اللعب كتير بيفرحوا بهيك اشيا
بالنسبة لعدم سماعهن الكلمة لازم تكوني انتي الشيف بالبيت وكلمتك مسموعة واستعملي العقاب كحرمانهم من الاشياء اللي بحبوها ومكافأة بوضع جدول فيه عدد من المربعات كل مرة بيسمعوا الكلام بتحطي نجمة وحددي العدد اللي بتريديه بس يكمل العدد بتحصل الفائزة على مكافأة هيي تختارها هالشي بجيب نتيجة سريعة وببعض الاوقات مارسي طفولتك مع بناتك وكوني صديقتهن هالشي بخليكي تفهميهن صح
اما بالنسبة انك ما قدمتي شي بالعكس كما سبق وقالت العزيزة مهرة قدمتي حب الله في قلوبهم وخاصة بعيدا عن الخوف وهالشي مش سهل بالعكس صعب لانو متل ما بنزرع على صغر رح نحصد على كبر
احترامي عزيزتي

الاخت سابين حبيبتي خجلتيني بكلامك والله هيدا كتير عليي لانو حقيقة بشوف حالي ما عندي هالبراعة بالسرد والتعبير كلامك اعطاني تشجيع وحافز انو ضل ابدي رأيي مهما كان مستوى تمكني من التعبير الاهم انها توصل الفكرة
وماشاءالله عليكي انتي مثال الام الصالحة التي تقدم اولاد صالحين الله يحميلك هني وتفرحي منهن يا رب
وبالنسبة للمنهاج التعليمي حاسة فيكي لانو بعرف كيف بكون بالدول العربية كتير متعب للطفل والدوام والمواد اكثر من طاقة الطفل
مثلا انا ابني بصف الثالث هون باوروبا اكتر شي بركزوا عليه مادة الحساب والقراءة والباقي اشغال يدوية سباحة موسيقى طبخ خياطة رياضة بكافة انواعها لغة انكليزي والدوام تلات ساعات ونصف الصبح من ضمنهن نصف ساعة استراحة وتلات ايام بالاسبوع الضهر ساعة ونصف
وما في واجبات عالبيت الا مرة بالاسبوع بركزوا انو الولد بتدرب من 5دقائق الى 10دقائق وبيعتبروا هالشي كافي لعمره كتير بيتفادوا انو الولد بحس بضغط في الدرس
ان شاءالله بتشوفي اولادك باعلى المراتب
عزيزتي مهرة انتي الجميلة والاجمل روحك وحكمتك ارى فيكي مدرسة في الحياة ما شاءالله فنحتاج الى خبرتك مع اطفالك لنستفيد ونتحاشى اخطاء ربما ظننا انها الصواب
احترامي لجميع امهات المنتدى

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الموضوع ذا ظاهره سهل و بسيط لكن حقيقة صعب و متشعب و عوزله مجلدات

لو اختصرت ساقول ,,,,,,,, قد اعطيت ما استبقيت شيئا


راضية عن نفسي لاقصي حد و ليست مبالغة لو قلت انه بناتي محظوظين اني امهم

و لاحظوا قلت بناتي مش اولادي لاني افتقدت في حياتي دور امي في توعيتنا

ما قصرت الله يحفظها و يطول في عمرها في رعايتنا و حمايتنا الجسدية ان صح التعبير و لكن نفسيا كانت بعيدة جدا رغم انها


كانت حنونة و معطاءة بلا حدود

حاولت ان اتلافي اخطاءها معنا و دائما قريبة منهم علي قد ما اقدر

لي عودة لما يتفصص الموضوع و يتشعب

__________________




( اخوتي و اخواتي ان لم تجدوني بينكم في الجنة فسألوا عني )