يووووه يا زينو قلت صاير معك شي كبير الله يستر طلع يمه وخالة

الله يسعدك متل ما ضحكتيني ايه تعي شوفي وقت كان عمري 29 وبنت صديق زوجي كان عمرها 20 بتقلي تونت منال يعني خالة منال وهلئ عمرها 26 وعندها بنت وبعدها بتقلي تونت منال وانا معودة عليها هيك لانو من وقت ما كان عمرها 11 سنة بعرفها وبتناديلي بهيدا الاسم
وبتصير مع كتار كمان
طيب بتعرفي من اربع سنين كان عمر اختي الصغيرة 17 سنة وانا اكبر منها بفوق ال13 سنة واجت امراة لعند ماما ما بنعرفها قالت لاختي انت الكبيرة المتزوجة وكنت انا وياها قاعدين واختي بس فاتت على المطبخ تعمل قهوة للمرأة وهيي تضحك وتقلي انبسطي صار عندي تلات اولاد وانت الكبيرة صرت صغيرة البيت وعزبا ولهلئ بتتذكر الموقف وبتضحك

كمان بزيد عليك يا رفيئتي انا هلئ بضل بحكي يا رب يقدرني عيش واوصل لعمر ال40 بعد خمس سنوات لاني كتير حابة شوف حالي بعدني متل ما انا بس العمر وصل لل40

هالشي كتير بيعجبني وقت تشوفي امرأة من دون مساحيق تجميل ولا عمليات تجميلية وعمرها وصل للاربعين وما فوق وما بتحطيلها ال29 او 30 من عمرها ان كان بالوجه او الجسم وهالشي شايفته بكم صديقة الي هون في اللي اكبر مني ب11 سنة بس بتقولي من نفس العمر
العمر ما بيعنيلي شي وانا بحس حالي ما بكبر من جوا كل تصرفاتي اللي بتخص المرح والفرفشة اللي كانت بالمراهقة بعدها عندي لهلئ
وهلئ اذا بصير معي موقف متلك ان كنت بنقاب او بدونه ما بتأثر العمر عمري مش لغيري
وحتى العمر مش هو اللي بيحدد
بالفعل في اشخاص طبيعة اجسماهن بتعطيهن عمر اكبر منهن وفي اشخاص قد ما يكبروا ما ببين عليهن الكبر
فاذا الناس شافتني اكبر من عمري ما لازم ازعل ممكن بالفعل مبين عليي متل ما شايفين
وبابا اكبر من زوجي بخمس سنين بس
وشوفي الفرق بتقولي بابا اكبر ب15 سنة مع انو الكل بيقول بابا بعده شاب وصغير
بس مقارنة مع زوجي مبين اكبر منه بكتير
وكمان لحط نفسي مكان الصبايا بالمول فرضا كنت بمول وفي قدامي منقبة وما بعرف اذا صغيرة او كبيرة
ممكن تكون كبيرة وروح قلها يا أنسة او يا اخت وتطلع من جيل ستي والمفروض كنت قول يا حجة

يعني ما تتحسسي كتير ولو اعطوكي عمر اكبر بكتير من عمرك او اصغر
ولا تربطي النقاب بهالشي اللي مقتنعة فيه ساويه
وما مهم نظرة الناس كيف بتشوفني صغيرة او كبيرة
تعيشي وتاكلي غيرها يا رفيئتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه