سجلت دخولي علشان أرد على موضوعك ..

أولا أنا بعد زواجي بحوالي سنة جاتني أخت زوجي واستقرت عندي بحكم عملها وكانت المدة غير محددة أحيانا يقولون بتروح وأحيانا يقولون بتجلس .. ومع ذلك بقيت أكثر من سنة

في خلال هذه الفترة كثرت المشاكل بيني وبين زوجي لأنه صار يحس أن أي تصرف مني تجاه أخته هو تصرف عدواني مع إنها تصرفات عادية تصير بين الأخوات اللي من بطن واحد !! هذا أولا

ثانيا فقدت خصوصيتي بشكل تام في منزلي وصار منزلي بس بالاسم ممنوعة فيه حتى من اللبس اللي يريحني وصرت إرضاءء لزوجي ألبس اللي يرضيه ألبسه قدام أخته رغم أني اعتبر لسى عروس وفي بداية حياتي الزوجية وبالرغم إنها متزوجة وتعرف كل شي .. أضف إلى ذلك توتر العلاقة بيني وبينه والتقصير العاطفي خوفا من أن ترانا اخته حتى لو متقاربين في مكان الجلوس أو تسمع أصواتنا او او او .. ولم أعد أخلو بزوجي إلا في غرفة النوم وقت النوم فقط .. ولكم الفهم

ثالثا مع طول المدة صارت اخته تتدخل في خصوصياتي حتى في العطر اللي أستخدمه تقول هذا يعجبني وهذا مايعجبني .. ليش لابسة كذا .. وتتأفف من البرامج اللي اتابعها لأنها مغايرة لمزاجها وووووو وقس على ذلك الامثلة .. ( حتى لو كانت أشياء عادية تبقى مسألة الأذواق شخصية مو ضروري تتدخل فيها لأنها ماتعنيها من الأساس والمفترض احترام هذا الاختلاف وعدم التدخل )

رابعا وهو الأهم أفهم زوجتك بطريقة ما أن هذا الشيء سيؤثر عليها حتى هي وأنك لن ترضى أن تلبس مايحلو لها أمام أخوها وأن وجود رجل في البيت سيقيدها ويقيد ضيوفها وضيوفك كذلك وأنك غير مستعد لاستقبال أصحابه وماسيترتب على سكنه عندكم وعلى العكس سترحب به ضيفا عزيزا متى ما رغب في الزيارة

وبعدين في احتمال أن زوجتك ماتبغاه يسكن عندكم اصلا ومنحرجه منه ومن اهلها ومو عارفة وش تقول لهم فالأفضل تاخذ رأيها أول وتسألها اذا كانت موافقة او لا ..

وبصراحة أنا تعمدت أرد عليك لأني مريت بتجربه مشابهه حبيت افيدك بها يمكن تنتبه لأشياء ماكانت على بالك

خامساً .. كلامي للأعضاء ..... طرحت مشكلتي قبل حوالي سنة عن موضوع مشابه والأغلب منكم وضعني في أطار زوجة الأخ السيئة التي لاترغب بأخت زوجها وأن الضيف لو كان أخي لاختلفت المعاملة .. رغم أني لم اشتكي من أخته بل من تقييد زوجي لي في وجودها .. اتركوا التحيز للجنس .. فالمستشار مؤتمن

أسأل الله التوفيق والتيسير للجميع

اخ زوجتك كضيف لمدة محددة من اسبوع لشهر ما فيها شي و عيب ترده و لازم تشيله على راسك
و لكن يجلس فترة غير محددة قد تمتد لسنة هذه تقول لا
و اصلا عيب على الرجل يجلس عند بيت اخته

الزمن اللى الناس صارت تتثاقل بعض
و اخوان بعد ..!!
كان من عادات العرب الكرم و اكرام الدخيل و تقاسم الاموال
الان ... لا تعليق ..

بعض الناس آخذ الأمور ببساطة وخليه يجي وش فيها
ياعمي لما أكون مع زوجتي أكون آخذ حريتي
آخذ حريتي بلبسي وزوجتي تاخذ حريتها بلبسها
تجلس جنبي
تجلس بحضني
أمسك يدها
أبوسها
إلخ........
مواضيعي ونقاشاتي وأسراري الخاصة بها
كل هذي بتطير بحضرة الأخ، وسأكون بدلاً من أن اتصرف بتلقائية وطبيعية أتصرف بترقب وحذر.
ترى مو سهل وجود عنصر جديد بينك وبين زوجتك
مثل ماقالت مسك بيت أبونا بيت العائلة اللي فيها العيال والبنات مرحبا وسهلا، لكن بيت زوجين فيه خصوصية لا و ألف لا
وهذي مافيها زعل، وزمن المجاملة والإنسان يضغط على نفسه علشان سين أو صاد من الناس ليجلس شهور وسنين طويلة هذي ولى زمانها.

__________________
ياصبحِ لاتِقبل !!
عط الليل من وقتك..

أختي الفاضلة فليكا ..
كان سؤال الأخ الفاضل واضح وصريح ..لذلك جاء ردي وأعتقد ردود من كان مقارباً لردي ..طبقاً لسؤاله ..
أما لو كان سؤاله مارأيكم مثلاً .. بالموضوع .. لكان هناك رد آخر.
.

__________________
كيف اقاوم الهم والألم. بالسجود راحة واطمئنان.

نهاية نوال..!

ياحيف ياريثي ماهو كرم نفس ولا كرم اخلاق ترد اختك او نسيبك او اي قريب من الدرجه الاولى لك او لام عيالك

انا مابعد ربي رزقني بالبيت الملك لكن ولله الحمد مستاجر دور قريب من عملي
ووالله اني مسلم نسخه من مفتاح البيت و المجلس (منفصل بباب مستقل ودورة مياه عن الشقه) لاخوي ونسخه لنسيبي اخو زوجتي يجون ينامون فيه وسط الاسبوع بحكم قربي من جامعتهم ويعدونه بيتهم الثاني مع انهم في نفس المدينه لكن دوام الصباح مشقه ويوثل ساعه ونصف مع الزحمه فيجون من الليل ..
وافخر بهذا الشيء واستانس بجيتهم واحيانا اتقهوى واتعشى واتونس بوجودهم والاغلب اني ما ادري عنهم ولا يدرون عني لاحترام الخصوصيه ..

بل يارجل بيني وبينك ابو نسب نافعني ومكفيني عن بعض المشاوير والاغراض جزاه الله خير

ياغالي الدنيا فانيه .. تجمل مع الناس وخلك طيب الذكر لين المعشر سمح كريم وربي يفتحها بوجهك من حيث لا تحتسب

انت ادرى ببيتك كيف تقسمه لكن اقترح عليك تخصص لضيوفك ملحق صغير او مشب مستقل في الحوش وتراهم موب مطولين معك العمر كله
وخصص لاختك غرفه في الدور الارضي (مثلا مجلس النساء جهزها غرفة نوم بسيطه وشوله الفشخره فيه مجلس رجال وفيه صاله) لزم عليها تجي عندك ويمكن يجي نصيبها بعد شهور

خلك مبرزك يالمبروك الله يوفقك ..