26-02-2011, 02:16 AM
|
انا انسانه تزوجت قبل سنه من انسان طلبني قبل كدا وماصار نصيب ,المهم تزوجنا واستقرينا بالرياض مع العلم انا من جده وماليا احد بعد الله بالرياض الا زوجي واهلو , المهم بعد شهرين مد ايدو عليا وكفخني وسامحته لانو صراحه تاسف والسبب والله كان تافه المهم وعدني انو ماراح يمد ايدو تاني.. في شعبان حملت والحمدلله بس الرجال صار عصبي من يوم عرف بحملي ضربني ضرب مبرح لين غير ملامح وجهي وهادا الكلام كان بنص شعبان وقتها كنت حامل بشهر ونص واللي صار انو بعد ما ضربني اخد جوالي واتصل علا اهلو عشان يجوو ويشوفوني مضروبه وبدمي مغسوله وكان يقلي والله راح اقتلك الله يلعنك ويلعن اليوم اللي شفتك ,المهم قلتلهم ما ابيه ترجوني وسامحيه عشاننا وسامحته.. جاء رمضان زاد التعب عليا وصرت ادوخ وكان عندي فقر دم حاد طلبته انزل جده عند اهلي لاني فعلا تعبانه رفض تماما قال اصبري لين العيد , وقلت ما عليه بعدها امي قالت الله يحفظها انا بجيكي مع اني والله ما اشتكيت لاحد عن مشاكلي بس حست هيا بتعبي قال حياها تنور البيت ماقصر زوجي وقتها.. يوم 10 رمضان صارت مشكله بسيطه قبل صلاة الفجر عشان ليش قفلت السماعه بوجهه مع اني والله ما قفلت السماعه وربي يشهد المهم قام مرا تانيه يهدد بالقتل وكان بيمد ايدو المهم ضاقت بي المعموره كلمت ماماتي انا تعبانه تعالي خديني بس ما حكيتها عن اي شي جت الوالده قالت خير قلت بس تعبانه وهوا مو راضي ينزلني عندكم قالت خلاص نستناه وقومي لمي شنطه قلت لا انا بلم كل اغراضي ,قامت قالت اجل الموضوع كبير قمت ابكي قلتلها يضربني قالت خلاص اكلم امه جت امه وابوه قبله قام ابوه يقول ماتقدرين تاخذينها هيا بعصمة رجال قالتله الوالده طيب نستنى ابنك لين يوصل ونستأذن منه شوف بنتي كيف تعبانه , قام اتصل علا زوجي وقله جيب الشرطه وتعال , وتخيلو ياجماعه جاب الشرطه لللبيت ورحت الشرطه وانا حامل وتعبانه وامي مريضه بالضغط وصار يقول ماتروح .. من بعد مشادات قال تروحين باللي عليكي ما تاخذين ولا شي لا ملابس ولا ذهب ولا اي شي وقتها حتى الضابط قلي وش تبين بالخرق ربي يعوضك اشتري نفسك وانزلي مع امك نزلت زاد التعب فيني والنونو طاح والحمدلله , الغريبه ما سال عني خايف انو رجالي يضربوه لقيته علا الايميل وبلغته ان النونو طاح ما هز الموضوع فيه شعره .. راح وسافر بالعيد ولا كانه عنده زوجه ولا حتى جاب ملابسي في العيد ولا اي شي بعد ما سافر رجع يقول ارجعي يالله بيتك ينتظرك مع العلم انو ابوه اتهمني بشرفي وقت المشكله وقال لاهلي انو انا اكلم شباب والعياذ بالله حسبي الله عليه ونعم الوكيل الله يسامحهم بس.. بالقعده طلبني للمحكمه دخلوني للشيخ هوا ما جاء يومها وكلمت الشيخ قلتله ما ابيه ووقتها انا وكلت محامي والمحامي قال هيا امس رفعت عليه قضية خلع ,والله العظيم الشيخ يوم سمع انو هوا دخلني الشرطه تفاجأ وقلي هوا يتعاطى شي قلت لا.. ومن يومها لليوم انا بحيره مرات اسال نفسي هل دا الانسان ممكن بيوم يتعدل او لااا؟؟؟ انا ما ابا اخش النار بسببو لاني طالبه الطلاق بس انا تعبت والله تعبت طبعا مرا ارسلي فلوس بعدها اتصل يقول والله لاطلبها منك عند الشيخ وعندي اثباتات وبطلب كل شي حق الزواج والسفر وكل شي مع العلم انو الزواج كان علا اهلي هوا دفع فقط 12000 ريال ,قال ماراح تضحكين عليا بالمهر بس والله راح اطلب كل شي مع العلم انا جامعيه وهوا كمانا انسان جامعي ومش مدخن ويصلي والحمدلله مرات كان يقلي انتي ما عندك رجال ,انا ما ابا خوال عيالي يكونوا حريم ,وبعدها يتاسف ويبكي صراحه انا ما عرفت افهمه والله تعبت ياريت تفيدوني وازا وصلت للمحكمه كيف اتصرف اخاف اضعف انا لما اشوفه يبكي انسى كل شي سواه لي |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
