11-07-2017, 05:44 PM
|
المشاركة الأصلية كتبت بواسطة اسعد فتاة
هو الصح انك تنادي كل من هو يكبرك او ع الاقل
عيالها بعمرك يا خاله،يا عمي الي اخره وعندنا البعض يزعل اذا ناديتيه باسمه لكن عني انا ماتعودت انادي حد خالتي الا زوجه جدي احتراما لها لانها مربيه الاجيال وفتره ناديتها جدتي ^^ لانها زوجه جدي يعني ايش تكون؟؟؟؟ حسيتها ماعجبها راحت امي صرخت عليا قدامها قالت لي تناديها جدتي !!شفتها كبيره؟؟ المهم من بعدها قلت لها خالتي والمفروض عندنا انادي كل حريم خوالي وعمامي ب خاله بس ماعرفت !!! اناديهن باساميهن ولو اني احس البعض يستغرب بس ايش اسوي؟؟ كذلك عماتي الصغار الي لحقت اعراسهن اناديهن باساميهن^^ لانهن صغار يعني من مواليد ثمانينات اما اللي الكبار اللي من فتحت عيوني متزوجات هاذولا اناديهن عمتي كله كوووم وحركه العجايز الجديد كوم اخر جدات ماعد يسمحين لاحد يناديهن جدتي وامي اول وحده كل الاحفاد ينادوها مثلنا يمه او امااه او امي وامهاتهم ينادوهن ماما او باساميهن ههههه يعني كلمه جدتي انقرضت خلاص ههه |
11-07-2017, 05:51 PM
|
المشاركة الأصلية كتبت بواسطة زين ابيها
😂😂😂 قتلتيييييني قتلتيني 😂
. كوكتيل قلبتي المواجع 💔😂 تخيلي عمري 27 ربيعاً .. سبعة وعشششششششرين 😕 وفيه بنات وراي واقفين في درج المول ينادوني خالة 💔 انزين انتظروا شوفوا عيوني .. شوفوا محيط عيوني بتلاقوني اصغر من اخواتكم 😭 وياليتهم صغار .. 🤔 اشكوو إليك يا رب 😂😂 وبالنسبة لي ما عندي اشكال زوجي يسمع الكلمة 😂 بحكم فرق العمر بيني و بينه بس انه اساسا وا استسيغ الكلمة زوجي وقت المزح يناديني يالعجوز أو خالة 😕 مع إني اصغر منه ب 15 سنة بس عاد شتقولين يختي 😂 حكم قرقوش |
11-07-2017, 05:59 PM
|
المشاركة الأصلية كتبت بواسطة مهره
عاد أنا كنت أنتظر زين أبيها عشان تطلع حرتها هني  .. سبحان الله كنت عارفة ان الحرة ما بردت. كوكتيل حبيبتي.. تبقين أحسن من غيرج .. الحمدلله محافظة على نفسج والعمر مب مبين عليج. عيل الصغيرة اللي شكلها كبير شو تسوي؟! وبعدين خلنا نتكلم بالمنطق .. أنا ما اعرف انتي متى تزوجتي .. لكن عمرنا 43 يا كوكتيل .. يعني لو متزوجات واحنا بنات 16 أو 17 كان عندنا عيال في العشرينات الحين. |
11-07-2017, 06:04 PM
|
المشاركة الأصلية كتبت بواسطة wa1121
مهرة وميمو احييكم على روحكم الرياضية
انا في اول الثلاثينات احسني مازالني في العشرين لم يتغير شي فيني وزوجي ما اعرف كان يقولي متى تدخلين الثلاثينات ربما لذلك لم اتضايق من المسالة لكن منذ ان سجلت في هذا المنتدى حسستوني ان الثلاثينية كبيرة وراحت عليها فما بالك بالاربعينية ربما نظرة المجتمع تختلف اشوف معي في العمل اخوات زوجي جاراتي اربعينات والله ما تعطيهم اهتمام ونفسية حلوة ولا تضايقه مسالة العمر لانه في النهاية هو رقم حتى الزواج ارتفع معدل سنه عند الفتاة ل29 سنة مادام المرأة بصحتها ورشاقتتها واقبالها على الحياة فهي شابة والله يدوم شبابنا وصحتنا |
11-07-2017, 06:12 PM
|
المشاركة الأصلية كتبت بواسطة Ms. Spectacular
اللي تقولك خالة ناديها انتي بخالة
يعني لما وحدة في مكان عام مثلا مستشفى تقولك تفضلي ياخالة قوليلها شكرًا الله يسلمك يا خالتي. 👍😎 عشان تحس بنفسها. |
11-07-2017, 06:21 PM
|
المشاركة الأصلية كتبت بواسطة مبتعثة متفائلة
ياحلوك ياكوكتيل اموت على الناس الي تهتم بنفسها
بقول لك مواقف صارت لي زمان كنت بالعشرينات ورايحه عندنا ورشه عمل بمدرسه بنين ضيعت الطريق ولقيت مجموعه طلبه ثانوي بوجهي سالت وين المدرسه الفلانيه قالوا هنا ياخاله مت صحك وانبسطت مدري ليه طبعا كنت لابسه نقاب فاحتراما لي قالوا خاله حسيت اني مهمه ههههه مره بمرحله الدكتوراه انا وصديقتي كلنا الحمدلله اشكالنازصغيره واحس الناس الحين شكلها اصغر كانت معانا بنت بالسكن بالمرحله الحامعيه هالبنت صراحه اطول منا واضخم وشكلها اكبر منا محترمه وحبيبه لكن كان فيها عيب تناديني انا وصديقتي خالتي ههههه خير ان شاءالله ترانا اكيت منك عشانا بس بالدراسات العليا تخيلي ننادي الدكاتره اجل جدي انا عادي لكن صديقتي كانت تتضايق قلت لها انا عندي عيال اختي بمثل عمرها وينادوني خالتي فعادي اعتبرها من عمرهم لكن صراحه شكلها كان غريب وهي تنادينا بالجمعات والبارك خالتي خالتي صديقتي مصريه بغت تذبح وحده لانها نادتها تنت طنط تقول مابيني وبينها فرق عشان تناديني كذا امممممم من يقول خالتي بعد ايه وحده من بنات صديقاتي عاد هذي اكبر حتى من عيال اختي وتناديني خاله لاني مصادقه امها وامها اكبر مني فاحس طبيعي بتناديني خالتي لانها بمازق انا ماعندي عيال تناديني باسمهم مع انها لو نادتني باسمي الحاف احب على قلبي لكن فيه ناس تبالغ بالاحترام يعني وتتوهق وهذولي ملوت المستشفى ينادونكرباسمك وخلاص وش له خاله ماخاله انا مانادي خاله الا خالاتي بس تدرين حتى الحريم الكبار بالمجمعات او الجمعات اذا اعرفهم امرفلان مااعرفهم كلمات المجامله حبيبتي عزيزتي احيانا ماتحتاجين اداه للنداء احيانا مو العمر احيانا هيبه الشخص تخليك تناديه خالتي |
11-07-2017, 08:00 PM
11-07-2017, 10:38 PM
|
المشاركة الأصلية كتبت بواسطة زين ابيها
مهرة ☺ واضح ان الصحوبية اللي بيننا حتنتهي يختي .. 💔
كوكتيل .. هم شافوني من ورا وشكل الجسم ما يعطي عمر ☺ وبما اني متنقبة .. فيقدرون يشوفون عيني واصلا حتى شكل الجسم يوحي بإن العمر صغير أو كبير استغفر الله بس 🤔 شنقول العمى عمى البصيرة مو عمى البصر 💔 ☺💔 أمي نهاية الاربعين وما يقولون لها خالة ، وانه البنت الصغيرة جداً جداً قالوا لي خالة اكتشفت ان المحيط يؤثر في نظرة الشخص للعمر مثلاً محيطي ينظر للثلاثين انهم كبار! فما بالكم بالعشرين! وهالشيء يقهرني .. دايماً اسمع كلمة خل نلحق نجيب عيال قبل الثلاثين 😂 ماذا عني يا اخوات العرب عمري 27 وما عندي عيال راعو مشاعر قلوب الصغار المشكلة ان انه نفسي كان ودي اجيب عيال ببداية العشرينات عشان يكون الفرق بيني و بينهم صغير 😂😂😂 طبعا عيالي بالنسبة لزوجي عبارة عن احفاد .. الموضوع يا كوكتيل ذو شجون 😂 هههه ترى مزحتج غصيت فيها بس بلعتها 😂😂 |
12-07-2017, 03:39 AM
12-07-2017, 07:18 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
