زوجي تغير لاأشعر بأي قيمه لي في حياته أشعر أنه لايحبني - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 06-12-2011, 02:25 PM
  #1
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
Angry زوجي تغير لاأشعر بأي قيمه لي في حياته أشعر أنه لايحبني

السلام عليكم
اتمني من كل قلبي من رجل الرجال الوقوف بجانبي لاستعيد ثقتي ولتحل اموري
باذن الله تم 4مساعدتكم
واتمني من كل من قرا موضوعي ولديه حل يسعدني ان اري الاراء والردوووووود
واتمني ان اجد لمشكلتي الحل عاجلا غير اجل




انا لي سنه وعليها متزوجه ووعندي ولد
من بداية حياتي ما استقريت
انا بمكان وزوجي بمكان
وماشووفه غير خميس وجمعه
انا ما اعمل ولاشي عند اهله ساكنه
وهو يدااااااوم علا طول الاسبوع
ما اخذني معاه بحجة توفير لانه يبني لي بيت
وهالبيت مطول عشان يخلص
البيت بارض اهله جنبهم علئ طول

بعد ماجيت من عند اهلي 
وانا توي مسويه عملية خياطه غير الولاده واللي تعبت فيها 
يعني 3شهور ماجاني بعد الولاده


كان مره متششششششوق لي ومايخليني
رغم انه زعلان عشان ذكري زواجنا مشيت وخليته رحت لاهلي لاني كنت نفاس بمنطقه ثااااانيه
لاني كنت نفاس وقتهااا يبينا نحتفل وانا نفاس؟

بعد ماخذ حاااجته شهر يمكن وبعدها انقلب
تغير كثيييييييييررر
مايجلس معاي 
الاوقت النوووووووم ووقت النوم يقول احبك وكلامه كله عسل بالنوم فقط


صحيح هو من اول كذاا ومن البداية ماتعودنا ع بعض مانجلس مع بعض
يجلس طول الوقت مع ابوه واخواااااانه
ولويقعد معي ربع ساعه دقو عليه 
ولو مايدقون صار يقول ابروح اجلس معهم
وانا بالطقاق


اول يمر يشوفني شسوي يسولف شوي معاي هالحين لا مع ابوه واخوانه وامه تروح تجلس معهم ونا اقعد طول الوقت لحالي
وادا خلص غدا ولاعشا راح الاستراحه مع اخوياه


مالي اي قيمه بحياااااااته
احسه ماااااايحبني

دايم اتكلم له عن الحب ويتتريق

ماقصر معي جابلي ايفون وطقم ذهب بس بعد ايش بعد معااااناه وبكاا
يقول انتي عجوله انا مجهزها لك بس انتي ماتصبرين
اعرفه كذاب ماشراها الا لما طلبته




وايش اقوووول 
بخاااطري اشياااااء كثيرررررره

ينتقدني يقول تغيرتي فجاه نحفتي بس طلعت لك كرشه
المكان الفلاني بقعه و و و
اضحك واقوله هالشي طبيعي عشان الحمل
اللي يحب بيقبل حبيبه بعيووبه
عمري ماقلتله عيوووووبه بالعكس اشوف النقص اللي فيه اعوضه امدحه ولاعمري سبيت شي بجسمه
شايف نفسه
يكررررررررها باذني ويقول شوفي نفسك بالمرايه وقفي

يجرحني وهو مايشوف نفسه



امه تنتقدني بشكل غير طبيعي
تبغاني شغااالتها
مستحيل تمدح شي اسويه


والشغاله بتروح هالوقت وانا اللي بشتغل اساعد امه وقلتله خذني معك قبل تروح الشغاله عشان ماراح اخلي خالتتي وماعندها شغاله قال واذا



قالي بنسافره بنصف الفصل ويقول اهلك بنمرهم زياره ونكمل تمشيتنااا
بس ما اوعدك عشان لو مانسافر ماتقوولين كذاب


هو اذا مو جالس مع اهله جاالس مع اخويااه

(وانا لي الله)

كلمته مليووووووون مره بخصووص هالموضوع طنشني يقوووولي شتبغين
اقوووووله مابي من الدنيا شي غير وجودك
ابيك انت وبس
يضحك ضحكة فرح بس ويقول ربي ييسرها



نوفر الاجار نحطه بالبيت احسن
قلت واليووومين ماتجلسها معي حتئ طلعه مانطلع مع بعض
يقول اجلس للمغثه انتي بس تقوولين ماتجلس معي ماتقوولي ماتعلمني بشي و و و و

مايفيد الكلام بس انا ما افهم



ومو بس كذا
سمعت كلامه وجلست عند اهله برغبته رغم اني انا كنت حالفه اني غير ااروح معاه لان عمله بمدينه
وقعدت بالغصب عند اهله
ووعدني قال اسبوع بتروحين معي واسبوع عند اهلك واسبوع عند اهلي
وكذب علي لا اخذني معاه وحرمني من اهلي

وسكت وانتظرت


وهذا هو الفصل الاول بينتهي ولا رحت معاه ولا لاهلي

قلتله انت كذاااااب

وخناااق بخنااااق تغيرت كتير واحس الحبوب حقت منع الحمل اثرت علي كتير
لدرجة احس اني ابضربه بس اقووم عنه
ابي اكب كوب الحليب من الضغط اللي فيني
بس استغفر واقوم


اول بس ساااكته هلحين انفجرت
بس اتهااااوش معاااه


قال اجل لو انتي معي الواحد يقعد علي وضعه*احسن ما اخاذك معي احسن
قلت ماني ميته عليك
قلت لازم تستاذن عشان اروح معك ولا لا 

اقصد امه وابووه يشاورهم بكل شي
حتا بالباب اللي ع غرفة النووم ببيتنا اللي نبنيه يشاورهم شدخلهم
قالو لا قلت بيتي ينبني مكان للباب يعني ينبني
ومتا يخلص هالبيت مدري والله لو انه قصر خلص





مجرووووووحه منه واحبه رغم كل اللي سواه بي ورغم كل الكلام اللي قاله لي
لكن والله يوم افكر اقول بعيش حياتي الباقيه كذا اروح اجلس عند امي احسن



مره اشتد النقااااش بيننا قال ليش تفسرين الاموور كذا
تفكيرك تعبااااان جداا
قال يكون بعلمك انك ماجيتي 50%من اللي ابي
ماهتزت فيني شعره قداامه وانا متكسره ومجروووووووحه من داخل
قلت وش اللي موعاجبك
وبالله عليك اقوله بالله عليك من الصدمه
قلتها من الصدمه

تدرون شقلت له
قلت مااهي صعبه ابداا
ودني لاهلي والله بيتهم مفتوح لي وانت ماتبيني محد طقك علا يدك قال تزوج
ودايم اطلبه اقوووله ماتبغاني ودني لاهلي
ما انتهت الحياه ولدنا وايش صااار

يحلف انه ماااايوديني واني ماروح
انا اضحك اقوله طيب مو ماليه عينك
يقول لا تفكيرك واسلوبك معاي مره مو كويس ماجا 50بالميه
يقول هذا اللي اقصده تفكيرك
واناعارفه انه كذاب
 مجروحه واكاااااابر




اذا جبت طاري اهلي يتكدر
ماعرف هويحبني ولا لا احسه يستغني عني احيانا واحيانا لا


حصلت في جواله مقاطع اباحيه عشان كذا يقااارن ولا بعد يرسلها لاخوانه اللي مو متزوج

وصلاته مشي حالك اي كلام
اغلبها يجمعهاا
انا رجعت للعاده وش اسوووووووي
بس ماني مثل اول تقريبا صابني بروووود
 بس احسن من اول من فتره لفتره 
مقصر معي بغير خميس وجمعه
وصاارحته
مره قال بروح بسافر يقصد للمقر عمله وانا كنت اطلبه اروح معه مطنش وكنت معصبه قلت رحت ولاجيت زي بعض ماااعد تفرق عندي

وبس المشكله بس ارسله حب وغراااااااام

واعصب عليه ارجع اندم واراضيه



بصراحه ما احس ان لي اي قيمه عنده




ولا بيساافر الثلاثا برا السعووووديه
لاحدا دول الخليج
وحاولت امنعه يقول صديقه بيجيب علاج لامه وانه مايثق غير فيه لانه انسان مايعرف الحرام
وقلت مالقي غيرك
والله ان رحت ماتلمس مني شعره
وبيروح اليوم رحلته
بعد محاولات يقوولي تكفين لاتفشليني قدام اخوياي بيقوولون زوجته عيت عليه
قلت توصل بالسلامه


ولما سافرلمقر عمله قلتله سألتك بالله تغض البصر ولاتسولف مع اي بنت ولا تلمس اي بنت لان ماعاد بشوفه بيسافر من مقر عمله لبرئ
وادعي الله اني استودعتك زوجي وعينه والمس كل ما ادعي له واستودعتك شفته والمسها واستودعتك قلبه وحطيت يدي علي قلبه واستودعتك.....
هو يضحك قال ليه مو واثقه فيني
قلت لو مو واثقه ماخليتك تروح
>>>وهو غصب عني وانا صراحه مواثقه يالشيطان ولافيه 
لانه امس يكلمني وانا اللي اتغزل فيه وهو بس يضحك ويقول الله يسلمك 
دايم كذا مايبدا معاي ولايقول كلام حلو
و
دايم يصرفني انه مشغوول 
وانا اللي الاحقه واي شي احتاجه ادق عليه عشان يجيبونه لي اهله



وامس صرفني
فجأه علي البي ماسنجر هو مغير اسمه
يقولي سلام من معاي؟
قلتله وحده تحبك موت
قال مين 
قلت وحده غاليه عليك
قلتله ليش كم وحده غاليه عليك
قال خمسميه
قلت انا اتكللم بجد
قال حتئ انا والله يالغاليه
قال قووولي وعرفيني علئ نفسك يالله
قلت والله تعرفني زين
قااال اللي اعرفهم كتير في امان الله
قلت نفسي ابوسك واحضنك والمك
قال مين انتي
قلت انت فلان اسم زوجي
قال ايه

قلت انا فلانه وقلت اسمي وافا يا.....
خمسميه مره وحده


ورب الايات سكت ولاعاااااد رد
وارسلته علي جواله ماني ماليه عينك ومن هالكلام اني مصدوووومه فيه
فجأه يدق بعد فتره
عرف يطلع نفسه من هالورطه
رديت قال وش فيه ايش هالكلام
يسوي نفسه مو عارف شي
قلت مايحتاج انت عارف كل شي
ويحلف انه مايدري شسااالفه واعرفه مرتبك وهو يتكلم
قلت البي مسن عرفيني عليك ويقولي يالغاليه وهو ناسي انه انا اللي اكلمه
ووو
قال يوووووووه بالله انا ماعلمتك
قلت ايش 
قال غيرت الايفون 
قلت متئ توك مصلحه ومسوي له جليبريك
قال لعب عليك الحيواان ولا تغازلينه ييمزح

قلت وليش غيرته ماقلت لي
قلت بمشيها له ونشووووف الحياه ماهي واقفه عليه
قال ماحصل فرصه اقولك
قال احذفيه من عندك
وارسليلي البي مسن حقه بتفاهم معاه
قلت طيب وانت ارسل البي مسن بتاعك
^_^
واخذ فتره عشان يرد
وارسلتله بي مسن
وماحذفت الرجال اللي هو 
بس مشيت الكذبه الغبيه
لو انه الرجال كان سولف معاي
وحذفته اخر الليل
واضفت البي مسن حق زوجي ولا اضافني يقول النت خرب عنده
سبحان الله ماخرب الا هلحين

بالله تنصدق هالسااااااالفه







واليوووووم يبي يسااافر ويجي الخميس ويقول احتما ل ماجيك برجع لمقر عملي يوم واحد مايسوا
واذا كنت نشيط بجي واذا كنت كسلان مابجي
قلت ليش قال بواصل هناك
يقول تعرفيني مو راعي خرابيط

دايم اقوله احفظ نفسك ليحفظ لك الله اهل بيتك

قال تراك طفشتيني بس تكررين علي 
انتي لو واثقه فيني ماقلتي كذا

قلت امك تقول انك تموت بالحريم وتحب تسوولف معهم
وانك ماتقدر تمسك نفسك لازم تسولف معهن

قال لاتصدقين وخليك واااثقه
قال تعرفيني زين
قلت ايه اعرفك اذا وانا معاك ماتنزل عيونك عن البناااات ومره تلقف علا وحده
كيف برئ وانا مو معااااك
زعل من هالكلام

قلتله انت اناني هم سعااادتك وبس
ولدي مظلووم ماهو عايش مع ابوه
وانت كذاب 
قال اتقي الله في كلامك
قلت وانت ارحمني واتق الله فيني
كنت بالمره منفعله معاااه
دايم يقولي احتاج الكلام الحلو والاسلوب وانتي بامكانك تملكيني انا بين ايديك

ولكنه مقصر معي بالحب

صارحته انه مقصر معي بحقي الشرعي زعل

ولا يقول نبي الصراحه
يمنعني من اهلي وحارمني من الحياه الحلوه
يقول اصبري يستوي البيت وترتاحين

اروح معاه غصب عشان اختار سيراميك ومغاسل واخرتها يختار الرخيص بس انقهر وبس بس يكون مقاارب للشكل اللي ابي


ماتجرأنا مع بعض بالعلاقه الخاصه
رغم ان لنا سنه واكثر
لانه هو يتغطئ عني ولايبغااني اشوف
وانا صرت مثله

مجرووووووووووووووووووحه منه بالحيل



يوم افكر اقول وشهي الحياااه انا متاكده انه يسولف مع بنات بالنت ويشوف افلام اباحيه
اقول مصيره بيعرف قيمتي مصيره بيمل 
مصيره بيرجع لي
لاني انا كنت كذا ومليت من هالاشيا
مع انه اكبر مني باربع سنوات
عمره قريب للثلاثين وباقي تفكيره طايش

في موضوعي الاول مشكلة الشات والعاده السريه
هلحين لو ايش مستحيل ادخله ولا افكر اصلا ولو دخلت عشان الصور اخذها مستحيل اكلم احد كرهت الشات والافلام والاشياء هذي بفضل الله ثم بنصائحكم
وتقربي من الله عزوجل
صرت انساااانه استغفر الله كثيراا ومحافظه علئ صلواتي بوقتها
واتمني اني اصلي السنه
هذا رابط موضوعي الاول
www.66n.com/forums/showthread.php?t=223840


ابي رايكم وكيف استعيد ثقتي بنفسي عنده
لاني ما البس له قصير لانه جرحني ماني ماليه عينه
انا وهو نفس اللون تقريبا

وابي شلون اتعااااامل مع هالاشيا هذي
امه و هو وخيااااااناته وتجاااااهلي لها
رغم انه يخاااف مني هذا اللي اكتشفته
يخاف اني أكشفه وانا قايلتله ترئ اي شي تسويه انا اعرفه

انا خايفه يكون له علاقات مع احد برئ
ويعمل الزنااا
والله هذا اللي مخوفني اول مره بيسافر برئ

وبخصوص الحلف قالي بدفع كفاره

استمر بتجاااااهلي واعيش حيااتي الاليمه
واضحك واجاااامل وانا خاطري اللي فيه مكسور

ولا ايش

احتاااااااج مشورتكم عاااجلا عاااااجلا

فالتفكير فيه ارهقني كثيراا
دايم احس انه ماااايبغاني 
يقولي والله لو ما ابيك كان انتي ببيت اهلك من زمان

انا مو مسيار تعبت وان اقووووووووله
انا احتاجك اشتاقلك والله سمع من الكلام لين قال امين
لدرجة قلتله انا احبك بس انت مااتفهم 
ضحك

هو انسان اخذ الحياه ببسااااااطه شي طبيعي لانه مبسوط بدوني قلت نفس حياتك طلعات وسفرات وبر ومع اخوياك
وخميس وجمعه تلقئ لك حضن
وش تبي اكثر من كذا من حقك تكون مبسوط

انا من حقي اعيش معاك مو عاجبك رجعني لاهلي
اصلا انت كم مره تقوول لي ما ارتاح وانتي عندي ينشغل بالي
مايطلع علئ كيفه
قلت ترتاااح وانت لحااالك تطلع تجي علئ كيفك
قال ماتحاسبيني ع طلعاااتي ابوي ماحاسبني

والله ان تفكيري مششششوش مدري وش اسوي اتمنئ القئ حل يرضيني
والله يهديه ويسخره يارب
الله يحرم ايدين كل من يرد عن النار
اسفه علا الاطاله ةاتمني انكم فهمتوني من الضغط اللي علي كتبت الكلام بهالطريقه
اتمني مساعدتكم باقرب وقت 


__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

التعديل الأخير تم بواسطة om abdlah ; 06-12-2011 الساعة 09:36 PM
قديم 06-12-2011, 03:27 PM
  #2
SCoT
عضو مميز
تاريخ التسجيل: Jun 2011
المشاركات: 409
SCoT غير متصل  
كلامك صحيح طويل
بس انا عشت في القصه بكامل حذافيرها

مابي طول عليك الحكي
بس يقولك الثقل صنعه
قديم 06-12-2011, 04:06 PM
  #3
العـ/الفريد/ـقد
عضو متألق
تاريخ التسجيل: Aug 2011
المشاركات: 2,267
العـ/الفريد/ـقد غير متصل  
أختي حتى يرد البليغ ورجل الرجال جزاهم الله خير ونفع بهم

بقولك شي

واستهدي بالله وتعوذي من الشيطان الرجيم..

انت في وادي .. والزواج في وادي ثاني
وإن جلستي بهالتفكير ليكرهك زوجك ولتجيبين العيد بنفسك..
عندنا مثل يقول ( أعطي الخبز لخبازه لو أكل نصه)
وزوجك مثل العجينة بين ايدينك ولكن للأسف انت لست بالخباز
ما تعرفين كيف تتعاملين مع هالعجينة.. متى تزودين إضافات أخرى ومتى تحسين انه لا كذا تمام..
كيف تشكلينها .. و....... و...... ومتى تخبزينها وكم تكون درجة الحرارة !!!!!

طريقة تفكيره ... وش يشده ويعجبه... وش يزعجه .. وش يخليه يفقد أعصابه.. وش اللي يخلي رصيدك ينزل في قلبه وش اللي يرفعه...

الرجال أول الزواج يولهون على زوجاتهم وشوي شوي يسحبون انفسهم.. وبعد فترة يرجع أشد من قبل في علاقته بزوجته
وهكذا طول فترة الزواج... مثل المد والجزر بالضبط..
ولمن يبعد مو كره أو انك ناقصه في عينه أو اهمال لك ... هو يحتاج فترة يجدد نفسه وينشغل بشي ثاني عشان يرجع بشكل أقوى....
وتصرفاته معاك بصراحة تظهر بشكل جلي حبه لك ولكن انت معميه وطريقة تفكيرك مختلفة عنه تماماً لذلك يحدث التصادم.. وبفضلك أنت أصبح عنيف جداً.. وأتعبتي نفسك كثير وطولتي الطريق على نفسك وهو قصير

لماذا العصبية .. لماذا الرد ورفع الصوت " والمرادد" ولا اغلبوهم بالصوت
ما يتعب أحد غيرك .. ولا يتنرفز أحد غيرك... وفي النهاية الأمر اللي تبينه ما يمشي على كيفك..

اقتباس:
مره اشتد النقااااش بيننا قال ليش تفسرين الاموور كذا تفكيرك تعبااااان جداا

راجعي نفسك .. وانتبهي .. هذا دليل كافي على انك تمشين عكس التيار
وزوجك له مفتاح بعد ما وصلتي له وقاعده تجربين طول الوقت مفتاح واحد وغلط بعد ومو مناسب
ومفتاحك الغلط هو ليه ما تفعل .. ليه ما تعمل ... ليه ما تقعد ... ليه ما تقول ... كله انتقاد في انتقاد لتصرفاته وحتى كلامه معاك..... يا أختي لو فيه مجال وده يتحسن ويتغير ماألومه لو يهون ويغير رأيه لأنه متشبع الآن بفكرة انتقادك له

الزوج حقه عظيم.. ومكانته عظيمة .. انتبهي لا تضيعين دنياك وآخرتك سوا

والحل ذكره لك وريحك من التعب لكن الله يصلحك
اقتباس:
دايم يقولي احتاج الكلام الحلو والاسلوب وانتي بامكانك تملكيني انا بين ايديك

أختي انت عندك كلام حلو بس أسلوب اسمحيلي هذا اللي ينقصك..


***
عجبتيني في قصة الآيفون وطقم الذهب.. حلو من فترة لفترة يجيب لك شي يعجبك
لكن لا تدوخين عمرك .. والله لو مو حريص عليك ويحبك كان استمر وسحب عليييييك وحطي هالمعلومة حلقه في إذنك

مشكلتك تتلخص بالسكن .... وجلوسه معك ...

حطي في بالك صرف الفلوس زيادة معناته راح تطولون وما سكنتوا في بيتكم
يعني راح ترجعين للسكن عند أهله من فترة لأخرى... هل يعجبك هذا الحل؟؟

وبما أنك عند أهله والبيت قائم إنشائه ... إذن الحمد لله قريب تفرج
شطبوا دور أو شقة أو اللي يكون في الدور الأول وانتقلوا واسكنوا .. مو لازم تنتظرون لحد كامل البيت ما يخلص.. وبعدين شوي شوي يخلصه..

أختي زوجك يبني بيت.. عارفه كم يحتاج هالبيت لحد ما يخلص؟؟
عارفه أسعار الإسمنت والبلوك والحديد وأجرة المقاول والأيدي العاملة؟؟
عارفة التشطيب وتبعاته .. من سباكة وكهرباء وغيره وغيره لحد ما يوصل لهذا اللون الجميل اللي يغطي الجدران اللي يسمونها بويات!!!

أختي أسألك بالله كم يدفع زوجك للمقاول؟؟ شفتي العقد اللي بينهم؟؟؟ محتفظه بهالقعد ؟؟
تعرفين اسم هالمؤسسة .... كم يدفع له ع المتر؟؟؟ وعلى كم دفعه متفقين؟؟ وكم المدة الزمنية إن وجد؟؟؟
كم عامل تقريباً يشتغلون في بيتكم؟؟ تعرفين جنسياتهم؟؟
عندك دفتر تسجلين فيه وتساعدين زوجك في تسجيل المصروفات على بيت العمر
أي مبلغ يدفعه تسجلينه وتساعدينه؟؟ عشان ما ينسى مستقبلاً كم حط وكم جاب وكم دفع
الباب اللي تقولين يختاره هو وأهله تعرفين كم سعره لو بالتقريب؟؟

ما أبي منك جواب هنا ... جاوبي في نفسك واعرفي وضعك مع زوجك..
إذا كنتي مهتمه للأمور اللي يهتم لها وتاخذين وتعطين معه في اللي يشغل باله... اعرفي انك زوجة رائعة ويحق لك تطالبين ببعض الوقت لك..
إذا تعرفين كم دخله وكم من هالدخل يروح عشان بيتكم صدقيني بتعذرينه..

وإذا معلوماتك بسيطة وضعيفه ..... أقولك ليه يسألك عن الباب ووش الموديل اللي عاجبك ؟؟.. خلاص أخذ على انك بعيده عن هالسوالف وريح راسه... وياخذ العلم من اللي واقفين معه ومهتمين لوضعه

وانت شوفي وضعك وادرسي نفسك..


بالنسبة للصلاة؟؟
إذا نام تصحينه وتحرصين على الصلاة في وقتها ؟؟ ولا صحيتيه مره ومرتين وبعدين تتركينه خلاص وهو يجمعها؟؟

هنا بعد تحتاج أسلوب..

إذا كان صاحي إلعبي معه و حركيه ونشطيه وذكريه بالصلاة وقوليله بعد الصلاة نتقابل
إذا كان نايم اقعدي جنبه دلعيه لحد ما يضحك ويتبسم وتحسين النوم خلاص طااااار وبعدين عطيه على راسه وقوليله قوم صلي ياباشا أحسلك
أكثري من القراءة واستماع المحاضرات في تأخير الصلاة وغيرها من الذنوب وزودي زوجك بهالمعلومات
وتناقشوا فيها .. وتعاهدوا على انكم ما تقصرون في هذا الجانب أو ذاك...
خير متاع يا عزيزتي الزوجة الصالحة ...
واهتمي في دين زوجك ليرضى الله عنك أولاً وبعدها بتزين حياتك أكثر وأكثر..

****

بالنسبة للبس إذا نظفتي القلب أول وحطيتي في عقلك المعلومات المسانده والصحيحة
وصارت روحك حلوه وابتسامه جميلة على وجهك ...ساعتها إلبسي واكشخي
مو شرط في البداية قصير... فيه بنطلون ... بلايز مكشوفه ....
مره لبس ساتر ومره لبس كذا وكذا .. نوعي نوعي ..
وهذه الفترة اهتمي ببشرتك وترطيبها خذي كريمات تحتوي على كولاجين ..

*****

زوجك وخياناته ؟؟ متأكدة؟؟؟
شفتي بعينك وسمعتي بإذنك؟؟؟؟

ولا تواجهينه بأي شي لأنك ان علمتيه انك عارفه خلاااص ماعاد فيه خوف ولا بيحسب حسابك
ولا توترين نفسك ولا تزعلين عمرك..
لأنك بتشدين عليه وتخلينه يهرب لهالأمور
يعني بدل ما تبعدينه تقربينه من هالأمور وتخسرينه..

إذا تأكدتي ...... وشفتي بعينك ......
ابتسمي إلا اضحكي وقولي أنا لها ما بتجي وحده من الشارع وتسرق زوجي مني
أو بيلقى عندها شي مو بعندي.....

ولمن تتمكنين وتصلحين كل أمورك معاه وتبعدينه عن الخطأ فاعرفي أنك أولاً كسبتي أجره..
وثانياً حميتي اسرتك الصغيرة... وثالثاً أنت عظيمة ورابعاً تقدرين تكشفين نص أوراقك مو كلها
مع تحذير بسيط بأن لا يلعب بذيله مره أخرى لا يشوف شي ما يعجبه والمرة الأولى له لكن أكيد الثانية عليه

أنصحك قوي علاقتك فيه أكثر وأكثر.....

*******
ومانع الحمل اللي تستخدمينه واضح له دور في عصبيتك.. أنصحك تزوري طبيبتك وتسأليها عن لصقات إيفرا EVRA
مانع للحمل جيد إذا استخدمتيه بالطريقة الصحيحة ويخلصك من آثار المانع السابق اللي على رأسها العصبية..


بالتوفيق...

التعديل الأخير تم بواسطة العـ/الفريد/ـقد ; 06-12-2011 الساعة 04:23 PM
قديم 06-12-2011, 07:08 PM
  #4
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
اقتباس:
المشاركة الأصلية كتبت بواسطة SCoT مشاهدة المشاركة
كلامك صحيح طويل
بس انا عشت في القصه بكامل حذافيرها

مابي طول عليك الحكي
بس يقولك الثقل صنعه
شكرااا جزيلاااا بس هالتصرفات غصب عني
ااشوف كل اللي حولي مع ازواجهم الا انا

حتى امه وابوه مايفارقون بعض ابد بالاكل والشرب بكل شي وهم شيبان

لاتلفيزيون ولاشي غير ولدي حبيبي يسليني
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً
قديم 06-12-2011, 07:50 PM
  #5
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
اختي العقد سلمت يمينك على كل حرف كتبتيه وجزاك رب ربي الف خير

احسس حسستيني ان الحياااة بايديني

واعرف كل شي عن البيت بسؤالي انا هو مايعلمني بس انا اللي اسال ومهتمه

هو مااايجلس معي واعترف قالي انا اعترف اني ما اجلس معك

بس اصبري

معنى كلامك اخليه يعيش حياته على كيفه وانا اكون زوجه مطيعه فقط


وانا اصحيه للصلاه الفجر بهالطريقه

وايش اسم الكريمات وايش نتيجتها
الله يعطيك العافيه

وإن شاء الله بترك الحبووووووب جابت لي كآبه

فرحتيني لما قلتي تصرفاته تدل على انه يحبك

ماني عارفه شلون اتصرف معاااااه
وانا اتغااضى عن تفتيش جواله بعذ مشكلتي معه وانا حامل يرقم بنات ببرامج بالايفون
ونفس الشي يطلع نفسه من السالفه مثل الشعره من العجينه

فعلا اناا احتاج ان انظف قلبي لاني صرت احقد واحب الانتقام وقبل ماكنت كذا


واسعدني كثييييييييرا ردك
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

التعديل الأخير تم بواسطة om abdlah ; 06-12-2011 الساعة 09:37 PM السبب: تعديل لفظ المشيئه
قديم 06-12-2011, 09:38 PM
  #6
مس سندريلا
عضو متألق
تاريخ التسجيل: Jul 2007
المشاركات: 1,690
مس سندريلا غير متصل  
سبب عدم جلوس زوجك فالبيت

هو وجود اهله بقربه ..

كنت اعاني من هذة المشكله لما كنت ساكنه معهم ...

.وكان زوجي يحب الجلوس معي ...

لكن كان يخجل يظل عندي وما يقعد معهم ..يستحي ..

وسبب اخر بخلي زوجك بعيد عنك بكذا امر ..

انتي اسلوبك مقيت بالحوار (اسمحيلي )

حاولي تغيري من اسلوبك كله انتقاد وتذمر

مالاحظت بموضوعك شكر او كلمه جميله لزوجك ومعروفه

والاحظ لسبب ثالث ..

مافي احترام متبادل بينكم

حواركم غير صحيح الحوار له اسس

الاحظ حواركم .. بس الشاطر اللي يرد على الثاني

غيري من هئا الوضع لانه مش حال

تبقوا على هالمنوال

اكسبي زوجك ولكن قبل ذلك غيري

من طباعك ...

انتقي اسلوب مميز ..

واصبري على اسلوب حياتك

تاقلمي لاتقضيها تذمر ..

والله في غيرك يتمنوا لو بعد 20 سنه

انهم يسكنو لوحدهم المهم يكون فيه امل ...

دام زوجك يبني بيت لكم ..

وتتمني تسكني فيه بسرعه ..

شجعي زوجك باسلوب جميل

اصبري عليه ...

وراح اضرب لك مثال :

انا كنت اعيش في بيت اهل زوجي

وكنت اعاني ما تعانيه من بعد زوجك واقامته معظم الوقت عن اهله

لكن بفضل الله ..

ثم انا اقنعته باسلوب ان يشتري ارض

وان لاياخذ من اهله قطعه ارض

حتى لايكون عيلها خلاف في المستقبل

اشترى قطعه ارض...

بعد جهد لتامين ثمنها ..

ومن خلال التشجيع والصبر ..

وبنىينا منزلنا خلال سنتين ..

كان يتاخر بعمله للساعه 12 باليل

وكان ما يتغدى معي بس فطور ....

كنت ما اشوفه الا يالليل وكان يرجع

من التعب ينام ..

ووالله ما كنت الومة بالعكس

كنت اشجعه لاني شايفته

بيكدح ليل مع نهار ليامن لنا ثمن البيت

اللي كنا نبني فيه ...

صدقا كنت انحرق معه الف مرة باليوم

وكاني انا كنت ابني في البيت .

وكن دايما احثه واشجعه ..

واقوله معلش نتعب ونيجي على حالنا شوي

بعدها بنرتاح وبنستقل العمر ..

والحمدلله لي سنتين تقريبا ساكنه بهالبيت الجديد

ومرتاحين تعبنا شوي لكن كسبناها العمر ..

****

يعني المقصد من هذا المثال

.هو ان تهوني على زوجك ...

وتصبري معه وعليه ..

وكوني له عونا وسكن ...

لاتركزي على اللوم دائما معه ..

فلو يشعر بانك شاعرة معه...

اكيد راح يتشجع وحتى يصير يسمع لك

وكل شيء بالاسلوب المقنع يجي


ولا انسى هالملاحظه

قدري وضعه وضعي نفسك مكانه ..

وهذة مشكلة اغلب المتزوجين وساكنين عند اهلهم

اي زوج بيقضي وقته عند اهله ...

تعايشي مع وضعك ..

لحد ما يجهز بيتكم ..

ولاتنكدي على نفسك ولا عليه

الله يوفقك ويغيرك للافضل

*****
__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

التعديل الأخير تم بواسطة مس سندريلا ; 06-12-2011 الساعة 09:41 PM
قديم 07-12-2011, 09:31 PM
  #7
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
تسلمين اختي سندريلا

الله يصبرني يااارب

وكيف اتعلم الاسلووووب

انا تعبت تعبت تعبت


اليوم اكتشفت ان اهله عااارفين انه مساافر برى

لان جت عمته وسالت عنه قالت امه رايح يدور له بنت

طعنتني

وهو يكذب علي يقوووول نحد عارف

يلعب على الحبلين

قال بيجي الخميس العصر واليوم اسأله يقولي اللليل

يعني مهو اكيد بيجي هالاسبووووع

لو انه مهو رايح لحرام كان بيجي ويجينيزمشتاااااااق بعد


بس اا ناخلاص ماعاااد اتحمل
افكر بالفرااااااق

مع انه صعب صعب

لكن. ماني حاسه بسعااااده معاه اصلا انا عشت معاه هههههه اضحك على نفسي

يكذب علي يخوووووونني وكم مره اقوله لاتكذب علي والله اعرف كل شي
ويرجع يكذب

الرجال بالبدايه بسافر يوم وعشان خويي عشان يجيب علاج وصارت السفره تمسيه و3 ايام هذا اذا ماهي 4

ولاراح اشوفه اسبووعين



ذبحني التفكييييير احسه بمراقص ومع بنات و و و

والله البارحه مانمت

قلت اذا ماجا الخميس هذا يعني انه رايح للحرام

ولا مايقعد هالاسبوع بدوني

اااااااااااه ماعااااد اتحمل والله

سندريلا الله يسعدك ووش قصدك باسلوب مقيت


ابي ابعد عنه خلاص والله بنجن احس
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً
قديم 07-12-2011, 09:44 PM
  #8
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
ميتين مشاهده وعليها زود

3ردووود بس

اسألكم بالله اللي يحس نفسه عنده حل يرررد

ودي اشوف اراء كثيره حلول حكيمه مع ان الاخوات ماقصرو والله

الرجال وينكم
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً
قديم 08-12-2011, 10:36 AM
  #9
ليه الغرور؟
عضو مميز
تاريخ التسجيل: Jun 2010
المشاركات: 1,830
ليه الغرور؟ غير متصل  
الحل انكم تعيشون انتي وزوجك مع بعض....ولازم تروحين تسكنين معه في منطقة عمله..لن هو مش موافق بحجة انه يبني بيت ..طيب في بداية الزواجماكن عنده بني ليش مااخذك معه؟؟طبعا عشان يلعب بذيله..ويسرح ويمرح على كيفه..

لحد يعارض كلامي هذا الي حاصل والي صاير وهي عارفه زين زين..

بصراحه نرفزتني امه..يوم تقول راح يدور له بنت...بلاااه هذا كلام وحده عجوز..اذا الأم كذا اجل كيف الولد...؟لا وتقولها قدامك بعد..

كل المشاكل الي انتي فيها بسبب انكم كل واحد في منطقه...طبعا السبب الاول والرئيسي هو زوجك واطباعه وسلوكه المنحرف..دام لقيتي مقاطع ايباحيه عنده...معناه انه غرقان في الحرام ومنتهي والرجال مو مثل البنت اذا تعود على الحرام مستحيل يتركه لانه ماعنده مسؤليات ولايفكر لافي زوجه ولافي ولد ..وايضا مو متعود على المسؤليه لانك تقريبا مثل الاعزب..

مشكلتك كبيره وزوجك انا شايفه انه جرحك واهانك ولازم تشوفيلك صرفه عشان توقفين هالمهزله والفوضى...
ان كنتي فعلا تبين حل...روحي بيت اهلك...ولاترجعين الابشرط تسكنين معه في منطقة عمله...وغصب عنه وافق كان بها ماوافق خليك في بيت اهلك اكرملك معززه هناك..على الاقل امك تحن عليك واحد يجلس معك..وهو في وقت اجازته يجي عندك في بيت اهلك لين يخلص بيتكم.وانا مستغربه ليش ماتجلسين في بيت اهلك دام انه مو موجود طول الاسبوع يعني بدل ماتجلسين عند اهله خلاص خليك عند اهلك اريحلك.ماهو حتى خميس وجمعه تارك لوحدك

.وحتى لو خلص البيت بتستمرون بنفس الوضع انتي في بيتك وهو في منطقة عمله..
دخلي احد من اهلك ولاتتنازلين عن السكن مع زوجك ولاتحطين يدك على خدك وتجين تكتبين هنا تبين حل ماراح نفيدك بشي..اهلك هم الي يفيدونك ...
__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

التعديل الأخير تم بواسطة ليه الغرور؟ ; 08-12-2011 الساعة 10:44 AM
قديم 08-12-2011, 11:54 AM
  #10
محبه لدنيآي
عضو نشيط جدا
 الصورة الرمزية محبه لدنيآي
تاريخ التسجيل: Sep 2009
المشاركات: 413
محبه لدنيآي غير متصل  
وربي دموعي نزلت من اللي كتبتيه

لكن انا بصبر هاليومين اذا ماجا بسوي اللي براسي

والاسبوع الجاي ابوي بيجي

لان اهلي بمنطقه اخرى

واذا جا وشفت انه محلق هذا دليل انه سايح بالحرام لان عمره ماحلق عشاااني

واذا ماجا بعد دليل انه غرقاااااان بالحرام


ابنتظر هاليوم ورب الايااااات بضيقه كبيره

الى اليوم تقول وين ديااره

يكذب علي اهله عااااارفين

اه يااقلبي المجروح
__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:40 PM.


images