زعلت عليك جدا يا ااونا ..
فعلا .. انتي العاقلة يطلع منك هالتفكير , انفصال بسبب مشكلة صغيرة ..! انا اتيت متأخرة والله ماانتبهت الا دحين والمشكلة صار لها 12 ساعة منذ ان كتبتيها , و أكيد الحين شياطينك هدت وارتحتي قليلا ... صحيح .؟ زوجك غلط , ما اقولك انو ما غلط , وانتي على كلامك ساهمتي في عصبيته .. اي نعم هو عصبي لكن انتي يفترض بِك ان تكوني عارفة كيف تتعاملي معاه وقت ما يعصب .. صح ..؟ وكمان ناوية تتصلي بوالدتك التعبانة المريضة الله يشفيها صلي على النبي , واذكري الله اول شي .. استهدي بربنا الله يسعدك اول شي انا مو معاك في انك تتصلي بأمك ابدا , حتى لو كنتي وعدتيها حرام بعدين تشيل همك في اصغر المشاكل ويصير قلبها مشغول عليك بعدين بما انك لمحتي من زوجك احساس بالندم , خلاص هاذي في نظري كفاية اعتذار واعتراف , ااونا حبيبتي .. تعرفين انتي طبيعه الرجل عندنا قليل منهم يعتذر واعتذاره يكون بشكل غير مباشر ابدا بعكسنا احنا يا النساء .. انا ما اعرف هو ايش قلك كلام زعلك ووصفك وجرحك , لكن صدقيني اغلب الرجال كذا طبيعتهم صعبة , يغلط ويثور بالكلام , نحن النساء أقدر على الصبر منهم .. لا تفكري بالموضوع كثيرا , عشانك وعشان صحتك واطفالك , هم محتاجينك نصيحتي لك يا قلبي , اشغلي نفسك عنه هذه الفترة , عشان تهدين شوي , ياااونا كلنا تصير لنا مشاكل في الحياة , اما من الأم أو الزوج أو العيال , هاذي ابتلااءات نصبر عليها و نتضرع الى الله بها كي نكتب من الصابرين المحتسبين وانتي مثل اختي و اعز لو اشوف في زوجك ما يدعو للإنفصال كان نصحتك بِه لكن صدقيني زوجك رجل طيب , ما دام يقدر والدتك فهو بكل تأكيد رجل طيب جدا الله يهدي سرك يا قلبي ويصلح ما بينكم |
والله عارفة يا حبيبتي أونا بس لما قريت مشكلتك تاُرت ومش عارفة بإيش ننصحك لانك اكيد عايشة مواقف وحيثيات نحن لا نعلمها وانت اقدر منا من بعد الله بتقييم الوضع بس اهم شيء ابتعدي عن فكرة الطلاق وحاولى طولي بالك وتاخدي وعد منه بتغيير طبعه اهو حتى انا خلطت عربي وليبي أسأل الله ان ييسر لك ما فيه خيرتك |
يا حبيبتي يا بنت الحكمي انت اول من اثق فيه في هالمنتدى
وانا اعرف ان في هالمنتدى حكماء الله يسلمك يارب لكن صراحة فكرة اخبار امي مازالت تراودني وبشده [COLOR="rgb(0, 100, 0)"]لا يا اوناا ما انصحك تقولين لأمك بالسالفة لأن هذا الشئ اذا ماضرك اليوم بيضرك بكرة في نظرة اهلك لزوجك يمكن ان زوجك يحترم امك ويقدرها الحين لاكن لو زادت امك وتدخلت في حياتكم على كل خلافاتكم تروحين تشكين لها مايصلح في النهاية زوجك بياخذ موقف من امك وكمان امك تاخذ عنه فكرة ماهي حلوة ويمكن يصير بينهم إحتقان ونصيحتي إنك الحين تتركين امك في حالها لأنها ماتنفعك بشئ وانتي بعيدة عنها ولا بتاخذ من زوجك الحين لا حق ولاباطل وانتم بعيدين عنها وكمان بتتعب على ماهي تعبانه وهي تفكر فيك وفي مشكلتك مع زوجك فكري في كلامي زين ولا تتسرعين فكري بعقلك مو بقلبك وعواطفك ترى وقت الزعل الشيطان يركب رأس إبن آدم ويشحنه على التفكير اللي راح يدمر حياته ويخليه يتصرف تصرفات غير محسوبة ويرجع يندم عليها بعد مايخسر كل شئ بحياته وانتبهي لهاذي النقطه وانتي الحين إمرأة واعية وفاهمة وتقدرين تحلين مشاكلك مع زوجك بدون ان يتدخل طرف ثالث بينكم إذا انتي تنهزمين وتهربين من مثل هالمشاكل وماتقدرين تتصرفين وتحلينها وتتفاهمين مع زوجك من الحين متى يعني بتعتمدين على نفسك وتكون شخصيتك قوية وتدافعين عن حقك بنفسك إلين متى تبغين تشكين لأمك مشاكلك وهي لمتى تبغى تتحمل كل مشكلة تحصل وتحلها بينكم انتي وزوجك وكمان في المستقبل لاسمح الله يمكن تحصل بينكم مشاكل اكبر من كذا مثل حياة كل زوجين لابد من تصير بينهم عواصف وتقلبات في حياتهم ولو كل زوجة فكرت نفس تفكيرك وعلى اي خلاف بسيط تطلب الطلاق عزالله ماعاد بقيت ولا امرأة متزوجه كل الحريم بيتطلقون ويجلسون عند اهاليهم وكمان يبغى نفتح لأطفالهم عيادات نفسية علشان نعالج نفسيتهم من اثار الإنفصال .[/COLOR] يا ام سلطان انسان تصبري على عيوبه وبعدين ايقولك اصبري علي هالسنه ونرميك لهلك لا والله خليني بكرامتي ونطلب الطلاق افضل ما يرميني شوفي موضوع الامان كأني حاسة بشي من فتره استغفر الله |
اكيد عزيزتي
وانا اسفه لاشغالكم معي والتنكيد عليكم في هالصباح [COLOR="rgb(0, 100, 0)"]ولو يا اوناا لاتقولي كذا نزعل منك ترى انتي اختنا وغالية علينا لو ما اهتمينا لمشكلتك وساعدناك ووقفنا معاك الحين متى عاد نوقف معاك وهونيها وتهون وريحي بالك واستهدي بالله وبعد ماالأمور تهدى وحالتك النفسية تكون احسن ذاك الوقت تعالي نتحاور ونتناقش هنا عن مشكلتك اما في وضعك الحالي مايصلح تناقشين لأنه راح تزدادين هم على همك ويلزمك الراحة والتفكير والهدوء واللجوء الى الله سبحانه وتعالى لكي يشرح صدرك ويسر امرك ويحل مشكلتكم انتي وزوجك اوناا انا مازلت اثق فيك وفي عقلك الراجح والمتزن ولاتخلين لشيطان عليك مدخل حتى مايدمر حياتك يالغالية [/COLOR] جزاكم الله خيرا جميعا |
أنا لو منك يا أونا أمشي برأي الأغلبية .. والكل يقول لك لا تتصلي بأمك
مع أني والله لا زلت مقتنعة برأيي لكنه أكيد غلط دام الكل أجمع على عدم التصعيد هذي اخر مرة بس لأنه اعتذر أكثر من مرة اذا لا سمح الله كررها تتصلي بوالدتك وتصعدي الموضوع |
السلام عليكم غاليتي اونا..
موضوعك المني و فجعني صراحة ... دايما التمس من كلامك الحكمة و الصبر ..فكوني كذلك دايما و اتعوذي من ابليس و فكري بعقل بعييدا عن العاطفة لاكون صادقة معك .. عند اول قراءة لموضوعك .. كنت اتفق مع بيتا فا انا من الناس التي تعتبر ان الضرب خط احمر .. مهما كانت الضروف و الضغوطات .. ومالا اقبله على نفسي .. لا اقبله علي غيري لكن وضعك يختلف اولا لكونك في غربة .. فاصعب مثلا تزعلي و تذهبي لبيت اهلك وثانيا كون والدك متوفي رحمه الله .. فافي هذه المواقف الوالد او الاخ الاكبر هو من يتولى زمام الامور كي يرتدع الزوج و يعرف بان زوجته ليست ضعيفة وحيدة اخبار والداتك ... ماذا ستستفيدي منه ؟؟؟ لن تستطيع فعل شي وهي بعيد عنك ومجرد مكالمة في التلفون بصراحة لا اعتقد انها ستحل المشكلة ومن ناحية اخرى ستحميلنها هم فوق هم بعدك عنها .. فكرت ان تتولى انتي زمام الامور و اذا كان في حلي غلط فياليت الاعضاء يصححوني بما انه الان اعتذر و اعتذر و يعني باصم بالعشر انه غلطان وانتي الحلقة الاقوى ,, اجلسي معه و تفاهمي بكل هدوء و افهميه انك ان غلطتي بحقه قليلا .. فغلطه لا يغتفر اولا .. الضرب .. ثانيا .. الكلام و الاهانة و العصبية .. ثالثا حدوث كل ذلك امام الاطفال مما يؤثر عليهم رابعا اثباته لك بانه يسمع و يتاثر لكلام الغير ... وان تبعات هذه الاخطاء كبيرة و فعلا تشعرك بعدم الامان معه ... كما ان خطرها على الاطفال اكثر وانك غير مسامحتيه بتاااتا .. و ان كان يريد فعلا بدء صفحة جديدة معك فلك شرط واحد .. وهو ان يثبت جديته خلال ال 4 شهور القادمة .. من خلال الاجتهاد في الدراسة .. و ثانيا محاولة لجم عصبيته و تغيير معاملته معك لتكون اكثر احتراما .. ان وجدت منك الاهتمام و الاجتهاد ... فا باذن الله كفيلة انها ترجعني احسن من اول معك وان لم اجدها فا اعذرني لا استطيع الاستمرار و قبل ان ترميني انت ببيت اهلي بعد عام من الان ساوفر عليك و احفظ كرامتي و اذهب بمفردي بعد اربع اشهر .. واعلم بانك ستكون قد خسرت اسرتك و دراستك و مستقبلك .. بدون سبب وانظري ماهو رده اذا لا تستطيعي مناقشته و قد تغلبك الدموع اذن فلتكتبي كل ذلك بشكل منظم في ورقة و اتركيها له و انتظري منه الرد .. ربي يفرج همك حبيبتي و يفك كربتك و يهدي لك زوجك و يسخر قلبه لك و لاطفاله ياارحم الراحمين |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|