اجري وراها تسحب .. اسحب عليها تحبني اكثر
السلام عليكم ،،،
مساء الخير ،،،
اسال الله في هذه الليله وقبل اذان المغرب ان يوفقنا لما يحب ويرضى ويسعدنا دنيا و آخره ويكتب لي ولكم في الدنيا حسنه وفي الآخره حسنه ويقينا عذاب النار ،،،،
يشهد الله بامتناني لكم على كل النصايح اللي قدمتوها لي في فترات سابقه وكلامكم الاكثر من رائع اللي يثلج الصدر ،،،
عندي كم استفسار بسيط ،،،
انا لاحظت بالمنتدى و بالمجتمع المحيط بي واسمعها دائما عند اغلب المتزوجين خصوصا اللي ببداية زواجهم ❤❤❤
ليش غالبا (ركزوا ع كلمة غالبا ) تكون فترة الملكه وحده من ثنتين: يا اما الشاب مندفع وحب وغزل وووو والبنت ثقيله (او فاهمه الثقل غلط )وبعدين يفسر الشاب حركات بالبنت معاه وبيفهمها انه غرور وشوفة نفس او ماتحبه فيبدا يثقل الشاب وتيجي البنت تشتكي ليش صار متغير معاها ومايهتم
او
البنت ترمي نفسها ع الشاب وتحبه وتدلعه وتسال عنه وووو فتفهم من اسلوبه انه ما يحبها او شايف نفسه عليها فتبدا تطنشه فيبدأ يجري وراها ؟!!!
اكثر من علامة استفهام عالسيناريوهات هذي ،،،لين متى واحنا حنقعد كل واحد ثقلان وشايف نفسه ع الثاني ؟؟؟!!!!
عشان لا يجيني احد ومطفي النور ويقول يعني انتي اللي فاهم ومسوي نفسك احسن واحد 😂😂😂
حتى انا اعاني من الموضوع ذا ،،
مملك من 8 اشهر ومليت مستني الزواج بفارغ الصبر ولساعي العب مع زوجتي توم وجيري
مرات اجري وراها ومرات اثقل وهيا تجري ورايا ،،ايش الحل برايكم ؟ هل الوضع كذا طبيعي ؟!
سؤال ثاني ،،،مملك ليا 8 شهور وباقي ع زواجي 4 شهور وبديت احس انه الملكه طولت وانه الشئ ذا مسوي ملل بيني وبين زوجتي مع الرغم انه تواصلنا مو بشكل يومي وبالساعات ومكالمات يعني حسب المود ،،،ايش تنصحوني فيه من باب التجديد ؟؟ للتنبيه انا ادرس ببلد ثاني فصعب اني ازورها وماحنزل السعوديه الا برمضان
طلب بسيط / لاحد يجيني معصب من مشاكله وقرفان من حياته ويطلع كل حرته فيني ،،،لساعي دوبي داخل الدنيا فبلاش تحطيم