الى رجل الرجال( لاأستطيع أخذ حقي ودايماً اكبت ردات فعلي أمام الآخرين)

10-10-2011, 04:54 PM

شفافية أنثى

عضو جديد

تاريخ التسجيل: Aug 2011

المشاركات: 3

الى رجل الرجال( لاأستطيع أخذ حقي ودايماً اكبت ردات فعلي أمام الآخرين)

بسم الله الرحمن الرحيم

يارجل الرجال انا اشعر بكبت فضيييع والكبت منذ طفولتي دايماااا احس نفسي ضعيفة امام الاخرين ومااقدر ادافع عن نفسي او مااعرف كيف اتصرف في المواقف اللي امر فيهاا ومااحب الاستغلال او استغفال اوالاستغباء او الاستخفاف بالاخرين ودايماااا اتعرض لدي المواقف ودي متعبتني جدااا تحسسني اني مالي قيمة وغير كدة انا عانيت في طفولتي كتييير وعندي ماما مريضة لها 17 سنة عندها انفصام في الشخصية واكتئاب مزمن وكمان مسحورة وانا اكبر اخواني ودايمااا احس نفسي مااقدر اخذ حقي ودايمااا ردات الفعل اكبتهااا ومااعرف اعبر او افضفض دايمااا احس في داخلي كلام كتييير بس مو قادرة اعبر هذااا باختصار اللي عندي واي اسئلة انا حاضرة...

وسامحني على لخبطة كلامي وافكاري...

بانتظار ردك...

شاكرة لك

التعديل الأخير تم بواسطة om abdlah ; 10-10-2011 الساعة 05:38 PM

10-10-2011, 09:45 PM

رجل الرجال

عضو المنتدى الفخري

تاريخ التسجيل: Feb 2011

المشاركات: 4,415

ابنتي الكريمة :
أسأل الله العلي العظيم أن يجمع للوالده ولجميع المسلمين سلامة النفس والقلب والبدن وأن يقويك على الاحتساب بالوالدة وأن يجعلك من المحتسبين المأجورين
ويظهر مما كتبتي أمور كثيره أولها ما ذكرتيه وهو أنك تكتمين مشاعرك.
وسنبدأ بالفضفضه؟
فأنثري هنا كل ما في نفسك وسأقوم بدراسته وتحليله.
1- جو الكتابة وهو أن تتوضئي وتصلي ركعتين ثم تحضري هنا.
2- تمرين التنفس والذكر (أخذ نفس عميق وبعد الزفير ذكر الله سبحانه وتعالى).
3- الكتابة بشكل مرحلى من الطفولة حتى الآن يشمل وقائع حدثت ومشاعرك تجاهها.
4- كتابة مشاعرك بعد الكتابة.
5- تحديد المطلوب.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

11-10-2011, 08:57 PM

شفافية أنثى

عضو جديد

تاريخ التسجيل: Aug 2011

المشاركات: 3

السلام عليكم

يارب تكون بصحة جيدة

سيدي الفاضل/رجل الرجال

آمين يارب ويشفي جميع المسلمين والمسلمات...شكرأأا على دعوتك الطيبة..
راح اسردها بالعامية واتقبل مني..

من وانا طفلة صغيرة كانواا دايمااا ماما وأقاربي ينعتوني بالغبية والهبلة وماتعرفي شي وماتفهمي شي ولاتتدخلي بين الكبار وايش اللي مجلسك معانا وينادوني بالفتانة لانه انا لمن كنت صغيرة كنت دايمااا اسمع الكبار ايش يقولوا واروح اوصل لناس تانين بس انا ماكنت اقول كدة من فراغ لا كانواا يسألوني ويستغلوني عشان اوصلهم الكلام اللي بيصير وهما بدال مايفهموني انه اللي بتعمليه غلط ومايصير كدة وهذا خطأ لا كانوا يسبوني ويشتموني هذا وانا صغيرة...
وماما كانواا يضربوا بيها المثل في كل شي في اهتمامها في بيتها وزوجها وعيالها هذا لمن كنا صغار وبعدين بعدما جابت اخويا الصغير وهي وحدة تانية مرة متغيرة وماهي امنا بالمرة صارت تكره بابا بعدما كانت تحبه مرة وحتى اتزوجوا عن حب وصارت تكره اهلها وكل الناس وماتحب الاختلاط باحد وصارت تحب العزلة وتجلس بالظلام وحالتها كانت جدااا سيئة وكانت عشان ماتبغى بابا كانت تخرج من البيت من غير ماتدري عن نفسها فجأة نصحى من النوم نلقاها موموجودة اونرجع من المدرسة نتفاجأ انها طلعت من البيت طبعاا احناا كنا نعمل احتياطاتنا يعني نقفل الباب بس كانت تكسر الباب وتخرج واتخيل حالتنا بالبيت كيف نفسياتنا سيئة جداااا واحنا بوقت محتاجينها معانا وماكنانلقاها جنبنا طبعا كانت تجلس بالايام والشهور واحنا محنا دارين عنها فين بس كانت تروح الحرم وكنا نلقاها هناك نروح ندور عليها ونلقاها هناك بس هي مسكينة تسوي هذا كله وهي ماتدري عن نفسها كنا نبكيلها ليش ياماما تسوي معاناكدة فين تروحي عننا فين تغيبي تقول مادري ليش سويت كدة مااعرف وغير كدة هي مسحورة واللي سوت السحر غيرانة منها وتبغى تفرق بينها وبين بابا وفعلا فرقت ماما الان الد اعدائها بابا وستي الا هي امها ...وطبعاا الكلام هذا من جاء من الفراغ احنا فعلا لقينا السحر ببيتنا ولقيناه في الحمام الله يكرمك مكتوب اسمها فيه وشعرها ملفوف بيه وطلاسم سحرية ماهي مفهومة واحنا روحناا للشيوخ كتييرين وكانوا يقولوا انها مسحورة وعين وكانت مداومة على علاج و قراءة القران بس ماكان يأثرفيها شي والان هي بتأخذ علاج نفسي ولها 4 سنوات بتأخذ العلاج وطبعاا مهديهاا بس بابا ماتقرب من جنبه ابداااا تكره وتكره جدة ماتبغاهم مرة...الحمدلله على كل حال ...سامحني على عدم الترتيب في سرد لانه بتعب وبوقف وبعدين ارجع اكمل...واذااتذكرت حاجة راح اكتب..
ولمن كبرت في واحد من اقربائي كان دايمااا يناديني ماشطة فرعون وكان يستخف بيا ودايمااا يحسسني اني مالي قيمة هو وغيره كثيرين ومرة من المرات روحنا خطبنا لواحد من اقربائي وطبعاا دخلنا وروحبوا فيناا الناس والبنت انا جلست اتكلم معاها واعرفها على نفسي وعلى قريبي اللي بنخطبها له وقولت لها شوفتيني انا انا نموذج من قريبي لانه احنا اتربينا مع بعض وافكارنا وعقليتنا وحدة طبعااا هي انبسطت و فرحت ولمن خرجناا من عندهم وحكيت قريبي على اللي صار وقولت له انه انا قولتلها كدة انه انا نموذج منك قام طالع من تحت لفوق وقالها باستحقار واستخفاف انتي نموذج مني وانا مررة انصدمت وتعبت نفسيا ليش يعاملوني كدة اني غبية وماافهم شي من وانا صغيرة يجلسواا يحطمواا فيا وعشان كدة لمن كبرت طلعت مهزوزة الثقة بنفسي...ونفسه هذاقريبي مرة حطني في موقف محرج انه كان معجب بوحدة وكان حابب يخطبهاا وطبعاا هي تصير صحبة خالتي واخذ رقمها وكان يتواصل معاها من جوالي على اساس انه انا وانا كنت دايمااا اقوله مايصير كدة اذا تبغاها روح اخطبها على طول لاتسوي هالحركات والمهم كان دايماا يرسلها وترد عليه وبدات هي تشك انه اللي يراسلها ولد موبنت وبعدين اتصلت عليا وهي تخاصم انه مااحب الطرق الملتوية وليش ترسليلي وتكلميني انا مااحب هالحركات وانااا جدااااا انحرجت ومالي ذنب والله وحطني في موقف بايخ وقالت كلام كتييير طالع نازل وانا والله مو كدة بس ماعرفت اتصرف في الموقف طبعااا كالعادة اكبت ردة الفعل ومااظهرها وبعدين نفسيتي تتعب واحس بشي ثقيل في صدري واحيانا مااقدر اتنفس والله مواقف كتييير بتصير بس انسى تفاصيلها لاني مررة انسى كتييير وتقعد اثرهاا في نفسي ممكن اكون مسامحته بس اثارهاا في نفسي وماني قادرة اتخلص منهاا وكمان في حاجة تانية انا اخاف اني اطلع زي ماما لاني اكثر وحدة من اخواني حساسة ورقيقة وشفافة ومااتحمل شي وانا ماابغى اكون زي ماما وعندي خوف من ده الشي...قبل يومين حصل موقف برضه انحطيت في موقف محرج وامام الاهل انه كانواا عندناا الاهل متجمعين عندنا وكان خال ماما جالس يفهمها وينصحها وماما طبعاا دايمااا ماتخلي شي تجلس تشتكيله كل شي يعني حتى الزوج ايش يسوي مع زوجته في العلاقة الحميمة وتقولها بصوت عالي وامام الاهل كلهم وانا قولتلها ماما مايصير كدة لاتقولي هالكلام في اشياء خاصة بين الزوج وزوجته ومايصير تقوله وبعدين هو جدي قام وحط عينه بعيني وقالي اسكتي انتي يعني كان يبغى يمد يده عليا يعطيني كف وقدام القرايب وانا كبت ردة الفعل وحزنت وزعلت انه ليه دايمااا انحط في مواقف محرجة ومالي ذنب فيه وانااذا حصلي موقف مع احد اكش منه وصعب يكون فيه تعامل بينه وبيني يعني خلاص اقفل مرة وحدة وماتكلم معاه ولااعطيه أي اهمية لانه اللي مايعملي حساب انا مااعمله حساب حتى لو مين ماكان ماني عارفة ايش اخلي وايش اقول مررة تفكيري مشوش والكلام متلخبط واحس بشي ثقيل في صدري وصداع واحس مو قادرة اتنفس سامحني على لخبطتي....

وطبعاا لمن هما يتعاملوا معايا كدة ويحسسوني دايماا بعدم اهميتي من وانا صغيرة كيف تكون الشخصية وهي كبيرة اكييد بتكون مهزوزة الثقة بنفسها وضعيفة وماتعرف تتصرف وماتعرف التعامل مع الاخرين كيف واكيييد بتكون خجولة وماتعرف تاخذ حقها بيدها ولاتعرف تتخذ موقف وانا ماابغى اكون كدة ابغى يكون ليا هيبتي وليا مكاني وماسمح لاحد يعاملني باستخفاف او استغباء او استحقار...

احس نفسي مو قادرة اكمل وبرضه في شي ثقيل بصدري بس احاول
لمن كنت بمرحلة المتوسطة كنا بامس الحاجة لماما وماما قدها خلاص اتغيرت وبدأت تنتكس حالتها وهي ماهي معانا ابداااا بصراحة هي الى الان وجودهاا زي عدمه ولا كأنها موجودة ولاتقدر تأخذ منها لاحق ولاباطل انا واخواني تحزنا كتيير بس دايماااندعيلها انه الله يشفيها..

طبعااا عشان امنا مريضة واحنا 4 بنتين وولدين وانا واختي الحمدلله ربي معوضنا ببعض تقدر تقول روحين في جسد واحد فاهمين بعض ونحب بعض والله لايحرمنا من بعض..نحس ببعض من غيرمانتكلم ونفهم بعض من نظرة ومانقدر نستغني عن بعض..وبصراحة اكثر كانوااا اول يفرقوا في التعامل بيننا الاقارب يعني يعاملوها معاملة احسن مني ويفضلوها عليا وهي ماشاء الله عقلها كبيير ويعتمد عليها وشخصيتها قوية وواثقة بنفسها يعني احسن مني بشخصيتها ماشاء الله وكنت انا احزن انه ليش هي افضل مني بكل شي وانا لا بالعكس انا مااغار منها ولااحسدهابالعكس تماما انا اغبطها اتمنى اكون منها والقى هالاهتمام منهم زي ماهي بتاخذه كنت دايماااا حزينة واتضايق وانه ليش يعاملوها كدة وانا لا يعاملوني دايماا باستخفاف واستحقار واني غبية وماافهم شي حتى يجواا يستشيروها وانا لا محد يأخذ رائي...طبعا هذا اول وانا كنت بوقتها خارجة من تجربة حب كان هذا الكلام كله قبل10 سنوات بس اثارها موجودةبداخلي وابغى اتخلص منها يعني الان عندي خوف يعاملوها احسن مني وانا لا بالعكس اتحسس من هذا الموضوع مع انه الان مافي هذا الكلام اتغيرالوضع الان وصاروا يعاملوني زي مايعاملوها بس انا اتذكر في وقتها واتضايق ومايعجبني شي واحس بشي ثقيل في نفسي وقتهاا

في داخلي اشياء كتييرة ولازم تتطلع انا عارفة اني لمن احطها بقلبي بتضرني انا اكثروانا ماابغى شي يضرني افكر في راحة نفسي ومافي شي يستاهل انه احط بقلبي شي ...

المطلوب:
1-اني اتخذ موقف تجاه أي موقف ومااكبت ردة الفعل
2-وماسمح لاحد يستغلني او يستخف بيا او يستحقرني او يستغبيني ابغى اوريهم مين انا..
3-واني دايمااا افضفض ومااحط شي بقلبي..وتكون شخصيتي قوية وواثقة بنفسي وجريئة
4-المشكلة اللي مؤرقتني اني مااعرف اعبر ابغى اعبر اللي بداخلي موقادرة فكيف استطيع التعبير عن مابداخلي

طبعا الان موقادرة اكمل واحس بشي ثقيل في صدري اتوقع لسه بداخلي في اشياء عميقة وماني عارفتها لاتذكرت راح اكتب..

واسفة على عدم ترتيب كلامي وافكاري وتشوشي..

واي اسئلة انا موجودة..

الله يجعلها في ميزان حسناتك يارب..

بانتظار ردك...

شاكرة لك ومقدرة..

ابنتك/شفافية أنثى

12-10-2011, 03:49 PM

رجل الرجال

عضو المنتدى الفخري

تاريخ التسجيل: Feb 2011

المشاركات: 4,415

ابنتي الكريمة شفافية أنثى
لديك أسلو ب جميل في الكتابة من القلب للقلب ويظهر مما كتبتي اختلاط بين أحداث ومشاعر وتفكير بصوت مسموع وعندك عدم ثقة بالنفس والدليل أنك تكتبي كويس واتقولي أنك ما تعرفي تفضفضي وأن كلامك ملخبط بالعكس مرتب فقط لو كان على شكل فقرات حسب المراحل كان أحسن.
كملي فضفضه وكلما تشوفي نفسك تعبانه من الذكريات طبقي تمرين التنفس مع الذكر ( أخذ نفس عميق جداً وبعد الزفير تقولي الشهادة ) ويتكرر التمرين عشر مرات) وسترين أن الضيق يتلاشى.
وبعد اكتمال الفضفضه أضع لك الدرس المناسب والتمارين المناسبة بإذن الله.

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه