منتداي الغالي وكل من فيه

السلام عليكم ورحمة الله وبركاته

كثير هي المشاكل ولا حياة بدون منغصات ..... فلابد من تجربة مر الحياة ولوكنت

من أسعد الناس.فتشتدالمحنه ويعظم البلاء ولانقول إلا حسبنا الله ونعم الوكيل ..والله

قال (إن مع العسر يسرا.إن مع العسر يسرا)

فبعد الألم ــــــــــــــــــــــــــ>أمل

وبعدالكرب ــــــــــــــــــــــــــــ>فرج

[size=3]مشكلتي[/size]

بإختصار:لقد قمنا بطلب أبنت خالتي لأخي وهي حلمه الوحيد بهذه الدنيا ولقد كان جميع أفراد العائله موافق على ذلك حتى والدي .وفاتحت أمي خالتي بالموضوع ووافقت البنت وسعدنا لذلك وفرحنا فرحة لاتوصف فهي إنسانه متدينه وجميع الأوصاف فيها حسنه ولله الحمد :وبعد أن أردنا أن نخطبها رسمي يعني يطلبها من أبوها......قال أبوي(لا.....أيوه.قال .....لا)حسبنا الله ونعم الوكيل ...ليه يقول أنه (والكلام لأبوي) أنا أبغاه لبنت عمته وبعدين يقول الولد ماعنده وظيفه ويقول مني مستعد لكذا أخبار ....ويتحجج بكذا عذر.......وحنى مانبغى نملك إلا بعد الوظيفه وهي جايه الوظيفه [blink]إن شاء الله[/blink] بالطريق...المهم أهلي مكلفيني إني أكلم أبوي وهو من النوع العنيد العصبيي لكن والله طيب وملتزم وحافظ للقران ....قلولي أيش الحل وأيش أقول

الإشراف : تعديل لفظ المشيئة + توضيح العنوان .

__________________

سبحان الله وبحمده سبحان الله العظيم

اعذرني يا أخي ما أقدر افيدك

بس اتوقع فيه احد ورى رفضه

مو معقوله يكون في البدايه موافق وما عنده مانع

وبعد ماطلبتو منه يتقدم رسمي وبعد ما كلمت الوالده ام البنت يرفض

والسبب يبي اخوك ياخذ بنت عمه!!!

لو هذا هو السبب كان ذكره من يوم فتحتو الموضوع معاه

مو بعد ما فاتحتو اهل البنت

وذكر الاسباب الثانيه عشان تدعم رايه وتخليكم تقتنعون

بس هو في الاساس مقتنع بخطبتكم البنت لاخوكم

وأحد ورا رفضه

لو تحاولون انكم تتفاهمون معاه بالطيب وتذكرونه بالمواصفات الي في البنت وفي نفس الوقت يبيها اخوك ونفسه فيها

وحتى لو اخذ بنت عمه وهو نفسه ببنت خالته راح يكون باله مع بنت خاله وماراح ينبسط مع بنت عمه وماراح يبسطها

وبيقتنع

ولو انه اصلا مقتنع بس حاولو معاه بالكلمة الطيبة

وانكم فاتحتو اهل البنت وانه (الوالد) كان موافق

وان شاء الله بيوافق

والله يكتب الي فيه الخير

[size=5]قل له

لايجبر ابن آدم على مالاتهواه نفسه ... فانت ياابي ان كنت تريد الزواج من فلانه مثلا وقلبك راح لمها وجينا وقلنا لك ماتصلح لك خذ فلانه وش يكون موقفك يايبه ..؟

حتى لو رضى علشانك فانت احرمته من اختيار وراح تحز بنفسه وتبقى بقلبه وماراح يرتاح مع فلانه ويمكن يطلقها ويفشلنا ..

واذا اصر
فخلاص يمكن خيره له بنت عمته .... فالخيره خفيه

يقول الله تعالى ( وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون )[/size]

ليه ما تكلم واحد من أصحابه المقربين ؟

أو إمام المسجد يقنعه ؟

اختار وقت مناسب ابوك فيه راضي ورايق
وقله ممكن يايبه نطلع نتعشى برا ان عازمك على العشاء
وكلمه بالموضوع بهدوء ورواقه وقله اخوي يبغى البنت واهلها موافقين وناس طيبين وهذا اهم شي
وماتدري وين الخيرة وحرام نكسر قلوبهم وهم يبغون بعض
يقولك المثل الكلام اذا مادخل كله يدخل نصه
وربي يوفقكم

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك