السلام عليكم ورحمة الله وبركاته

كنت قبل فترة استفسر عن الدمام والاماكن اللي تستاهل اروحها فيها ..
http://www.66n.com/forums/showthread.php?t=243392
بصراحة كان زوجي ناوي يروح بروحه عشان يشوف اصحابه ويطلع معاهم بس أنا قلت لاااا والف لااااا أبي اروح معاك ..
فقال لي بوديك بس من بعد العشا أنا طالع وانتي تبقين بالشقة .. قلت له موافقة ..
فصارت سفرة جدا بسيطة مارحت فيها إلا اماكن معدودة جدا جدا .. ولكن مع ذلك غيرت جو خصوصا إن الجو كان يهبببببببببببل ..
طلعنا من الدوحة على المغرب .. ووصلنا الدمام 8 ونص بالليل .. أخذنا شقة (جولدن هاوس) سعرها مناسب ونظيفة وخدمتهم جيدة .. دايما نسكن فيها ..
نزلنا الاغراض ورحنا نتعشى .. مولي المفضل ( الشاطئ مول ) :


أخذت لي بيجاما لأني نسيت أحط لي ملابس للنوم .. هههههه ..
تعشينا سريعاً سريعاً ورجعنا الشقة عشان الاتفاق اللي بين زوجي وبيني ..

ثاني يوم ( الجمعة ) قمنا من النوم وكلمنا الاستقبال يجيبون لنا الفطور .. لأن الشقة تحتوي على فطور مجاناً يجيبونه لنا فوق .. ياليتني مصورته .. كرواسون بالجبن وبيضتين مسلوقتين ودونت وصحن فول مدمس وخبز .. وبعدها نزل زوجي مع بناتي بالمسبح التابع للشقة وأنا كان راسي يدوووور قلت لهم بنام شوي .. بعد الصلاة راح زوجي يشتري غدائي المفضل .. بعد ماصورته .. رز بخاري من مطعم ( شواية الخليج ) ألذ بخاااري على وجه الأرض يمممممممي .. وكلت كلت لحد ماحسيت اني بنفجر ..:14:

بعدين طلعنا نتمشى ع الكورنيش ولقيت المطعم اللي قلتولي عنه في موضوعي السابق ولكن لأني فضلت البخاري عليه .. صرت امشي واصوره وانا ندمااااانة .. ولو زوجي يرضى كان تغديت للمرة الثانية لأن المكان روووعة وشكله حلو ونظامه يجنن .. دخلنا أحدى الغرف وشفناها تطل على البحر تماما :








شوفو الجوووووو ..
معليش ان شاء الله الجايات أكثر من الرايحات ..

بعدين رحت للمكان اللي أنا اصلاً جاية عشانه ( طابا ) :


لاحظوا الجو .. غيوم من يوم الخميس وأحيان رشة مطر .. الجو رووووعة ..
أخذت ملابس لي ولبناتي .. أسعارهم رخيصة وملابسهم مناسبة للأيام العادية .. يعني مو للاعياد والمناسبات .. لكنها جيدة .. وإذا تدورون وبالكم طويل تلاقون ملابس جدا جميلة ..

في طريقنا مرينا على المارينا مول .. لكني هالمرة ماحصلت وقت أروحه .. أو بالاحرى قلت لزوجي لكنه عطاني الاذن الصمخة هههههه يعني كأنه ماسمعني .. يالله معليش .. على قولة المثل : ( من راح بليا عزيمة .. بات بليا فراش ) هههههههه .. بس صورته عن خاطري :



مشينا شوي بالسيارة ومرينا على القرية الشعبية ..
بس مانزلنا لأن وقتنا محسوب علينا ..


قبل أذان العشاء بشوي قال زوجي يالله خلاص ؟؟ قلت له شنو خلاص يتودينا الشقة وبتطلع بدون مانعشي اليهال ؟؟ قال طيب وين بتروحون ؟ قلت له حبيب القلب الشاطئ مول ..
ورحنا تعشينا واذن العشا وتسكرت المحلات وانا نفسي في كب كيك .. وهو يطالع الساعة .. قلت له اصبر بس شوي .. ماراح تفرق 10 دقايق .. قال طيب .. بس من ورا قلبه ..
المهم أني أخذت الكب كيك .. يممممممممي .. لا أقااااااوم الكب كيييييك .. أحلى شي نكهة الرد فلفت ونكهة الجزر .. أخذت منه لليوم الثاني عشان ناكله في طريق العودة ..




يوم السبت .. قمنا من نومنا .. وفطرنا من فطور الشقة ايضا .. وتوكلنا على الله ومشينا ..
مااا أقدر أوصف الجو .. طووول الطريق والكطر يطق .. اللهم صيباً نافعاً ..



شوفوا درجة الحرارة .. ما شاء الله ..



وصلنا الديار ظهرا .. وإن شاء الله نعيدها ولكن على الأقل آخذ يوم واحد اجازة لأن الوقت قصير جدا ..

اتمنى انكم استمتعتوا معاي ..

وعليكم السلام ورحمه الله وبركاته

الحمد لله على السلامة حبيبتي

ما شاء الله تعيشوا وتعيدوها
ويكون الجو والوضع احلى واحلى ان شاء الله


الصور حلوة والتقرير وافي ما شاء الله عليك ما قصرتي
لكن ما عليه لي عليك عتب
ههههه

لما بديتي تحكي عن الكب كيك قلت اكيد في له صورة وخصوصا ماخذه لليوم الثاني
وادور وادور وما لقيت صورة
لاه لاه يا ام الدانة بس شهيتيني على الكب كيك


لكن ماعليه ملحوقه ان شاء الله على السفرة الجاية
لازم ترسلي لي قطعه مخصوص ههههههههههههههههه


عليك بالف عافية ربي يحمي لك بناتك وابوهم
ويرزقكم من واسع فضله

شكرا لك كثير على هالموضوع اللطيف الخفيف والله ونستيني فيه

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

ماكان ببالي انزل تقرير .. وأغلب الصور اللي صورتها جات صدفة .. لو كان في بالي كان ماخليت شي ماصورته ..
بس اليوم تذكرت إن الأعضاء لهم حق علي .. وشفت فيه كم صورة ممكن أعمل بها تقرير ..

حقك علي .. خلاص بصيح على زوجي عشان يوديني الاسبوع الجاي وأجيب لك كب كيك.. :"""")

رحلة موفقة سعيدة والصور روعة
ليش مارحتي للخبر

__________________
اللهم اصلح قلبي وقلب ابنائي

تمام لكن بدون صياح
بهداوه حتى يعطيك الي تبينه وتكون السفره كلها لك
ههههههههههه

حبيبتي يا ام الدانة والله انك ذهبة ما شاء الله عليك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

دودو .. انكسر خاطري عليك .. ولقيت صورة للكب كيك من هذا المحل في قوقل :


لذيذ جدا جدا .. يممممممم .. ياليتني أخذت منه لليوم ..

زوجي ماعطاني وجه .. يبي يطلع مع اصحابه .. وماكان فيه وقت .. إن شاء الله لما يكون عندنا اجازة ..

الحمدلله على سلامتكم يا ام دانه ..
واقول وش هالنور اللي جاي من صوب الشرقيه ..
اثاري ام الدانه هناك ... وه وه وه .

تقرير حلو ورائع .. وممتع .. وعجل مستعجل ..
بس ناقص مافيه ( الجبيل ) اللحين وشلون اروح لها يا مرشدتنا
الله يعطيك العافيه ..

__________________

يمي يمي يمي

يسلم لي يا قلبي
شكرا لك كلك ذوق حبيبتي

شكراااااااااااااااااااااااااااااااااااااااااااا

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

ماشاء الله استمتعنا معك، وتقولين مازرتي شي! وماشاء الله وأنا بالسعودية مازرت اللي زرتيه.

__________________
ياصبحِ لاتِقبل !!
عط الليل من وقتك..