معليشل سؤال .. احنا عارفين التخبيب وعارفين حكمه .. وعارفين الضرر الكبير اللي يتسبب فيه المخبب ..
لكن موضوع انكم ترفعون عليها قضية .. ويصدر حكم ضدها؟
طيب وزوجتك اللي ارخت لها مسامعها وطاوعتها برضاها .. ولم تقطع صلتها بها . بل هي من تطلب منها النصح .. الا تتحمل وهي الزوجة جزء كبير من الذنب؟ بل برأيي الجزء الاكبر .. لان هذا زوجها وهذه اسرتها وهي اولي بالمحافظة عليها ..

تتحمل الذنب كله مو جزء منه
صديقتها ما عندها ضمير تحرضها على زوجها
بس هي كيف تسمح لهذه الانسانة تخرب حياتها وتقويها على زوجها وهي راضية
نعوذ بالله من صديقات السوء

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

لعلك تعرف المقولة (المرأة عزّامة ندّامة)
تعزم وبشدة على طلب الطلاق
ثم تندم عندما يحصل !

أرجو أن تهدأ نفسك ويستريح قلبك , لأن القادم خير بإذن الله

اخوي طمنا ايش سويت ؟

وايش سار مع الاولاد داومو المدرسه؟

ماسويت شئ الحال على ماهو عليه

الجمعة مريت اخذتهم من بيت اهلها لا أبوها موجود ولا اخوها موجود

رحنا للألعاب ثم رحنا بيت اهلي وتعشينا ورجعنا لبيتي نمنا ثاني يوم وديتهم لأمهم

بس ارسلت المصروف حق هالاسبوع مع العيال مصروف لهم

وسألت ولدي قال رحنا المدرسه ودانا أبوي <<< يقصد جده


رحت للمحكمة اليوم برفع دعوى قالي انه صارت الكترونية من موقع وزارة العدل

قبل شوي دخلت الموقع لقيت لازم تحط اسم خصمك ورقم بطاقة احوال الخصم من وين اجيب رقم بطاقة احوالها

سألت اللي بالمحكمة قال تبلغ الشرطة والشرطة تسوي لك تحويل للمحكمة بحكم الاختصاص ونعطيك خطاب انك بحاجة معلومات المذكورة لإكمال صحيفة الدعوى وتسلمها لمركز الشرطة ويطلعون لك رقم بطاقتها خلال يومين

وش هالحاله مرمطه

بترفع دعوى أيش ؟؟
ودي أرفع دعوى عليك لأنك تترك المتهم الرئيسي وترفع دعوى على المتهم الفرعي ..

ياخوي امسك زوجتك وعقلها وقول لها اسرار البيت تبقى بالبيت .. وما أحد يعلم فيها لا اخ ولا صديق ..

عادي انا عارف اني راح اخسر الدعوى لأن زوجتي مستحيل تقول ايه فلانه سوت وفعلت بتقول عادي تكلمت بس انا سويت اللي انا ابيه مالها علاقة وتنتهي السالفه

بس انهم يحضرون للمحكمة وتحس ان الدعوه فيها محاكم يكفيني علشان يتأدبون

وانا سألت مكتب محاماه قضايا طلاق وخلع الخ الخ

قال زوجتك لازم تشهد انها كانت تراسل فلانه وانها كانت تقدم النصائح ونيتها تخبيبها على زوجها

وسالته ممكن يسوون قضية تشويه سمعه او تشهير قال مافيها تشهير ولا تدخل في خانة التشهير ولا تلقى كل الناس لو بيخسرون القضية مارفعوها من الأساس

عاد مادري ليه ماتبوني ارفع عليها قضيه علشان مالها ذنب يعني وزوجتي اللي غلطانه انها تسمع لها ؟؟
طيب تهاوشنا مع زوجتي وقالت خلاص ماراح افتح موضوع بيتي معاها انتهت مشكلتي انا

بس هالحرمة بتروح لوحده ثانيه وتوسوس لها وتروح لثالثه ورابعه وخامسه

مو معقول نترك رأس الحية ونمسك اللي قرصته ونقول انت غلطان ليه تروح لمكان تواجدها خلاص لاعاد تروح

خلاص اذا شايفين مو لازم بلاش منها ماهمني ماني حاقد عليها ولا همتني بشئ وانا اشره على زوجتي اكثر

بس الشكوى لله عاد

المشكلة الاساسية في زوجتك
مو اول مره تسمع كلام الصديقات حتى لو نقلت او قطعت علاقتها مع صديقتها
بتجي وحده ثانية تأثر عليها

إذا زوجتك طبعها ترخي مسامعها للناس .. فما راح توقف حتى لو ذيك تأدبت .. بتلاقي غيرها وغيرها تشكي لهم وتطيعهم..
بتقعد طول حياتك ترفع قضايا ؟؟
الأفضل إنك تتفاهم مع زوجتك وتنصحها وأهلها ينصحونها وأخوانها يعلمونها بالغلط اللي تسويه ..
وتاخذ منها وعد ماتتكلم بامور حياتها لحد .. وتقطع علاقتها بالانسانة ذيك دام إنها ضرتكم ومتضايق منها ..

اخي
تروح لمره ثانيه وثالثه ماتشوف شر
منت ملزوم بتقويم العالم
لك القوامه على زوجتك
واذا ماتغيرت زوجتك الف وحده بتخببها
يااخي عالم الحريم انا عايشه فيه كله تخبيب بتخبيب
نادرا تلقى الي تخاف الله في المره وزوجها
ادب زوجتك وعلمها درس
ورجعها لك
ترى الطلاق صعب ومر
شوف الاعضاء الي صابرين على خيانات