سلام عليكم
ابي مشوراتكم علي بذات الامهات والاباء
مدري افضفض لمين
اهلي يقولون انتي ظالمه
انا متزوجه وبنتي منومه بالمستشفي عندها مشاكل جبتها ولاده مبكره
اهلي يربون بنات اختي بعد وفاه امهم
ابوهم ظالم وظلم اختي حتي بعد وفاتها سحب علي بناتها
انا مغبونه علي اختي الله يرحمه عاشت مظلومه
احيانا اسب في ابوهم قدام بناتها يزعلون
ابوهم عايش حياته مع زوجاته وغني و بناته يعطيهم بالقطاره
بنات مراهقات صغار الكبيره عمره 16 والثانيه 14
الكبيره بنت افكاره متحرره يام تسوالف اشياء تبي تشبك بوي فرندا ماتبي تعيش مثل حياتنا تبي تحب وتعيش مع شاب قصه حب كذا مره حذرته انه حرام و غلط تنظر لي بالمتخلفه وتفكيري قديم
متعرفه علي بويات ضايفاتهم بالسناب عندها مره شفت بسنابها حفلاتهم قمه الانحطاط و الانحراف
اتكلم مع اهلي ولا مااتكلم يقولون فاما اليتم فلا تقهر
تجلس تبكي وتقول انا محرومه بعيش حياتي تبون تمنعوني من صديقاتي
عندها جوال ايفون طبعا بدون رقم اخر موديل لبس ماخذها راحتها 24ع جوالها محد يحاسبها
ماخلت موقع اجنبي ولا عربي الا وسجلت فيه
انا نفسيا تعبت انا من شده خوفي عليها هي تشتكي مني عند اهلي و اهلي معها لدرجه كلمه اخوي يشد عليها شوي مشكله اذ جيت للاهلي تعاملني باحتقار واهلي يشوفونها ساكتين كله عشاني ضدها
مشكله اهلي يقولون خافي الله عندك بنتك بالمستشفي خافي الله في الايتام
انا ابيهم احسن البنات يودن فروض دينهم يخترون صديقات الصالحات
كرهت بيت اهلي بسببها
نفسيا تعبانه عشان بنتي و من تصرفات اهلي معي انا اتهز قدامها يقولون انتي ظالمه
وش تنصحوني فيه

وعليكم السلام ورحمة الله وبركاته🌷

الله يجزاك خير على حرصك عليهم ..
والله يشفي بنتك ويحفظها ..

عليك أختي بالأسلوب الطيب الحسن
خليهم يحبونك وبعدها بيتقبلون منك

وخطأ تشتمين أبوهم
وماراح يتقبلون منك بهالشكل

وادعي لهم دايم بظهر الغيب

__________________
أستغفر الله وأتوب إليه✨

لاتفرضين شي.. اسلوبك منفر

اسهل شي بالدنيا تجينهم دقيقتين وتنظرين عليهم وتمشين

الموضوع اعمق من كذا بكثير

__________________

اختلافي عنك لا يعني اختلافي معك

ادخولي جوها حبه حبه
اهرجي معاها فحاجات تميل لها
محا تتقبل منك طالما كلامك معاها مبني على حاجه وحده
حاولي تتقربي منها وتفهميها
الله يصلح حالها ويشفي بنتك

__________________
اللهم صَل وسلم على نبينا محمد

اولاً :غلط جدا تسبين ابوهم قدامهم هم بعمر مراهقه والاب مهما كان عززز لبناته
وانتي كذا تشحنينهم حقد وكرهه ليه؟!ايش تستفيدي من سب ابوهم قدامهن هم لاحول لهن ولاقوه ومابيدهم شي بالعكس لمعي كل الصور قدامهن

ثانيا :اكسبيهم صديقات اعطيهم الامان يحكون بدون خوف وتردد
علشان تعرفي تثرفاتهم وتحركاتهم واقصى والأشياء اللي ممكن يسوونها
الدنيا تخوف مالومك
شوفي اقرب وحده من خواتك لهم خليها تناصحهم عن اللي ضايفتهم بسناب

حاولي بكل الطرق كلمي امك كلمي اخوانك بأكثر عقلانيه

هي عمرها مايسمح لها تميز ان هذا خطا وهذا صح
هي منطلقه بالحياة وبس وتبي تقلد اللي هي مقتديه فيهم

تكلمي معها عن فضل حفظ القران وان امها انقطعت من كل شي يربطها بالدنيا الا هم
وانهم يلبسون امهم تاج الوقار

الله يصلحهم ويصلح بنياتنا. اجمعين

اولاً كلمة يتيم تطلق على الصغير المتوفى والده
اما اللي متوفي امه مايطلق عليه يتيم

ثانياً كيف تبيهم يقبلون منك كلام ونصح وانتي تسبين ابوهم قدامهم؟
لو احد سب ابوك قدامك وحتى لو كان اقرب الناس لك هل راح تحترمينه؟

ثالثاً الموضوع يبي له تكاتف من الجميع انتي واهلك لانك انتي مشغوله في بيتك والبنات يبي لهم متابعه خاصه بهالسن وخصوصاً اذا كان تفكيرهم مثل ماقلتي
فـ حاولي انك تقنعين اهلك اول انهم يساعدونك