السلام عليكم ورحمة الله وبركاته
أسعد الله أوقاتكم اخواني واخواتي
عندي مشكلة صايرة معي من جديد مزعجتني جدا ارجوكم انصحوني وارشدوني عم بطلب مساعدتكم جميعكم بدون استثناء ، اي كلمة اواي تجربة ممكن تفيدني ..
اسمحولي احكي بالعاميه وبالفصحى ..
ارجوكم الي عنده رد لايقصر فيه والي ماعنده يدعيلي وله بالمثل ..
انا صاير معي من جديد البكاء بأي وقت وبغض النظر امام مين ..
دموعي صاروا ينزلوا بسرعة .. طول عمري حريصة على كرامتي وعندي عزة نفس عالية جدا بس مابعرف هالفترة شو في شو صاير معي ؟؟..
امام اهلي وامام الناس الغرب .. هالشي ماكان فيني صرت هيك من جديد
حاولت امسك حالي وابكي بعدين مع حالي متل مابدي بس مابتزبط معي بفرط عياط امام الناس تخيلوا لوين حالتي محرجة ومزعجة !
انا لاجئة الكم بعد الله عز وجل لأتخلص من هالمستجدة الي كسرتني امام الناس!
حاسة حالي مسحت بكرامتي الأرض .. مابعرف مالي لي هيك !!
للأسف اهلي لاحظوا هالشي ومافكروا يكلموني !
فتحت الموضوع مع والدتي وللأسف مااخدته باهمية ابدا .. للأسف احنا بالعيلة ماعندنا لغة الحوار ..
اكيد كان عندها رد وتعليق بس مافادتني بشي وماحاورتني حتى!
شو اعمل ؟
وشكرا الكم مقدما .

__________________
Sometimes when you lose your way, you find yourselflk

لهجتك كانك من بلاد الشام

فازا كنتي من سوريا .. عادي اغلبنا نحن السوريين صاير معما حالات نفسية .. و صار بدنا علاجلت نفسية بالجملة

اما ازا ما كنتي من سوريا .. فشوفي شو هي ظروفك

يمكن عمتتعرضي لظروف قاسية

الله يفرجها عليكو
ولو الاخت من فلسطين زي حالاتنا كمان اكيد عادي لانو برضو كلنا بدنا علاج بالجملة ..
الله يفرجها عالجميع
اختي صاحبة المشكلة اول متحسي دموعك حتنزل استغفري كتير كتير وان شاءالله مابتنزل
وانا عن نفسي وقت الدموع بدها تنزل مافي اشي برجعها ... صعب احساس انو الدمع تكون في العين
بصير معاه خنقة ومرارة في الحلق والقلب وبصير مؤلم اصلا انو ماينزل ... الدموع بتتعب نفسيا ازا مانزلت ههههه
احبسيهم قد متقدري بس ارجعي البيت فورا مع حالك عيطي كتير عشان ماتصيبك الامراض
الله يسعدك

__________________

لا أعتقد بأن هناك حلا لمشكلة الدموع،،، و من الأفضل ألا تحبسيها فسيؤلمك حلقك جدااااا من شدة الكرب،،،

فقط للتقليل من كثرة الدموع عليك التخفيف من حساسيتك،،، يعني لا تدققي كثيرا و وسعي بالك و اغمضي عينيك، و ان أساء لك شخص ما و بالغ في الاساءة فدافعي عن نفسك،،،

هذا الذي جا في بالي،،،

ربي يهدي سرك و يفرح قلبك يا رب،،،

__________________
يا ربي هدي سري و حققلي حلمي..

أختكم السفيرة لمو

بشكركم جزيل الشكر سهر الشام ، ملك شادي، السفيرة لمو .. الله يجبر بخاطركم جميعا يارب
ويسعدكم متل مااسعدتوني بردودكم
حبيبتي سهر الشام انا فلسطينية الله يهدي بالك وبالكم جميعا بسوريا يارب
انا برضو هيك حاسة حالي صايرة حساسة زيادة عن اللزوم
مابعرف ليه
ايام بلاقي حالي مافي اروق مني بحب الحياة
وايام استغفر الله العظيم بحس حاله بكون فيها وحدة تانية على اقل رد ببكي وبنجرح سواء كنت انا المقصودة او لا فورا
كمان صرت اتجنب اللقائات الاجتماعية
مااحضرها وصرت اكره لقاء الناس الي بعرفهم وبيعرفوني !
مابعرف شو الخلل شو صاير معي شو مالي انا !
مو هاي توته الي بعرفها لاوالله مو هاي انا

__________________
Sometimes when you lose your way, you find yourselflk

وعليكم السلام ورحمة الله وبركاته

لا بأس عليك توته
اعتقد سبب مشكلتك الهرمونات

ممكن عندك لخبطة فيها لانها تسبب مثل هذه الاعراض

كنت آخذ حبوب منع حمل
وانقطاعي المفاجي عنها سبب لي مثل حالتك

وكنت استغرب جدا لاني لست بتلك الرومنسية او الحساسية الزائدة!

هل جربتي شرب حليب الصويا ؟

او يمكنك وضع ملعقة ينسون في كوب ماء مغلي ثم غطيها
وبعد ان تبرد حلي المزيج حبذا ان يكون عسل ولا مانع من السكر

حافظي عليها لفترة
وان شاء الله تتعدل هرموناتك

ونصيحة السفيرة لمو جميلة جدا
واضيف عليها عندما تقابلين الناس
قولي لنفسك ربما سأسمع شي يزعجني اليوم او ......
وتخيلي ردة فعلك
في ذاك الموقف

سيخفف عنك هذا الخيال جدا
حتى لو صدر امر ما لانك اخذت احتياطك وتوقعته مسبقا

ولا تغضبي من امك صدقيني لو كان لديها حل او اجابة شافية لقالتها لك فورا

بالتأكيد مشغولة عليك وتفكر بمشكلتك
طمئنيها ارجوكي

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

حبيبتي اونا اشكرك من اعماق قلبي
الله يجبر بخاطرك يارب
ممكن يكون الها دور الهرمونات هالشي مو بعيد
حاطبق نصيحتك بالنسبة لليانسون
وحليب الصويا
وحاردد هالشي ببالي انه اكيد حانزعج اليوم
اكيد حاسمع كلام مابيعجبني
لعل وعسى تعملي مضاد ضد الدموع
يارب

__________________
Sometimes when you lose your way, you find yourselflk

ياعمري ي توته حزنتيني ﻻني امر احيانآ باللي
تمرين فيه..
انا مثلك دموعي مابتنزل بسهوله بس سبحان
الله تمر علينا فترات نكون حساسين بزياده
ودلوعين كمان
وخصوصآ احنا النسوان يمكن مثل ماتفضلت
اونا لخبطة هرمونات والذي منو
عمومآ ﻻتعطين الموضوع بال فيكبر بنفسك
ﻻتفكرين فيه وهي فتره وتعدي ان شاءالله
سهر الشام ربي بيفرجها عليكم ان شاءالله
والله احنا تعبانين نفسيآ مثلكم بالضبط وقلوبنا
معاكم انتو واهلنا بفلسطين وكل المسلمين
الله ينصرهم ويبدل ضعفهم قوه
مودتي~

__________________

وكل شيء حولنا ﻻ يخلو من بعض الجمال،،لكنها ارواحنا احيانآ تصاب بالعمى~

حبيبتي بنادول تسلمي يارب
اسعدني مرورك وردك ودعمك
الله يهدي بالنا بس
بنوجع راسنا وبنقلب الدنيا
وبنكد على حالنا
وبنحرق اعصابنا
وبنرجع نروق !
استغفر الله العظيم بس من هالحاله هاي
عنجد هالشي اشبه بالجنون
مزاجات متقلبة ونفسيات يوم فوق ويوم تحت
الله يهديني بس

__________________
Sometimes when you lose your way, you find yourselflk

توته وبندول

الله يحفظكن ولا باس عليكن

ان شاء الله

طالما انها فترة من الشهر اذا اكاد اجزم انها بسبب الهرمونات

حافظو على شرب حليب الصويا او مغلي الميرمية او اليانسون

كوب واحد كل يوم

لانه يحتوي على هرمون الاستروجين هرمون الانوثة يعدل نسبة هرمون الانوثة لديك
وان كانت لديكن آلام من الحيض و......
يقللها او يعدمها نهائيا

ايضا الرياضة الحفيفة
واكل نسبة قليلة من الشكولا
وشرب الماء والنوم الجيد

كلها تساعد في تعديل الهرمونات

وكما قالت بندول لا نعطي للامر بالا كثيرا

بالتوفيق حبيباتي


توته العفو والشكر لله حبيبتي وتسلمي عالدعوة
والله يشفيك ان شاء الله

واجعلي ضمن وردك قول الرسول عليه الصلاة والسلام

تعوذو بالله من جهد البلاء ودرك الشقاء وسوء القضاء وشماتة الأعداء

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام