استشارة عاجلة قبل بكرة الظهر - منتدى عالم الأسرة والمجتمع
logo

الملاحظات

سؤال وجواب الأسئلة والاستفسارات العامة

موضوع مغلق
قديم 09-02-2013, 10:50 PM
  #1
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
استشارة عاجلة قبل بكرة الظهر

ابغى اشتري باذن الله منزل ملك ..
كيف اضمن انه يتكتب باسمي ¿

مو لازم اوكل زوجي عشان يتفق مع صاحب المكتب
و يروح المحكمة مع الرجال

و ينهي اجراءات البنك ووو الخ ؟

.
.

المالك طلب عربون
40 الف ..

لحد ماتخلص اجراءات البنك ..

اذا زوجي الايصال .. يعني خلاص اوكي و تمام ؟
* اذا زوجي جاب الايصال

.
.

و هل صحيح انا ادفع للمكتب و الدلالة 2%

مو كفاية سعر العقار ؟؟؟


لو اوكل زوجي .. ايش اكتب بالمحكمة ؟؟؟
قديم 09-02-2013, 11:03 PM
  #2
لينة العريکة
العضو الذهبي

 الصورة الرمزية لينة العريکة
تاريخ التسجيل: Mar 2012
المشاركات: 1,159
لينة العريکة غير متصل  
رد : استشارة عاجلة قبل بكرة الظهر

اهلا روح اتمنى ان تكوني بخير
يحضرني امرين:
1. هل ذهابك معهما يعتبر خلافا للعرف؟ ان كان الجواب سلبا اذهبي معهما. و افعلي الاجراءات اللازمه بحضور زوجك لا بتوكيله.
الماضي يتطلب منك الحذر.
2. هل من الممكن ان يفعل هذا اخوك الكبير؟
ارى الحل الاول افضل من الثاني
ارجو لك كل التوفيق
مقدما مبروك
قديم 09-02-2013, 11:12 PM
  #3
تلميذ الحياة
كبار شخصيات المنتدى
 الصورة الرمزية تلميذ الحياة
تاريخ التسجيل: Jul 2012
المشاركات: 3,197
تلميذ الحياة غير متصل  
رد : استشارة عاجلة قبل بكرة الظهر

هل اتمتم عقد المبايعة؟ العربون يدفع مع عقد المبايعة و يحدد في العقد تاريخ إفراغ العقار
__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.
قديم 09-02-2013, 11:59 PM
  #4
البليغ
عضو المنتدى الفخري
تاريخ التسجيل: Dec 2010
المشاركات: 5,761
البليغ غير متصل  
رد : استشارة عاجلة قبل بكرة الظهر

الأخت الكريمة/ روح الطير
1) أنا أؤيد أن يقوم أحد إخوانك الرجال والذين تثقين به ثقة كبيرة بهذه المهمة.
2) تستطيعين كتابة عقد البيت باسمك أنتِ.. لكن في حالة كان البيت عن طريق البنك أو البنك العقاري فإنه سيظل مرهوناً باسم البنك حتى يتم انقضاء كافة الأقساط مع العلم أن الرهن لا بد من ختمه عن طريق المحكمة.
3) لا بأس أن تصبري قليلاً وتذهبي للمحكمة مع أخيك.. ودعيه يتصرف مع المكتب، ولا تقحمي نفسك بهذه الأمور بارك الله فيك؛ لأنها مزعجة مرهقة بالنسبة للمرأة.
4) راجعي رد الأخ أمين الثاني.

التعديل الأخير تم بواسطة البليغ ; 10-02-2013 الساعة 12:02 AM
قديم 10-02-2013, 12:07 AM
  #5
فاكهة الشتاء
عضو متألق
 الصورة الرمزية فاكهة الشتاء
تاريخ التسجيل: Dec 2011
المشاركات: 3,158
فاكهة الشتاء غير متصل  
رد : استشارة عاجلة قبل بكرة الظهر

لا تستعجلين روح
اصبري شوي وادرسي الموضوع بهداوة
ومافي مانع في هالأمور تستشيرين محامي او استشاري ( مالهه مصلحة بفلوس العقار اللي بتشترينه ) وبنفس الوقت يكون مختص بهالأمور
شاوري أخ من اخوانك مجرب في العقار وفاهم ويكتم السر

طبعا انسي سالفة توكيل زوجك
الا لو توكيل مقنن جدا جدا جدا وشروطه واضحة وماله اي صلاحية سوى شراء البيت لك فقط ...

مع الاسف لي قريبة غالية علي جدا
زوجها باع البيت اللي نصه باسمها وقبض فلوسه , وختمها بعد كم سنة بزواجة ثانية بعد 30 سنة زواج

والسبب التوكيل
مع ان موظف المحكمة حذرها انها وكالة مفتوحة ولكنها غفلت عن موضوع البيت
__________________
الحمدلله الذي بنعمته تتم الصالحات


التعديل الأخير تم بواسطة فاكهة الشتاء ; 10-02-2013 الساعة 12:09 AM
قديم 10-02-2013, 01:15 AM
  #6
داماس
كبار شخصيات المنتدى
تاريخ التسجيل: Mar 2009
المشاركات: 1,348
داماس غير متصل  
رد : استشارة عاجلة قبل بكرة الظهر

لا تصيرين كتاب مفتوح قدام زوجك . زوجك ماشاء الله ذكي لكن يستخدم ذكاءه بشكل خاطئ ..

احذري توكلينه عنك... خدي حد من إخوانك .

.. وبكل صراحه يا روح لو أنا منك أصلا ما أخبر زوجي بالأمر ..

. وخاصة انه التوقيت خطأ .. يعني يثبت لي انه مو أهل للثقه واقوم أنا أكافئه ببيت ملك؟؟ صح هو ملكك لكن في النهاية البيت لكم كلكم صح وألا لا؟ ... وانتي كذا خلاص ما عاد خليتيله أي دافع انه يشتغل ويطور من نفسه ...

والخوف كل الخوف .. انه يحصل طريقة يتحايل فيها عليك أو يخليك تتنازلين له عنه... خاصة انك طيبة جدا جدا ...

لا تنسين تستخيرين قبل ما تقدمين على أي خطوة ...
قديم 10-02-2013, 02:14 AM
  #7
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : استشارة عاجلة قبل بكرة الظهر

استخرت ..

اولا زوجي جاب حجة انه كيف كل مرة اجيبك معايا و يقولوا طرطور ..
في المحكمة و المكتب تتفاهمي انت مع الرجال و انا ؟

و قال اذا ماتبغي تعملي توكيل و في التوكيل شروط واضحة ووو الخ ..
خلاص خلصي امورك بنفسك

.
.

المهم ..

انا ما طلبت من اخواني .. لانه اخواني مايحبوا اللف و الدوران ..
و عندهم اشغال تكفيهم و ما احب اثقل عليهم
و من مصلحة زوجي اني اخد سكن لنا و عشان هو يرتاح من الايجار

.
.

المهم ..

سعر العقار و موقعه الصراحة ما يتكرر ابدا و شفته ..
حتى الموظف بالبنك لما سمع السعر اتوقع انه شي صغير و برة مرة و شي بعيد ..
و قال لا تطيروها من يدكم .. فما اقدر أأجل الموضوع

خاصة انه صاحب البيت مستعجل و فيه مشتري جاهز و بيدفع كاش

طبعا هذا كلام زوجي و ما اقدر اصدق زوجي ..

.
.

قلت لزوجي بأدفع عربون 5000
بالكثييييير ..

قالي قليل و مايرضى و لازم 40

ما ارتحت ..

قلت له .. اعطيني فرصة افكر .. طبعا بالواتس اكلمه و هو يقولي ترى انا معاهم ووو الخ
قلت له خلاص قول للمالك بنروح بكرة نسحب المبلغ من البنك و يعطينا وقت لبكرة ..

.
.

استغليت الوقت و تكلمت مع اخويا ..

اخويا لاني زمان كنت اثق في زوجي .. فكان تقريبا شايل يده ..

بس المرة هذه قال لي رأيه بصراحة .. و اقتنعت برايه ..
و اعطاني حل جدا رائع .. و الحمد لله ..
قديم 10-02-2013, 02:23 AM
  #8
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : استشارة عاجلة قبل بكرة الظهر

طبعا لما زوجي عرف اني استشرت اخويا و انه اخويا بيحل الموضوع ..
قال لي خلاص لاتدخليني بالموضوع و خلصي امورك مع اخوك ..

.
.

انا ما قلت لاخويا كذا ..

قلت لاخويا .. فرضا لو زوجي قال خلاص مالي دخل و خلصي كل شي بنفسك ؟

قالي اخوي
(( ولو قال إتصرفي خلاص .. لا يسكن معاكي .. خليه ينقلع ويشوف حاله ))

.
.

طبعا الحل اللي اعطاني اخوي بإذن الله لو اتنفذ اليوم .. الاحد ..
بيكون رووووووووعة و من جد .. وقتها ربي يكون معايا ..

و مجرد ما يصير .. راح اكتبه هنا ..

لانه باستنى رد اخويا التاني .. لانه الي كلمته مسافر دحين ..

.
.

طبعا زوجي ما حكيت له التفاصيل ..
باختصار و كلمتين ..

حسيته انقهر و ما حاول يبين و قال خذي رقم المكتب و اعطيه لاخوك و لا عاد تدخليني ؟؟؟

اوك .. اول حجته .. لا اكون طرطور .. و دحين ايش الحجة ؟

التفاصيل تبع فكرة اخوي باكتبها ان شاءالله بس تتنفذ اليوم ..

دعوااااااتكم ..
لانه اخوي التاني عنده حركات ترفع الضغط ..

بس ارحم من زوجي و ثقة بإذن الله
قديم 10-02-2013, 02:28 AM
  #9
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : استشارة عاجلة قبل بكرة الظهر

التاني هو الي بينهي لي الموضوع ان شاءالله .. شغله مثلي مضبوط و بدقة و بسرعة ينهي الامور
و ذكي ماشاء الله ..

بس الكبير الي مسافر هو الي بيوجهه ..

.
.

بس ضروري بكرة ..
لو استنى الكبير بيروح العقار ..
قديم 10-02-2013, 02:40 AM
  #10
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : استشارة عاجلة قبل بكرة الظهر

لينة العريكة ..

يعني نوعا ما ..

.
.

اخوي امين

لا ما اتممنا .. لانه الشراء عن طريق البنك و البنك يبغالهم شهر و نص عشان تنتهي اجراءاتهم .. رحت اليوم و سالتهم ..
و المالك جاله مشتري و معاه كاش حسب كلام زوجي .. فما راح يضيع هذاك المشتري عشاننا الا بعربون محترم

قلت لزوجي فرضا اعطيتك العربون و سالتك فين الايصال .. راح تزعل و تقول ماتوثقي فيا و تتهمني اني انكد عليك ووو الخ
و انا مابغى مشاكل و لانخسر بعض .. و كل شوية تقول طيب و بكرة و بعدين الخ

لانه هذه حركات زوجي المعتادة و ما راح اجازف بمبالغ طائلة زي كذا و بنك و محكمة ووو الخ
الا و انا دارسة كل خطوة ..
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:51 AM.


images