مشاكل مع خالتي اخت امي..محتاجه مشورتكم...!!!! - منتدى عالم الأسرة والمجتمع
logo

الملاحظات

العلاقات الأسرية والإجتماعية أفضل الحلول لقضايا الأسرة والمجتمع والمراهقين والأطفال .

موضوع مغلق
قديم 28-01-2007, 09:17 AM
  #1
العاشقه المعذبه
عضو دائم
تاريخ التسجيل: Jul 2006
المشاركات: 93
العاشقه المعذبه غير متصل  
sad2 مشاكل مع خالتي اخت امي..محتاجه مشورتكم...!!!!

السلام عليكم ورحمة الله وبركاته

مشكلتي مطيره النوم من عيوني ومزهقتني ليل ونهار...ياليت تنصحوني وتعلموني بطريقه تبرد على قلبي

خالتي أخت امي..تتسبب على اقل شـــي....واقرب حدث صار..خطبت لولدها وامي واختي الكبيره راحو وباركو لها..انا مااطلع العصر لان زوجي يرجع من الدوام الساعه4 يتغدى وينام ولايجلس الا فالليل .. وتوني ساكنه شقه جديده وماعندي تلفون ثابت .. مااشوف احد ولا باركت لاحد

طلعت كلام علي وعلى حمياتي وعلى امي واختي الكبيره ان ماحد بارك لها...طبعا اختي رراحت لها وقالت لها ليش وليش احنا باركنا وجيناك مرتين وتقولين ماباركنا شنو هالكلام...المهم تسببت علينا كلنا مع امي واذا شافتنا في مكان تسلم على الي قاعدين يمنا ولاتمد يدها تسلم علينا ولا على امنا...

المهم يوم رحت بيت اهل زوجي وفتحو الموضوع عنها وشنو سوت لنا..قلت لهم انها تسلم على الجالسين ولا تسلم علينا...ويوم ثاني حماتي قالت لزوجت اخوها((بنت خالتي الي تتسبب)) وذيك راحت لامها وقالت لها .. وجات امها بيت اهلي وصارخت على امي وهاوشتها وماتمت كلمه الا وقالتها..انا ماعندي خبر لاني في شقتي ماطلعت...واليوم رحت بيت اهلي وقالولي....

احس اني مقهووووووره وودي اروح وارد عليها ..وودي ادق على حماتي واقولها ليش قالت لبت خالتي وهذا جات لامي وتسببت فيها ..حتى امي مانامت طول الليل...

شسوي قولولي...........؟؟؟؟؟؟؟

مقهووره حدي وموقادره امسك اعصابي

ياليت ماحد يطنشني
قديم 28-01-2007, 11:18 AM
  #2
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
الحل بيد أمك ، لازم أمك توقفها عند حدها و هم أخوات

لإنه صعبة إنت تردي عليها و تطلع كلام عليك إنك ماتحترمي خالتك وووو إلخ و من الكلام ذا

أما حماتك فما أنصحك تعاتبيها ، بس ممكن تلمحي لها أو تجيبيها بأسلوب آخر توضحي لها إنه الخبر وصل

لخالتك و خالتك زعلت ، المهم توصلي لحماتك إنه ماكان له داعي يوصل الكلام بأسلوب لطيف
قديم 28-01-2007, 11:23 AM
  #3
صوت المشاعر
عضو جديد
تاريخ التسجيل: May 2006
المشاركات: 34
صوت المشاعر غير متصل  
مهما كان فهي خالتك اكسبيها وعالجي الخلل فيها بطيبتك ولا تجعلي زوجك يكرهك بسبب كرهك لها
قديم 28-01-2007, 11:25 AM
  #4
lina11
عضو نشيط جدا
 الصورة الرمزية lina11
تاريخ التسجيل: May 2006
المشاركات: 379
lina11 غير متصل  
الله يكون معاك حبيبتي

يا كثرتها ه\ه الحركات هذه الأيام
بس إنت غلطت لما طلعت سركم لبرا يعني كان المفروض ما تتكلمين على خالتك لأن معذرة إذا ما كان فيك خير لأهلك كيف يكون لغيرك ما تزعليش مني على صراحتي الزائدة لكن أظنه درس لك لكي تتعلمي أن تزني ما تقولينه و الدليل وصول الخبر الى خالتك وأنت من تسببت بهذا المشكل وعن غير قصد طبعا
أختي عليك بالصبر والتقرب الى الله والدعاء لأمك ربنا يكون معاها حاولي أنك تفهميها أنه عن غير قصد حصل هذا منك وأنك تعلمت درس من الحياة ، ياما راح تشوفي وتسمعي حبيبتي ،
لينا
قديم 28-01-2007, 11:28 AM
  #5
4 u
عضو نشيط جدا
تاريخ التسجيل: May 2006
المشاركات: 221
4 u غير متصل  
ههههههههه



وليه محتره بس هدي نفسك


والله يا عزيزتي مادري ايش اقولك ،، ترى مشاكل الخالات لا تعد ولا تحصى
وبعدين قبل اي شي ابي اقول ماشاء الله تبارك الله علاقتك بحماتك شكلها طيبه اللهم لا حسد


تصدقين انا امي لمى تجي لبيت خالتي (وهم خوات) يعني انا متزوجه ولد خالتي
تصدقين ان خالتي كانت تتكلم عني ، اني ما انزل عندهم واني متكبره وشايله بخاطري وهم ما سوو لي شي
المهم ،، ومن تطلع امي حجرتي اقولها على اللي يصير من وجهة نظري طبعاً


عقب خالتي راحت تقول ،، اختي ما تبي تجي عندي ، وكأن احد معبيها علي !!!! احاكيكي واسمعي يا جاره


المهم ،، بالنسبه لك
خالتك اخت امك ،، اهلك باركوا لها ، وانتي معذوره ،، وحماتك لا تفتحين معها اي شي ،، خلاااص قفلي على السيره واعتبريها قرصه ،، ومره ثانيه ان كنتي محتره خلي حرتك عند اهلك وزوجك ، وان كان ينقل حكي لأهله فلا تتكلمين ، لأن اهله مارح يكتمون على الخبر

فهمتي ؟؟


امسحي كل اللي صار ، وكل ما تذكرتي الموضوع وحسيتي انج محتررررررررره ،، فرغي هالكلام يا باذن زوجك او عند اهلك ،، وافتحي صفحه جديده ،ان سلمت خالتك ، فالحمد لله ، وان ما سلمت ، افضل ووفرت عليكي


صدقيني هالحل صعب ،، بس انا بديت اعتمد هالطريقه مؤخراً ، اي وحده تضايقني واحس اني مخنوووقه ومحترررره حتى بيتي ماقدر اجابله ،، ابدأ بالتطنيش شوي شوي إلين ما هي اللي تحتر



قوليلي ايش رايك ، بتقدرين ؟
__________________
For You
4U



سبحانك اللهم وبحمدك عدد خلقك ورضا نفسك وزنة عرشك ومداد كلماتك
قديم 28-01-2007, 03:04 PM
  #6
العاشقه المعذبه
عضو دائم
تاريخ التسجيل: Jul 2006
المشاركات: 93
العاشقه المعذبه غير متصل  
مشكووورين حبايبي...والله ماتتصورون قهري وفقد اعصابي....

بعض الاخوات يعتقدون انها ام زوجي...لا يااخوات خالاتي متزوجين عمامي وام زوجي غير هذي الي اتكلم عنها..

حتى ام زوجي منقهره منها لانها طلعت كلام على بناتها بعد ووصفتهم بأبوصاف ماتنقال..

انا لما قلت لحماتي عن خالتي لانها ماتسلم علينا..كنت مقهوووره وقتها ..~_~


اقتباس:
امسحي كل اللي صار ، وكل ما تذكرتي الموضوع وحسيتي انج محتررررررررره ،، فرغي هالكلام يا باذن زوجك او عند اهلك ،، وافتحي صفحه جديده ،ان سلمت خالتك ، فالحمد لله ، وان ما سلمت ، افضل ووفرت عليكي

صدقيني هالحل صعب ،، بس انا بديت اعتمد هالطريقه مؤخراً ، اي وحده تضايقني واحس اني مخنوووقه ومحترررره حتى بيتي ماقدر اجابله ،، ابدأ بالتطنيش شوي شوي إلين ما هي اللي تحتر



قوليلي ايش رايك ، بتقدرين ؟
وربي ماتتخيلين كم مره حاولت وطنشت...بس اذا جلست من نومي اتذكر الي صار ويزيد همي هموووم...

امي قلبها طيب لدرجة ان لما خالتي راحت بيت اهلي وصارخت في وجه امي امي تهدئها وتقولها ندري انك ماتسوينها...واهي ورب الكعبه عمداً ماتسلم علينا اذا كنا جالسين يم جماعه

زوجي يدري بتصرفاتها ويدري انها تبي تقهرني مع بنتها الي اهي زوجة اخوه...لدرجة ان زوجة اخوه داقه علي نص الليل وتقولي كلام علشان انقهر..وجلس زوجي من نومه وانا موقادره امسك نفسي ودموعي ماوقفت ليوم ثاني...

وخالتي ام زوجي تقولي لاتهتمين لاني حامل وقريب بولد بس الي تسويه هذي الخاله موطبيعي..كأنها تسوي لنا مشاكل علشان تقهرني بالذاات..ليش مادري

آآآآآآآه ياربي ..شسوي~_~
قديم 28-01-2007, 03:59 PM
  #7
غيورة 2
عضو جديد
تاريخ التسجيل: May 2006
المشاركات: 2
غيورة 2 غير متصل  
مافيه زي الصراحة روحي لها بس لاتكونين لوحدك احسن انتي واختك الكبيرة واجهوها وضحو لها انكم اهل واللي يمسها يمسكم واكيد العكس وتعرفون وش في نفسها جهتكم صدقيني اختي مامثل الصراحة والوضوح والله يهدي سركم ويجمع شملكم ولا تنسون ان الخالة محل الأم
قديم 07-03-2007, 10:59 PM
  #8
العاشقه المعذبه
عضو دائم
تاريخ التسجيل: Jul 2006
المشاركات: 93
العاشقه المعذبه غير متصل  
مشكوورين اخواني واخواتي على الردود الي تريح القلب^_^

صراحه انا تركتها تولي.........لوانها مكان امي جان تبريت منها وتبرت مني>>>ماتجي يم طيبة امي بشــــــي

ابوي قالي خليها تولي ولاتهمك واهي كل مره تتسبب ماينقع في عينها شي..

الف شكر على الردود الطيبـــــــــــــــــه
قديم 09-03-2007, 06:20 PM
  #9
دلع 2007
عضو جديد
تاريخ التسجيل: Mar 2007
المشاركات: 29
دلع 2007 غير متصل  
افضل حل انتي لاتكلمينها ابدا ولا كنها موجوده

وامك عليها بالقسوه شوي مع خالتك بعض الناس ماينفع معهم الطيب

لازم تقسي عليها شوي لين تعرف قدرها
قديم 10-03-2007, 06:27 AM
  #10
العاشقه المعذبه
عضو دائم
تاريخ التسجيل: Jul 2006
المشاركات: 93
العاشقه المعذبه غير متصل  
والله يااختي دلع لة تسمعين امي اذا قالت بتكلمها وبتسوي وبتتهاوش معاها تقولين من حقها وانها قويه وبترد عليها بس من تهاوشها خالتي ولا تقول كلمه لامي يم جماعه وهالكلمه تقهرها ماتتكلم امي تسكت عنها......زوالله يرتفع السكر عندها ولاتحاول ترد عل اختها

كم مره انا وخواتي وابوي نقول لامي ردي والطيبه هالايام ماتنفع ..ماترد ..لدرجة ان ابوي يصارخ على امي لانها ماترد عليها بس مافي فايده

من كذا بسبب طيبة امي الزايده انا ارد على خالتي اذا قالت لأمي كلمه لدرجة ان صوتي وصوت خالتي يرتفع والكل يسمع الصراخ ... حتى خواتي طالعين على امي مايردون عليها

هذا المكتوب ^_^

يسلمووو على الطله الطيبه
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:26 AM.


images