محتارة بهدية زوجي ... ساعدوني يا اخوان - منتدى عالم الأسرة والمجتمع
logo

الملاحظات

رومنسيات زوجية الافكار الرومنسية التي تذكي مشاعر الحب بين الزوجين

موضوع مغلق
قديم 17-06-2016, 03:13 PM
  #1
روح هادئه }~
عضو نشيط جدا
 الصورة الرمزية روح هادئه }~
تاريخ التسجيل: May 2016
المشاركات: 464
روح هادئه }~ غير متصل  
محتارة بهدية زوجي ... ساعدوني يا اخوان

السلام عليكم ..

محتاره وش اهدي زوجي !!!!
لأن من تزوجنا هو اهداني اكثر من مره بمناسبة وبدون مناسبه ..
وانا اهديته بس مره وحده الطقم اللي يجي ساعه وسبحه وكبك وكذا بس كان طقم ماركة و انيق وصار كل ماصارت مناسبه يلبسهم وكل مكان ينعزم يلبسهم .. مع ان عنده كثير بس فرحت انها عجبته وصار يستخدمها .. وابي هديه نفس الشي يستخدمها بس المشكله ماعرف هدايا الرجال ..
فكرت اهديه عطر بس ماعرف العطور اللي يحبونها الرجال وخاصه زوجي لما يروح يشتري عطر لنفسه دقيق حيل ب اختياره .. وفكرت اهديه قماش وهو يفصله ع كيفه بس بعد ماعرف الاقمشة الرجالية .. و فكرت اهديه شماغ او شي بسس المشكله عرفت ان فيه مقاسات < قبل احسب كلهم مقاس واحد ههههههههه
و فكرت بنظارة بعد بس مدري احس عاديه .. ساعدوني تكفون يعني اتمنى من البنات يقولون لي وش اهدوا ازواجهم وعجبهم ؟
و سؤالي للاخوان .. ساعدوني بهديه مناسبه و اعطوني اسماء الماركات المناسبه يعني عطوني اسماء العطور الرجاليه وكذا بكل شي عطوني اسماء حتى بالشماغ وش احسن نوع وكيف اعرف المقاس
قديم 18-06-2016, 12:50 AM
  #2
المتواضع305
قلم وفي
 الصورة الرمزية المتواضع305
تاريخ التسجيل: May 2008
المشاركات: 1,187
المتواضع305 غير متصل  
رد: محتارة بهدية زوجي ... ساعدوني يا اخوان

اهديه شماغ مايفير اخر مانزل او فالنتينو اخر مانزل بس شوفي كم مقاس زوجك 55 او 57 او 60 لازم تعرفين وعندك عود كمبودي عند قزاز ممتاز التوله ممكن 400 ريال وعندك اجلك الله جوتي نوع كروكس حلو جداً وراقي للشباب شوفي كم مقاس زوجك

التعديل الأخير تم بواسطة المتواضع305 ; 18-06-2016 الساعة 12:53 AM
قديم 18-06-2016, 01:27 AM
  #3
ياسر !!
عضو الهيئة الطبية - مستشار طبي
تاريخ التسجيل: Nov 2014
المشاركات: 651
ياسر !! غير متصل  
رد: محتارة بهدية زوجي ... ساعدوني يا اخوان

اذا تعرفين تطلبين من النت او تعرفي احد يطلب لك. خليه يطلب لك ساعة من النت وتكون ماركة . تراها ارخص من هنا..
قديم 18-06-2016, 02:18 AM
  #4
آلرآسي
عضو نشيط جدا
 الصورة الرمزية آلرآسي
تاريخ التسجيل: May 2016
المشاركات: 303
آلرآسي غير متصل  
رد: محتارة بهدية زوجي ... ساعدوني يا اخوان

وعليكم السلام ورحمة الله وبركاته
فيه عطر اسمه تيري دي هيرمز
يباع لوحده تقريبًا سعره 300 ريال وزود
وبعد يجي منه طقم سعره تقريبًا 900 ريال
شئ فخم
__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

التعديل الأخير تم بواسطة ويبقى الحنين ; 18-06-2016 الساعة 12:54 PM
قديم 18-06-2016, 04:39 AM
  #5
شاطى الراحة
عضو نشيط جدا
 الصورة الرمزية شاطى الراحة
تاريخ التسجيل: Apr 2015
المشاركات: 3,671
شاطى الراحة غير متصل  
رد: محتارة بهدية زوجي ... ساعدوني يا اخوان

انصحك بعطر tom ford noir de noir
رجالي سعرة 900 ريال عطر فخم ورائع ويبقى مدة طويلة

حاولت انزل صورة وفشلة لكن ابحثي بالاسم في الشيخ قوقل

مدري بس انا اشوف هدية عطر بين الزوجين افضل
وتعلق بذاكرة اكثر حتى لو انتهى هالعطر
__________________
سبحان الله وبحمده سبحان الله العظيم

التعديل الأخير تم بواسطة ويبقى الحنين ; 18-06-2016 الساعة 12:55 PM
قديم 21-06-2016, 03:12 AM
  #6
حوراء الحسين
كبار شخصيات المنتدى
تاريخ التسجيل: Jan 2009
المشاركات: 1,349
حوراء الحسين غير متصل  
رد: محتارة بهدية زوجي ... ساعدوني يا اخوان

الله يهنيكم ويتمم عليكم السعادة والمودة

اذا هدية العيد حبيبتي انصحك تاخذي ثوب من زوجك وتعطينه اخوك يفصل له ثوب فخم شوفي اذا زوجك يحب التطريز او لا وكيف يكون التطريز ناعم او ثقيل


وكمان ركبي عليه ساعة وكبك وجزمة الله يكرمك اذا الميزانية تسمح


واعطيه الهدية ليلة العيد اذا م فصّل للان اشغليه عن التفصيل ،


اذا تبين عطور وميزانيتك متوسطة اكثر عطرين اهديتهم زوجي واعجبوه

كريد الابيض لدرجة مخليه للاعياد والمناسبات القوية ،،

ون مليون مخليه للمناسبات الاجتماعيه
لاكوست الابيض للمسجد اذا راح يوم الجمعة

اسعارهم متفاوته لاكوست اقل من 200
ون مليون اقل من 300

كريد الابيض 600
__________________




ربِ هب لي من لدنك ذرية طيبة أنك سميع الدعاء
قديم 21-06-2016, 04:13 AM
  #7
شاطى الراحة
عضو نشيط جدا
 الصورة الرمزية شاطى الراحة
تاريخ التسجيل: Apr 2015
المشاركات: 3,671
شاطى الراحة غير متصل  
رد: محتارة بهدية زوجي ... ساعدوني يا اخوان

اقتباس:
المشاركة الأصلية كتبت بواسطة حوراء الحسين مشاهدة المشاركة

كريد الابيض 600
كريد الابيض وصل الان 1100
__________________
سبحان الله وبحمده سبحان الله العظيم
قديم 28-06-2016, 07:00 AM
  #8
mlsstudent
عضو دائم
تاريخ التسجيل: Jan 2015
المشاركات: 85
mlsstudent غير متصل  
رد: محتارة بهدية زوجي ... ساعدوني يا اخوان

شكل بيجيني باند
اختي حوراء الحسين عطر كريد الابيض وون مليون يعتبرون من العطور القديمه
خاصة كريد يسمونه بعض الناس عطر الشيبان
العطر نازل من عام ٩٥ يعني قديم

فيه عطورات تنزل بالسوق كثيره الافضل تطلعين قزاز وتدوري بنفسك
سمعت ان فيه كولكشن جديد لديور وحلو

بالنسبه للشماغ مثل ماقال اخوي عمار ياكويت شماغ مايفير يعتبر كويس
وفيه ايضاً سمعت الشباب يتكلمون عن شماغ دنهل وان نقشته زينه
(شخصياً افضل مايفير)
والمقاس شوفي طول وعرض زوجك انا طولي تقريباً ١٦٩ لكني سمين البس مقاس ٦٠ ويناسبني جداً اخوي نفس الطول لكنه نحيف يلبس مقاس ٥٧ ويناسبه جداً
٥٥ للقصار

النظارات ممتازه جداً سابقاً ماكنت احب النظارات الشمسيه لكن الحين اعشقهم ولاحظت كثير من الشباب اذا شافوا النظارات مع بعض يجربونها واغلب اصدقائي اذا ماكان كلهم عندهم نظارات شمسيه

الثوب ما انصح التفصيل لان الثوب يعتبر شيء اساسي ومهم اكثر من الشماغ وكل شخص عنده الخياط المفضل اللي يعرف بالضبط ايش اللي يفضله او يمتاز فيه الخياط نفسه.
اذا حابه تشترين قماش الجديعي من اشهر محلات الاقمشه الرجاليه اتوقع مكانهم حول اسواق العويس تروحين لهم ومعك ثوب زوجك المفضل بحيث البائع يشوف نوعية الخامه هل هي قطن او مخلوط او سلك او واقف او لين ، وبعدها يطلع لك انواع اقمشه من نفس نوعية قماش زوجك لكن جودتها اعلى وافضل ويعطونك قطعه تكفي لثوب واحد تغلفينها وتحطين معها شماغ
قديم 05-07-2016, 04:30 AM
  #9
جممميلة
عضو دائم
تاريخ التسجيل: May 2014
المشاركات: 91
جممميلة غير متصل  
رد: محتارة بهدية زوجي ... ساعدوني يا اخوان

اولا حددي ميزانيتك
اذا كانت تسمح خذي له ساعة ماركة وعندك خيارات كثيييرة جدا ..
فيه ساعة بيربري جدا روعة كنت رح اشتريها لزوجي بس ما حصلتها

لو بتهدينه عطر حددي ذوقه
يحب العطور الثقيلة ؟
خذي له ديور سوفاج مرره جمميل وفخم ورسمي

يحب العطور الخفيفة الهادية ؟
خذي باكو ربان انفكتوس وما رح تندمين

تقدرين تهدينه قلم ماركة .. عندك اقلام ديور راقية وتناسب أغلب الاذواق واسعارها من ألف لألفين تقريبا

إذا كان يلبس بدل خذي له تيشرت أو قميص حلو ومرتب مع بنطلون على ذوقك

اذا محتاج جوال وعندك ميزانية خذي له جوال

ممكن تهدينه محفظة أو كارد هولدر أغلب الماركات عندهم محافظ رجالية أنيقة منهم كارولينا هيريرا واتوقع في حدود ال 500

اذا هو رياضي خذي له بدلة رياضية على ذوقك أو شوز رياضة

هذا اللي ببالي حاليا وان شاء الله اني افدتك
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:23 AM.


images