معلقه ماعرف اذا بيطلقني حلت 76 - الصفحة 3 - منتدى عالم الأسرة والمجتمع
logo

الملاحظات

المشاكل المحلولة المشاكل التي حلها أعضاء المنتدى

 
قديم 01-06-2017, 05:58 AM
  #21
ريما بندر
عضو نشيط
تاريخ التسجيل: Feb 2017
المشاركات: 110
ريما بندر غير متصل  
رد: معلقه وماعرف اذا بيطلقني و

ابتعدي ابتعاد نهائي وطالماً إن هالشهر شهر المهله فتخيلي إنك أم عزباء وهيئي نفسك.

أنا أقرأ من سطورك أن الرجل لم يستطع أن يحبك وهذا مو ذنبك ولا ذنبه لكنه كان قاسي معاك.

وأتوقع وأرجح إنه يرغب بالإنفصال، وأرجوك لا تكرهي الطلاق بسبب نظرة المجتمع !
عسى أن تكرهوا شيء وهو خير لكم

يمكن الله يبدلك برجل يداري خاطرك ويكره دموعك ويحبك وتحبينه.

ويمكن الطلاق يخلي زوجك يصحى ويمكن لا.

حتى لو كان عندك بنت فكل أقدار الله غاية في الرحمة والهدايا والترضية لعبده.

لا تفكرين في خطته ووش راح يسوي بعد رمضان ركزي في عباداتك.

وادعي لنفسك بالخير والخير في التعلق بالله والرضا بقدره، واستخيري في أمرك يا حبيبتي.

**أنا أبديت رأيي وفقاً لما كتبتِ**
قديم 01-06-2017, 08:04 PM
  #22
Username111
عضو نشيط جدا
تاريخ التسجيل: Nov 2013
المشاركات: 215
Username111 غير متصل  
رد: معلقه وماعرف اذا بيطلقني و

اختي ريما بندر
انا الحين احاول استعد نفسياً لاي صدمه
بخصوص انه لم يحبني .. صح هذا في الوقت الحالي
بس انه ابد ماحبني غير صحيح .. كان يبين لي بحبه بالكتابه والكلام والافعال ،، ومع الايام مات الحب من طرفه
صدمني لما قال من كم شهر انه ماحبني كيف جي الله اعلم
لكن القلوب بيد الله وانا بمشي على اللي قلتيه وافوض اموري لله



مبتعثة متفائله
ماقدر اختي اعامله طبيعي صعب بعد الكلام اللي سمعته
انا مب ماده بوزي وشكلي حزين
بالعكس انا شكلي طبيعي بالبيت اشتغل واقرى قرآن واجابل بنتي
بس من ناحية الكلام مافي اي حوار نهائيا يعني ماقمت اكلمه واسأله عن اي شي بتاتاً
لكني اخدمه بترتيب اغراضه والتنظيف والاوتي الخ



اخوي الرسمي
الحب والقناعه كانو موجودين سابقاً اول ما اخذني متأكده من هالكلام 100٪‏
لكن الحين الحب لا ادري هل لا زال موجود ولا مثل ما اعترف لي انه ماقدر يحبني
بس اضمن انه جذاب لانه قبل اول ما اخذني حبني عبر لي عن حبه بالكلام والافعال .. بعدين انقلب تماماً .. الحين يمكن حبي طار من قلبه لكن ما ادري هل حبه لي في السابق بينفع ولا المهم هو حالياً .. اما القناعه فهو لما رجع لي مره ثانيه قبل كم شهر قال وفي كامل وعيه انا رجعت لج بدون ضغط اهلي وعن قناعه
والحين تعامله وكلامه ومواقفه ماتدل على هذا الشي انا بتخبل خلاص من انفصام الشخصيه

بخصوص الكلام صدقني اخوي هذا اللي قلته وكل الكلام اللي بيي في بالك انا كلمته فيه
وكلت اموري لله خلاص سويت كل اللي اقدر عليه

التعديل الأخير تم بواسطة Username111 ; 01-06-2017 الساعة 08:07 PM
قديم 03-06-2017, 05:16 AM
  #23
ريما بندر
عضو نشيط
تاريخ التسجيل: Feb 2017
المشاركات: 110
ريما بندر غير متصل  
رد: معلقه وماعرف اذا بيطلقني و

الله يجبر خاطرك ويرفع عنك القهر والأذى

الله يصب الإطمئنان والرضا في قلبك ويبدل همك سكينة وسعادة يارب.

اللهم إن كان في زوجها خير فرده لها واقذف في قلبه محبتها واجعله عونٌ لها في دينها ودنياها وإن كان في بقاؤه شرٌ لها فاكتب لها الخير حيث كان وأرضها به.

الله أعلم بما في نفسه والله يسخره ويهديه ويرقق قلبه.
قديم 03-06-2017, 06:18 PM
  #24
مبتعثة متفائلة
عضو مثالي
تاريخ التسجيل: Mar 2013
المشاركات: 10,043
مبتعثة متفائلة غير متصل  
رد: معلقه وماعرف اذا بيطلقني و

اللهم امين
اكثري الاستغفار والدعاء
وترفعي عن كل ما يضايقك
الله رحيم وكريم
قديم 03-06-2017, 07:20 PM
  #25
إستنكار
عضو مميز
 الصورة الرمزية إستنكار
تاريخ التسجيل: Nov 2014
المشاركات: 1,661
إستنكار غير متصل  
رد: معلقه وماعرف اذا بيطلقني و

بصراحة مشكلتك محيرة
بس احساسي انه ماهمته حبيبته بس هو يمثل عليك ذا الشي عشان ما تطالبينه بحقك لان معه مشكلة عضوية
فهو يغطي على نفسه ويوهمك ان هي السبب.
قديم 03-06-2017, 09:20 PM
  #26
Username111
عضو نشيط جدا
تاريخ التسجيل: Nov 2013
المشاركات: 215
Username111 غير متصل  
رد: معلقه وماعرف اذا بيطلقني و

مبتعثة متفائلة
ان شاء الله اختي تسلمين




الاخ او الاخت استنكار
ما اظن عنده مشكله عضويه
لانه لما كان راضي ومتصالحين كانت العلاقه طبيعيه

صحيح وانا اتفق انه مشكلتي محيره جداً الحمدلله نصبر ونشوف والله المستعان
قديم 04-06-2017, 01:20 AM
  #27
ريم الاوطان
كبار شخصيات المنتدى
 الصورة الرمزية ريم الاوطان
تاريخ التسجيل: Aug 2008
المشاركات: 1,861
ريم الاوطان غير متصل  
رد: معلقه وماعرف اذا بيطلقني و

حبيبتي مشكلتج جدا واضحه
ريلج عايش على رسمه رسمها ل وحده تمناها و ما لقاها و للأسف غرقان ف هالصورة
ف كل ما يتصالح مع الواقع يرجع ينتكس اقوى و اقوى .. يعني لو يحصل بينكم شي بسيط جدا
تكبر السالفه ف عينه و يحدث نفسه لو فلأنه عندي كان الوضع غير...!
أنسان حالم و درامي و خيالي .. و ضعيف شخصيه ما اصر انه ياخذها و الحين قاعد يقطعه الندم و الشوق و اللهفه و الخيال.. ه الأشكال ف بعض الأحيان ما يشلهم من سباتهم الا اذا تعايشو مع الوضع .. يعني لو تزوجها بينصدم صدمة حياته و بتتغير كثير موازين في أفكاره و حياته و يمكن يرجع لج و بقوة .. بس سبحان الله الله ما قدر لهم نصيب... ريلج محتاج صفعه قويه تقوله بس يكفي اللي قاعد تخسسسره كل يوم و فالأخير ان خسرج ترا فعلا غباء الله المستعان.. أزواجكم من انفسكم و والله لو كانت خيرته ما خذها غيره .. بس احلامه و خياله و جلد الذات و تعلقه المريض و الموقد ابليس اللعين هي الآي يدمره هو...
اما عنج يا عزيزتي .. هذا نصيبج و اقتنعي به و لو وقفت الحياة بينكم.. لا تبكين ع اللبن المسكوب ...لانج سويتي اللي عليج كامل.. و لو حتى انفصلتي يمكن انها خيرتج افتكين من هالغربال و السخافه و الفلم الهندي اللي عايشنه حضرته و ما معبرنج..
ليته خذها عشان ينصدم صح بس سبحان الله الخيره
الله يفرج همج حياتي
__________________
يـآ حي يـآ قيـوم , برحمتك أستغيـث , أصـلح لي شـأني كـله, ولا تكلنـي إلى نفسـي طرفـة عين, أو أقل من ذلك .’
قديم 04-06-2017, 01:56 AM
  #28
Username111
عضو نشيط جدا
تاريخ التسجيل: Nov 2013
المشاركات: 215
Username111 غير متصل  
رد: معلقه وماعرف اذا بيطلقني و

اختي ريم الاوطان

صح كلامج والله هو غرقان في عالمه اللي كله اسى وحزن وعليها
يحسسني انه اكثر انسان مسكين على وجه الارض مع انه اللي صار شي عادي
لو ما اخذتها اللي تحبها خير يا طير .. وانا الحمدلله اختي والله اني مب مقصره معاه
لكن مثل ماقلتي للاسف ابليس يزين الحرام بعينه ومخليه مايشوف حلاله

الله المستعان
انا خلاص من بعد اخر موقف احاول استعد نفسياً لاي شي
ومب معلقه قلبي وياه
ومتأكده هو الخسران في الاخير وانا الحمدلله على كل حال رب العالمين ابتلاني وهو الوحيد اللي بيرفع عني برحمته سبحانه هو العادل ومايرضى بالظلم مالي غير الصبر والدعاء

ويزاج الله خير حبيبتي
قديم 09-06-2017, 04:05 PM
  #29
Username111
عضو نشيط جدا
تاريخ التسجيل: Nov 2013
المشاركات: 215
Username111 غير متصل  
رد: معلقه وماعرف اذا بيطلقني و

السلام عليكم

الحمدلله على كل حال مافي شي جديد في موضوعي

وحاولت اشغل وقتي خاصة نحن في شهر رمضان والحمدلله هذا اللي اسويه الحين

لكن امي الوحيده عرفت في موضوعي وندمانه اني خبرتها لاني اشوف الحزن بيعونها و دايما تفكر فيني

بصراحه اطمع للمزيد من الاقتراحات و الاراء وكيف اتصرف احس اني ضايعه

لاحظت بعد ماقاطعت ريلي عن الكلام يعني بس بينا سلام وحتى ما احط عيوني بعيونه

بعد كم يوم قلت خل اجرب اكلمه بس مب سوالف ، يعني كلمته عن شغل خاص بالبيت ، التفت لي واهتم بكلامي وكان اسلوبه طيب جداً وخلص هالشغله بنفس اليوم وخلص شغل ثاني كان يأجله بثاني يوم ولا تأخر
يعني حسيته عالاقل شوي مهتم
وبعدين تم شوي هو يبادر يكلمني عن ملابسه وعن بنتنا
المهم الصمت قل بينا
صار في جمل قليله ننطق فيها خلال اليوم
وصار يبوس بنته ويحضنها اكثر

وللعلم انا ما اشوفه الا دقائق قليله خلال اليوم ونهاية الاسبوع يخليني انام عند اهلي وهو يروح عند اهله لاعذار كثيره وانشغاله و و .. واصلا ماله حاجه فيني دامه هاجرني

تتوقعون هل من الافضل اني استمر في الصمت وهذا الاسلوب ولا اكلمه عادي

اخاف ارجع طبيعيه ويدوس على راسي مره ثانيه


و كلام احد الاعضاء اثر فيني انا اخاف فعلاً ريلي فيه اضطراب نفسي او فصام لا قدر الله
لاني قاعده اتذكر مواقف كثيره بحياتنا .. كأني عشت مع شخصين

ريلي مر بمشاكل كثيره وضغوط من اهله و كان ينضرب وهو صغير هل تتوقعون هالشي هو سبب شخصيته هذه

دعواتكم ونصايحكم ودعمكم والله محتاجه كلام يخفف عني او يرشدني
والله ما ابغي الطلاق ابغي استقر و ارتاح وبنتي تتربى مابينا ولا تتشتت
لاحول ولا قوة الا بالله
الحمدلله على كل حال

التعديل الأخير تم بواسطة Username111 ; 09-06-2017 الساعة 04:10 PM
قديم 09-06-2017, 07:37 PM
  #30
مبتعثة متفائلة
عضو مثالي
تاريخ التسجيل: Mar 2013
المشاركات: 10,043
مبتعثة متفائلة غير متصل  
رد: معلقه وماعرف اذا بيطلقني و

الحمدلله نتائج طيبه
انا اقول استمري بخدمته ومعاملاه بصوره طيبه
لاتسالينه ولا تركضي وراه ولا تعاتبيه
ريحي راسك
وطمني امك
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:33 PM.


images