افيدوني عن غسالات الأطباق وكيفية شرائها - منتدى عالم الأسرة والمجتمع
logo

الملاحظات

الديكور والأعمال اليدوية عرض الجديد في عالم الديكور، وورش للأعمال اليدوية

موضوع مغلق
قديم 12-12-2008, 11:07 PM
  #1
المصرية
عضو متألق
 الصورة الرمزية المصرية
تاريخ التسجيل: Mar 2006
المشاركات: 5,125
المصرية غير متصل  
افيدوني عن غسالات الأطباق وكيفية شرائها

السلام عليكم ورحمة الله وبركاته
_____________________________
_

أخواتى بالله محتاجه من حضراتكم مساعده
أنا ليس عندى خبره فى غسالة الأطباق

ومحتاجه من حضراتكم الأفاده

بصراحه عندى كم من الأسئله ..
1 - هل بالفعل الغساله تقوم بغسل جميع الاطباق والكوبيات والمعالق (وتعتمدى عليها أعتماد كلى)
2 - ماهو الحجم الذى يقوم بغسل أناء الطهى الكبير (أتمنى ذكر الحجم)
3 - هل المساحيق متوفره فى الأسواق
4- هل المساحيق مكلفه
5 - هل يجب شطف الأطباق من فضلات الطعام قبل دخولها الغساله


أخواتى أنا بجهز نفســــــــــى حاليا ومحتاجه مساعدتى قبل الشراء
ومحتاجه أشترى أكبر غساله حتى اضع فيها أوانى الطهى الكبيره
لأنى للأسف لا استطيع غسل معلقه واحده بنفســــــى فسوف أعتمد على الغساله فى كل كبيره وصغيره


منتظره أجابتكم وأتمنى ألا تبخلون عليا لأن ببساطه ليس لدى أحمد حتى أستعلم منه وخائف أذهب أشترى قبل أن أستعلم من أخوه لهم تجربتهم الشخصيه



[info]الاشراف : تم تعديل العنوان[/info]
__________________

التعديل الأخير تم بواسطة sunshine545 ; 14-12-2008 الساعة 04:12 PM
قديم 12-12-2008, 11:24 PM
  #2
ربيع الحياه
عضو نشيط جدا
 الصورة الرمزية ربيع الحياه
تاريخ التسجيل: Aug 2006
المشاركات: 786
ربيع الحياه غير متصل  
حبيبتي مصريه فينك يا جمييل واحشانيي العريس واخدك والا ايه

اولا احنا كان عندنا غسالة اطباق لكن لما كنا مسافرين خارج مصر لكن هنا معندناش

1-ايوه الغساله بتعقم الاطباق وبتغسلها بميه سخنه لدرجة ان الاطباق وهي خارجه من الغساله بيخرج معاها بخار وبتكون لسه سخنه يعني اطمني والاطباق بكل الاحجام من الصغير للكبير والكوبايات والمعالق وكل حاجه لكن الحلل مجربتهاش

2- لو قصدك حجم الغساله في حجم كبير زي غسالة الملابس لكن في رأيي انك ممكن تجيبي الغساله الصغيره لانك هتكوني عروسه جديده واموره ومش حتحتاجي الحجم الكبير

3- المساحيق متوفره جدا في الاسواق وفي مسحوق اسمه اعتقد finish تقريبا لكن هتلاقيها متوفره في السوبر ماركت الكبير

4- مش فاكره التكلفه لكن اعتقد ان المسحوق مش مكلف

5- طبعا لازم تشطفي الاطباق تتخلصي فقط من الفضلات اللي فيها يعني شطفه سريعه وخفيفه متكسليش بقى

لكن اسألي حد عن موضوع الحلل لاني مجربتهوش

يالله الله يوفقك ويسعدك يا جميل ونفرح بيكي قريب يا رب
__________________
( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))
قديم 13-12-2008, 01:30 AM
  #3
المصرية
عضو متألق
 الصورة الرمزية المصرية
تاريخ التسجيل: Mar 2006
المشاركات: 5,125
المصرية غير متصل  
ربيع الحياه والله انا بعتبرك أختى
ومحتاجه منك مساعده ممكن
أنتى من القاهره
لو من القاهره عايزاكى تساعدينى فى اسامى محلات
انا اشتريت فى جهازى اطقم السراير من برا مصر وجايبه كل حاجتى حاجات فاخمه جدا مش بتنزل مصر أصلا
لكن مااشترتش اللحاف الفايبر
واللى بيتباع هنا فى مصر (مصرى - وصينى)
ماتعرفيش حد بيبيع أسبانى أصلى هنا
واللحفه الستان تعرفى بتتباع فين حتى لو تقليدى مش مهم لأنى دووووووخت عليها ولا لحاف عجبنى
تعرفى تساعدينى فى الموضوع ده
__________________
قديم 13-12-2008, 01:40 AM
  #4
Dr.NaNnu
طبيبة أسنان
تاريخ التسجيل: Jan 2008
المشاركات: 1,975
Dr.NaNnu غير متصل  
اهلا مصرية

الله يتمم لك على خير

بالنسبة للغسالة يفضل الصغيرة لانها هتوفرلك في الكهرباء والمسحوق وتتناسب مع ظروفك انت لسه عروسة

ولا حاجة ابدا للكبيرة

ولكن الغسالة صغيرة كانت ام كبيرة ما ينفع تجلي الحلل

وعلى فكرة انا كنت في كارفور قبل العيد بيوم وكنت بسأل على افضل واحسن الانواع في كل شئ فكانت غسالةuniversal

افضلهم

اما سعر المسحوق فهناك انواع كثيرة جدا تختلف اسعارها بس طبعا اغلى من المسحوق العادي
__________________
اللهم ان كان رزق حبيبى فى السماء فانزله وان كان فى الارض فاخرجه وان كان بعيد فيسره وان كان اجلا فعجله
قديم 13-12-2008, 01:59 AM
  #5
المصرية
عضو متألق
 الصورة الرمزية المصرية
تاريخ التسجيل: Mar 2006
المشاركات: 5,125
المصرية غير متصل  
اقتباس:
المشاركة الأصلية كتبت بواسطة Dr.NaNnu مشاهدة المشاركة
اهلا مصرية

الله يتمم لك على خير

بالنسبة للغسالة يفضل الصغيرة لانها هتوفرلك في الكهرباء والمسحوق وتتناسب مع ظروفك انت لسه عروسة

ولا حاجة ابدا للكبيرة

ولكن الغسالة صغيرة كانت ام كبيرة ما ينفع تجلي الحلل

وعلى فكرة انا كنت في كارفور قبل العيد بيوم وكنت بسأل على افضل واحسن الانواع في كل شئ فكانت غسالةuniversal

افضلهم

اما سعر المسحوق فهناك انواع كثيرة جدا تختلف اسعارها بس طبعا اغلى من المسحوق العادي

اهلا ياحبيبت قلبى ياأم أيود ياغاليه
بس ياأختى يونى فيرسال ليس مستورد
هو فعلا جميل جدا وانا أحتمال أجيب بوتجازى يونى فيرسال
بس كنت حابه أجيب الغساله نوع مستورد
وطبعا ممكن أغير رأيى واجيب يونيفيرسال على اساس انه المنتشر

بس انا هفهمك أنا ليه عايزها حجم كبير عشان اشيل من حواها الحملات الخاصه بالطباق وادخل الحلل
تتغسل لأنى هعتمد عليها فى كل شيـــــــــــــئ
من أول معلقه صغيره لحد أكبر أناء طهى عندى
مش عايزه أغسل حاجه بأيدى خالص
حفاظا على ايدى وسلامتها مش عايزين تريقه
محتاجين مداخلتك فى بيقيت متطلبات جهاز العروسه انتى خبره بردو
__________________
قديم 13-12-2008, 02:17 AM
  #6
Dr.NaNnu
طبيبة أسنان
تاريخ التسجيل: Jan 2008
المشاركات: 1,975
Dr.NaNnu غير متصل  
اقتباس:
بس انا هفهمك أنا ليه عايزها حجم كبير عشان اشيل من حواها الحملات الخاصه بالطباق وادخل الحلل
فكرة فعلاُ..بس لازم تتأكدي انها تنفع

اقتباس:
بس كنت حابه أجيب الغساله نوع مستورد
الغسالة اللي شفتها كانت الماني تقفيل مصري

اقتباس:
حفاظا على ايدى وسلامتها مش عايزين تريقه
انا زيك تمام بخاف على ايدي جدا

لا وكمان بقرف من صابون المواعين

علشان كدة بالبس جوانتي
واول ما تجوزت المواعين دي بالنسبة لية كانت اثقل شئ على قلبي لاني طبعا كنت بكومها

بس دلوقتي اول ما كبية تتوسخ اغسلها على طول فصار الموضوع احسن

بس جوزي برضه عايز يجبلي غسالة لانه عارف كرهي لغسيل الصحون

اقتباس:
محتاجين مداخلتك فى بيقيت متطلبات جهاز العروسه انتى خبره بردو
انا فعلا عايشة في القاهرة

بس انا اصلا اسكندرانية وكل حاجة جوازي جبتها من اسكندرية

ومعرفش الى الان اي شئ في القاهرة

انا حتى لما بكون عايزة اشتري اي حاجة بنزل اسكندرية تخيلي
__________________
اللهم ان كان رزق حبيبى فى السماء فانزله وان كان فى الارض فاخرجه وان كان بعيد فيسره وان كان اجلا فعجله
قديم 13-12-2008, 02:46 AM
  #7
المصرية
عضو متألق
 الصورة الرمزية المصرية
تاريخ التسجيل: Mar 2006
المشاركات: 5,125
المصرية غير متصل  
انا كمان هجوز فى القاهره
لكن انا وخطيبى اصلا مش من القاهره احنا الاتنين شرقوين
بس ظروف شغله هتقعدنا فى القاهره
وانا بنزل اشترى كل حاجتى من القاهره على اساس ان المسافه ليس بعيده
ساعه وربع فقط
وانا جهازى والله زى الحمل على قلبى ماعرفش ليه
مع ان والدى حالته الماديه مرتاحه
بس بنزل بعيد عن من البيت بالضرب بيتوتيه جداااااااا
بالنسبه للغساله لازم أجبها وبنت عمى بتشيل الحملات وبتحط الحلل
بس هى جايبه اصغر مقاس
لكن انا عايزه اجيب اللى هى بحجم غسالة الملابس
والحمد الله مطبخى مساحته كويسه
ليس كبير اوى ولكن بيشيل حلو يعنى
يلا انا انتى اغراب فى القاهره وياخساره ماليش حد فيها غيرك انتى ههههههههههه
اتشرفت والله بمعرفتك
واتمنى خبرتك ياأم أياد والله جهازى كل مافتكر اللى ناقصنى بعيط
ردى عليا فى موضوع اللحاف الفيبر ده
__________________
قديم 13-12-2008, 09:52 AM
  #8
GREEN222
VIP
تاريخ التسجيل: Jun 2008
المشاركات: 11,121
GREEN222 غير متصل  
الف مبروك

انما نصيحه لا تضعي السكاكين بالجلايه

تنزعهم ولا يعودو يقطعو الخضار واللحم منيح



والله كان عندي طقم سكاكين

واشتريت غيرو وغيرو

بالآخر اكتشفت انو من الجلايه



ونصيحه ما تكثري جهاز كتير الموضه تتغير




الطناجر اغسلها بيدي


مبروك مره تانيه
قديم 13-12-2008, 10:20 AM
  #9
المصرية
عضو متألق
 الصورة الرمزية المصرية
تاريخ التسجيل: Mar 2006
المشاركات: 5,125
المصرية غير متصل  
اقتباس:
المشاركة الأصلية كتبت بواسطة green222 مشاهدة المشاركة
الف مبروك

انما نصيحه لا تضعي السكاكين بالجلايه

تنزعهم ولا يعودو يقطعو الخضار واللحم منيح



والله كان عندي طقم سكاكين

واشتريت غيرو وغيرو

بالآخر اكتشفت انو من الجلايه



ونصيحه ما تكثري جهاز كتير الموضه تتغير




الطناجر اغسلها بيدي


مبروك مره تانيه

الله يبارك فى حسك ياحبيبتى
ووصلت المعلومه
__________________
قديم 13-12-2008, 09:42 PM
  #10
nouga masria
عضو متألق
 الصورة الرمزية nouga masria
تاريخ التسجيل: Aug 2007
المشاركات: 1,391
nouga masria غير متصل  
حبيبتي المصريه
اولا الف مبروك وربنا يتمم عليكي بخير

بالنسبة للغسالة انا عندي وايت وايل كوري حلوة جدا جدا وفعلا بتطلع الاطباق زي الفل والمعالق والسكاكين والكبة

انا عندي حجمها صغير بس انا قاصدة اجيبها كده لانها مش بتنضف الحلل كويس انا في الاساس جايباها علشان تعقم الكاسات والكبايات علشان احافظ علي ايدي من المية السخنة


بس بحط فيها غطيان الحلل البيركس و الاستيل

لكن التيفال لا لان الحلل التيفال تتلف لو غسلتيها في الغساله

نصيحتي ليكي هاتي الصغيرة واتعودي تغسلي بنفسك

انا لا اعتمد عليها كليا حتي في الصحون الا وقت الضروره فقط

وعندي لكي معلومة مهمة جدا غسيل المواعين بيقلل الضغط النفسي علي المرأة وبيشعرها براحة نفسيه جميلة
دي معلومة قيرتها من زمان

وفعلا صحيحة لما تكوني مدايقه او مزاجك مش كويس اغسلي المواعين وروقي المطبخ تلاقيكي بقيني كويسة جدا جد


بالنسبة للمسحوق والزيت والملح متوفرين في السوبر ماركت الكبيرة و اسعارهم معقوله جدا

انا بستعمل فينيش واساسا انتي بتحطي كمية قليله جدا جدا من المسحوق تقريبا 12 جرام في الغسلة

ربنا يوفقك
__________________
اللهم بارك لي في زوجي وفي ابنتي واجعلها ذرية صالحة
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:57 PM.


images