قبلت أن أكون زوجة ثانية فظلمني زوجي - الصفحة 9 - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 21-10-2007, 09:43 PM
  #81
بنت_الحب
عضو نشيط
تاريخ التسجيل: Dec 2005
المشاركات: 153
بنت_الحب غير متصل  
عزيزتي Roses Fragrance

الله يعينك و يصبرج يا اختي و يصبر كل وحدة في حالتج و حالتي ..بس عن قناعه و يأس اقولج صعب الوضع هذا يتغير .. الريال اللي بيعدل يعدل من الاول مو محتاج زوجته الثانيه تجيب عيال .. و لو عالعيال جبنا بدل المره ثنتين بس مافي فايده بالعكس هم بعد ينظلمون و فوق عذابج تتحملين عذاب شوفتهم محتاجين ابوهم و هو مو عندهم و مع الوقت تلاقين نفسج حاسه بالذنب انج حطيتي عيالج في هالوضع مع انج مالج اختيار فيه

اااااااااههه يا اختي شو نقول بس .. تعبنا من الكلام و الشكوى و ياليت حد يحس او يفهم بالعكس لو نطقتي الكل يلومج ليش انتي من الاول رضيتي تاخذين واحد و متزوج و يحسسونج ان هذا عقاب من الله لج لانج كنتي تبغين تاخذين الريال من زوجته و عياله .. صج اللي ايده في الماي مو مثل اللي ايده في النار

خلاص يا اختي الشكوى لغير الله مذله .. عيشي و اتحملي ارضي عمرج يمر بدون معنى و انتي معلقه لا متزوجه مثل الناس و البشر و لا مطلقه تقولين يمكن الجاي احسن .. هي عيشه و السلام و عسى ربنا يعوضنا على صبرنا خير
قديم 22-10-2007, 01:22 AM
  #82
للـفكر سجّات
عضو دائم
تاريخ التسجيل: Oct 2007
المشاركات: 92
للـفكر سجّات غير متصل  
والله تفاجأت من الردود ما توقعت ان الغيره تعمي عيون الحريم وينسون أمر الله وشرعه، كان الله في عونك يا عزيزتي وانتي تتصفحين هالردود القاسيه . سؤال لمن شن الهجوم على الاخت روز من منكم تضمن حياتها اللي عايشتها الحين وتقول لنا كم ستدوووم ؟<< الكلام للمتزوجات اللي رافضين التعدد

اعجبتني الاخت تعب واقول لها اكثر الله من امثالك ووفقك الله لكل مافيه صلاح وخير

وبالنسبه لك ياروز الوضع صعب ومثل ما اقترحوا الاخوات عليك شوفي اللي تحسين انه قريب منك وينفع مع زوجك وسويه بس لا تنسين الدعاء له ولك وان شاءالله ربي يفرج لك ومثل هالامور تاخذ وقت الى ان تتغير
يعني يبغالك صبر لا تنسين ان الاولى ام اولاده لو مافيها من الميزات غير انها ام اولاده صدقيني هو يسوي هالتصرفات علشان اولاده مو علشانها، يحاول يعطيهم شعور ان ابوكم مازال قريب منكم ومن امكم لكن مو راضي على تصرفتها معه ..

حاولي تتجاهلين كلامه اذا بداء في المقارنه، وغيري الموضوع صدقيني بيحس ومع الوقت بتلاقينها تلاشت هالمشكله

الله يكون في عونك ويصبر قلبك ويعوظك ان شاءالله
قديم 22-10-2007, 11:18 AM
  #83
divarf
عضو نشيط
 الصورة الرمزية divarf
تاريخ التسجيل: Dec 2005
المشاركات: 174
divarf غير متصل  
والله ما انا عارفه مين الصح والغلط كل حد بيتكلم من موقفه بس اعرف ان الصح ان حرام حد يهد بيت واعرفى ان زى ما انتى حاسه انك مظلومه وده كان ظلم باختيارك الزوجه الأولى مظلومه والسبب تارجل وولاده مالهومش ذنب يشوفوا ويعرفوا ظلمه حرام عليكم
__________________
يارب ساعدنى وقوينى اربى اولادى والهمنى الصبر
http://www.66n.com/forums/showthread.php?p=893951
قديم 23-10-2007, 01:53 AM
  #84
أم الحنايا
عضو جديد
تاريخ التسجيل: Aug 2007
المشاركات: 3
أم الحنايا غير متصل  
أختي ٌRoses Fragranceوالله أنا يمكن أكثر واحدة تحس بأحاسيسك .. والله يكون في عونك ، مأساتك شبيهة بمأساتي ...
أنا أحب زوجي وهو يمثل علي دور الزوج المحب من كثرة اتصالاته التي تتجاوز الخمس مرات ..فأنا في بلد وهو في بلد ... مقل في جياته لبلدي القريب جدا من بلده ، ولا يرضى أن آتيه في بلده ...زعل علي من شهرين لأنه كان مشغول بالأولى ، رايح معاها يروح عن نفسه وعن زوجته وأولاده ، أما أنا فلا ... تأخر في مكالماته له ( هو عادة لا يتكلم معي أما زوجته ) اتصلت له كثيراً ولم يرد واتصلت واتصلت ، والظاهر الزوجة اكتشفت مكالماتي فزعلت عليه ، بعد يوم كامل وأنا أنتظره ، اتصل فعاتبته ... ومن يومها مطنشني ولا يرد علي أبداً ، كأنني ارتكبت جريمة ... وطعلت أنا ساذجة.. لا يحبني ولا شي ، لو كان يحبني ما احتقرني ...
هو يحاول الأن أن يعود لي ولكن سوف أضع له شروطاً بحيث لا يهضم حقوقي الشرعية .
أختي الله يعينك ويعنني على هذه النوعية من الأزواج .. وعلى فكرة لا يستعرضون عضلاتهم إلا على المرأة الطيبة .
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:59 AM.


images