السلام عليكم ورحمة الله وبركاته

لي زميل اعزه كثير واليوم صار شي ضيق صدري وماعرفت انصحه او اهديه
السالفه هو عنده عيال واكبر عياله عمره تقريبا 20سنه ومطلق ام عياله
وجلس في بدون زواج عشان مايبي يجيب لهم زوجة اب ورباهم
المهم اكبر عياله لما كبر صار اختلاطه بخواله وبعيال خواله
وخواله مافيهم خير وصاروا يحرضونه على ابوه ويقولون له انت رجال ولاتخلي ابوك يتحكم فيك ومن هالكلام وطبعا الولد طايش وسمع كلامهم وفعلا صار يعصي ابوه ويخالفه باي شي يقوله وجاه فجأه وقال ابي اروح عند امي واسكن عندها الاب رفض يقول ماابي عيالي يتفرقون المهم الولد عند وفعلا راح وسكن عند امه ويقول لما شفت ان مافيه فايده قلت له خلاص بس عدي علينا وشوف خواتك وش يحتاجون بغيابي لان دوامه مثل دوامي شفتات وساعات كثيره يكون خارج البيت وخواته ماعندهم احد
يقول صار بالشهور مانشوفه اتصل عليه ويطنش مايجي ولا نشوفه ابد
حتى لما مرضت وطحت في البيت مالقيت من يوديني للمستشفى الا ان احد اولادي الصغار استنجد بجارنا وماقصر الرجال شالني للمستشفى وحتى وانا في المستشفى ماجاني ولا شفته وحتى ان الولد ترك الجامعه وانا مدري وتوظف حارس امن وانا مدري وكل شوره واستشاراته تتم مع خواله وامه وانا صفر على الشمال
المهم الاب يقول سبحان الله اول احب ولد عندي هو وكنت ارحمه بشكل غريب اكثر من باقي عيالي
المهم ارسل لولد وقاله انا ربيتك وتعبت عليك حتى الزواج حرمت نفسي منه عشانك انت واخوانك الرجال ينبسطون براحاتهم وانا كنت استغل راحاتي بغسيل ملابسكم وتنظيف البيت والطبخ وغسيل الصحون ويروح كل تعبي لما اشوفكم مبسوطين ومرتاحين
كنت اتسلف عشان اسجلكم بمدارس خاصه لاني اخاف عليكم
المهم الرساله طويله
واخر الرساله كاتب اما الحين انا اعلن قدام الله وخلقه اني برىء منك الى يوم الدين
ولا انت ولدي ولا انا ابوك وقلبي وربي غضبانين عليك الى يوم الدين
وانا وصيت اخوانك اني ماراح اسامحهم لو سمحوا لك تمشي بجنازتي

رايك وش انصحه فيه
انا تاثرت بصراحه لما قريت الرساله

لاحول ولاقوه الا بالله
وش نقول
غير الله يهديه

مشكلت الوالدين و الاب خاصه لانعدام العاطفه عنده احيانا
انه يظن بان الزمن يقف عنده بقوته وصحته و جبروته و ان الاطفال يبقون اطفال محتاجين له للابد..
يغره مكانته كأب و قيم للاسره و له سيطرة عليهم ..
ثم يفاجأ بيوم غير متوقع ان الاطفال ماعادوا اطفال و استغنوا عنه و ذهب ضعف الطفوله وحاجته
لم يبقى الا ماغرسه قيم الاسره في نفوسهم و قلوبهم و عقولهم الباطنة عبر الزمن ..
و تبدا تلك القلوب بالتغذيه الراجعه للاب و الوالدين .. تمرد عصيان انتقام كره نفور مقاطعه
استقلال مبكر عنه .. والتى نجمعها بالعادة تحت مسمى عقوق .. ان صحت التسميه
و يبدا مسلسل الضحية و الابن العاق ..!
القضية ليست ان كل من تمرد او استقل هو عاق .. اطلاقا
العقوق قد يكون من الاب نفسه من غرسه ..
قد يكون سلوك مكبوت حجبه ضعف الطفولة و انطلق بقوة الشباب والنضج ..

نحن لا نعلم طبيعة حياتهم مع والدهم حين طلاق والدتهم ولا نستطيع ان نحكم
على سلوك والدهم انه مثالي حسب كلامه " قد يكون له مخرج اخر " عفوا لكن هذا المنطق
ماسبب طلاقه لامهم وحرمانهم منها ومن العيش بحضنها ؟!!
طلاق الام ليس بالامر السهل و لا الحياه بدونها ..
كان طفل واستطاع الاب اخذ حضانته و اصبح شاب فاختار امه وحضنها بلا اى سلطه للاب
فغضب عليه كاستخدام لسلطه الدين و ضغط عليه
يعتقد الاباء ان الابناء ملك لهم يحركونهم برموت و ان الله يعاقب كل ابن خالف كلامهم
من حقه كانسان ان يختار مكان اقامته و من حقه ان يعوض سنين حرمانه

كلمه إنه عالأقل - لا يغضب عليه من قلبه - ..
قول له لا تخلي ولدك يخسر دنيته و اخرته ..

مصير الولد يكبر و يعقل ، و حرام لا يدعي عليه بالشكل هذا

قول له أجيب ولدك و احرقه قدامك بالنار ..
إذا رفض ، قول له و كيف ترضاها عليه يوم القيامه ؟

وعليكم السلام ورحمة الله وبركاته
اخ وحيد بما انه صديق مقرب لك حاول تجد اعذار للولد عشان يسامحه
صحيح الولد غلط بانقطاعه عن ابيه لكن لم يرتكب محرم وين راح يعني عند امه
والله اعلم كيف قضت السنين بعيدة عنهم .
ربما كان محتاج لها وكان خايف يعبر ووجد الصدر الحنون الي كان محروم منه سنين المهم وجد راحته عندها
قولو يوقف اللوم يرجع له ولده مااظنه انقطع عنه بلا سبب وردة فعله بالتبري منه مبالغ فيها كثير صحيح تعب من اجلهم
لكن من حق الاولاد العيش في اسرة مستقرة مكونة من ام واب

من حقه يزعل ويتأثر بعد كل هالتضحيات والجهود فعلا العقوق صعععب جدا ومؤلم ...لكن الدعاء عليه يفسده بزيادة...انصحه يا أخي أن يدعيله بظهر الغيب أن الله يرزقه بره ويسخره له..ويا ما أبناء تغيروا وبروا آباءهم خاصة إذا جربوا اﻷبوة

الله المستعان قلبــي وجعنـي
الله يهديه يارب ويرجعو لعقلو

اللهم امين

الرسول الكريم علية افضل الصلاة واتم التسليم يقول
وظفر بذات الدين تربت يداك اذا كانت البنت متدين اكيد اهلها فيهم خير
وفيهم دين
ولكن انت تقول هي مطلقة وخوال الولد يحرضونة على ابوة
نسئل الله العافية لايوجد عندهم مخافة الله ليش يحرضونة
ولكن بلغ صاحبك يحتوي ابنة ويبعدة عن خوال السو
الله يصلح الحال

__________________
سبحان الله وبحمده سبحان الله العظيم

هل تسمين اللي سواه الولد نضج؟
وهل اعتقاد الوالدين خطأ بان الله عزوجل يعاقب عاق والديه؟
وهل التخلي عن حق الابن على ابيه والاب على ابنه حريه ممكن للانسان الانسحاب منها متى شاء؟
وهل بره بوالدته يمنعه ببره لوالده ؟
الايستطيع البر بهما جميعاً