الله يكفيك بما يشاء .. ويسر امرك يالحبيبه..
وبإذن الله تبشرينا بقدوم جنينك وسلامتك .. قولي اميييييييييين

__________________

أطياف يا عسل ..

و الله ما ركزت إذا كنت واقفة أو مستلقية ، بس وحدة منها اللي قبل الفجر ..
افتكر كنت راقدة ..

و الله خايفة من الولادة ، عشان كذا جالسة و ما أمشي ..
استنى زوجي يخلص و يدق علي أو أدق عليه بعد شوي ، مو بيدي غير كذا ..
أخواني كلهم مسافرين ..

---------------------------------------

اسراء يا قلبي إنت ..
لولاك بعد ربنا ماكنت قدرت أستفيد من الدعوات و كلام الحلوات هنا و تجاربهم
ربي يسهل لك إنت كمان ولادتك و حملك يارب ..

أول مرة نزل بنفس الطريقة اللي وصفتيها ، كأنه بالون انفتح بس كمية قليلة ، بللت اللبس الداخلي
فقط .. مو مثل ما أسمع كأنه شلال ؟؟؟

و دحين راح كل شي ، و بعد شوي بيرجع كمان بقوة .. نفس أمس بالضبط ..
زوجي من كثر ما أقول له كل يوم ، شكلي بأولد اليوم خلي الجوال جنبك ..
صار يضحك و يقول ، ما أصدق لحد ما أشوف النونو قدامي ..

-----------------------------------------

سحرت قلبو ..

يسعدك يارب و يخليك ،، بأقوم دحين إن شاء الله أقراها ..
و وصيت زوجي يقراها علي وقت ولادتي ، لإنه ماعندي أحد يدخل معاي غيره ..

أمس سألته ؟ تخاف تدخل معاي ؟ أخاف أشيل همك وقت الولادة و تدوخ ..
جلس يطالعني بنص عين ..

-----------------------------------------

اسراء ..

حلو وصفك ..
ياربي مو متخيلة كيف بيكون شكله ؟
ترى حاقدة عليه بقوة ، رفس فيا الشهر هذا بشكل مو طبيعي ، شكله أبوه موصيه علي ..

------------------------------------------

سيدة الموقف ..

إيوة الحمد لله .. امس اشتريت تمر ، لإنه التمر اللي كان عند أمي و كنت أكل منه ..
أمي تصدقت به ، أمي كل شئ توزعه عالجيران و الحارس ..


و إنت من أهل الخير يا عسولة ، إذا ما دخلت بكرة ..
يعني لسى برضو .. بأروح بعد شوي المستشفى إن شاء الله ..

-------------------------------------------

سحرت قلبو ..

يخليك يارب ليا ، و للي سحرتي له قلبو .. ^^

زوجة احمد

اشتقنالك ، ما حبيت أخرج قبل لا أسلم عليك و أقول امين و عقبالك تولدي بالسلامة يارب

اسراء يا قلبي إنت ..
لولاك بعد ربنا ماكنت قدرت أستفيد من الدعوات و كلام الحلوات هنا و تجاربهم
ربي يسهل لك إنت كمان ولادتك و حملك يارب ..

أول مرة نزل بنفس الطريقة اللي وصفتيها ، كأنه بالون انفتح بس كمية قليلة ، بللت اللبس الداخلي
فقط .. مو مثل ما أسمع كأنه شلال ؟؟؟

و دحين راح كل شي ، و بعد شوي بيرجع كمان بقوة .. نفس أمس بالضبط ..
زوجي من كثر ما أقول له كل يوم ، شكلي بأولد اليوم خلي الجوال جنبك ..
صار يضحك و يقول ، ما أصدق لحد ما أشوف النونو قدامي ..

اسراء ..

حلو وصفك ..
ياربي مو متخيلة كيف بيكون شكله ؟
ترى حاقدة عليه بقوة ، رفس فيا الشهر هذا بشكل مو طبيعي ، شكله أبوه موصيه علي ..

ياحياتي يلاطمنينا الكل قلبو عليك
اولدي وفرحينا عشان نزورك خخخخخ
برسل لك صحن كاكاو كبييييير انشالله وصل لواعرف انزل صور كنت نزلت بس ماعرف؟؟
ولاده سهله يارب

__________________
**يامنـــــــــــــــــــــــــــــــــــــــــور سمــــــــــــــــــــــــــــــــــانا**

صح اللي كان يريجني شوي وقت الطلقه تحرق ظهري آخذ نفس عميييق واطلعوبشويش وبس اردد
(ياحي ياقيوم برحمتك استغيث)وكل مافترلساني زوجي يذكرني والله وجدت الراحه ف جسدي بعد الولاده غللان ارددهافاجدتسهييل عجيب ف امورحياتي مع قول لاحول ولاقوه الابالله ليرتاح الجسد بها)))بالقران نحيا وصايا البابا ربي مايحرمني منو
أحرجتيني((باللي سحرت قلبو ههه
يافديتك

__________________
**يامنـــــــــــــــــــــــــــــــــــــــــور سمــــــــــــــــــــــــــــــــــانا**

صح اللي كان يريجني شوي وقت الطلقه تحرق ظهري آخذ نفس عميييق واطلعوبشويش وبس اردد
(ياحي ياقيوم برحمتك استغيث)وكل مافترلساني زوجي يذكرني والله وجدت الراحه ف جسدي بعد الولاده وللان ارددهافاجد تسهييل عجيب ف امورحياتي مع قول(( لاحول ولاقوه الابالله** ليرتاح الجسد بها)))بالقران نحيا وصايا البابا ربي مايحرمني منو
أحرجتيني((باللي سحرت قلبو ههه
يافديتك

__________________
**يامنـــــــــــــــــــــــــــــــــــــــــور سمــــــــــــــــــــــــــــــــــانا**

يسعدكم يارب .. رجعت من جديد

باكتب اللي حصل عشان ممكن وحدة من الحوامل تستفيد ^^

امس زوجي رجع عالساعة 1 الليل و نص، و شكله و هو خارج
من العمل اتعشى، لانه كان شبعان و نعساااااان مرة لانه مانام
من يومين،،

قال لي ايش رايك ننام بدري عشان بكرة الصبح نروح المستشفى ؟
طبعا انا عارفته و ادري انه ماحيقوم بدري، بس حزنت عليه و قلت
خليه ينام و باصبر لحد الصبح،،

قمت بعد الفجر، و الألم موجود و جسمي و مفاصلي احسها متيبسة ؟؟؟
يمكن لاني وقت أنام، ماقدر اتحرك ولا حركة بسبب ثقل النونو فأقوم
و انا بنفس الوضعية

المهم، عالساعة 9 الصبح قمت و اكلت تمرات و سخنت زيت زيتون دافي
و دهنت كل جسمي و مفاصلي، خاصة الظهر و الرجول .. خالتي و امي
قالولي انها كويسة قبل الولادة عشان تلييين المفاصل و تسهل الولادة و تريح الجسم
قلت لزوجي يقرا علي سورة الزلزلة و الانشقاق .. و ارتحت بالزيت الصراحة
و قررت يوميا أدهن نفسي بزيت زيتون دافي .. من جد مفاصلي أرتاحت

زوجي قالي كيف تروحي المستشفى و ريحة الزيت؟ و دحين زحمة و خليها بالليل
قلتله، امس قلتلي ننام بدري عشان نصحى بدري و نروح المستشفى
قالي نسيت انه تكون هناك زحمة،، طالعت فيه نظرة حزن و قلتله، قلت لك امس
الصبح زحمة و حتتكسل توديني .. انحرج و ماعرف ايش يقول ..

قلتله خلاص طيب، خليها بالليل و سكتت ماقلتله شي

بعد نص ساعة و عالساعة 10 .. حسيت الآلام تبع امس ماراحت و خفت عالنونو
قلتله تعبانة، بس باتاكد من موية النونو و اتطمن .. قالي طيب يالله نروح المستشفى
و الحمد لله اني رحت ، ومن حظنا ماكانت هناك زحمة مرررررة

.
.

دخلت عند الدكتورة و مرة اخلاق ماشاء الله عليها .. طالعت بملفي و قالت لي:

انه عندي فقر دم و ابر الحديد اللي أخدتها ماتكفي، لاني اخدت 5 و توقفت و كان المفترض
10 ابر حديد

المهم، وصفت لي كمان 8 ابر حديد و قالتلي لازم من اليوم اخد اول وحدة

و قالت انه بسبب فقر الدم، جاتني الالتهابات و الفطريات و البكتريا ..
و بسبب الالتهابات هذه، بتجيني الآلام تبع الطلق كل شوي و الشد بالعضلات
و لازم اتعالج من الالتهابات قبل لا يتولد النونو ،، لانه لو اتولد النونو و عندي
الالتهابات هذه، فراح تضر المجرى التنفسي للنونو و تسبب له مشاكل


و سألتني اذا اخدت اي وصفة علاج للالتهابات ؟؟؟ قلتلها لا ..
طبعا السبب زوجي، بس ماقلت لها كذا..

كل يوم كان زوجي يقولي بكرة .. كنت اقول له مااستفدنا من عمل
التحاليل، الالتهابات لحد دحين و مااخدت النتيجة و لا العلاج من المستشفى

المهم، وصفت لي 3 تحاميل لمدة 3 ايام،، و غسول و مضاد حيوي و حمض الفوليك
غير ابر الحديد ..

قلتلها عن الألم اللي يجيني، و قالت بتكشف علي من تحت لانه احتمال تكون عندي
ولادة و انا مادري؟ لانه تجيها حالات زي كذا

قلتلها يادكتورة اخااااااف، باتعور بعدين.. قالتلي: خليك جدددددعة يالله و لازم اكشف
اخاف تولدي ..

كشفت لي على نبض النونو و الحمدلله كويس، كشفت عالرحم و قالت لسى مقفل بس النونو راسه
عند الحوض خلاص، و انه فيه طلق صحيح بس مضطرب و ملخبط بسبب الالتهابات
*
قالتلي الدكتورة احتمال تولدي باي وقت بهذه الايام و لانه هناك طلق،، فتبغاني 3 ايام ما اتحرك و لا امشي
و لا اقوم، لحد ماتروح الالتهابات .. و قالت لاسمح الله لو نزلت عليك مويات او دم او اي علامة من علامات الولادة او طلق
خلال الثلاث ايام هذه، فبسررررررررعة اروح للطوارئ عندهم

اهم شي تعدي الثلاث ايام هذه عشان نتخلص من الالتهابات، و بعدها اذا جاني طلق فمو مشكلة،، الولادة بتصير طبيعية
و بدون مشاكل ان شاء الله و طلبت مني اراجعها يوم السبت

و قالتلي اكل لحم و خضراوات و بسسسس ،، ما اكل حلويات و لا سكريات الفترة هذه عشان الحديد

و دحين انا راقدة و ماتحرك غير للوضوء و الصلاة .. عشان لا اولد ..

و توتة توتة خلصت الحتوتة

اهم شي، اي وحدة حامل لا تهمل الحديد و لا الالتهابات .. لانه كانت تجيني الالتهابات من الشهر السادس
و كنت اطنش، لانها تجي ممكن يومين و تروح و احسبها شي طبيعي مع الحمل و كنت اخاف من المستشفيات

و فقر الدم، بدأ معاي اظن بسبب اللولب قبل لا احمل ؟؟؟
لانه من سلبيات اللولب، النزيف اللي يجي اول ثلاث ايام من المحروسة، اقصد الدورة

و بعد الولادة ان شاء الله يمكن اركب لولب هرموني

باقوم اصلي العصر .. ^^

على فكرة، لولا الله ثم انتم ماكنت استعجلت و رحت المستشفى و كنت كل شوي راح ااجل
عشان لا اتعب زوجي، بس الحمدلله اني لحقت و يارب مااولد خلال هذه الثلاث ايام

بأطلب من الادارة يعينوني مراقبة لمدة 3 ايام
ماباتحرك من مكاني و الجوال بيدي اتصفح المنتدى كل شوي
ولا العب لعبة السنافر