السللام عليكم

بديت اقتنعت ان فعلا فيني مرض غيرة وامتلاك زوجي

اغار على زوجي من اهله وبالذات اخواته واخاف هالشيء يفرق بيني وبين زوجي لاسمح الله .. والمشكلة زوجي مو متفهم هالشيء ويقول اني فيني مرض نفسي اسمه عدم الثقة في النفس..

اللي صار ان زوجي يبي يسافر بكره لاهله عنده شعل .. وبيقابل اخوه الكبير لانهىماالتقى فيه ايام العيد لانه كان مسافر .. وقالي انه بيشتري شاشة تلفزيون لاخته .. تضايقت مرة .. وقلت له يعني مافي الا انت من اخوانك تودي وتجيب وحتى الطلعات مافي الا انت تطلعهم .. اخدم اخواتك بس كذا كأنك متزوجهم معي يشاركوني كل شيء فيك.. قال من ابسط حقوقهم علي.. قلت فعلا وهم اخواتك بالنهاية ولا انا مالي قيمة عندك(لاني انقهرت من كلمته من ابسط حقوقهم).. قال انتي فيك مرض نفسي اسمه عدم الثقة في النفس.. قلت تنت زوجي واللي اشكي له ويسمعني بدل ماتحتويني وتقدرني تقول انتي فيك مرض..قال من جد في ايش قصرت عليك او اهنتك .. قلت بالعكس ماعمرك قصرت بشيء .. قال انتي لك مكانه واخواتي واهلي لهم مكانه ومااحد بياخذ مكان احد .. قلت له فعلا وانا اللي فيني مرض اسمه حبك والغيرة عليك ورغبتني تكون لي انا لوحدي وهالشيء بيتعبنا كثير ..


ابي اعرف كيف اغير نفسي ؟؟ كيف اعيش لنفسي انا ومااظل اجري ورى زوجي واخلي حبه وغيرتي عليه تتعبني وتخرب حياتي معه؟؟؟

ساعدوني

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

المشكلة حاولت اصلح الموضوع مع زوجي بكلام حلو ودلع بس للاسف مايرد علي ..

حتى وصلني لبيت اهلي ولانطق ولا كلمة .. الظاهر انه مل مني خلاص!!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وعليكم السلام

احبه كيف تشوفين حياتك بعد مشاكلكم الاخيره وبعد مااقترحنا عليك الحلول
وحاولنا نعلمك اخطائك
تحسين نفسك تغيرتي ... تحسين حياتك للافضل


زوجك يحبك وحبه لك غير عن حبه لااهله وقاله لك انتي غير عنهم !!
علاقتك فيه غيير وعلاقتهم فييه غيير

وحطي ببالك انتي الوحيده الي عايشه معاه وتشاركينه اسراره واحزانه وافراحه

انتم متشاركين نفس البيت ونفس الحياه ووووووو
انتي اختياره ورغبته وانتي حبه وانتي من يترجم لها الحب

وانتي ماشاء الله تحبينهم وعلاقتك فيهم حلوه واكييد ماجات هذه العلاقه الا وانتي شايفه احسانهم

حطي ببالك الزوج ماينسى كيف تتعامل الزوجه مع اهله
حتى لو تحبهم بس ماتحب انه يساعدهم

لو كان بشكل يومي صح معك حق بس بالشهرين اربع ايام
تخيلي ستين يوم لك منها 56 يوم معك واربع ايام مع اهله

بعضهم تمر بظروف سيئه مع زوجها ويشوف اخته تحت ضغط ويخفف عنها او يساعدها

ان شاء الله مو خلاص
بس ليه فاتحتيه بغيرتك ... ليه تفتحين موضوع ممكن ينكد ع زوجك

ع فكره مشكلتك مو بس الغيره حتى كلامك غلط اختيارك للموضوع وتضخيمه مشكله

الحمدلله أحس إني تغيرت بعد المشاكل اللي صارت وكتبتها هنا واستفدت منكم .. بهالشهر اكتسبت خبره مااكتسبتها في فترة زواجي كلها..

بالنسبة للغيرة فهي فعلا مشكلة وأنا فاتحت زوجي عشان يتفهم ومايظن انه كره في أهله بحد ذاته .. أنا احتاج فعلا لدروس عشان اتجاوز هالمشكلة لان زوجي بدأ فعلا يتملل من مشاكلنا الكثيرة ،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه تحتاجين تمارين في الصبر ... لو كنتي تمتلكين قليل من الصبر واجلتي الحديث في هذا الموضوع

وبعد ساعتين راح تبرد وترجعين تفكرين فيها تقولين ماتستاهل ليش اخرب حياتي ع شي مو من حقي ازعل عليه

وبعد ساعتين يكون هو مسافر ومبسوط منك وانتي بردتي وارتحتي وراجعتي نفسك

بس تكلمتي والحين ندمتي وهو سافر زعلان ... احبه الحمدلله اهتمامه. بااهله واخواته
ولا ببنات حرام وعلاقات ويروح تعبه وجهده وماله بالوجه الغلط

انتي وقفتي مع اهلك وقت حاجتهم بالرغم عند اخوان ورجال يعني ممكن اهلك يستعينون فيهم وش معنى انتي
نفس زوجك قلتي عنده اخوان ليش مايخدموهم وش معنى زوجي

نفس الشي

زوجك لما قالك ماعندك ثقه بنفسك لان الحب والامتلاك مايجي بالقوه
ولاتجي بالمال ... مهما دفعنا وبذلنا

الحب مشاعر وايثار وعطاء وبذل وتنازل وتفاهم وتغاضي

فعلا احتاج تمارين في الصبر ،، واحتاج اشغل نفسي عن زوجي لاني احسه محور حياتي كلها .. تصدقين حتى الواتس اشوفه متى اخر ظهور .. واقول في نفسي طيب توه قبل شوي اخر ظهور ليش مايراسلني .. واذا شفته متصل اتضايق .. مااعرف احس فيني مرض اسمه حبه..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

كويس انتي اصلا عارفه الي تسوينه غلط .. الي فيك حب امتلاك والدرجات تبعه الحب المفرط والغيره وووو
بس ع فكره هو شعور سيء وان شاء الله راح تتخلصين منه اذا ماكان طبع من الصغر فيك وانتي اعلم بنفسك

اختي تاكدي ان زوجك وصل لمرحلة الاختناق وان شاء الله ماوصل لها

لابد تنشغلين عنه اشتركي بنادي افضل لك وتغيير جو لك ... زوري صحباتك جمعيهم بالبيت عندك اعزمي اخوانك وتقربي منهم بس بدون مبالغه عزيمه اخت عاديه مع حسن استقبال وضيافه

اقرائي كثير في تطوير الذات والثقه بالنفس ... مايقصد زوجك انتي مو واثقه انك غيير عنهم مو واثقه بنفسك ان حبك غيير انا لاحظت فعلا اخر مشكله لما رحتي تعلمين اخته

عرفت انك غيرانه منهم ومو مرتاحه بطلعتهم معاه للحديقه وكنوع من التخريب عليهم انتصار لحبك وغيرتك عليه

بامكانك انقاذ حياتك الزوجيه او خسارته وان شاء الله تنجحين

انتي عندك اهلك واهتميتي فيهم وتزعلين لو رفض ممكن هو كمان يغار وزعلتي
طيب طبيعي بيزعل اذا ماتبغيه يهتم بااهله
الزوج مايبي يحس ان زوجته عائق امام علاقته باهله وماشاء الله علاقة زوجك جيده معهم وتدل ع طيبته ومتوسط معاهم

يعني مو معطيهم كل وقته وماله وانتي هاملك لا معتدل قايم فيك وواجباته واهله باعتدال

احبه ممكن اذا تعذر الحمل في الوقت الراهن ان تتبني طفل حديث الولاده تعيشي معاه الامومه من لحظتها

ويملا عليك حياتك

اصلا بعد مرور خمس سنوات يكون انتهى المنعطف الصعب الخطير بااي حياه زوجيه
خمس سنوات الاولى هي الاصعب في الحياه الزوجيه من حيث التفاهم والانسجام والخفه من حدة المشاكل والغيره


في كل تصرف لك بادلي الادوار بينك وبين زوجك

تصرفي بعدم التعجل واعطي الامور وقت وحقها من الوقت حتى تنضج تماما

هل لديك صديقات ؟؟

نعم عندي بس ماأزورهم ولايزوروني .. هم يتجمعون بين فترة وفترة بس ماكنت اتجمع معهم .. تصدقين البارح انتبهت لهالنقطة لدرجة قلت لاختي نفسي اتجمع مع صديقاتي .. تدرين وش ردها!! استغربت مرة قالت غريبة مع اني كم مرة سألتك ليش ماتتجمون انتي وصديقاتك قلتي ماتحبي

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه اتمنى تكوني بخيير .. كيفك اليوم ؟؟

عزيزتي احبه اجعلي الآن جُل اهتمامك الإنجاب الوقت يمضي ياصديقتي وتحتاجين من يزين حياتكـ

غاليتي وش سويتي عشان الانجاب خطواتك للعلاج ماهي اذا امكن لان بانجابك ستتغيير حياتك الى الاروع

بالنسبه لصديقاتك جاراتك انصحك وبقووه ان تختلطي .. وزوجك اعطيه حبك وعشقك واهتمامك ولكن لاتضيقي عليه

انشغلي بتنسيق منزلك واضافة اكسسورات له والانشغال في تجديد حياتكما
تدرين احبه بين فتره او كل كم شهر اغيير اواني اكلنا واجيب كاسات جدد وصحون جديده وملاعق شكل غيير

اغيير الوان مفرش غرفتي واضيف اكسسورات احس حياتي تتجدد وتتغيير وانشغل عن زوجي
اول كنت اراقب ظهور الواتس واذا نزلت اهلي ع اعصابي مابيه يفارقني واحاول اشغله فيني مرره تعبانه مرره اغراض البيت كل يوم اجيب جزء انا وزوجي مرره نطلع نغيير جو ومرات اخلق جو حلوو قهوه وحركات وعشاء اي شي ... بس المهم

مايطلع ولا يروح اصحابه واذا راح يوم بالاسبوع ويكون خميس والجمعه اخذ حق يوم الخميس اضعاف حسيت اني اظلمه
بس كنت اتحجج اني اخاف عليه ... بس انا اختنقت وهو صارحني حسيت فعلاً اني اطارد خلف السراب

احبه الحياه جمييله وجمالها لما نرسمها بالالوان سعاده وصداقات وحب الناس وقيامنا بواجبتنا اتجاه احبابنا
نسعد من يسعدنا

مشكلة الغيره الي فيك وقتيييه واذا تغييرت ظروفك اختفى نصفها

ارجو قبول اعتذاري

في امان الله